maternity photo(part2)

part2有2套包, 分別揀左4張同3張相

呢件top係攝影公司提供既, 我冇帶露肚衫, 只係帶左吊巾打算拿起黎影
好鍾意呢幅既構圖, 係影相前早幾日o係fb見倒一位台灣既攝影師幫佢老婆影既大肚相入面既其中一幅, 不過佢o係戶外, 同埋唔知拎住d咩, 我就轉左鞋仔, 可惜睇唔清楚
呢幅睇倒最多肚肚, 好多毛毛呀, 肚臍又黑…不過我唔會執架, 傳真先有紀念價值嘛^^

呢套黑色裙真係帶錯, 又唔見肚, 又肥…下面呢幅純粹係為左丁叮而揀~托住都見唔倒個肚…上一幅打側先見倒

picsmile 收相^^

收倒相真係好彩! 老公話比預期好~ 我對自己既素顏冇咩信心,  好在都比預期中好, 揀25張冇難度~雖然有d好肥, 同埋有套衫唔多見肚side左, 不過篩有呢d都揀倒25張~ 前日揀完相, 剛剛收倒online相簿~分享住2張先~詳情 其實今日要整餅…掛住上網同d相…^^"

最鍾意呢2幅~^^

上面o個幅影既時候我係咁笑…估唔到老公咁好表情XD

八月

呢個月都算過得幾快, 過左個新年, 放左幾日假, 中間又有個30週倒數下~話咁快就32w喇~

picsmaile~
呢一日我, 爹爹同丁叮去左影大肚相~ 仲帶埋鞋仔同另一隻丁叮去~不過另一隻丁叮唔係影左好多幅呢…:p 不過就有熊熊仔陪佢玩~^.^
2星期後先有相睇, 到時會再約時間, 唯一問題係要自己化妝, 我試過化完仲恐怖過素顏…結果只係上左少少濕粉胭脂同唇彩…希望到時揀倒相啦…攝影師哥哥麻煩你執靚d呀~~~

增磅…
新年過後唔知係咪跟餐跟得冇咁足…食多左肉, 又偷食年糕同蛋糕既關係, 重左呀…由發現糖尿開始2個月都冇重過, 新年仲輕左, 點知年假後重左喇…可能係丁叮增重速度加快, 反依家total重左16磅喇~~聽講last2個月重得好快, 希望可以20-25磅埋單啦…><

不適
幸運地到依家都冇咩不適(touchwood), 媽媽會好多媽媽都有各種問題：水腫、痔瘡、皮膚痕養、肚紋、胃酸倒流、抽筋、失眠、尿頻、便祕, 我暫時都未有發生，早2晚d腳趾有d痛, 日頭又冇事, 不過依家又好似冇事喇, 究竟水腫會唔會痛既呢? 我d戒指同未有前一樣鬆緊, 著鞋亦冇問題, 所以應該未有水腫, 可能我都飲幾多水, 同埋食得唔濃味。抽筋早3個月試過連續幾晚, 之後注意左訓覺時對腳唔好吊落床邊就冇事, 最近仲墊左咕o臣, 訓得都幾好~ 而丁叮移動或踢踢多數發生o係日頭, 未試過俾佢踢醒 ^3^ 尿頻方面, 有時會覺得好快急, 不過唔理佢一陣又唔急, so far都唔係成日去廁所, 夜尿亦唔多, 都係以前咁, 間中一次半次, 又唔係晚晚有。便便一向都ok, 可能我飲得多水又食得多菜、麥呢d, 依定整包都會落麥皮麥粉, 菜一日差唔多食2斤, 返工飲水會多d, 放假就少d, 平均一日都有一次便便。

糖尿
上個月頭見完營養師之後, 黎緊星期四再覆診, 呢幾個禮拜篤手指都冇咩問題, 都係5-6咁上下, 有次3.5, 有次7.2, 不過隔4個字再篤又去返5.x, 都算控制得唔錯, 不過有時就好恨食甜品, 可恨3次去到都過左tea time食唔倒…真係天意…

丁叮
29w5o個次覆診大少已經有3磅2oz, 黎緊最有34w先會再照, 唔知到時幾重呢? 上次見面頭仔向下, 唔知依家又向邊呢?

