曾祥風醫生

丁叮出世前係睇曾祥風醫生, 好過米米睇林翠苗~ 林醫生太cool, 曾醫生事隔兩年雖然已經冇咩印象, 不過一路睇開都冇乜野,價錢由$800加到$850(2011-2012年初), 大埔中心(sun)同佐敦都有診所, 我2間都有睇, 儀器就佐敦教靚, 亦等得教耐, 平均個幾鐘一次。每次都有開葉酸, 鈣片同維他命, 唔要冇得平~ 開幾多視乎佢叫你下次隔幾耐覆診。

 ＊　　　＊　　　＊　　　＊　　　＊　　　＊　　　＊　　　＊　　　＊
 2011/9/23
以下是fw from web
曾祥風醫生- 4D
26週之4D 超聲波

他於網上的口卑好像不錯，而且比起BABYICON又平一點，起碼BABYICON不是醫生做4D的

當然4D其實不是什麼有醫學價值的SCAN，只是把2D的US 加多一個切面再加上色彩，然後LIVE TIME咁睇到BB的MOVEMENT，就是4D了。

但對於好奇的父母來說，4D 可以早一點看到BB的樣子，真的十分有趣，不過這個趣口就值$1200大元了!!!! (我安慰自己當清楚一點看到BB有沒有兔唇)

曾醫生先睇我做了個2D US(早知今天不用看余醫生了)，說得很祥細，而且還用4D ZOOM左了BB的小咕咕呢
曾醫生還提醒我小心飲食，小心身體，非常NICE呢~~~~~

新生兒五寶(用後報告)

請教各位媽媽/準媽媽, 你地買左/準備買咩牌子型號既BB用品?咩原因令你選擇佢?

1. BB車 <<<我買左Chicco Simplicity Stroller同朋友俾既winnie the pool士的車! 由於屋企有一程小巴, 初生一直冇用車, 到4, 5個月坐時個樣悶悶不樂咁, 爸爸就抱…到6個月直頭喊唔肯坐…搬屋打算賣, 最後都留返, 好在16, 17個月忽然肯坐! 到依家都間中有用, 但就士的車用多好多, 雖然唔可以平訓, 但輕好多, 自己咩住上落巴士小巴都好輕鬆~ chicco就有6.x kg 一個人抱係仲要上小巴有難度, 多數同爸爸一齊出去, 或者去附近行倒既地方先用, 有時飲茶坐車仔唔坐bb凳都得~ 如果唔係出世前買左車, 我會買aprica架2.x kg! 當時愛嬰紡賣$2000~ 抵~同士的車差唔多重, 上落小巴冇難度, 初生又可以平訓~ good!


MaMa A. combi , 輕身, 自己同bb出街都得MaMa B. Chicco Travel system (include infant car seat). But i don't think this is suitable in HK. The stroller is pretty big.
MaMa C. Peg Perego p3 compact, 好用,  Combi 車身太少及軟, 坐唔夠4個月就要換車, 不要掛太多野, 容易反車, Chicco & Peg Perego結實好多
MaMa E. combi，車身係窄d的，如果你的係大b就唔適合 / 好快就要換車但好似子陽咁，坐到宜家都仲仲坐到，係對腳伸哂出來之嘛 XD combi 細架d，真係輕d，上落車收合都好方便我o個時真係可以單手抱住子陽單手收車 - 如果老公唔係可以成日陪你去街 - 呢個point真係好重要 :) 同埋我覺得未出世買定好D... 因為NB都成日用到車因為我唔識用揹帶 @@ 怕揹住個NB會跌，所以子陽 NB 除左抱就係訓車我揀左 combi 成個 seat 位可以訓哂o係度 - 話明適合 NB - 3歲 / 4歲的
2. highchair <<<我買左aprica 589, 朋友俾左張ikea, 最後aprica初生訓同3-6個月間中坐睇電話, 食飯只用ikea, 因為膠方便清潔, 丁叮會lam 椅背…朋友問親我都係推介ikea! 或者disney褶得o個種慳位都係好選擇!

MaMa A. combi , 普通版, 因為豪華版個箱冇咩用MaMa C. aprica 589, 真的不錯, NB 都用到, 囝囝坐得好開心
MaMa E. 其實真係張張都差唔多 @@ 如果你諗住畀他 NB 訓下晏覺的咪買可以 "平訓" 嫁囉否則唔買，訓BB床都得，等遲D大D可以坐到先買張唔使平訓的，平D ~

3. 奶樽<<<出世前買左chuchu普通同人奶嘴, 初生住院我又買左pigeon同nuk, 姑娘話佢跌磅多唔好用難啜既嘴, 屋企又食得差過醫院, 於是跟醫院買pigeon同nuk, 好煩~有時呢種食得好, 有時o個種食得好, 又試過剪大個嘴, 仲買過一款樽身有弧度既…o個隻食得最差…佢可以因為帶錯奶嘴出街, 餓到2, 3個鐘後返屋企換左嘴, 座返暖支奶先食…最終o係7個月轉返全埋身, d樽搬屋時係掉得掉, 送得送。


 MaMa A. pigeon, 老牌子, 其實想買chuchu, 不過諗落pigeon都唔差, 又平d, 其實到時阿b岩唔岩用都唔知, 所以買pigeon. and 我買玻璃的&ppsu... chuchu貴好多~ MaMa B. Dr. Brown - This is recommended by my friends. No leak and BB doesn't have much gas.
MaMa C. 我本來都打算用Chu Chu 玻璃 + 人奶咀, 但因為決定買avent 奶泵, 所以全部轉曬用avent 奶樽MaMa D. pigeon奶嘴係好易比BB啜到. 基本上吾啜D奶都會BID出黎. 所以好易食風&嘔奶. CHUCHU要啜先食到奶.食奶時間上會耐左. 但小D風&少嘔奶.我印象中我個仔好似未試過噴射式嘔法.
MaMa E. chuchu... 但其實咩牌子都唔大問題，o係市面賣得的都ok :) 但你要留意，如果你餵人奶，一時埋身一時用奶樽? bb 有機會會唔識分 "乳頭 / 奶咀" 因為奶咀係易啜好多嫁，到時他就唔肯埋身你要買d 有 "專for人奶奶咀" 的奶樽，好似 chuchu / avent 都有 ~
4. 奶泵<<<買左swing, ameda雙泵同avent手泵~ 人人話avent好用, 我覺得麻麻…swing唔夠力要邊泵邊手擠, 好快已經左手媽媽手, 有朝訓醒門都開唔倒…買左個三手ameda, 自己改裝bra做hand free, 之後對手輕鬆左一排, 點知ameda壞左, 用返swing, 今次到另一隻手中招…而我亦o係阿仔愈食愈差既情況下轉返全埋身, 但對手由於抱仔同玩電話到依家(2歲)都仲未好…

MaMa A. 想買medela freestyle... 猶豫中...MaMa B. medela - the link I show you before. Nice pump, easy to use, convenient, and can pump 2 breast at the same time, but you may mind the motor noise when you are pumping.
MaMa C. medela freestyle 係個好的選擇, 我個個fd都話得medela 同 avent 有用, 不過貴d, 如果你未知自己是否堅持到餵人奶(我都想過放棄), 我想你都係等生左先 or 選擇 medela swing, 口碑都不錯. MaMa D. 有朋友比左個2手CHUCHU奶泵, 用左幾次無用, 轉用埋身&用手. 因為無咁麻煩~  
MaMa E. 我覺得最好係 avent 手pump，好好用但後來因為我要返工 pump奶... 時間得好少 @@ 於是買左個 medela 電雙pump，都好快好方便但最好pump完，再用手"支"，會清d ~
5. 消毒奶煲(係咪其實咩牌子都冇咩所謂?<<<買左tt, ok la~ 其實真係冇所謂


