糖皮練習

最近少左出街, 接多左d糖皮蛋糕order, 增取時間練習下~

朱古力蛋糕+chocolate ganache+糖皮呢個組合第一次整~

丁叮蛋糕

做了一個丁叮企鵝樣子的立體忌廉蛋糕慶祝歲半生日~

第一次做，胖了...後來才想到，我怎麼將蛋糕體裁成跟實物一樣，那擠忌廉後當然會變胖......吸收教訓下次要記得裁瘦一點...還好拍照角度不太胖......

大家記得這小企鵝嗎?是跟丁叮同一天(2011.7.23)來到我們家，懷孕期間每天帶著他守護丁叮，連待產也帶著他，好有意思的另一隻丁叮！^^

姪女一歲生日

最後整左呢款2層糖皮蛋糕, 原來個公仔唔係咁難整, 反而最難係鋪面, 太厚又唔好, 太薄又難鋪得平…
其次就係個牛油蛋糕唔知焗幾耐先熟, 成個蛋糕裝飾同組裝用左大約3個鐘, 個蛋糕漿都整左個幾2個鐘, 焗又焗左個幾鐘~~

最後出黎個效果我幾滿意^^ 入面冇落cream/buttercream, 抹左四層果醬~

1歲BB女生日整咩蛋糕好?

聽日係老公姪女一歲生日會, 3家人o係老爺屋企開個party仔，老爺叫我整個蛋糕去，仲未唸定整咩好～

chiffon：好食，鬆軟，熟手，畫隻公仔就搞掂，不過大大話話都整左十幾個，有ｄ悶…
o即花公仔蛋糕：簡單，熟手，不過同樣有點悶，同埋我完全唔知佢鍾意咩公仔…
糖皮蛋糕：有機會俾我試新野，靚～不過要花ｄ時間設計，而且蛋糕冇chiffon咁鬆軟好食，唔知其他人鍾唔鍾意牛油蛋糕，糖皮又唔好食…

糖皮蛋糕的話整牛油底還是海綿底？
牛油底：實淨，可以整２層，可以放重ｄ既公仔
海綿底：冇咁heavy，我自己鍾意食海綿多ｄ，不過整兩層上面再擺公仔唔知夠唔夠力

糖皮蛋糕入面仲整唔整cream/生果好?還是夾果醬?

bb女整咩色好? 佢地改名時特登改個冇咁女仔既名，性格又男仔頭，整粉色系（BB D)還是鮮色系好(開心D)ｄ呢？

目前似乎傾向整糖皮，牛油底可能搵個密度低ｄ既譜，不過整開杯裝，唔知點預份量…

廿四戰日本棉花蛋糕

大家仲記得佢嗎? 哈哈~o係fb話要整一款整過好多次, 又好耐冇整, 唔知成唔成功既蛋糕, 大家都意會倒係佢…大家對我既失敗的棉花蛋糕咁有印象…^^"



不經不覺又一年~對上一次整已經係十個月前既事~^^" 突然又想起佢~

上次23戰帶左去朋友屋企, 難得唔好蛋糕既鼠生都會encore, 於是今年鼠太生日又整多次呢款簡簡單單零裝飾既蛋糕。

影漏左隻蛋同90g糖

入熔喇, 混蛋白混左好耐

出爐升得唔高, 好在質地又唔錯喎~~睇落都幾棉密丫~底部有少少沉, 好在食落唔覺。



一至九戰日本棉花蛋糕、十戰、十一戰、十二戰、十三戰、十四戰
十五戰-20090311
十六戰-20090312
十七戰-20090313
十八戰-20090315
十九戰-20090321
二十戰-20090329
廿一戰-20091023
廿二戰-20100828
廿三戰-20100828
廿四戰-20110727

奶樽蛋糕~^.^

第一個8寸糖皮蛋糕~亦係第一個BB蛋糕~
入面係芒果瑞士卷, 送俾一位小學同學既BB ^.^

祝你快高長大~愈大愈靚仔~^皿^

老公今年的生日蛋糕(最終回)

今日老公落ORDER要4個生日蛋糕, 一個禮拜一個~已經揀好蛋糕款式~

6月6日蛋糕1號

ugly chocolate cake
由於當日o個實在太名符其實…相都唔想影, 於是用返08年情人節既舊相…XD

6月12日蛋糕2號

提拉米蘇
每年既指定蛋糕, 而我基本上一年亦只會做一次~~好矜貴架XD今日做左2個, 一個放下格, 一個放上格, 急凍左好似雪糕架~

6月15日蛋糕3號

其實係同2號同一日整~買左500g芝士, 整左2個~
原本2號放下格, 號放上格, 不過老公都係鍾意雪酗佢食多d, 最後2個都放晒上格, 但係太硬又唔得喎~於是食之前放落下格

