情人節2012

破晒戒既情人節:p

33w後易餓左…尤其午餐同晚餐中間o個8個鐘…2餐小食唔夠…3點食完5點食完6點又餓…><
尋日返到屋企已經食左粒金莎:p 原本想買件細細地既西餅, 不過揀唔o岩心水, 最後都係決定整返個…^^"
買左d懶健康既材料亂咁黎, 結果太稀…老公話太酸:p我鍾意酸嘛…^^"

材料有士多啤梨乳酪一大位, 紅莓蓉, 高鈣脫脂奶, 魚膠片
蛋糕底用左好耐冇整既海綿蛋糕, 2隻蛋, 16g糖, 40g粉, 10g菜油

焗埋黎緊2日既麵包
今次整紅莓麥包, 落少d紅莓乾

跟住就等老公返黎, 尋日話俾我知買左牛扒同一樣好野~我估鵝肝同西瓜都唔中, 原來係巴馬火腿! 真係估唔倒~ 上次食buffet夾左都唔敢食, 刺身又唔俾食, 居然會買返黎? 不過佢上網search過話有蟲…結果都係焗一焗先食…切左幾片剛出爐既麵包, 鋪上火腿焗一焗再鋪奇異果, 不過同奇異果好似唔係好夾…但最精彩既其實係鮑魚拉麵!!!>0<

一向愛吃鮑魚, 老爺早排俾左罐車輪鮑我地, 打開原來有隻半~~~ 一隻相當大下~我食一隻, 老公食半隻~另外煮左2個拉麵加生菜, 老公再煮個蠔油汁~好好味好滿足呀~^0^

呢餐食到好飽, 原本買左流心燉蛋雪糕都食唔落喇…^^"

食飽飽就走去訓, 超晒標, 肥死了~~不過唔理得咁多~每逢佳節倍思甜~依家又有我至愛既巴馬火腿同鮑魚~又有甜品~ 好豐富好滿足喇~~^0^

情人節?

聽日就係情人節…今日都未唸倒食乜…
其實往年都唔會話好特別慶祝, 從來都唔會出街食情人餐, 通常都會整個蛋糕, 可能係美味又易整既ugly chocolate cake, 不過今年有糖尿…唔食得甜品…早2日去烘焙店入麵包粉問老公要唔要入d朱古力整ugly cho佢又話呢排屋企好多新年朱古力佢冇咩朱古力癮, 舊年印象比較深, 鞋然都係要返工既日子, 不過放工整左2個超巨型漢堡~好玩又好食XD 今年又唔食得…同埋再整都悶啦~

上星期問老公情人節搞乜好, 佢話出街食囉, 我話食乜呀?佢話你唸下你有乜食得啦…=.=
尋日問左位糖尿媽媽佢地講好去打邊爐…原本好鍾意打邊爐既我…上星期打左2餐, 仲要主力打菜…都真係有點悶…

有人話食扒…食得半塊…=.=

【抓住12星座男的心】溫柔賢淑讓巨蟹男傾心

如何抓住巨蟹座男人的心？

痴心、敏感，對愛情的細膩度、關愛度，巨蟹座算得上是12星座之首。(都幾準)巨蟹座會留意你每一個小動作，期望能做到最貼心。但他也會想要完全佔有你，狠狠地鉗住你。所以你要給他的是最有安全感的環境，還有細心的互動陪養。

溫柔、包容、無私的付出，喜歡愛情長跑。愛家戀家的巨蟹座，最不喜歡欠缺真誠的情人，如果發現你滿口謊言、不專一，他就會傷心地離你而去。

如果要跟巨蟹座在一起，你應該要

1. 穿著整體平實(都幾, 第一次約會係白T牛仔褲)

2. 身型肥瘦適中(我係時肥時瘦)

3. 時時刻刻電話傳情(開頭都講幾多電話, 跟住就sms, 結婚前佢放工會打黎傾到返到屋企)

4. 孝順並愛屋及烏(真係幾考順, 呢幾年個個星期同佢返屋企食飯)

5. 多讚美鼓勵(個個男人都鍾意架啦, 應該話, 個個人都鍾意)

6. 懂製作溫馨家常料理(一拍拖就叫我學煮飯XD)

如果要跟巨蟹座在一起，你絕不可以

1. 過度性感暴露(吊帶都試過話我唸住咁就出街, 不過只係講一句, 唔太著緊)

2. 說話粗聲粗氣(我又唔太溫柔)

3. 經常失蹤(搵唔倒我佢會好燜, 尤其轉左依家個電話…成日聽唔倒…我又響幾下飛左返屋企:P)

4. 自私及機心重

5. 不老實不溝通(佢都幾重視溝通, 我都幾老實)

6. 不斷吵架、衝突頻生(間中啦, 不斷吵架我唸冇咩人鍾意)