MaMa A. tt, 見佢夠大又平, 雖然中國製, 但好多野都係中國製, 唔驚得咁多~ 都有睇過nuk同avent... 始終tt好似好d~ MaMa B. Avent - easy to use, and easy to clean
MaMa C. 其實, 真係冇所謂, TT 的確不錯, 但我還是買了AVENT, 因為AVENT 係大奶樽
MaMa E. TT，一來會展做緊特價，二來貪它夠大 :)

揹帶 - aprica(後記加入)

上次研究過Ergobaby, 隔左咁多日都未睇Baby Bjorn…不過我想打尖post呢款問下大家意見先~

行過荷花幾次, 見倒呢條都幾吸引, 4way, 好似好好咁, 橫又得直又得, 前又得後又得, 阿B向前又得向後又得…



但係唔係咁多人講唔知好唔好用, 所以上次去開特登影相返黎問下大家意見, 起碼有個牌子可以上網做下功課~^^ (o岩o岩上網search先知佢係aprica出!!淨係睇倒east-touch fitta=.=好似都信得過喎, 不過真係唔多評價, yblog有2位媽媽買左, 一個未用, 一個話一般, 之前o係媽媽會就有媽媽話佢試過幾舒服, 不過bb未出世)。

個價錢竟然影唔清楚…=.= 不過比上述2個牌子平, 應該>$1000, 愛嬰紡可能再平d

示範短片：http://www.youtube.com/watch?v=uCnc3ZZcBZ4


後記：借左朋友條揹帶黎用，bb1, 2個月用已經覺得好重好攰…

FW: 19週的生命

戴住戒指, 抱O係媽媽懷抱同捉住小手O個3幅好感動…能夠健康出世已經好難得, 失去米米之後, 我再懷丁叮時只想佢快D平安黎到我懷抱, 依家訓覺捉住佢小手, 摸倒佢個頭咁硬咁實在都覺得好感動…


http://www.niusnews.com/index.php/main/view/11753

火

母親Lexi

產後檢查

真係冇唸到產後檢查都可以開一篇blog…

話說產後2個月25/5被安排返健康院檢查, 度高磅重, 度血壓, check子宮收縮成點, 鴨嘴鉗睇宮頸咁。

呢2個月黎可能餵人奶關係惡露一路斷斷續續咁, 早一星期黎左3日較多, 不過又冇m咁多以為黎m, 問返姑娘都話係,點知醫生又話應該係惡露, 仲話見倒入面有一舊黑黑地既懷疑係胎衣, 轉介左我去那打素急症照一照, 於是打的過去啦, 點知原來那打素因為冇婦產所以冇得照, 轉介我過威院, 點知威院冇位…要等佢有位再搵白車車我過去…

11點健康院檢查到1點, 1點過那打素等到6點先過威院, 第一次坐白車, 原來同電視既一樣…而那打素既急症室亦同on call36小時既差唔多, 廣華就好唔同。3個救護員護送我過去…問我駛唔駛訓…我根本都冇不適…過到威院, 又等人接我上房, 黎到問我駛唔駛輪椅…上到房見完姑娘就等醫生檢查, 但負責照o個位醫生做緊手術, 於是又等到4, 5個鐘先到我…照完已經11點幾, 醫生叫我留埋小便可以走, 點知等左2個鐘先有貨…

一黎到就話禁飲食…本身已經渴…好在o係白車上飲左幾啖水…到11點叫我去左2次廁所先照, 點知照完就話留小便…邊有貨呀…飲左好多杯水都要等到凌晨一點先有得留…終於走得…第一次半夜o係醫院走黎走去…仲要係又大又陌生既威院…真係好大…幾座…地下又冇線…好在新淨…冇人都唔太恐怖…

講返個檢查, 黎到俾第一個醫院用鴨嘴鉗睇已經話睇唔倒有野…到照之前醫生再睇都話唔見…超聲波照都話好乾淨…搞咩等左成日…好在老公冇返工幫手睇住丁叮…而冇事空等都比有事好…虛驚一場…最後都開左7日抗生素過我(可照餵人奶), 抽左分泌同留小便化驗, 呢幾日都收唔倒電話, 應該冇事

估唔到我都幾好耐性, 由11點搞到半夜1點幾, 又估唔到打的返屋企咁快, 幾個字就到, 仲拎左2支媽媽奶俾丁叮做手信~

第一次o係公廁擠奶, 第一次直接擠落大口仔…谷到爆…總共擠左3次, 先o係婦科病房問姑娘借倒個泵同樽~泵奶同睇育兒書(好在帶左)令我時間冇咁難過…冇唸住出黎咁耐所以都冇帶多舊電…去到威院就關機留返d電打電話…呢度有d姑娘同姐姐都幾好, 主動幫忙, 不過有d都幾惡…

唔知點解要住細房(雙人房), 開頭叫我去20號床, 大房(其實冇房, 似廣華兒科)打通晒, 一排16人, d簾又唔方便拉…可能我要檢查下身所以入細房, 另一位病人當晚出院所以得返我一個, 唔係泵奶就會嘈住人, 個泵勁嘈…但比swing舒服~佢地幫我冰左一支, 我再泵多半支帶走, 個樽唔駛還~原來醫院既pigeon嘴同我地街買既唔一樣個喎~入而有2條坑

返到屋企丁叮仲未沖涼~婆婆想同佢沖點知佢喊, 唔知係咪想等媽媽返黎同佢沖呢?爹爹單拖對住佢15個鐘都ok喎~除左成日唔記得換片, 以為佢唔知喊乜之外~總算順順利利平平安安~^^

做左媽媽心態真係唔同d, 醫生話如果惡露唔清可能要刮宮, 舊年小產又係話排唔清的話要刮宮, o個時就比今次緊張好多, 今次其實一d都唔擔心, 可能生過仔, 對入手術室都冇咁恐懼, 經歷過陣痛同生產, 真係好多野都唔怕。放鴨嘴鉗時鉤起我生仔既回憶…健康院個靚女醫生放一d都唔痛, 威院一男一女醫生放都痛…><不過相比陣痛又頓時覺得小意思…

第一次自己辦理出入院手續, 第一次探病時間冇人探我, 姑娘叫我不如留o係度訓一晚, 咁夜又冇人接驚我辛苦, 不過屋企2個大小寶貝等緊我, 而我o係醫院亦唔方訓得著~

呢日o係健康院亦順便做埋抹片, 今日收倒電話嚇得我, 原來話我地址寫得唔清楚…由於上一次做已經係09年既事, 所以出年又要做過, 之後就3年一次

20小時陣痛之旅

話說我23/3朝早已經見紅陣痛, 不過當時痛下唔痛, 而且只係好似m痛咁, 老公聽倒好緊張, 工都唔敢返, 我沖左個涼, 嗌麥記返黎, 一路睇戲一路食, 點知下晝就唔痛喇…=.=
當時既status係:依家每次一痛就會笑笑口咁話:「痛喇痛喇」好少可痛得咁開心…可唔可以痛多d密d呀XD(真係黎料時就知味道:P)
點知到5點幾仲o係度等運到…
夜晚仲o係度唸去唔去老爺度等, 有咩入院都快, 最後都係留o係屋企, 一路同丁叮講唔好穿水住, 入左院先, 又聽講d水流乾生會好痛, 所以叫丁叮唔好穿水住, 點知入左院後就想佢快d穿…最後我都係唔知幾時穿水既…=.=
終於半夜痛醒! 十分鐘倒痛一次, 好似m痛咁, 以為2, 3點唸住有排捱, 點知一睇鐘已經5點幾, 太好了!!原來老公都訓唔著, 於是天光就起身出發~