6月18日蛋糕4號
原本係黑森林蛋糕, 我話你D蛋糕個個都係啡色, 佢話, 咁整白森林啦, 於是朱古力圍邊轉左白朱古力, 原來個效果係咁麻麻既…=.=之前整過黑朱圍邊幾OK架~http://hk.myblog.yahoo.com/scorpio_3210/article?mid=25944

朱古力海綿蛋糕, 多CREAM~黑加倫子jelly夾心~

6月26日蛋糕5號
脆脆truffle cake~

6月29日蛋糕6號呢個就係幾乎每年都會整既壽司蛋糕喇~^0^ 不過有時出街食飯就冇整到~所以都係整左幾次~

今次有鰻魚, 三文魚, 自家醃青瓜, 蟹籽, 牛油果, 芒果, 紫菜~

6月30日蛋糕7號~木糠蛋糕~~
老公今年最後一個生日蛋糕喇~^.^

超額完成~~~

老公冇預到仲有呢個~食完壽司蛋糕之後, KO埋半個脆脆truffle已經冇晒qouta喇XD

佢話: 生日之前隊左好多蛋糕 ... 依家到生日反而食唔落 XDDDD

千層班戟蛋糕

終於做左千層蛋糕~~易到不得了~~一路煮飯一路整…廚房個飯仲炒緊, 一邊o係廳切呢個餅
夾層除左cream, 其中2層夾左果醬~yummy~~

食譜: (回憶篇)

 雞蛋2隻, 糖25g, 麵粉62g, 菜油/牛油14g, 奶170g(唔知有冇記錯)
蛋糖粉攪勻, 加油攪勻, 加奶攪勻就可以煎
熱鑊至出煙, 轉中/慢火煎, 煎至邊轉啡色就可以反
用竹簽挑起個邊反轉塊餅
整起幾塊之後攤凍, 打cream, 一層一層夾果醬/水果同cream~搞掂~



食完飯即晚KO!

for you

從前, 你是我的白老鼠, 如今除了生日, 已經很少為你做餅了
希望這個蛋糕能讓你高興^^

都是你在哄我, 我能為你做的就只有這些

Thomas for Jason

第一次整立體造型蛋糕, 唸過用糖皮定cream, 最後用左buttercream, o即o個時冇咁易溶同埋可以打得硬淨d, 運送時又唔駛怕溶。搵左幾幅參考圖, 面面都係用返糖皮好d。

車身o即花已經用左屋企最細既花嘴, 不過個蛋糕唔大(約8寸長), 個嘴都係大左d。

蛋糕用左海綿蛋糕, 夾層唔記得搽果醬...只有檸檬味buttercream:p

車牌係小朋友生日日期, 車頂寫左佢個名~

後面泥車放野位擺左黑白朱古力片~

車碌都係用糖皮~~



第一次整, 仲有好多可以改善既地方, 如果d字用糖皮印好似整齊d, 糖皮可以厚d硬淨d, 花嘴可以細d, 夾心可以豐富d, 海綿蛋糕可以做得好d

不過第一次黎講, 都算合格啦…^^"





jason小朋友希望你喜歡啦^^

禮物蛋糕

另一新嘗試~

就係用糖皮包住一個圓形既蛋糕, 今次用左大小小既CUPCAKE, 海綿蛋糕

BRIDECAKE

公仔買左幾個月, 今日放假拎出黎玩下~^^

久違的日式芝士蛋糕

好耐冇整過既一款蛋糕

幾年前仲未興blog, 仲蒲緊newsgroup既年代搵黎既一個食譜~

上星期同人msn傾開整咩清芝, 醒起雪櫃都有舊要清~於是整左呢個俾老公食~作為8個月紀念蛋糕XD

mini cake

原來呢d冇杯既小蛋糕叫做mini cake而唔叫cupcake…都o岩既…XD

尋晚整左個大既, 每次例必整多少少俾老公食。

chiffon底加cream同fondant裝飾。

買左幾個花花模第一次用, 好好用好易用喎! 不過紅色深左d~下次再玩!

(花花模陳枝記等有售, 可能最近多人玩糖花, 周圍都有呢d工具賣, 當日所見陳枝記最平, $28/3個唔同size, 我買左4set, 2set花花, 1set葉同1set雪花, 不過葉o個set大左d唔o岩呢個蛋糕用。淘寶見倒$15蚊人仔有喇~)

泡芙山

原來泡芙山係法國結婚蛋糕~ 呢個都可以考慮呢~ 似乎比較易handle, 又唔怕溶, 係怕淋左:p 到時可以整多好多個泡芙仔, 或者請blog友幫手一人整d, 咁我就可以參與倒個結婚蛋糕喇 ^0^