7. 亂花錢不顧家(我都幾慳家, 個個月有錢剩, 月尾唔駛睇住戶口做人, 永遠唔知自己出左糧未:P 其實又唔係話好唔捨得駛錢既人, 不過好多貴野都唔好, 名牌, 手袋, 鞋呢D都非我所好, 但係2000蚊整個頭我又唔會肉痛…:P )

for you

從前, 你是我的白老鼠, 如今除了生日, 已經很少為你做餅了
希望這個蛋糕能讓你高興^^

都是你在哄我, 我能為你做的就只有這些

回憶的TST

睇見肥寶的刨冰機 講起佢地揀九龍灣擺酒既原因先唸起~我同老公第一次見面同拍拖既地方都係TST~~==註冊既地方~哈哈~~



仲有個半月(4月29日)就係我地相識8周年~

唔知有冇同大家講過~我地係點識既呢~

其實我地係一次newsgroup版聚活動第一次見面既~一行都有十幾人~當日活動係睇戲~不過老公冇睇~佢放工先黎join我地食飯~好似係去新港睇戲, 意粉屋食飯~最後成班人行左去海旁影相~佢同另一位版友指我去搭車完結左第一次既見面。我地之前o係網上完全冇傾過架~之後先上返網傾~見多幾次, 又單獨約會左幾次, 個幾月後就一齊左~成為我第一個男朋友喇~

沙士年既6月19日第一次拍拖活動係陪佢返工~XD

當年佢做緊promoter~要去海港城豐澤~我又陪佢去~好快走得~只係記得當晚去左旺角食飯~其餘做左d咩已經唔記得lu~ ^^"



結左婚都就黎9個月~先聯想倒TST對我地既意義~哈哈~(仲有10年年底, 去返tst 1881影pre-wedding都算有d關係呱^^")



7年後既6月19日，我唸大家都知～我地o係尖沙咀婚姻登記處共諧連理~^^

老公

黎到婚後8個幾月, 終於習慣叫「老公」~~不過多數都係叫「老公呀」~XD



之前成日問結左婚既JM, 婚前婚後有咩分別, 尤其一D拍拖多年甚至同居多年既情侶。

有個拍左十幾年拖既老婆話: 真係唔同架! 佢本身已經好就我架喇, 結左婚對我再好D

有個又係拍左十一年既老婆(註冊後)話: 冇咩唔同喎~(擺酒後): 原來真係有唔同架~~

當然亦都有D覺得冇咩分別, 老夫老妻~~



而我自己呢~ 除左一D實質D既野~例如每日都見倒對方啦~(以前係半同居)好乖成日洗碗啦~主動洗衫啦~俾家用呢D之外, 原來一紙婚書代表一個家, 經過一個儀式, 有左家人既感覺。而以上呢種種表現, 都係因為有左家既感覺而來。





情侶可以分手, 但婚後2個人成為家人, 而家人係一世既, 密不可分。

聽返舊既絕情谷(其實我聽緊第三次), 倪震當時仲未結婚, 亦未有結婚生仔既打算, 不過佢都教D聽眾, 結得盡可能都唔唸離, 尤其有左小朋友, 除非發生家庭暴力。一個睇落咁唔願意承擔既人對婚姻都有呢一份尊重, 又或者係對婚姻太過認真所以先唔會輕易結婚。



原來婚前婚後唔同既係多左一份家人既感覺。呢個就係我既結論, 大家有同感嗎?



同同事講起唔知咩, 佢話結左婚就唔同架喇, 我話, 我覺得結左婚仲sweet左喎~(尋晚先同老公講起, 唔知點解好多人都覺得我地好sweet, o係facebook status既一d閒話家常, 都引起一d熟/唔熟既朋友類似既留言^^)跟住同事話: 生左小朋友就唔同架喇~我都相信生左小朋友會好忙, 或者會忽略左對方。初拍拖時有朋友同我講, 唔好見咁多, 要攤薄d, 細水長流, 然而我地7年幾以黎, 有超過一半既日子對住對方都唔會悶, 只有愈來愈甜蜜。

從朋友口中知道老公為我改變左好多, 我亦眼見佢呢幾年既轉變, 令我深深感受倒你既愛。

身邊或者yblog都認識已離婚既人, 有d有小朋友, 有d只係結左婚1, 2年, 佢地可能都有自己既苦衷, 亦可能唔係必要選擇離婚既結果, 但無論如何希望大家唸清楚, 好好珍惜你所擁有既野。

婚前最後一個生日

09年蛋糕1號

每年只會整一次既壽司蛋糕^^

蛋糕2號

博派堤拉米蘇雪糕蛋糕^^

小禮物 FOTOMO 全家福 :P

訓醒預備早餐

食完就出發去海洋公園喇~^0^

呢個時候已經買左第一隻小B喇~

D雞鎚好香呀~

搭緊纜車喇~

就O係呢度拎出我準備好既小小驚喜~自製左一大盒豬肉乾~

不過我怕壞只係帶左幾塊去~

玩到6點幾就去食MONSTER BURGER

最後食埋雪糕就返歸喇~~支力死喇~~~~~

DADDY呢個生日快唔快樂呀 ^0^