7點幾去到廣華, 當時已經7-8分鐘痛一次, 每次十幾秒倒, 入到待產房check宮頸開得5分…=口=我唸即係半度…o my god~~~~~
轉左我上產前房…聽日先再同我check…(唔係馬…)

出發前食左芝麻方包, 尿糖超晒標…繼續食糖尿餐…但我發覺比正常餐好似係多左個橙同梳打餅

下晝已經4-6分鐘痛一次, 第一次用手機個胎動app居然係愛黎數陣痛…>< 當時都有出去行下, 不過一痛就要停…行兩行又返房坐下訓下…
冇幾耐有舊同學黎探我, 佢係樓下既姑娘, 黎到仲話我個樣唔似痛=.=佢生左2件, 話2個都好快, 一個鐘就搞掂…><
當時我只係想快d有人同我CHECK度數…幾經辛苦搵倒個好人姑娘同我check, 點知得一度…到左5點老公黎到不過未入得黎…我出去同佢行下, 不過都係唔行我耐, 行下停下咁, 嗌晒救命…差唔多6點我已經痛到喊…其實除左痛, 仲因為睇唔倒岸…呢種感覺好難受…咁痛都係一度…之後仲有幾耐幾痛呀…T_T
6點入得去就同老公入去, 亦都係食飯時間, 痛到完全唔想食, 有個似係高級護士既人黎到見我咁痛唸住快喇, 點知CHECK完都係1度…T口T 佢叫老公餵我食, 點都要食晒D飯佢, 我一路喊一路痛一路食下停下, 原本想問佢有冇咩止痛, 點知佢話1-3度係靠深呼吸…>口< 老公就一路叫我吸~~~~到盡, 慢慢呼~~~~~到盡咁, 3下吸呼就痛完一轉…隔3分鐘又痛過…一餐飯食左勁耐…
隔離床D人望同D家人朋友談笑風生, 我就喊晒口咁食飯…老公話可以代我痛就好, 佢唔怕痛…我原本都自命唔怕痛, 經過今次先知自己原本咁怕痛…8點後老公要出返去, 得返我自己O係房, 隔離床黎左3位媽媽, 2個遲過我入黎, 其中2個先後穿水可以落待產房…點解我仲唔穿水架…:( 姑娘話一係夠3度, 一係穿水就可以落去
十點幾O個陣出左去搵老公, 呢個時候我同自己講, 愈痛開愈快~~又繼續深呼吸鼓勵自己, 入去再CHECK…都係1度…絕望到爆…打俾老公同佢講, 你駛唔駛返屋企訓陣呀…丁叮係咪唔錫我呀…:(點解咁痛都係得一度…
半夜11點幾, 3個媽媽O係度呻吟, 佢地2個只係細細聲, 我已經頂唔順…痛O個陣唔再係細細聲哼哼聲…典晒咁…就係呢個時候發現自己原本比其他媽媽怕痛…:(D姑娘又成日問你幾耐痛一次, 痛到咁仲要數…>_<
到左點幾, "冷"左出去搵老公, 佢挨住D椅訓, 我唔知好唔好再叫姑娘同我CheCK, 好驚再CHECK都係1度…入去去完個廁所(好在房有廁所…)上返床跪左)O係度, 姑娘見倒就入黎同我CHECK, 3度!!!終於3度喇!!!姑娘話:「死啦…你3度都痛成咁…」有得落待產房我咩都唔理喇!!落到去有氣聞喇!!雖然唔知有冇用, 不過都叫有希望!!
叫左阿姐推輪椅黎, 叫我執定野, 我其實已經執好, 見隔離穿水時我已經執定, 帶2塊M巾一塊片入待產房就就OK, 其餘一大袋同你鎖起佢, 坐上輪椅之後就攬住成袋野同外套等, 不過O係輪椅黎到既時候, 姑娘話等陣, check埋對面床O個位媽媽先睇下邊個急D!!
唔係馬！！！！！！
跟住仲要話佢落去先！
下？？？？？
我自然嗌大聲Ｄ…佢就俾我落去先…叫阿姐轉頭上黎接埋對面床O個位媽媽
出到去見倒老公, 佢同我地一齊搭lift落去待產房, 入到去就問我駛唔駛去廁所, 上床駁機冇得去, 我話我剛去完先落黎, 今次訓O係朝早入院張床對面, 當時見倒位媽媽細聲呻吟, 佢應該差唔多生得落黎, 到我落黎先識佩服佢!我已經冇可能輕聲, 又唔係嗌晒O個隻, 不過一痛起黎就好似急屎咁, 6點O係產前房時姑娘已經話急屎就係, 開頭似急尿, 我一路都冇急尿既感覺, 急尿就好似一直都有…但我下晝已去左, 所以知道冇貨, 入到待產房, 姑娘話我係2, 3分鐘痛一次, 不過只係好輕微既宮縮…
我都唔理得咁多, 有氣聞就勁索, 一痛就索, 唔痛就停…由產前房一路俾人問係咪成個肚痛, 但我一直只係M痛, 肚底痛, 佢地就話未有耐, 而且呢D未係真係痛…=口= 又一次絕望…唔係呀馬…
聞住氣, 只係聽倒周圍好亂好多人, 隔離個媽媽好似4度先落黎, 唔知係咪之前我對面床O個位, 間中有姑娘行埋黎, 同埋叫我唔好典, 會碌落床…我記得當時腰都有D痛, 打側身向後拗, 呢個時候仲要你數胎動, 話數唔倒唔生得住, 但我真係完全感覺唔倒!!有個野俾你握住按掣, 我係一次都冇按過…後尾仲放低左…

CHECK完3, 4度, 突然feel倒有水湧出黎, 話俾姑娘知穿水, 點知佢睇完話冇…只係見紅…一灘血…嗚…仲唔穿…好失望呀…
突然有人埋黎問我想唔想快D生, 話有人等床位, 緊係想啦!!我一早已經想你同我催生, 不知幾後悔冇22號入院(原本醫生約我22, 我未有心理準備會O係EDD前催生, 於是約左25/3, 點知24/3就作動…)同我人手穿水快D生都好丫!我估就係呢個時候同我穿左水, 而我係完全冇印象…而3, 4度之後亦冇印象有人同我檢查開左幾多度, 我既印象只係去到3, 4度之後就話生得…中間發生咩事完全唔知…有人話笑氣冇用, 但我聞左時間就易過好多