肚子大小
最大度倒39寸, 有時又會細d, 38-38.5咁上下, 睇相個個都話大, 見倒面就話點解細咁多, 或者唔係好大咋喎~~ XD 同事話我行路仲好靈活, 唔似大肚婆, 舊同學話後面睇唔似有左, 同埋塊面冇肥到^^

家具用品
床仔同highchair已經送左黎~洗衣液洗奶樽液都收倒喇, 等出太陽就可以洗衫~奶泵又收倒, 可以同奶樽一齊消毒好之後放雪櫃備用, 大件野差車車未叫佢送貨, 床仔今日師傅上黎砌左, 不過入唔倒房門, 遲下等我入左院老公拆左佢同搬過d書檯等家具先放入房, 原來個位真係剛剛好…做唔倒搖床lu :p

走佬袋
執左大半, 主要差bb衫未洗未入得袋~之後老公會拎返鋪頭, 我只袋2塊巾o係身跟入院, 希望到時唔好太呢hea啦~好似我同事咁覆診o個日o係廁所見紅就最方便喇~

清胎毒
未夠7個月開始食芝麻粉, 有時沖奶,  多數整麵包, 整過一次戚風:p 腐竹糖水煲過一次, 買錯三邊腐竹, 煲極都唔溶, 冇落糖, 都幾唔好飲, 聽講同豆漿差唔多功效, 咁我飲返豆漿算喇, 而且其實我一直都冇戒豆漿… 尋晚第一次食西瓜~^0^ 遲下食埋涼粉先~不過唔落糖又少d樂趣…=.= 過多一個月先飲白蓮鬚同綠豆沙~


仲有唔夠5個星期就足月, 返多3個幾星期就放假~期待期待~~^0^

Picsmile Studio

極速揀左呢間~

話說好早已經想搵公司影大肚相, 一直揀唔o岩, 跟住打算自己影, 屋企背景雜亂, 一心唸住去澳門book酒店影, 不過新年酒店又貴又難book, 旅行社個電話打極都冇人聽…又唔食得buffet…冇晒mood…打消念頭…轉而唸起朋友有間渡假屋o係長洲, 幾年前住過一次, 裝修好靚~好住家feel一d都唔老套, 不過佢話假期太多人叫我唔好去…又冇左下文…

尋日上媽媽會見倒有人post呢間出黎, 部分相片都幾合心意, 最緊要背景簡單, 舒舒服服又平~比去澳門book房平好多…

Cheerful Package (A004) HK$1,088
20pcs Prints + Digital files / 1pc 12R UV Coating with frame / Free 6 months online album

( http://www.picsmile.com.hk/category/pregnancy)

(Facebook: http://www.facebook.com/picsmilestudio)
~~~~~~~~~~~~~~~~~~~~~~~~~
2個家庭 - 就9折加5張相。
3個家庭或上 - 就有8.5折加5張相。
~~~~~~~~~~~~~~~~~~~~~~~~~

依家有3個家庭joined~即係$924.8有25張相~

難得老公俾影~^^ 之前揀婚攝公司好難得揀倒一位佢好欣賞既攝影師, 可惜佢o係台灣…冇可能搵佢影…今次其實要求不高, 主要想搵個景可以唔駛著咁多衫見肚d影返輯相留念, 但係日子仲未定, mark左2個日子, 視乎公司幾時裝修…希望丁叮唔好太早出世, 影埋靚相先呀~^^

揀左2條裙打算帶去影, 其實一直唔係咁鍾意打出肚皮, 不過依家冇紋又有少少想露下…^^" 睇下搵唔搵倒o岩心水既衫先啦~

揀好既裙係2條同款唔同色, 一黑一白既長裙~平時冇咩機會著, 黑色只係去飲同honeymoon分別著過一次…白色太透完全未著過…希望今次派上用場啦~

佢地由6/2裝修到3/3, 今日問過會影4百幾張相, 執2百幾張俾我地揀, 預個半至兩個鐘, 可換4-5套衫

沒有甜點的聖誕

血糖測試最好24-28W做, 尋日剛滿24W, 買左2支葡萄適自己o係屋企飲糖水~

早一晚12點開始唔飲唔食(可以飲水), 訓醒空腹篤一次手指, 4.6, 合格!