其實舊年11月整o個時已經知佢係法國結婚蛋糕, 但係近來完全冇左回事…^^"

wedding cake no.3

今次係全蛋法海綿蛋糕+牛油忌廉(奶油)
海綿蛋糕(原食譜): 4隻蛋+110g糖打企, 加已篩低粉110g輕手拌勻(用手動打蛋器), 拌入牛油溶液55g, 200'C焗15-20分鐘。出爐倒扣即可, 不過其實都唔會點縮。每個模(6寸, 4寸, 2寸分別都係倒左5-6成滿已經發到頂)
真係好有細個食蛋糕既味道啊~
牛油忌廉冇用西式有蛋白既食譜, 用左類似港式麵包既牛油忌廉
牛油放軟+糖霜打鬆
打左好耐都係黃…都唔白既…
對比返第一個, 原來呢個咁肥…
3個入面我都係鍾意第一個多d

試食報告:

第三個實驗, 今次試用牛油+糖霜打成既奶油, 加傳統口味既海綿蛋糕既組合
第一次用呢個海綿蛋糕配方, 朋友話好似細個食o個種, 試過又真係喎~ 好似細個小學賣個半一個o個d *0* 比平時自己用開個譜少左蛋, 多左糖, 同埋用開菜油, 今次跟返用牛油~ 就咁食都好好食~ 尤其新鮮焗起o個層香口蛋糕皮:D~~~~ 可惜解體前冇影相…
而面層奶油就好似奶油卷既口味, 不過打左好耐都唔白…= = 糖份按自己口味調節
呢2個組合構成好港式口味既蛋糕^^ 老人家應該會鍾意

wedding cake no.2(附fondant及icing sugar食譜)

diy wedding cake no.2
今次試既係牛油蛋糕底, 加fondant (翻糖)蓋面, 加icing sugar擠花紋
花紋大致同上次o即cream一樣, 不過今次用整薑餅人既蛋白糖霜造, 好杰…o即得好鞋, 一d都唔滑…下次改善下(30g蛋白+90g糖霜叮45-60秒, 打蛋器打至鬆發, 放涼即可用o即袋o即出)

第一次用fondant, 亦係第一次用棉花糖整翻糖(迷你棉花糖100g叮1分鐘, 拌入糖霜200g搓成糰, 雪一小時(我唔夠)就可以拎出黎造形。我加左粉紅色色素一滴, 整完呢度仲有fondant剩, 大約用60-70g棉花糖份量就夠。
花花之前試過用杏仁膏整過

牛油蛋糕底其實整得有問題…好實…^^" 3開6, 層與層之嘛抹上柚子蜜。蛋糕本身加左士多啤梨茸, 不過似乎食唔出:p

好似車牌~^^

終於知道個餅問題o係邊喇, 原來我冇cut平個面! 因為個餅已經太矮, 不過唔cut又好似蛇或者x XD

期待no.3 :p

DIY Wedding Cake No.1*食譜加入

心目中的結婚蛋糕要是全白的, 最好不要用糖皮蓋面, 想要一個裡裡外外一樣好吃的~綴以不規則的花紋 ^^

下圖是我的結婚蛋糕一號

裡面是三層原味戚風蛋糕, 每層上下一開二, 分成6層, 層與層之間夾上甜忌廉

外層原本打算用牛油忌廉, 可是未上忌廉的蛋糕已因層層疊而稍凹陷, 因為還是配上較輕身的忌廉比較適合, 下次試全蛋海綿或者維多利亞蛋糕底再配牛油忌廉吧 ^^


雖然很想為自己製作一個結婚蛋糕, 不過男友說那幾天會很忙, 還要做回禮小禮物, 只好現在試做小型的玩玩吧 ^^"

材料: 4個蛋白(+糖48g), 3個蛋黃(+糖21g), 低粉69G, 發粉, 1/4茶匙, 奶粉1茶匙, 水48g, 菜油39g, 香油1/4茶匙
做法:蛋黃+糖打勻(手動打蛋器攪勻就得), 水+菜油+香油, 攪勻叮20秒加入蛋黃中; 粉類過篩然後分2, 3次加入蛋黃糊中;  蛋白打至企身,蛋黃糊分2次加入蛋白中, 用手動打蛋器輕手兜勻, 最後用刮刀兜勻。約180-190度焗約30分鐘。出爐後插入竹簽冇黏即熟。可以放架上倒扣, 放涼即可脫模。
記住戚風模唔好掃油, 可以用小刀脫模或者徒手都得~

甜忌廉約200g打至7成抹於蛋糕面抹勻，再打至約8成作o即花用。
o即咀用寫字咀，玫瑰用玫瑰專用咀。 ^^

Chiffon Cake Base

第一次蛋糕底實驗--戚風蛋糕
分別由3層原味戚風蛋糕組合而成, 已棄用欠承托力的超Q潤戚風食譜, 用一直原用的一般富彈性食譜, 但從外表看來還是承托力不足, 裝飾完再放上來 ^^