之後又有話我屙左好多血, 知我好急, 跟住連人帶床推左我過產房! 隱約見倒斜對面床O個位媽媽好似係之前我隔離床穿水一早落左黎O個位媽媽, 我入黎時都留意倒佢, 原來穿水先都冇咩SO…
未入產房前有人問我老公陪唔陪產, 駛唔駛打俾佢, 我話佢O係門口, 佢話咁我唔打架喇, 之後老公話我知佢有唸過返屋企訓陣或者去麥記恰恰, 估唔到咁快, 原來我入左待產房只係2個鐘倒就入產房! 佢當時剛搵倒個比較舒服既位訓, 跟住就嗌佢, 佢入到黎都好迷, 而見倒我亦似乎聞氣聞到好迷…其實我完全聽倒姑娘講野, 老公都話姑娘既指示我好有反應, 叫我合埋口, 唔痛就休息, 痛就用力, 有時又叫我用力握手柄, 助產士開頭話都有少少位試下生先, 之後話同我開大左少少要聯針, 由老公入黎十分鐘倒就聽倒丁叮喊, 當時感覺係, 好好聽, 同埋, 佢唔係啞架XD 同時見倒老公眼濕濕, 而我自己果然一如所料係冇喊既, 痛到唔識感動…只係有終於完成任務鬆一口氣既感覺…
姑娘略略清潔就抱丁叮伏O係我身上, 玩到成口口水波…應該係吐返D胎水, 之後隔離有人要生, 老公就要出返去, 跟住同我聯針, 俾個笑氣罩我有需要就聞, 不過佢其實有打麻醉針, FEEL倒拉扯不過唔痛, O係產前房第一次種豆都唔痛, 到生O個刻都唔痛, 最痛應該係三度之後入去聞氣, 不過最難捱係入院後O個18個鐘既1度…
3度之後其實好幸運, 冇人叫我忍住唔好屙, O係產前房都係一路急一路屙, 唔怪得細個阿媽話係屙我出黎…個感覺真係好似…
聯完針之後助產士一路同你講唔好食薑醋, 補品之類住, 講左2次, 不過我唔記得有邊幾樣唔好食…只記得自己問左佢薑飯得唔得, 佢都話唔好, 3, 4個星期後清左惡露先。
聯完針之後O係產房攤左大半個鐘, 大約5點有人黎同我過床, 其實係拍張床O係隔離, 自己褪過去, 丁叮磅重度高度頭圍打針之後抱返黎你身邊, 一齊上房, 出去嗌返老公幫手拎野, 上到去又過床, 安頓好, 老公餵水, 傾幾句之後就要走, 我入房先之後老公後到, 老公黎到唔見丁叮, 我話俾人擄走左…話6個鐘後落得床先俾返我…點知6點幾就俾我餵奶…我5點幾先上房…:P
而老公就返左屋企休息休息, 我反而好精神, O係產房成個鐘都眼光光, 聽隔離房生仔同講野, 之後7點食早餐, 8點巡房, 10點前要小便(6個鐘頭內)所以生完要係咁飲水, 同埋其實都好渴, 我飲左2壺…第一次去左400ML…
生仔記講到呢度~遲D再分享醫院連餵5小時奶冇覺好訓湊仔記~

FW: 通草奶

通草奶
------
食人奶長大的BB，身體健康，少染疾病。婦女產後，體虛兼缺乳汁，可飲用通草奶補血氣。增乳汁，做個快樂媽咪。

材料 ：
　通草　3錢 (我每次用手拿一撮, 我估我落得少過三錢)
　鮮奶　1杯
調味料 ：
　白糖　1茶匙(撥平匙面)

(1) 先將通草內的雜質揀去。
(2) 用水洗淨通草。
(3) 將鮮奶放入煲中，加入通草煮滾，再放入白糖即成。

通草奶
通草奶製作簡單方便，即可補氣血、增乳汁，又可當日常飲料飲用，一舉兩得。

通草在藥材舖有售，每兩3元。(不過農曆年前我家附近的藥材舖加價至8元一兩!!!)

第二階段清胎毒

踏入九個月, 終於實行第二階段清胎毒~

36w當日早上就煲左白蓮鬚+葡萄乾, 聽講後者飲左阿B唔會黃~各買左一兩, 分4次煲, 可能加左葡萄乾既關係, 唔駛落糖都甜甜地, 完全唔難飲~



尋晚煲埋綠豆沙~ 一大煲落左1/3片片糖, 都幾淡:P

情緒失控

早排出過一篇名為「風涼話」既網誌，其實自己知道係好少事，不過就好受刺激，好炆，仲喊；剛過去既星期一又有類似既事件發生，同樣係好少事鬧到好大，我仲除左件羽絨掉左o係酒樓（當晚著住羽絨等車都覺凍，之後可能太激氣，唔著褸行返同一條路完全唔凍），一支箭標左返屋企，估唔到事隔幾日，又再為同一件事嘈，情緒又好波動，又喊…老公抱抱，原來已經唔喊，摸摸丁叮，眼淚又流落黎…o個刻只係想喊，已經唔關之前同阿媽嘈既內容。或者內容已經唔係重點，只怕坐月成個月對住阿媽，唔知又有ｄ咩刺激倒我，又會失控…引發產後抑鬱，情況可大可小…

原本想請陪月，阿媽話佢廿四小時唔好過陪月o個八個鐘？仲有唔夠一個月就生，相信到時已經冇事，不過唔知會唔會有咩新衝擊；尋晚唸，如果阿媽唔同我坐月，或者比到時o係度激我還好，最多冇人幫我補身，好過情緒再受刺激…我相信初為人母，心情愉快比坐月補身重要。

返埋今日就放假喇，但係成個星期心情都唔好，係天氣問題？阿媽問題？

好彩有老公o係身邊，同埋嘈吵既對象唔係佢…喊既時候有人抱抱安慰

老公話今晚出去食飯慶祝last day，開開心心迎接悠長假期～^^

廣華超聲波+驗B鍊

第2次o係廣華照, 之前結構照倒有d野要跟進, 廣華本來話同我照, 跟住見我返私家就話龔醫生好可靠, 唔駛再照, 我個私家又話我廣華生要返廣華照, 跟住我又同廣華講我唔返龔醫生照, 終於安排左今日同我照, 遇返第一次話同我照o個位醫生, 點知佢話係因為妊娠糖尿所以照…但都有同我睇埋其他, 佢好快手度好晒之後就另隻mon過黎俾我睇, 叫埋老公過黎一齊睇, 好詳細講解~(雖然佢講野好lur, 語氣好搞笑…XD不過佢真係好唔錯, 上次已經覺得佢細心又好人, 有問必答)仲俾我地睇埋丁叮個樣, 同22WO係私家照2D時一樣一個正面既豬樣XD 豬嘴豬鼻(爹爹話似我…)姿勢同上星期一樣, 頭O係下面, 左邊背脊, 手腳o係右邊, 成日踢我右腰~!
今日度倒2.5kg, 即係有5.5磅重!! 一星期前o係龔醫生度只係4lbs9oz, 即係4.5磅多d, 今次期望佢有5磅, 居然有5.5磅!! 叻仔! 今個星期其實都唔多夠訓, 趕左一星期工, 星期六日又返工時間就醒左訓唔返, 星期六仲2點幾先訓著, 丁叮居然重左咁多~而我呢個星期冇重過~^^

呢次超聱波大約等左十個字, 跟住過徐展堂等見醫生, 等左個半鐘有多…又係1點先入房, 好在呢個醫生雖然趕, 不過咩都做齊晒, 同第二次產檢遇倒o個位超hea女醫生真係冇得比~! 雖然照左不過循列都摸下肚, 度下大細, size正常, 血糖紀錄唔錯, 醫生話冇咩事都唔駛提早催生可以等到40w(原來糖尿可能影響阿b過大要提早催生), 摸完肚話落左少少盆(朝早照完都話未落…), 呢個周數正常(佢計我36w2)其實我自己覺得落左, 最近下面有d吉吉下咁, 不過落左未我都唔擔心, 調左頭就ok~

今日驗埋b鍊, 係用一支好長既棉花棒撩陰道同肛門分泌, 陰道唔痛, 肛門痛到我ss聲…>皿<不過比用鴨嘴鉗好~係由一位資深姑娘帶住一位(估計係)實習姑娘做既, 其實o個位實習姑娘只係企側邊睇住, 資深姑娘再講解, 呢位姑娘好好, 我已經第4次見佢, 有3次係覆診, 1次聽分娩的認識由佢負責演講, 佢見我ss聲都話肛門係有少少痛…下星期返黎覆診睇報告, b鍊中左都唔會打電話通知