滿有信心咁唸住冇事啦~飲完380ml葡萄適之後再篤, 9.2!!????超晒標喎! *口*

正常空腹祇有4-6, 餐後2小時4-7, 點計都超晒標…

我前日仲食左雪糕麵包, 大前日食左2件西餅飲左檸蜜…黎緊都係要飲返檸水喇…
不過飲完呢支野唔知係咪咖啡因影響, 尋晚訓唔著…慘…不過應該唔會隔左成14個鐘先發呱…

仲有3個禮拜先返廣華, 到時同醫生講睇下佢有冇安排我飲糖水…想戒一星期口再驗, 不過又唔想再飲葡萄適…驚訓唔著…食罐葡萄糖又用唔晒…點好呢?

仲有2星期聖誕喇, 屋企棵聖誕樹仲未砌…睇黎今年要過一個沒有甜點的聖誕呢…

不過都好, 當減下肥~ 唔係糖尿我都唔會的起心肝戒甜同戒澱粉, 其實戒甜唔難, 我本身唔好甜, 係依家唔食得先恨食, 但係減澱粉有難度…中午如果唔帶飯都唔知食咩…

今日早餐轉左食烚蛋加奶, 麥皮留返下午茶食, 不過中午都係叫左飯盒…夜晚已經好少食澱粉, 唔通真係呢2日食得多甜野所至? 希望下星期有改善啦…

決戰永安

繼一田同吉之島之後到永安, 尋日開始一連四日(8/12-11/12)大減價
aprica7折, medela 8折同上次10月份時一樣, 當時太早亦太忙冇時間去入貨, medela已經加左價, 上次聽聞只係1400仲平過護協1456, 依家護協都做緊1592同永安折實一樣。為免1月再麻煩舊同學同我上護協買(因為medela要有護協證先買得), 又驚遲下再加(我31/10上去先見倒1456…)所以都係買左先, 見佢有24個月保養(護協聽講得12個月)蝕3個月都冇所謂啦~
原本講好生左真係有需要先叫老公去買, 因為我已經有個avent手泵, 不過原價成1990, 差成4舊, 而且又好有信心有奶餵, 始終相信有志者事竟成, 所以都係買埋啦~

至於aprica, 好似得永安咁抵, 雖然同愛嬰紡唔差得遠(589折實1743, 愛嬰紡1800), 不過都係平左~ 原先想要610, 原來停產左好耐…=.= 625兩隻色又唔靚, 而且尋日冇實物睇, 尖東店只係show左680同589出黎, 680太女仔好公主feel原價要成4千幾其實一直都冇唸過, 尋日見倒又好似幾好, 都有唸過, 同625功能上其實差唔多, 589我前後搖, 佢地就可以搖籃式擺動, 好似好好玩(for mummy^^) 腳尾個兜詰訓得安全d, 不過訓得呢d都唔會郁得去邊, 冇理由會從腳尾跌出黎, 油壓升降有人話好有用, 我試唔倒唔係油壓, 不過都唔會成日升升降降, 360度4碌佢包實左d碌又係試唔倒…老公一直後對買highchair, 所以只能買最平o個種。 最後o係combi同aprica既最基本型號選擇, 原來combi得2款, 平既係有隻帆船或者幸運草o個款, 1683, 上次一田都見倒, 今次拍埋架啡金色589度好似順眼d有好感d, 佢又冇show藍色波點aprica出黎…好難抉擇…aprica比combi出塊墊, 貴80蚊, 2者原價差500, 好似apirca抵d咁XD 而且aprica腳踏位好似多一層, 記起最初搵資料時有人話過aprica比較穩陣, 所以都冇特別搵combi既資料, 問sales就話2隻都穩陣…佢綁實個碌我又冇得比較, 最後決定唔好煩, 反正一早唸住買aprica, 而愛嬰紡買combi仲平過呢度, 所以都係買返aprica啦~

