緊張任務

文章日期：06/21/2009 12:39 am

2項好緊張既任務終於o係呢2日完成 ^0^
19號係我地既倒數一周年, 亦係預定公開既日子, o係主blog公開後, 得到好多識既唔識既, 傾過未傾過, 見過未見過既blog友祝福 ^^ 多謝各位 ^^
其實幾驚咁會為佢帶黎壓力
我同佢話, 公開左喇, 唔好唔娶我呀, 好瘀架XD



同時佢o係fb post左呢個傑作 ^3^  而我亦將我地既關係亦悄悄改成engaged :p 不過發現既人唔多~
得倒咁多祝福, 好開心, 尤其"今朝一開blog就見到你呢個消息.....雖然大家都未見過面....但都好想好想....祝你永遠同你另一半.....開心快樂......" 同"恭喜晒妳呀,本來而定好熱冇乜MOOD, 睇到妳呢段喜訊都精神晒,好戥妳開心呢!!" 2位都係素未謀面既朋友, 我都感覺倒佢地由心替我高興, 好多謝大家, 本身識得既朋友更加唔在講啦 ^0^
之前亦已經有好幾位blog友出手相助, 化妝, 影相, 小食, 結婚蛋糕, 得倒各位鼎力相助, 感激不盡!
＊　　　＊　　　＊　　　＊　　　＊　　　＊　　　＊　　　＊　　　＊
另一項重要工程係今日終於同老豆見面, 本來驚佢會對婚禮有要求, 男友話佢食好住好, 寶貝女出嫁, 驚佢會有要求, 要擺酒之類, 幸好佢只係著眼o係一點, 就係買樓!
我話唸住結左先儲首期, 佢問我香港一層7百幾呎既樓要幾錢, 話睇下可以幫倒我地幾多, 出年年頭買返層，租好唔抵! 我都覺~ o係度住左幾年不經不覺交左幾十萬租真係好唔化算…但係佢反對我地買村屋>_<
我問佢唔擺酒有冇問題，佢話最緊係你開心，呢ｄ唔緊要。
順利過左三大長老o個關喇~\^0^/ 一致決定唔擺酒!

戒指座

08年哈北之旅既戰利品

o係北京一間手信店買, 好平, 只係覺得靚, 明知冇用都買左先, 一直放o係度…^^ 依家終於有用喇~

開頭唸住整o古o臣形戒指枕, 跟住上網見倒布花花好靚, 跟住見倒人地買戒指送o個d盒又好靚, 唸起屋企有隻蛋可以用喎~而且仲係藍色襯返我地主題^^ 今日試下整個枕放入去, 大家覺得點呢?

我覺得淺左d, 可能太多棉花…簡簡單單都整左好耐… ^^"

囍餅

終於成功印上囍字印^^
不過個餅今次冇固體菜油/豬油用左牛油…麻麻地:p

《回憶的味道-港式老包餅》食譜:(8個份量)
油皮:固體菜油15g, 低粉70g, 糖漿15g, 水30g, 色素少許
酥油: 低粉90g, 固體菜油55g
餡: 蓮蓉300g
做法: 油皮及酥油各自拌勻搓成柔軟麵糰分成8份, 將油皮麵糰按扁, 包著酥油, 用木棒碌長, 捲起, 轉90度擀薄, 左右向中間褶成3層, 按壓成酥皮, 包餡搓圓, 180度焗25-30分鐘。

熱風槍+凸字粉

為左整利是封~~終於買左熱風槍喇~^0^
仲有金銀透明凸字粉, 透明凸字印台, 凸字筆, 一pack紅色利是封, 一疊書簽仔試玩, 買返一個之前唔見左又好好用既深啡印台, 一個紅印台同一個深啡印布印台, 仲有一支洗印水。
其實好耐之前已經想買, 又驚買左冇咩用, 於是問人借左一SET返黎, 第一晚玩過之後玩唔掂…一吹就散=0= 結果等大家一齊黎我度玩過一次先知原來要睇張紙索唔索水…="=
同埋一路未唸倒整咩好, 我地張邀請卡只係POSTCARD唔知可以點用…直至唸倒可以用黎整利是封~~~同埋見倒昊整得咁靚~~~挑起我條癮呀!!
等左2日! 今日放工仆倒去買^0^

利是封~

實物立體D
信封本身有橫紋, D字影相睇唔倒凸起:P

名字絲帶(收貨)

收倒貨喇~ 最後揀左A款最簡單既字型, 另外我自己仲訂左一款平時整伴手禮用^^
就咁睇相都幾靚, 其實實物偏紫…好失望呀…T_T 另一條就好靚~~

咁多人問, 我POST出黎啦XD
http://www.label-bee.com/silk.html $7/Y, 10Y起 金/銀字,
選字形後send個font file俾佢地,
佢地會做草稿給你批核才會做貨.
可以選2款字形俾佢地做稿

利是封印

紅色紙褶成方形利是封, 用無色印台印上袁黃聯婚後, 灑上粉色凸字粉, 再用熱風機吹起!