依家開始每星期都要返黎喇~ 希望下次唔駛等咁耐啦…2次加埋搞左成3個鐘…跟住老公趕返工, 自己一個去食左個lunch就返工~ o係火車訓左一覺…好眼訓…

返多4日就放假喇~下星期覆完診可以返屋企大覺訓喇~

FW: 產後廿八方

產後廿八方



﹝第一方﹞: 去惡露、袪風驅寒 (第1 ~ 7天)

7份-- 當歸頭4錢，白背木耳3錢，川芎3錢，桃仁3錢，炙甘草2錢，炮薑2錢。

方法 : 用清水四碗(約250c.c.一碗)浸潤藥材十五分鐘，加入米酒一碗(如餵人奶，請以清水代替米酒)放入瓦煲，用中火煎煮九十分鐘左右，再加入少許紅糖調味即可飲用。

注意 : 患有感冒者不宜。



﹝第二方﹞: 預防風寒 (第8、10、11、13、14、16、17天)

7份-- 西歸頭5錢，川芎3錢，白芍4錢，紫蘇葉3錢

方法 : 用清水四碗(約250c.c.一碗)浸潤藥材十五分鐘，加入生薑一兩(切片)、鷄心棗六至八粒及白雞或烏雞壹隻(去皮去油膏)，再將六碗清水放入瓦煲，以中火煲三小時左右成四至五飯碗，以少許幼鹽調味分兩至三餐食用。

此方除可作煲湯外，也可作燉湯，更為益補。方法是放入所述材料於燉盅或電子瓦罇內，注滿清水，隔水燉約兩小時。放入少許幼鹽調味即可佐膳飲用。

注意 : 患有感冒者可飲用，但不宜加入任何肉類。



﹝第三方﹞: 補血潤腸、暢通腸道 (第9、12、15天)

3份-- 當歸身4錢，熟地黃5錢，光南杏3錢，肉蓯蓉4錢，川芎3錢，雪蛤膏2錢，陳皮1錢。

方法 : 將另包的雪蛤膏先用三碗清水(約250c.c.一碗)隔夜浸透發開，揀去黑子和雜物，與其他已用四碗清水浸潤十五分鐘的藥材同放入瓦煲內;另加入鷄心棗六至八粒;白雞或烏雞壹隻(去皮去油膏)或豬( 展)肉約半片，再注入六碗清水，以中火煲三小時左右成四至五飯碗，以少許幼鹽調味，即可以分兩至三餐食用。

此方除可作煲湯外，也可作燉湯，更為益補。方法是放入所述材料於燉盅或電子瓦罇內，注滿清水，隔水燉約兩小時。放入少許幼鹽調味即可佐膳飲用。

注意 : 如有腸胃不適、肚瀉或感冒者不宜。



﹝第四方﹞: 壯腰補腎 (第18 ~ 24天)

7份-- 當歸頭5錢，玉竹4錢，川斷4錢，白芍4錢，杜仲5錢，杞子5錢，川芎3錢，陳皮2錢。

方法 : 用清水四碗(約250c.c.一碗)浸潤藥材十五分鐘，加入白雞或烏雞壹隻(去皮去油膏)或豬腰二副(用鹽水浸半小時，對半副開兩邊，用刀挑去血管，加入薑酒辟除腥味，如餵人奶，請以薑汁代替薑酒)，再將六碗清水放入瓦煲，以中火煲三小時左右成四至五飯碗。以少許幼鹽調味，即可以分兩至三餐佐膳飲用。

此方除可作煲湯外，也可作燉湯，更為益補。方法是放入所述材料於燉盅或電子瓦罇內，注滿清水，隔水燉約兩小時。放入少許幼鹽調味即可佐膳飲用。

注意 : 如有腸胃不適、肚瀉或感冒者不宜。



﹝第五方﹞: 大補元氣 (第25 ~ 28天)

4份-- 巴戟4錢，黨參5錢，北芪4錢，川斷3錢，白芍4錢，淮山4錢，春砂仁2錢，金狗脊5錢

方法 : 用清水四碗(約250c.c.一碗)浸潤藥材十五分鐘，加入雞心棗六至八粒;白雞或烏雞壹隻(去皮去油膏)，再將六碗清水放入瓦煲，以中火煲三小時左右成四至飯碗。以少許幼鹽調味，即可以分兩至三餐佐膳飲用。

注意 : 如喉嚨乾燥或咽痛，或患感冒者不宜。

另一兩鹿茸 , 一兩高麗參各分6包,晌最後果6日加埋落去煲.

FW: 自家坐月飲食注意

自家坐月飲食注意

會收奶: 紅棗、雞精、乳鴿, 豬潤, 淡豆豉 通常豬內藏，唔好食咁多菠菜，豆豉
多奶 食以下食物:
黑豆茶係用黎上奶用, 木瓜豆腐魚尾湯, 多飲水同奶、鱆魚湯、鱆魚蒸肉餅, 花生雞腳湯

媽咪食左此類食物後, bb會唔食d人奶的食物:
... 刺激性食物-咖哩, 蒜頭, 黑淑, 重味食物 - 洋蔥

媽咪食左此類食物後, 其人奶令到BB脹氣唔舒服:
洋蔥, 薯仔, 蕃薯, 蘿蔔, 橙、檸檬等酸性水果

人蔘, 飲雞酒這兩樣係睇個個人~
因為此2樣食左之後唔可以立即喂人奶~如果唔係BB會燥架~好麻煩






DO
1. 飲多d水，幫助分泌多d媽媽奶
2. 餵人奶期間一定要有充足既水份，因為水係製造乳液既最主要成份。其次就係要有足夠既澱粉質，
所以除左湯水重要之外，飯都係重要既。
3. 產後頭一、兩天，若用手指按壓乳暈，已有些黃色的乳汁流出來，這就是初乳。這些初乳營養豐富，
抗體最多，最適合剛出生的嬰兒飲用。假
如決定餵人奶的話，應盡早讓嬰兒吸啜（最好於產後兩小時內讓嬰兒吸啜），刺激乳汁的分泌。
4. 如果乳房脹滿，可用手輕輕按摩或用熱毛巾敷按乳房，以減輕不適，保持乳線暢通。
5. 只要每天沐浴已能保持乳房乾淨衛生，毋須特別用清水洗淨乳頭。
6. 每次餵奶前後，可擠出少許乳汁來清洗乳頭同乳暈。

*7. 在乾燥季節，乳頭容易出現乾裂情況，可擠少量乳汁塗在乳頭即可達到滋潤作用。
8.已損傷的乳頭若再與衣物磨擦，會感疼痛兼夾復原速度較慢，佩戴一個護乳乾爽罩，可以阻隔乳頭與衣物磨擦，
罩上更附有透氣小孔，保持乳頭乾爽，加快痊癒。
9. 若然出街唔記得用胸墊，感覺到想漏奶時可交叉雙手按尠乳頭15分鐘，可暫時令乳汁停止溢出。
10. 保持清潔防乳腺炎
11. 熱敷和按摩令到奶水出得暢順些，產婦宜於每次餵食後將剩餘的人奶擠出，一方面可讓下一餐有充足的奶水，
另一方面防止乳管堵塞，引致乳腺發炎。
12. 足夠的休息、營養的食物、愉快的心情，都會直接影響母乳的質量，同時間也會影響BB的成長。
13. 要保持輕鬆及愉快的心情去餵哺母乳。

*13. 要保持輕鬆及愉快的心情去餵哺母乳。
14. 湯水方面可以煲木瓜魚湯，章魚花生雞腳湯，呢兩種湯都有助上奶，而且亦有營養。
15. 要有恆心。
16. 飲黑豆茶，即是用炒過/烘過的黑豆來沖水飲，會好谷奶既。
17. 多渴水, 炒米茶(坐月期間) , 豆漿(熱), 多奶花茶。
18. 產前的乳房按摩是很重要的, 所以有時間的話, 最好每天按摩乳房數分鐘
19. 用枕頭或哺乳枕放在腰間, 把bb放在上面, 用手指托住它的頸及頭
20. bb唔好著太多衫, 因為佢都要空間郁動.