為左呢張highchair搞到好唔開心, 一定要用返夠本=.=

總算完成2個大項, 叫左2月送貨~ 送左70蚊現金券, 買多1包chuchu洗奶樽液同思詩樂洗衣液, 二月一次過送

產假最後決定

唸左成個月終於有定案~照老公意思放廣華既前三後七～亦即係私家既前四後六。

最後階段考慮前三定前二，懶豬既我都係想早Ｄ放～～訓多Ｄ，陪下丁叮，聽下音樂~洗下衫仔～好好享受最後既親密關係^.^

仲有唔夠3個月就放假喇~ 終於可以結束我朝八晚六既生涯~~對比上一份工, 呢度既時間實在太長…(以前朝7:45晚4:30…仲有5點前可以行到返屋企~依家放六返到屋企都七點…)

萬分期待呢日既來臨~~ 期待丁叮黎到我懷抱，每日對住佢，餵奶掃風換片^皿^

餅店方面產前已經截單，最快五月先再接新單，將會有丁叮陪住開工～到時丁叮會唔會一身麵粉牛油香～？XD



延伸閱讀：產假

三戰吉之島吉日

剛過既一連四日吉之島大減價, 我出戰左三日三間分店XD
1/12-4/12, 第一日上網睇下媽媽分享有咩抵買, 大部分嬰兒用品八折, COMBI 八五折, 最抵係chuchu奶樽~ chuchu一直係我心水,好多媽媽推介, 我貪佢難啜, 唔怕食完唔肯埋身餵。

咁o岩有朋友去荃灣入貨而且有送貨, 於是搭單埔我買左set chuchu 4個大樽, tt奶煲, avent手泵, avent暖奶器, 應該今晚會搵佢拎 ^^

星期六我同老公就出左megabox入貨, 出左張aeon卡, 送左30蚊coupon, 原來呢張卡填家庭主婦都批…年費只係$20(首先豁免)。今次入左尋日入唔成既百靈牌耳探, puku中型浴盆(大o個個真係好大…我都坐得落…)puku肚圍, puku大紗巾, 幫尋日個fd買返4支chicco順柔劑~ 星期三送貨~

由於趕住返老爺度食飯, 等車卡等太耐, 又話有電話通知, 原來要自己去問…等左個幾鐘…可能原本唔駛咁耐…=.= 買完野已經十點…未能盡興, 心思思想買埋乳墊同洗潔液呢d等送貨, 於是星期日又出戰黃埔。

去左黃埔分店, 今次最少收穫, 唔夠$490送貨, 只係入左一盒80片pigeon乳墊, minimoto 奶嘴擦奶樽擦, 一個puku BB枕俾老公XD, 一個金屬奶樽鉗, chuchu洗奶樽液, 原本想買埋chuchu洗衣液, 不過冇送貨就懶得拎, 遲下去藥房買其他牌子就算~

唸住入完貨去睇燈飾, 點知食完野又十點…睇燈飾不成…唸住去用埋張chicco coupon, 原來閂九點, 好在打左個電話去問唔駛白行~不過黎緊幾日去睇燈飾要順便走轉喇~

黎緊8號永安大減價打算去入aprica highchair, 尋日o係吉之島見倒combi都有唸過買, 都係$1683, 不過原來愛嬰紡原價係比aprica平既, 加上老公話aprica598好似靚仔d, 但佢未睇過實物, 於是打算等埋永安再睇過先~ 原本想o係永安入埋medela swing, 不過幾位朋友建議生左先買, 反正有個手泵, 有朋友入左freestyle全新未開都要放返出去…但係遲下先買冇特價可能差幾舊呢…

除左呢兩樣仲有床仔未買, 揀就揀o岩, 等埋朋友張荷花會員卡去入puku床仔, 不過由於已經停產, 如果真係冇緣買唔倒可能買ikea 千二蚊o個張粉藍粗框床仔, 睇過好似幾扎實咁, 我地都幾鍾意, 希望丁叮同企鵝仔床有緣啦~^^

(相片後補)

咭片皇又黎過…(大合照)

