書展2014

自從丁叮出世已經2年冇行書展, 今年都擔心佢嗌悶嗌走, 不過都帶左佢去~總算坐住車仔陪我行左8個鐘,超額完成喇~

今日居然冇買丁叮最愛既練習簿, 主要係我自己講到好悶…左右腦訓練…專注力訓練, 歲半o個時o係台灣買返黎日日玩幾次…佢左腦比較強, 3歲o個d都差唔多識晒, 右腦就大約係2歲既程度, 但佢明明係左手人…另外tvb檔有d書好抵, 4本兒童食譜加3本眨時感動兒童版都係$40(7本書), 不過都係冇買…買埋太多食譜我都唔會跟住整…眨時感動又好似未明, 所以冇買, 不過真係好抵, 平時又唔知邊度買喎。可惜"安安東東系列"同"有一天"都搵唔倒, 好在o係博客來搵倒"有一天"~

呢度係今日既收穫~平時主打既HALL1只係行左1個鐘倒, 而往年唔行既HALL3居然行左7個鐘…

左下O個5本係我既, 2本日本旅遊書準備出年丁叮生日之旅, 中間本香港當然係平日帶丁去玩啦~左下2本朋友推介~其他全部都係大少既~

呢套想買好耐，商務$250/10本好薄一本，青苗網上訂或書展價$200,鍾意呢套既內容講愛，但其實係k3 程度既句式，k1嗰2套又唔係太鍾意，不過句形係簡單好多，各有各好

我心儀既童書都係主打愛

"媽咪的寶貝"講每個媽媽眼中都係自己寶貝最靚

"媽媽最棒"其實係2本書, 正反2面, 另一半係爸爸最棒, 但其實每頁都一樣, 只係媽媽轉左爸爸…不過動物唔同~

"我喜歡我自己" 講我我好喜歡我自己, 因為識大笑, 我識自己食飯, 我識跳水tum等等...每一項小事都構成我喜歡自己既理由。

"我也會" 講猴子識笑, 斑馬識跑, 青蛙識跑~我也會~ 好喇~到你地黎跟我做咯喎~我會親親媽媽~~最後所有動物都跑去親親媽媽~~

現階段既丁叮, 我最想佢感受愛, 學會愛, 所以揀幼稚園我既1st choice都係以愛作主打, 而唔係最熱門升小最好o個間。

o係家計會書檔買左呢太性教育書, 除左我從哪裡來打算等佢問先拎出黎講, 其餘3本都放左o係佢個圖書角等佢自己拎黎睇。

見pn要學，而我地又冇報, 平平地買本，都唔係想像中咁悶 ($13.x)

教緊去廁所, 不過冇特別同佢除片戒, 一來驚屙濕沙發, 二來覺得唔係一定要經歷拖地拖餐矇呢個階段先可以成功戒片, 同食飯一樣, 我都好遲俾佢自己筆, 因為接受唔倒食到一地都係(最怕浪費)。

以下呢幾本推介，但我冇買

之所以推介係我覺得好睇, 詳見每幅圖。之所以冇買係因為未o岩丁叮睇, 繪本都係o岩小朋友多d, 大人睇完未必成日翻睇, 小朋友簡簡單單睇完又睇, 抵~

 

呢本原來係講腦退化, 主角既奶奶從前唔鍾意佢既髮型, 後來"新"奶奶好鍾意佢既髮型, 做既野又同"舊"奶奶好唔同, 又會訓o係檯底, 原來有腦退化, 故事用有趣既角度令小朋友接受有病既奶奶, 好有意思

  主 角係小兔子, 小兔子媽媽病左, 要去小春家暫住, 佢好唔開心, 就算小春對佢好好都好唔開心, 唔知幾時先可以返屋企見倒媽媽, 佢帶住心愛既有熟悉氣味既小鱷魚去到陌生既地方, 直到有日小鱷魚受傷, 小春幫佢護理, 佢先開始趟開心扉同小春開開心心去玩, 到分別時, 更將小鱷魚送俾依依不捨既小春, 約定下次再一齊玩~代序講佢將呢篇故事同女兒講既時候, 原來從小朋友角度睇係覺得小兔好唔開心好不安, 選用兔子做主角係因為佢地係最膽小既生物。我自己細個都試過因為阿媽要去玩而去朋友家暫住, 玩既時候好好地, 熄燈訓覺自己偷偷流眼淚…小朋友真係好愛父母好愛家, 盡可能都唔好要佢地離開, 又有一次媽媽入院, 爸爸從大陸返黎照顧我, 我呢o係被入面望住媽媽幅相喊…其實每一個小朋友都好愛爸媽, 何以大左會愈來愈有隔膜?好值得第為父母又同時為人子女既我地反思。