*21. bb就會將大口準備食奶 (初生bb的自然反應), 當佢個口將到最大時, 就要立即bb的口放到乳房, 將整個乳暈部分摭蓋,咁bb就會慢慢吸啜母乳. ( 如果bb嘅口只包住乳頭部分, 其實係吸食唔到架, 而且仲會咬傷乳頭, 所以要盡量蓋住乳暈部分)
22. 如果bb咬住乳頭, 我地可以用手指尾放入"Liu 一 liu" bb下頜, 等佢吸食唔到母乳後便會鬆放.
再等佢張大口後, 就可以繼續餵哺.
23. 如果bb食食下瞓著咗, 我哋可以liu吓佢腳板底, 等佢醒返再食.
24.其實初生bb個胃只有一個$5硬幣咁大, 所以唔洗食好多, 夠就ok, 初生bb既食量較少, 而餵哺次數就較多.

*25. 初生bb可以每邊乳房都餵哺約15分鐘, 咁樣可以令兩邊乳房都上到奶. 到差不多一個月後, 如果上奶情況ok的話, 可以餵哺一邊, 另一邊就泵出黎留作下一餐飲用
26. 如果不幸被BB咬傷乳頭, 不用擔心, 只需要係傷咗既乳頭上搽少少母乳, 到第二日就會好快, 可以繼續餵奶
27. bb食完奶後, 要將多餘的奶泵出, 如果唔係乳線好容易閉塞, 造成發炎.
28. 運動後90 分鐘才餵人奶
29. 餵人奶要餵密D， 初時要一日十至十二餐假如BB唔係好黃

*DON'T
1. 禁食收奶食物 : 乳鴿, 豬潤, 淡豆豉.
2. 寒涼、煎炸熱氣既食物都唔食得，會影響乳液。
3. 唔好食麥芽(如飲好立克)。
4. 不可飲烈酒
5. 不可做劇烈運動， 也不可一下子「 落磅」 太快
6. 人奶不可用明火，只可用熱水座熱。
7. 不可亂服藥
8. 餵人奶的母親應避免染髮、負離子直髮、鬈髮等，都會使用到含化學成份的藥水，這些也可能會被頭皮吸收。
9. 餵人奶不可吃酒,參茸補品,藥材
10. 不可亂服藥



自家坐月飲食及注意事項 (1)
．此坐月飲食表以一共四十朝為期，共分休養期、進補期、大補期及滋補期。
．餸菜均以少鹽、紅糖(或白糖)、麻油、適量黑糯米酒等來調味，以烚、蒸及炆煮來烹調，不宜太味濃及油膩。而湯品以隔水清燉及煲來烹調。
．肉類以瘦肉、少肥油豬展肉、魚肉、雞柳肉或雞胸肉為主，而原雞隻或冰鮮雞食用前必須先去皮、去肥膏、去頭尾及去清內臟(烏雞則不須去皮)
．飯類可以糯米、紅米、糙米來代替白米；另亦可進食通粉、米粉、面線等。
．燉品湯水在日間進食較易吸收，而養生甜品則在夜間進食效果會更好。
．飲品主要以代茶為主較好，能較易被腸胃吸收有關調理身子的功效。而水份、熱奶或熱豆漿亦都可以飲，勿一次過飲太多避免腸胃下垂，以適可而止為佳。
．產後一星期不太適宜進食水果，如真的想吃的話，可選擇木瓜、提子。
．各湯水甜品等可自行加入燕窩、雪蛤膏、沙參、淮山、玉竹、花膠等滋陰潤燥的材料。
．而當歸、鹿茸、人參、鹿尾羓等呢類補品均須過四十朝後進食會較好，開刀媽咪則再延遲至產後二個月進食較佳。而進食次數亦不宜太密，一個月吃一至兩次就足夠了。
．坐月期間最好以少吃多餐，一日五至六餐最適宜。
．十二朝前最緊要清淡，餸菜可配以黑木耳(白背黑木耳功效最好，而普通木耳尚都可以)同煮，能幫助排清惡露，但不可過量。
．煮食時須注意均衡營養的吸收，最好能做到青、紅、黃、白、黑之五色蔬果均俱全。

．開刀生產的媽咪須額外注意：—
1. 最好過二十朝後才開始進補，慢慢增加行血壯血食物的數量，例如：紅棗、薑、黨參、薑醋等。
2. 薑茸炒飯最好過二十朝後才開始進食
3. 大補期內既牛肉全以豬肉替代
4. 十二朝前可以清燉雞湯來補身，可以陳皮代替薑片；另不應飲用生魚湯，以免肉芽增生。
．餵人奶媽咪注意：—
1. 不想飲食魚類來增奶量，可另外選擇木瓜、花生或通草來配章魚、蓮藕來煲湯。
2. 亦都可以食雞酒，最好安排在餵完BB後才進食，但亦須要留意BB的反應，如面紅紅、面出粒粒、大便有沒有困難等，則須相隔三至四小時後才再餵哺。
3. 食得太鹹會容易回奶，亦會令媽咪水腫難消。
．因每位媽咪體質不同，如食了某類湯飲食物後：—
1. 發覺惡露回流、流量增多或變回鮮紅色，則可能導致行血，便要留意了，須暫停食用某類食物，待過後才再烹煮飲用。
2. 出現失眠、生飛滋、喉嚨痛、口乾等，則可能過燥，須改為進食較滋潤的湯飲食品了。
．媽咪們生產後，是身體組織一個大規模的新陳代謝、重整既時期，所以越早開始調補就越好，
如能好好把握調理，進補得宜，是可以令身體復原得更好更健康。故最好調理至四十朝，如有心補身調理是可以補至一百朝的