今次個封面唸唔掂…相size唔夠大, 又冇咩適合做誇頁, 於是做左呢個簡單設計:p
coupon仲有3個月到期, 終於趁呢幾日病假, 的起心肝搞掂本合照…

冇錯…o係婚後接近15個月先整合照…^^" 仲有一本細少少既蜜月相簿未開工…呢本先頭痛…

同上次一次…上傳到第19中的2或者3就停左o係度…打去問佢又係話係咪有咩遮罩, 我已經移除晒…毫無幫助…

今次醒喇, 俾個ftp我upload…上次d/l過新軟件之後都係上傳唔倒…都係要ftp upload…

依家upload緊, 希望順順利利~

以下節錄部分版面

carey係我既中學教院同學, 當日搵左2位已婚姊妹幫手, 所以冇伴娘。carey負責早場, 我發覺我冇同下午場既vani影只有佢一個既合照…
jeeffrey係老公既老死~中學同學~以前我地晨咁早去旅行都係佢黎車我地~順理成章做左伴郎~
johnathan係老公小學同學, 當日既神秘驚喜都係多得佢同老公特訓~2個排練時都腸胃炎…
samantha係當日既化妝師~試妝只係試左佢一個就confirm~冇令我失望~當時佢大住8個月既肚呢~
星星小小係ourrice既創辦人, 而ourrice係我同老公相識既媒介~^^
mabel係當日下家cafe既美少女廚師~年紀輕輕煮野都咁好食~^^

呢頁係有參與過ourrice活動既人士~右上, 右中, 左下都係原老, 我未入版已經o係度~
左下係後來的, 係我o係第二版識既版友, 佢同我老公2個時常好似維園阿伯o係度發嘮蘇XD
左中係我一位舊生既哥哥, 當時都係跟我出席米版既波聚~
右下係我既一位教院同學, 曾經跟我出席過米版既活動

呢頁全部都係情侶, 有D已婚, 其餘亦已準備結婚~^^

呢頁係成本相簿最後一頁~以此作為總結~

冇POST出黎既頁面主要以唔同媒介黎區分, 頭幾頁都係屋企既親戚長輩, 跟住老公中學同學一頁, 老公同事, 老同大一同學, 老公白英奇同學等, 我既就有同事, yahoo煮友, pinky之友, masa之友等, 原來老公既朋友多數係舊同學, 而我既主要係網友~^^

雜誌

http://www.cosmobride.com.hk/my-wedding/

知道每年六月都會出, 舊年同前年都買左, 打算每年6月都買返本黎紀念(後來知道原本12月都會出…XD

前日o係7仔見倒, 可惜提唔起勁買…

原來結左婚, 已經冇咩興致睇婚紗, 婚照, 蜜月既資料…^^"

雖然未有耐生bb, 不過我買左旭茉jessica baby~又幾好睇喎~好睇過之前買既pre-mo同孕媽媽~仲平d, 只係$20~ 今期講幾pair孖寶寶~^^ 呢part吸引左我買~~

婚禮的遺憾

最近看了兩個blog，不約而同回顧婚禮的遺憾。想起很久以前看過的blog，共通點都跟照片有關, 可能有的diy沒拍到, 可能有些重要時刻沒有合照, 可能有的裝扮沒有拍獨照, 又或太忙沒有時間跟先生拍更多兩個人的合照等等。

其實，我心裡也有一個遺憾。

收相後我完全沒有數過有沒有少拍哪些diy, 雖然我事先有給攝影師一份必拍名單, 可是收相已是2個多月後的事, 當時經歷了一些挫折, 也就沒有太在意這些小事。反正我自己完成時也有拍照, 賓客要留意的都留意了, 還有什麼遺憾呢?婚禮當天經歷了就是美好的回憶, 照片只是幫助, 只是錦上添花。



