星期二檔案:母乳革命

http://mamamilkbaby.com/%E6%98%9F%E6%9C%9F%E4%BA%8C%E6%AA%94%E6%A1%88%EF%BC%9A%E6%AF%8D%E4%B9%B3%E9%9D%A9%E5%91%BD/

其實我既餵奶之路都算好順行, 唔知點解一路餵一路喊
推介俾各位奶媽或想成為奶媽既準媽媽收看~



話說今晚丁叮訓到半夜喊醒, 但出奇地合作俾我換衫換片，又對眼冇開，放低又訓，問佢食奶奶好冇都唔應我...尋晚唔俾你又強搶...點先...

26m18d(戒夜奶行動進行左2個半月都未成功…)

人奶之痛

話說未結婚時已經有人話我知餵奶乳頭會損，bb會咬，到我大肚時知道係嘴形唔啱先會損，一開始就叫丁叮個嘴要大啲大啲，不過第一日都係損左，搽返母乳，照餵，一日已經好返。

到七個月第一次出牙咬我，咬左兩次，第一次我迫佢食奶唔食咬我我都算，第二次又黎，勁痛痛左十分鐘，一咬我即掌嘴加勁鬧，話好痛，話再咬唔請佢食奶，佢好錯愕咁望住我，之後一路都冇再咬，婆婆都好奇怪佢出左咁多牙都冇咬我，佢地係識聽架！

不過講到人奶最痛我唸非乳腺炎莫屬，聽講會發燒加痛過生仔，touchwood我冇試過。太多奶好易塞，所以我就算之前全泵都會控制好奶量唔好供過於求得太多，丁叮細時我泵三次夠佢食一日加日日有奶沖涼，之後食固體食少左奶再減泵，謝絕魚湯等上奶野，就係怕塞。生完第二日因為飲左好勁既上奶湯，仔又未食得好，胸有硬塊，即停上奶湯。記住唔係愈多愈好，除非你要儲冰奶返工，唔係既話平衡最好，阿b亦未必食冰奶，我仔就唔食，愈新鮮愈好味，自己試下就知。

FW: 母女齊感冒 哺乳不應停（0-1歲）（後記加入）

【明報專訊】女兒2個月大，餵母乳，最近這個月，爸爸連續患上幾回感冒，經常鼻塞、打噴嚏、咳，我已不許他接近BB，但最近連我也染上了感冒，因為不想影響餵奶，沒吃藥，結果這兩天BB也打噴嚏、咳，醫生說寶寶要靠她自己好起來，如何是好呢？

醫生處方 母乳影響小

感冒或流感的主要傳播途徑是透過空氣和接觸患者的分泌物，而從母乳傳染給寶寶的風險很微。

如果餵哺母乳的媽媽患感冒，可在就診時和醫生說清楚，處方適合藥物，對哺乳沒太大影響，也不會對寶寶造成不良反應，媽媽毋須停止哺乳。

餵奶後才吃藥最穩陣

如果媽媽還有憂慮的話，可以在每次餵寶寶吃奶後才食藥，這樣寶寶吃奶時，媽媽體內的藥分已減至最低。

另一方面，香港人煙稠密，要更注意個人衛生﹕佩戴口罩、勤洗手、分開個人食具與公筷，都是有助減低互相傳染的有效預防方法。當媽媽患上感冒，也說明這時她的抵抗力不足、體力透支，口沫鼻涕分泌含有大量致病原，所以在照顧孩子時，需要作適當的防感染措施：

．必須佩戴口罩；

．減少與寶寶太親密的接觸，以防飛沫傳染；

．每次抱寶寶前宜用含酒精的啫喱消毒雙手。

在日常生活中，媽媽也要注意保持適當的運動及足夠的休息，多吃新鮮水果，攝取維他命Ｃ，都有助抵禦病菌侵襲。此外，家有幼兒的爸爸媽媽，也應考慮每年接種抗流感疫苗，增加自身防衛能力，也減低病發時的病情，便能更好照顧孩子。