自家坐月飲食及注意事項 (2)
【一】休養期《平補、排惡露》適合產後頭五天
注意：剛生完後體質較虛弱，腸胃亦均須休息，故餸菜以清淡自然平補調理為主，暫不可進補。
《一》早餐 紅糖粥 / 桂圓粥 / 五更飯(以於清晨時份吃最能吸收及補氣)
《二》湯品 清燉桂圓烏雞 / 桂圓蓮子木耳湯 / 木瓜花生湯 / 花膠椰肉燉雞
《三》餸類 南瓜炒肉絲 / 梅菜清蒸鱸魚 / 蓮藕花生炆雞柳
《四》飯類 黑豆飯 / 麻油薑茸炒飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 炒米茶 (可配以桂圓、杞子或去核紅棗同煲，但紅棗數量暫不可太多粒)
《七》甜品 紅糖蓮子百合糖水 / 紅糖桂圓紅豆沙 / 雪耳燉木瓜
【二】休養期《平補、去瘀血、防風寒》適合產後第六天至十天
注意：腸胃將慢慢適應，但餸菜最好仍以清淡為主，只能清補，尚未能大補。
本休養期主力去清瘀血，強身抗風寒。
《一》早餐 紅糖粥 / 桂圓蓮子粥 / 五更飯 / 花膠紅米粥
《二》湯品 淮山杞子桂圓燉花膠 / 蓮子合桃煲瘦肉 / 南棗桂圓燉烏雞
《三》餸類 金針黑木耳蒸桂花魚 / 栗子紅腰豆炆蓮藕 / 冬菇瑤柱蒸雞
《四》飯類 麻油薑茸炒飯 / 陳皮紅棗蒸雞焗飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 益母草紅糖水 / 桂圓南棗薑汁茶 / 沙參黑豆南棗茶
《七》甜品 芝麻糊 / 花生紅棗糖水 / 杞子桂圓紅糖煲鵪鶉蛋
【三】進補期《溫補、補血潤腸胃》適合產後第十一天至十五天
注意：可以開始以白糖、冰糖來代替紅糖。
此進補期開始溫補，以幫助消化及排便机能的恢復，但不宜太燥。
《一》早餐 桂圓蓮子粥 / 五更飯 / 花膠紅米粥
《二》湯品 黑豆合桃煲瘦肉 / 蓮藕章魚紅豆湯 / 黨參桂圓燉豬展
《三》餸類 金針雲耳蒸雞 / 陳皮紅豆炆鯇魚 / 桂圓肉煎蛋
《四》飯類 麻油薑茸炒飯 / 菠菜蕃茄雞粒炒飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 紅棗黨參桂圓茶 / 桂圓南棗薑汁茶 / 南北杏木瓜水
《七》甜品 薑汁芝麻花生湯丸 / 杞子紅棗煲雞蛋 / 淮山雪耳糖水
《八》水果 木瓜、提子、龍眼、西梅、桃類
備註： 1) 十二朝拜祖先：準備雞酒及豬腳薑，須拜過祖先後才可派比人
2) 古老儀式：十二朝剃胎髮，意旨“去穢氣”
【四】進補期《溫補、壯腰補腎》適合產後第十六天至二十天
注意：此進補期以溫補，主力補腦固腰腎。
《一》早餐 南瓜肉絲通粉 / 花膠紅米粥 / 瑤柱花生魚片粥
《二》湯品 紅棗桂圓蓮藕湯 / 木耳豬潤紅棗湯 / 蓮子百合南棗煲豬展
《三》餸類 花生炆豬手 / 栗子紅腰豆炆雞柳 / 麻油雞酒 / 豬腳薑
《四》飯類 麻油薑茸炒飯 / 菠菜蕃茄雞粒炒飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 黨參蓮子合桃茶 / 桂圓南棗薑汁茶 / 紅棗杞子茶
《七》甜品 合桃芝麻糊 / 杞子紅棗煲雞蛋 / 薑汁桂圓蕃薯糖水
《八》水果 木瓜、提子、龍眼、西梅、桃類
【五】大補期《養血、大補元氣》適合產後第二十一天至二十五天
注意：大補期可慢慢開始大補強身、行補氣血。
《一》早餐 薑片南瓜粥 / 冬菇紅棗魚片粥 / 紅棗桂圓雞粥
《二》湯品 黨參紅棗桂圓燉雞 / 菠菜豬潤湯 / 淮山杞子紅棗燉烏雞
《三》餸類 淮山猴頭菇炆豬展 / 黨參紅棗杞子蒸桂花魚 / 百合牛肉炒蜜豆 / 豬腳薑
《四》飯類 麻油薑茸蛋炒飯 / 冬菇雲耳蒸雞焗飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 薑汁木瓜水 / 沙參紅棗杞子茶
《七》甜品 薑汁花生湯丸 / 陳皮桂圓栗子糖水 / 蓮子百合紅豆沙
《八》水果 木瓜、提子、龍眼、西梅、桃類、荔枝、榴槤
【六】大補期《養血、大補元氣》適合產後第二十六天至三十天
注意：大補期可慢慢開始大補強身、行補氣血。
《一》早餐 薑片南瓜粥 / 花生紅棗肉粥 / 蠔鼓豬潤粥
《二》湯品 薑片紅棗牛肉湯 / 杞子椰肉燉雞 / 猴頭菇花膠煲豬展
《三》餸類 冬菇栗子炆雞柳 / 黨參杞子蒸排骨 / 麻油雞酒 / 豬腳薑
《四》飯類 麻油薑茸蛋炒飯 / 冬菇雲耳蒸雞焗飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 黨參紅棗桂圓茶 / 沙參紅棗杞子茶 / 紅棗合桃茶
《七》甜品 南北杏冰糖雪耳燉木瓜 / 薑汁芝麻花生湯丸 / 杞子紅棗桂圓煲鵪鶉蛋
《八》水果 木瓜、提子、龍眼、西梅、桃類、荔枝、榴槤
備註： 1) 準備彌月用品：紅粉、雞蛋、碌柚葉
2) 三十朝滿月：須用碌柚葉沖涼後(即洗酥)才可拜祖先，而拜祖先食物有雞酒、豬腳薑及
紅雞蛋
【七】滋補期《養血補氣》適合產後第三十一天至三十五天
注意：經過大補期的行補氣血後，滋補期的作用就是潤燥養血
《一》早餐 桂圓蓮子粥 / 南瓜粥 / 瑤柱花膠粥
《二》湯品 黨參紅棗桂圓燉烏雞 / 淮山杞子椰肉燉花膠 / 木瓜花生魚尾湯
《三》餸類 冬菇肉絲蒸鱸魚 / 金針雲耳蒸雞 / 百合牛肉炒蜜豆
《四》飯類 麻油薑茸蛋炒飯 / 冬菇雞粒炒飯 / 薑醋飯
《五》菜類 可以薑汁煮菠菜、西蘭花、椰菜花、蜜豆、紅莧菜、四季豆、青紅甜椒、粟米、節瓜、薯仔、紅蘿白、蕃茄或南瓜
《六》代茶 黨參蓮子合桃茶 / 沙參紅棗杞子茶 / 桂圓杞子茶
《七》甜品 南北杏冰糖雪耳燉木瓜 / 薑汁芝麻花生湯丸 / 冰糖沙參玉竹煲鵪鶉蛋
《八》水果 木瓜、提子、龍眼、西梅、桃類、哈蜜瓜、車厘子See More

maternity photo(part3)

最後一part喇~ 呢件衫揀既相最多~ 不過其實好多張都大同小異

呢張係最後揀既一張, 差d唔入選架, 不過我幾鍾意個氣氛

最後揀左呢張做12寸相架~

3月媽媽聚

呢班係最早認識既媽媽, 話說當時大家都未有, 經歷左好多, 然後咁o岩, 大家都成為3月媽媽~
第一幅攝於9月30日



第二幅攝於年初七(1月28日), 當日仲有幾位11, 12月媽媽帶埋5個b出黎~

圖中3位既edd都早過我, 其中一位已經約左2/3開刀~時間過得真係快~再下次出黎, 我地又多幾個b喇~^^

maternity photo(part1)

其實呢part係最後影既, 有2套衫都影左呢個背景, 因為想影返爹爹錫丁叮, 所以換返背心可以露肚肚


老公原本想曬呢張做12寸相架, 不過我麻麻地


我鍾意呢張多d, 佢又唔o岩


呢張都係老公心水, 我話「冇我個喎…」佢話咁大個dum都話冇你? 「你個仔黎既~!」

呢條裙係18w時第一次同老公出外景影丁叮o個條, 貪佢最見肚, 不過依家又好似唔係特別覺眼

如果個光源可以soft d就好

呢幅個肚好似key落去咁XD

廣華走佬袋及入院備忘

 