619當天出門的時候，接到老爸來電。我一直不是跟他一起生活，他住蛇口，身體說不上很好。那天他說關口人很多，透不過氣來，叫我媽當證婚人。

沒想到，現在想起來還是有一點激動。

雖然跟爸不是很熟，不過我以為至少我結婚，他會來見證。雖然明白身體不適也不是他想的，不過始終是一個遺憾。



另外一個小遺憾是，老公當天也身體不適，腸胃炎了一個星期，整個星期就只以保礦力充飢。618看了醫生，沒想到藥力太猛，不適更甚。下午在cafe時已很不在狀態，到了晚上甚至要躲起來休息。沒能好好享受這一天。（翌日卻生龍活虎了XD大家都說他緊張)不過也因為出了這樣的狀況，才說出感人的話。

他說：這幾天一直很辛苦，沒吃東西，是因為她，才能支持下去。

L'amour Bride-Ceci & Raymond的婚紗店

雖然嫁左, 已經好少睇婚紗網頁喇, 不過見倒靚野都係想同大家分享一下。

www.lamour-bride.com.hk

ceci同raymond既blog我睇左好耐, 好多人認識佢地係因為fei wedding, 但我冇記錯可能係search東歐蜜月搵倒佢地既, 雖然其實入到去係好少講蜜月既…(好似得一篇文字簡介?XD)不過之後都keep住訂閱。佢地個blog好多時係2小口子既情話, 我睇完都唔好意思搭嘴, 不過都總係會間中入去睇下~

最近知道佢地開左婚紗店, 鍾意靚野既我, 好想同大家分享一下。

我同佢地唔熟, 未上過去, 亦唔清楚價錢, 只係想分享一下佢地靚靚既衫同環境。

就係呢件EG吸引左我主動同佢地做宣傳~

MIKI都有演繹呢件晚裝, 不過我覺得老闆娘靚D

今期婚禮雜誌有專訪

依家O係度租衫仲可以O係靚靚場地影婚紗相

http://hk.myblog.yahoo.com/jw!34mvIE6WEQXwcIbQAob6uxo-/article?mid=1026

緊張任務

文章日期：06/21/2009 12:39 am

2項好緊張既任務終於o係呢2日完成 ^0^
19號係我地既倒數一周年, 亦係預定公開既日子, o係主blog公開後, 得到好多識既唔識既, 傾過未傾過, 見過未見過既blog友祝福 ^^ 多謝各位 ^^
其實幾驚咁會為佢帶黎壓力
我同佢話, 公開左喇, 唔好唔娶我呀, 好瘀架XD



同時佢o係fb post左呢個傑作 ^3^  而我亦將我地既關係亦悄悄改成engaged :p 不過發現既人唔多~
得倒咁多祝福, 好開心, 尤其"今朝一開blog就見到你呢個消息.....雖然大家都未見過面....但都好想好想....祝你永遠同你另一半.....開心快樂......" 同"恭喜晒妳呀,本來而定好熱冇乜MOOD, 睇到妳呢段喜訊都精神晒,好戥妳開心呢!!" 2位都係素未謀面既朋友, 我都感覺倒佢地由心替我高興, 好多謝大家, 本身識得既朋友更加唔在講啦 ^0^
之前亦已經有好幾位blog友出手相助, 化妝, 影相, 小食, 結婚蛋糕, 得倒各位鼎力相助, 感激不盡!
＊　　　＊　　　＊　　　＊　　　＊　　　＊　　　＊　　　＊　　　＊
另一項重要工程係今日終於同老豆見面, 本來驚佢會對婚禮有要求, 男友話佢食好住好, 寶貝女出嫁, 驚佢會有要求, 要擺酒之類, 幸好佢只係著眼o係一點, 就係買樓!
我話唸住結左先儲首期, 佢問我香港一層7百幾呎既樓要幾錢, 話睇下可以幫倒我地幾多, 出年年頭買返層，租好唔抵! 我都覺~ o係度住左幾年不經不覺交左幾十萬租真係好唔化算…但係佢反對我地買村屋>_<
我問佢唔擺酒有冇問題，佢話最緊係你開心，呢ｄ唔緊要。
順利過左三大長老o個關喇~\^0^/ 一致決定唔擺酒!