資料提供﹕家庭醫生許鳳屏

後記：我生完病過好多次，只係頭３次戴口罩，之後每次都冇惹倒阿仔，但佢病就傳染我，我唸係食母乳有抗體！

奶媽之抉擇：泵/埋身

剛睇倒一位blog友提到有關做泵媽定埋身既選擇，分享下我自己既經驗。


由埋身>全泵>半埋身>全埋身

一開始喺醫院故然係埋身，但未上奶，每晚都食唔停，四五個鐘一甩嘴就喊，但交俾姑娘又冇事，出院前要飲兩支奶先俾出院...返到屋企食成個鐘，訓一個鐘又 喊...第三日俾左餐奶粉，第四日跌磅多加黃疸入院食奶粉我就喺屋企泵keep奶量，隨即開始泵媽生涯，出院後姑娘叫先埋身五至十分鐘再補泵奶，但次次埋完身都唔食樽，於是好快就冇埋身。期間好間中等奶暖既時候有俾佢頂下癮，到三個月開始跟我地訓方便執奶嘴，但要起身座奶，有時座完佢又訓左…支奶就浪費左…於是五個月開始半夜轉埋身，朝早仲冇咁谷，可以泵少六點o個次，然後到七個月ｏ個時食奶食得太少，一日三支五安都食唔倒…片又輕飄飄，索性轉全埋身唔掛泵，點知ｄ片反而重返。於是七個月開始全埋身到依家。泵壞既壞，賣既賣，俾人既俾人（我有三個），蒸煲俾左人，奶樽搬屋掉晒。

FW:母乳母語﹕奶瓶餵哺影響知多D

【明報專訊】上期討論過全泵奶對母親的部分不良後果，今期我們談談若以「奶瓶餵哺」，對寶寶帶來什麼影響﹕

1、缺訓練口腔肌肉機會

孩子在吸吮乳房的整套動作中，能學會協調吸吮、吞嚥和呼吸的節奏，是鍛煉口腔肌肉的好方法，有助孩子將來咀嚼固體食物。若以奶瓶餵哺，孩子需協調動作相對較少，不能好好鍛煉口腔肌肉。

2、增中耳炎中耳積水風險

孩子直接吸吮乳房，有助控制中耳肌肉及中耳內的壓力，但奶瓶餵哺沒此功效。以奶瓶餵哺的孩子，有機會增加患上中耳炎和中耳積水的機會。

3、被動吞奶易吃過量

吸吮乳房整套進食動作由寶寶作主導，食量由寶寶控制；寶寶吸吮奶瓶則由餵哺者作主導。吸吮乳房的寶寶，若吃飽了就會自動停口，乳汁也不再流出；但用奶瓶餵哺，即使不吸吮，奶也自動流出，寶寶只要把奶吞下去便可以了，所吃奶量可能多於實際需要。從小培養「寶寶主導」的進食模式，可避免孩子慣性地過量進食，從而減低日後出現肥胖症的機會。

4、含奶瓶易蛀牙

有些孩子喜歡含着奶瓶睡覺，容易蛀牙。

5、戒奶瓶較戒人奶難

奶瓶歷史源遠悠長（見附表），而且現代人也將之普及化。不少家長問：「如何幫我4歲的孩子戒用奶瓶？尤其睡前的那餐奶最難戒。」以我的經驗而言，培養良好的睡眠習慣是成功的第一步。其次，吸吮乳房吃母乳的孩子一般較易戒用奶瓶，我三個孩子在13至15個月大時已做到了。因此各位媽媽，絕不要輕易轉為「全泵奶」！

■最老奶瓶 狀似茶壺

古時的奶瓶並非瓶狀，而是近似杯或茶壺狀。公元前2000年已有替代餵哺母乳的盛載器皿。上周到英國一遊，看見倫敦大英博物館收藏了相信是最古老的餵飼杯，形狀像茶壺，來自塞浦路斯。在古希臘和古羅馬的孩童墓穴中，也發掘出不少用石、陶、木、金屬等製成的餵飼器皿。

作者為衛生署家庭健康服務母乳餵哺工作小組成員，以母乳餵哺3名現年4歲至9歲的兒女

馮慧嫺醫生

http://hk.news.yahoo.com/母乳母語-奶瓶餵哺影響知多啲-212329000.html