3月媽媽會已經有7, 8個B相繼出世~我行花市o個日o係IKEA買左個袋, 尋晚終於執好喇~

尋晚炒左一小盒炒米~今日成袋俾老公帶返鋪頭, 叫佢買埋包威化餅同暖壺放入去就搞掂~鎖到時醫院樓下買都得, 自己跟身袋住2塊巾~
睇返之前既資料(FW:廣華走佬袋、FW: 好詳細既廣華生產分享、FW: 廣華開刀分享)，綜合左份備忘放埋入走佬袋！

媽媽用品	已買	已執	BB用品	已買	已執
1) 孕婦衛生巾   (1包扣1包貼1包41cm)	ü	ü	1) NB BB尿片一包(未開封)	ü	ü
2) 沖洗瓶(浴室裝暖水)	ü	ü	2) BB濕紙巾(未開封)	ü	ü
3) 乳墊2對(未必要用)	ü	ü	3) 廚房紙11寸裝(未開封)兩卷(一卷自用)	ü	ü
4) 保溫瓶			4) 棉花球	ü	ü
5) 炒米	ü	ü	5) BB手套	ü	ü
5) 牙膏牙刷	ü	ü	6) BB衫褲	ü	ü
6) 拖鞋	ü		7) BB帽	ü	ü
7) 保暖襪	ü	ü	8) BB包被	ü	ü
8) 保暖外套	ü	著住去
9) 乾糧	ü	ü
10) 解悶用品(如見紅入院冇咁快生得)	到時叫老公買	Ｘ
8) 鎖
9) 隨身小袋子	ü	ü
10) 手機後備電	ü	隨身
11) 手機用尿袋

 

屋企人探病時準備：上奶魚湯、炒米水

入院程序

 

(產前)

1.     急症室-3號窗登記，探熱，由嬸嬸帶到9樓北(產房預備室)

2.     9樓診症室問身體狀況，換裙，除衫除bra(留under)，之後會比張試紙你，小便落試紙比佢CHECK。

3.     入房前會幫你LOCK野, 可以留低M巾同電話, 其他野交俾老公。

4.    之後有胎心機聽心跳約半小時(要熜電話)，有醫生check咩情況。如果未生得就會轉產前房觀察, 可到門外跟老公傾偈。

(產後)

1.    老公入黎就可以開始生，生完姑娘會同你影相，餵奶，等上東九。(此時BB去左打針)

2.    嬸嬸會幫你過床，老公要幫你攞D M巾網褲出黎放係床邊既頂, 等嬸嬸可以幫你著M巾... 老公放好你D野就要走架啦等探病時間再黎。

3.    爭取時間飲食，飲炒米水（煲唔切局都ok）。（6小時內要用盆小便，之後嬸嬸會用鹽水幫你沖傷口）

P.S. 之後著網褲或普通under都ok；
　　可問醫院借坐墊；
　　如大家好攰想抖下, 可以連B 帶車, 車去 “育嬰室”, 不要抱出房
　　家人探病一定要有口罩先入得
　　記得要自己同阿Ｂ換片
　　BB兩星期內有G6PD REPORT　　帶斜咩袋仔, 方便去TOILET時放手機, 鎖匙, 廁紙M巾

第一階段清胎毒

32週開始第一階段清胎毒, 其實當中有D野我早一個月已經開始食, 例如芝麻粉~整左芝麻包同芝麻戚風~^.^ 仲有沖奶飲豆漿都落D咁, 排便好左, 雖然我本身都OK

32W當晚食左西瓜~不過好難買, 我係去稻香先有得食咋~之後到依家都未買倒…


32W之前已經食左轉涼粉~^^ 超市盒裝即食, 有糖, 好味, 加左水, 涼粉唔索水, 應該OK, 尋日買唔倒, 買左罐頭, 自己加代糖(之前整CHEESECAKE O個隻木醣醇, 同砂糖一樣味


腐竹蛋糖水煲過3次, 頭2次煲極唔溶, 原來買錯左三邊腐竹, 呢種係唔溶架…係完全唔溶囉…D水冇味架…又冇加糖…好難食呀…第三次終於買O岩腐竹, 溶晒, 加左少少冰糖, 好好味呀~仲加左蛋花~^.^ 下次唔好煲咁耐, 溶唔晒咁先~


芝麻粉就食左好耐, 芝麻糊尋日先第一次食咋~~ 終於搵倒隻糖尿都食得既, 佢一包只係16.5g碳水化合物, 雖然就有16.1g糖…(一餐小食可以食20g以下)^^" 幾稀下, 唔太甜, 飲完個口唔會酸, 都唔錯啦~睇埋佢其他糖水, 款款都超晒標…一包有3xg碳水化合物…冇得食lu…

FW: 代茶

尋晚炒左一小盒放入走佬袋~屋企冇咩米…屋企用既仲未準備^^"

大家都知道坐月好多禁忌, 原來水都唔飲得, 飲既話要飲炒米茶(代茶)
生之前放產假得閒就炒定D米, 生完之後搵媽媽, 老公, 陪月或者工人煲完拎去醫院俾你~

轉自: http://hk.myblog.yahoo.com/meiwah1202/article?mid=306


產前必備..炒米

各位準媽媽..大約到預產期,就可以開始炒米了..生完之後.一出產房後..產婦們好想

飲水..不斷飲滾水..因此出現胃脹.尿頻.便秘.腳水腫情況,代茶可加強新陳代謝,

紓緩身體不適情況,另外產婦大多有胃寒情況,經常口淡淡,若果飲用一般滾水會

增加口淡感覺,容易出現作悶,飲用代茶則可改善情況.所以產婦一般都會飲用代茶

至滿月為至!!



其實代茶主角係炒米.可配其他材料一齊煲

產後第1日 炒米同陳皮 (若順產.可轉用小小薑)

產後第2.3日可加圓肉..圓肉有安眠作用 "圓肉代茶"

產後第4日可加多7.8粒紅棗.補中益氣.補血 "紅棗圓肉炒米"

材料漸進式加...若果產後太快飲用大量紅棗既湯水/代茶...或一些行血藥材

會令產婦惡露突然增多..所以一生完先飲"陳皮炒米茶"為佳



炒米過程:

先等鍋燒紅..將白米落鍋..用白鍋炒致金黃色(白鍋=無需加油.加鹽)

炒完後...等炒米吹涼....(用一般鐵碟.散熱較快)

凍後可放入玻璃瓶內...備用

點解要用炒米?!!因為當米炒過後有驅風作用!!!



產後第一天代茶  "陳皮炒米茶"

材料: 炒米兩湯匙   陳皮一小塊

做法: 先將炒米略洗,,,,炒米.陳皮以八碗水煲滾45分鐘~1個鐘..即可飲用

  (可放入煲溫瓶..帶去醫院比太太) (產後第2.3日配答其他材料..同樣煲法)

功效: 暖胃作用   幫助產婦吸收更好  

 岩岩生完脾胃係最差  飲用呢款代茶可令胃部舒服   減少胃氣

highchair x2

上次永安特價買左靚靚波點highchair~依家丁叮晚晚坐o係度睇電視~^^
7折$17xx, 聽講今年轉代理會加價
仲有medela swing又係7折, 同護考一樣$1592
連埋2包bb洗衣液同洗奶樽一齊送黎


下面呢張係大少少, 5, 6個月先坐得既, 老公朋友送既~打算放o係老爺度~ 你睇頭仔坐得幾fit~ ^^