有利

好開心~果然係又舒服又平服務又好^0^ 臨走時妹妹叫我地介紹多d朋友黎~一定啦~^.<

試左2個款, 鍾意呢款多d
試左2.5寸同3寸, 3寸靚d, 不過我係著1寸都會腳痛既人…>< 但真係靚d, 而且我都想試下挑戰3寸~~.\/.!
跟住o係39同40號之間試左好耐好耐又加鞋墊又要釘多個窿, 老細同我試黎試去賺你o個少少毫無怨言真係十級好服務!!
之前唸住買圓頭襯件WG多D, 不過呢個款冇

褂鞋一心只揀平底, 試左4款, 呢對係第一對睇中, 上次已經睇中, 今次試左其他先, 到呢一對一著上腳就覺得勁舒服喇!!係你喇~ >0<
今次同同學仔一齊去, 佢話呢度平時襯牛仔褲去街都得XD

腳上呢對係第三款~呢對都唔錯, 豐富D, 不過好似著緊對襪^^"

我拎住既係我著婚紗同晚裝既相XD

拖尾扮頭紗…XD                  

原本想買珍珠白, 唸起我件婚紗有大大個銀色蝴蝶都係銀色襯D ^.^ 襯晚裝都OK既…:P

PHOTO BY同學仔

我試O個陣枕住都有幾組人入黎試, 有試高跟褂鞋既阿姐, 有一PAIR入黎試婚紗鞋, 有2個阿姐入黎問有冇我O個對既短爭版, 真係好好生意, 不過咁平都仲有人問有冇得平D, 老細話已經好平, 唔係淨係平就得, 呢D大日子著XD

結婚狂想曲@2007

文章寫於2007年5月31日, 當時仲未有結婚打算^^

＊　　　＊　　　＊　　　＊　　　＊　　　＊　　　＊　　　＊　　　＊

「早排睇左一位BLOG友既結婚回禮－－自己整個通花紅雙喜小紙袋, 入面裝住2塊心形曲奇。係我見過最好既小禮物！ 曾經收過一個會發光既正方體透明膠, 上面有一張婚紗相…又收過玫瑰閃閃小擺設, 最好既係一樽細細樽既玫瑰花醬。不過都唔夠呢位blog友既呢一份咁好~有d明白收倒朋友整既生日蛋糕有幾開心~原來親手整o個份心意真係唔同d。小小2塊已經好足夠。又唔會羅返黎唔知有咩用, 掉又唔係擺o係度又阻訂…
如果有幸有呢一日, 我都想自己整d小禮物, 可能都係食物最實際。
不過其實我最想整自己既結婚蛋糕, 我唸都冇咩可能整倒大大個, 不過唔緊要, 我都唔唸住擺酒。分開整幾層再疊埋, 或者出去租個場整!
要擺酒真係唸唔倒請d咩人, 香港親戚唔多, 中學大學同學都乜聯絡, 小學同學得返幾個，又冇舊同事，除左返工班同事，平時玩既幾乎都係網友～幾年前有同學結婚請網友, 大家都好奇怪, 但係依家同網友成為真正朋友已經係等閒事。要擺, 最多咪1, 2圍, 咁又點算擺酒呢~不如分開食餐飯, 或者上船玩返日仲開心~帶埋自己整既結婚蛋糕~特別有意思^^
我從來都冇唸過想要一個點樣既婚禮, 講起又覺得幾得意~哈哈~租隻遊艇仔都係幾千蚊~又唔駛做人情~人地唔駛唉聲嘆氣, 我又唔駛周圍搵d唔係咁熟既人黎做姊妹…大家開開心心咪幾好~出到海, 去個冇咩人既沙灘飲杯香檳食d野, 又可以自己預備埋小食~^0^ 完全係一個屬於自己既婚禮~~」
http://hk.myblog.yahoo.com/scorpio_3210/article?mid=8818
＊　　　＊　　　＊　　　＊　　　＊　　　＊　　　＊　　　＊　　　＊
到正式開始籌備，我都真係有唸過甜遊艇，不過俾男友否決左，唔想擔心天氣，同埋原來有好多人怕上船。
忘記左原來除左上船，我當時仲唸住去個冇咩人既沙灘飲返杯^^ 依家睇返都覺得好唔錯:P
咁o岩睇倒 fc620 都係搞遊艇 party, 同我一樣係6月既第3個星期六, 不過早我一年 ^^ 可以順利舉行我夢想中既結婚, 真係好開心 ^^
恭喜你地呀 ^^

vintage gown

其實都留意左好耐, 唔知襯唔襯我呢, 打算上satis factory試一試

以下係網上搜尋既婚紗
1. US$95 http://www.etsy.com/view_listing.php?ref=vl_other_2&listing_id=30246670