不過仲未買印台, 金粉同熱風機…:P

印仔亦雕得唔好, 線條唔夠平滑筆直, 仲崩左一忽><(以下係第一次失敗之印)

pre-wedding by friend

話說我地一早已經唸住搵朋友幫手影pre-wedding, 有2位比較熟既我地已經打左佢地主意XD 今日有另一位影開人像既朋友主動話幫我影 ^0^ 真係好~

可惜要買左婚紗先可以影, 而且依家天氣亦太熱, 肥又未減, 大約十一月先會影
佢已經問定我想去邊度影
我幾鍾意粉藍小屋, 不過佢話o係迪欣湖, 去其他景點唔方便
我本身都有d心儀既景點既, 首選中環既呢一度~仲有石澳既呢一度
夜景方面, 唔想影中環既名店, 朋友話TST既前水警總部大樓可以考慮, 不過聽講遲下唔俾影相…/.\唔知我等唔等倒…
佢又提議可以問朋友借影樓~*0* cool~

好開心~可以將rm等埋一邊先喇XD 唔知佢識唔識教我擺POSE呢@@ 呢個係最大問題啊…

化妝DIY

極少化妝既我o係06年化過2次…一次去影相, 一次做姊妹

呢張係影相既, 痴左雙眼皮膠紙, 好似仲有d胭脂同嘴膏?唔係好記得…

呢次係做姊妹之前o個晚自己o係屋企試妝…好似用左粉紅色定綠色眼影呢?唔係好記得…

呢幅係做姊妹當日下晝set完頭, 其實我覺得自己set個頭好d…夜晚冇咁鬆散…

呢個就係朝早自己set既頭

對比上次試妝呢2個妝好似自己化o個d順眼d, 可能冇咁大轉變(不過做完姊妹當晚男友都係話唔認得我…)係咪真係less is more呢?

但係唔知點解我依家化唔返…近月自己o係屋企化o個幾次都好嚇人…= =

619 cookies

其實只係因為剩左少少, 搓個數字o係上面^^
不過到時既首選回禮曲奇會用呢個食譜

cupcakes no.3 (翻糖)

花生醬夾心muffin, 面層蓋上一層由棉花糖造成的翻糖, 再用同一材料造出數字及蝴蝶結

icing cookies

買左一個1字同9字(或者6字)模就砌倒我地既大日子^^ 買多1個2年同0字就可以砌埋年份喇XD
買呢2個模只係想整呢條banner XD 幾無聊!! 估唔到咁難印, 個模上晒粉都好難甩…整左好多個先有幾個OK…一D焗之前變左形, 一D焗完斷左=0=
結婚蛋糕模可以用黎做回禮曲奇
今次呢個印模曲奇食譜大概會係到時回禮曲奇既食譜~來自vanlily, 之前用黎整過玻璃曲奇, 幾好食^^
ps 遇上難題, 換左個大少少既寫字嘴, 都係成日塞…

cupcakes no.2

今次試蛋白糖霜裝飾, 入面係檸檬果醬muffin
icing太瀉太稀, 要整杰d, 可能加多d糖?

cupcake

初試杯子蛋糕
整左4杯牛油蛋糕, 加cream cheese裝飾
男友話好好味, 我食半個已經勁飽…佢食左2個半…@@
唔知點解幅相好似好細, 其實係大杯裝^^"
食譜來自《我愛杯子蛋糕》
用左牛油蛋糕食譜(4杯份)
無鹽牛油50g用手動打蛋器打至鬆發, 分2-3次加入42g砂糖, 充分拌勻; 打散雞蛋1隻, 逐少加入拌勻, 低粉50g+發粉1/2茶匙過篩, 拌入蛋糊中, 用膠刮拌勻。180'C焗20分鐘即成。

cream cheese食譜(4杯份)
cream cheese 160g, 無鹽牛油32g, 糖32g(芝士及牛油室溫回軟, 加砂糖用打蛋器攪拌混合, 攪拌到變得光滑細緻為止。

繡球印章

除左企鵝之外, 用繡球圖案做主題都唔錯喎

企鵝新郎

新衫衫整左成日~ 個領闊左d, 不過好似個款咁, 駛唔駛改呢?

最鍾意頂帽~太細要手縫, 都整左好耐

成套衫整左成日… ^^"

合照~

婚紗仔仲未完成:p

其實我覺得唔著衫衫好睇d :p

2隻小寶貝等緊裝身~

泡芙山

原來泡芙山係法國結婚蛋糕~ 呢個都可以考慮呢~ 似乎比較易handle, 又唔怕溶, 係怕淋左:p 到時可以整多好多個泡芙仔, 或者請blog友幫手一人整d, 咁我就可以參與倒個結婚蛋糕喇 ^0^

其實舊年11月整o個時已經知佢係法國結婚蛋糕, 但係近來完全冇左回事…^^"

小B女小B仔

尋日終於o係海洋公園接左我地既小寶貝返黎喇~^0^
我地行勻海洋公園入面每一間手信店, 一隻o係山上水母館門口買, 一隻o係山下買~出生時間分別係3pm同6pm ^^
係我地企鵝B家族第一隻得倒承認既囡囡呢XD
不過邊隻係女邊隻係仔仲未得倒共識XD
我就覺得右邊o個隻係女, 左邊係仔; 男友就相反~話左邊o個隻個樣特別傻似女仔多d XD
依家小B女同小B仔呢個名係DADDY改既~ 我提議過叫阿龍同阿鳳XD
呢套係之前用靚仔B度身造既衫, 男禮好樣衰…要再做過~ 不過都影幅相留念先XD 婚紗都未完成架~ 可能都要造過~好迫:P
新寶貝著起黎真係冇阿仔著得咁怪呢

你睇佢個樣幾唔願意…XD
依家呢對小寶貝要入袋, 只有造衫時可以出黎玩下~ 要保持新淨直至大日子呢~^.^

囍

橡皮塗章III(再刻一次)

上次太細d花唔清楚, 今次試下刻個大d, 約5cm闊

而且上次o個塊膠好難用印台上色, 都係用返擦膠好d

今次用既係美芯美勞既雕刻膠

2009年5月21日

男友話似金融機構logo…>< 又幾似…=.=