 
呢 本講自閉症, 主角既弟弟到6歲都未識同佢一齊玩, 小小事就尖叫, 甚至打自己個頭, 又驅趕埋佢身既小動物, 但有一日, 佢救左一隻受傷既小鳥, 日日望住小鳥, 後來小鳥好返, 媽媽放生左佢, 佢又尖叫, 哥哥攬住佢拍翼好似小鳥一樣, 希望佢可以好似小鳥一樣沖出只有佢自己一人既世界, 最後佢主動靠近哥哥, 同佢一齊畫畫, 邁出第一步

 爸爸同小bb到小朋友既兒子之間點滴相處小故事
呢本好耐之前o係誠品見過都覺得幾得意

 呢2本幾得意, 不過丁叮太細, 大d可以玩下

迪士尼第N回

23m21d

朋友問起我同個仔究竟去左幾多次迪士尼…又有人話我張年票真係好抵…

我真係唔知呢一年去左幾多次…老公話有30次, 我估冇…佢話20次肯定有…

一個月肯定去唔倒4次…3次都應該冇…好少連續個個禮拜去…暑假同旺日又少去, 12月有半個月唔入得…不過我估20次應該有…

今日訓醒問丁想去邊度玩, 呢排多左o係屋企成日要勞氣, 黎緊又要整餅, 所以趁呢2日得閒就同佢去玩, 佢一般都會答"呢度"…今次話去遊樂場, 跟住又話迪士尼, 問佢遊樂場定迪士尼, 佢話迪士尼, 問佢去海洋公園好唔好(8號先去完迪士尼)佢話好, 但海洋公園同迪士尼, 佢都係想去迪士尼, 好啦~ 咁就去啦~

10點起身, 都係點幾先出倒門口…去到剛剛睇巡遊…fb見倒有幾個3月媽媽分別都去緊,  於是約埋一位325媽媽一齊, 又撞倒2位3月媽媽


今日算好少人, 差不多樣樣唔駛排, 同上次(8號)紅銀卡得選日加落雨天真係天淵之別!

睇完巡遊, 玩左2轉小小世界, 木馬, 咖啡杯, 睇米奇3D, 金像獎, winnie the pool, 迷離莊園~
算係咁~

第一次自己坐木馬(op兒童皇國o個隻唔計), 我坐隔離o個隻! 中途有話唔要馬馬, 不過都算順行完成~!


印象中第3次玩迷離大宅, 之前pool pool都驚, 今次玩完大宅同我講"呢個好玩呀" *0* 大個仔喇~

反而咖啡杯有d驚, 一轉就好緊張捉住我手話"唔駛驚"@~@ 即係話佢好驚XD

今次仲係第一次O係巡遊中出去跳舞~ 其實佢一向不是太熱衷, 亦唔會跟住un, 最多揮下手, 今次剛訓醒都唔係好想出去, 見朋友仔出佢先肯出去玩彈

陪審員

幾年前收倒信話有機會被選為陪審員, 當時好擔心, 到早2個月終於收倒信, 15/11要去高院出任。雖知道去到都未必抽中, 不過都係好不安, 又唔知搞幾耐…日頭份工就倒je, 夜晚整餅就唔倒嘛… 好多同事都去過, 只有極少被抽中, 上網搵過資料, 原來懷孕係可以版豁免既一個條件, 上BK問過人之後第二日即刻fax去, 過幾日就收倒信通知申請成功~

老公都話大住個肚又要成日去廁所, 唔俾你去又唔得, 去到都應該唔會選。有人叫我照去, 因為去到都唔會選我, 但係要一早過海, 又緊張又擔心個幾2個月…都係早早申請好D。

YEAH~ 丁叮叻仔~^3^

又病？

話說每年入秋都會病…舊年轉新工，11月同1月病左2次…跟住一路都冇事，終於到今年十月又黎…一喉嚨痛我就知咩事…痛左1, 2日就流鼻水，鼻塞…流眼水…跟住就咳喇…一如以往最少個幾２個星期先好…本來唸住唔睇醫生，點知半夜咳到訓唔倒就後悔喇，第二日放工走去睇，最終睇完都冇食過ｄ藥，比平時好少少，唔駛２個星期就好返喇。

點知好返２個星期倒，又喉嚨痛？？？不過今次感覺唔同，伴隨住牙肉痛，所以我覺得係熱氣，燒完野食之後又冇事咯喎XD跟住又痛過…到依家已經痛左成個禮拜，不過唔係十分嚴重，星期三起身流鼻水…跟住有Ｄ鼻塞…前晚訓覺又咳…不過尋晚又好似冇喎…尋日又眼水鼻水…今次睇怕唔駛睇醫生，食返上個月Ｄ藥都得…如果真係有需要的話…