2. US$29.95 http://www.etsy.com/view_listing.php?listing_id=21711031&ref=sr_gallery_21&&ga_search_query=wedding+gown&ga_search_type=vintage&ga_page=29&order=date_desc&includes[]=tags&includes[]=title

3. US$30 http://www.etsy.com/view_listing.php?listing_id=21716387&ref=sr_gallery_5&&ga_search_query=wedding+gown&ga_search_type=vintage&ga_page=31&order=date_desc&includes[]=tags&includes[]=title

vintage gown jm blog
1. 月兒
2. Addy的無飯太太Cherrie
3. Raggedy Yum
4. Mrs. So to be >> Mrs. So
5. Doren
6. BB Kingdom
7. S小姐

幸福指環

終於返黎喇~^0^
本來早半個月可以拎, 點知刻錯名, 今日終於拎倒喇~!字體仲清晰左好多~^^

今日先發現原來上次落單既時間咁O岩係619*0*

My wg & eg ^^

居然第一次試衫就買左…之前唸住點都唔會買架喇…未減倒肥…又未買girdle…點知…

尋晚朋友通知我mee wedding2手開倉, 佢自己買左件婚紗外影用, 我又心思思想去睇~於是佢幫我約左時間今日帶我去~
放工後知道o個度位sales姐姐630走…都唸住改期架喇…不過都係照去睇下都好~唸住順便睇埋法國情懷, 點知我地6點幾上到去玩到8點幾先走…買左1件wg1件eg

wg係我心儀既輕紗款, 好鍾意佢個下擺!! 雖然上身唔係我心儀既一字胸仲有d褶, 不過整體感覺好唔錯~

呢幅相冇著girdle反而冇咁肥…(冇錯…已經係冇咁肥既相…)可能o個度既girdle唔o岩size, 唸住減完先買。

而 另一件其實唔係特別鍾意, 雖然質地係我另一款心儀既婚紗質地, 挺d直d修身d, 不過冇唸過會買呢隻色既eg, 但係著起朋友同幾位sales姐姐都話好好睇…我都覺得著左瘦左…仲要勁平!! 同隔離件姊妹裙差唔多咋!! 真係同我上次做姊妹o個件差唔多…好抵…><

完全透唔倒氣中…換返落黎都仲喘左一陣氣…=0=
掙扎左耐~第一間就買呀…?買左唔知仲有冇機會買第二件個喎…wg我只係鍾情下擺…eg隻色又唔係我原先想買o個種…但係真係好抵喎…點好…

依家又有多個動力俾我減肥喇!!!.\/.
wg上圍差4寸…=0=我唸減唔弓架喇都係要改…
eg就差2寸倒我唸都可以努力倒既!.\/. 上圖呢2幅係扣得埋, 不過透唔倒氣…=0= 我唸減十磅應該透倒氣呱…

總目標: 15磅!!
本週目標: 2磅!!!

其實呢件wg係我o係度第二件試既wg, 原先試o個件有d似呢件

不過領口有一褶冇lace既帶, 腰帶靚d既, 但係試起黎覺得好硬…
鍾意依家買呢2件都好輕, 方便帶佢四圍去^^

MG俾人租左lu

話說上星期睇左架MG, 估唔到星期六有另一pair新人同我地同一日bd!! (上左咁耐forum同生活易都未遇過同我地同一日! 估唔到仲有人唔介紹諸事不宜!XD)佢地睇完之後決定租!

阿達通知我, 我又冇失望。
其實都預左唔租多, 我地2個都冇「就係佢」既感覺, 仲有時間搵下先囉~

MG byebye~~