其實呢２次病都冇特別辛苦，只係以上幾樣病徵，我唸今次都可以不藥而癒既～

此刻的我

很悶…
悶到要出post呻下…

忙左一個早上, 食飯都要同學生食…不過食完飯就開始冇野做…到依家…睇下blog, 睇下fb…睇到冇野好睇…
其實帶左書返黎, 不過監考2節已經睇左好耐…
仲有大半個鐘先放工, 但係放工後又很忙…如果依家呢d冇野做既時間可以俾我返屋企先, 今晚就唔駛咁忙…
呢2個星期都冇時間煮飯, 只能草草同老公各自食d野就開工
今晚仲未唸倒食乜, 最好食d可以好快食完既, 麥當當係最好選擇, 等車同搭車就可以ko包薯條, 返屋企放完狗隊埋個包就可以開工…不過食得多都悶…又冇益…又肥…><
起碼到8/11先有時間煮返正常晚餐同老公食, 好想快d唔駛再返呢十個鐘, 雖則冇野做有人工收又幾好, 不過因為呢十個鐘(計埋搭車11.5-12個鐘)又令我接少好多job

那些年上左, 想抽時間都抽唔倒
老公頭髮長左, 想同佢剪又剪唔倒
老公嗌我星期六去影相又要等幾個星期先去倒

如果我一日有多十二個鐘, 時間會好用好多, 彈性好多

不過咁, 幾忙都好, 仲有幾日生日, 點都抽倒少少時間出黎善待自己~半日咁多啦~~~^皿^

婚後15個月

轉眼來到15個月, 上個月身在台灣, 再上個月沒有特別慶祝。

今天是很值得高興的日子, 好想好好慶祝一番。

剛好舊同學的烤肉店新開張, 原想跟老公一起去助慶, 可是今天一早起來(其實已比平日上班晚了半小時卻還是很睏…^^")老公比平常早起了幾小時, 腦袋一片空白, 又沒有胃口, 所以還未決定是否改到明天再去…我也想回家倒頭大睡…:p 可是他會不高興我們不馬上跟他慶祝嗎?老公上班前見時間還早, 到處找禮物送他, 可是也沒有收穫…這麼乖, 沒有獎賞, 會不高興嗎? 還是, 他也想好好睡一覺呢? 一早便打攪他~

未了的心願

這幾個月來問了ec同一問題幾次---「可以吃刺身嗎?」^^" 平日其實也不是特別愛吃, 3月中旬第一次叫板長外賣, 便對刺身念念不忘…至今已經兩個多月沒吃過了, 大約還有3, 4星期要戒口, 不過如今已經沒有那麼渴望了。

也許喜歡刺身的不是我? 還是我失去了衝勁? 不管怎樣, 大解放之後還是要好好吃一次好吃的, 下次不要再想著刺身流口水:p



星期天去了做負離子, 上次鄰居介紹的那一間, 雖然荃灣有點遠, 不過今次不焗油只需三小時便完成, 比起以往最少要六小時快很多呢~也比最昂貴的那一次做得好, 更便宜很多很多(大概在那裡做一次可以回來做五、六次)! 也許三個月後再來吧, 髮型師說我的頭髮長得快, 而且我只是補做新長出來的, 也不怕傷頭髮。以前年少時會覺得這樣很不划算, 實際上頭髮傷了更划不來呢…:p

今個星期有空的話也許要去補補牙, 不過現在又不痛, 還是等可以吃乳酪再去?



此外, 旅行也是我本來不許做, 如今可以做的一個項目。不過假期不多, 只能去我日夕掛念的台灣, 今次去台北還是台中呢, 一直想去清境, 可是暑假天氣這麼熱, 還是留在市內逛逛好? 抑或去墾丁?不過我對陽光海灘一直提不起勁…也許主力留守台北, 到台中一天遊買個三明治吧~?大家有好提議嗎?大約4天的行程。

重生

悠長假期結束了，明天上班了。
特意安排於星期五復工，讓自己有一天時間適應，兩天時間休息。希望明天一切順利吧。

自復活假後休息了接近一個月，想了很多，哭了很多，明天便要重生了～
雖然很留戀假期，不過還是有一點期待，重投工作，代表重過新生吧～一切要回復原狀，還要比原來更好！

下星期要跑步了~婚後胖了很多，為了將來的小寶寶，還是不能糊亂減肥啊～不過跑步我想還是有益身心吧～^^

雖然還有一些要注意的地方，飲食也還未回復正常，不過上班，還是有重生的感覺。^^


大家有發現我用了書面語嗎?^^ 因為最近台劇看多了~:P 一個月在家，看了《海派甜心》、《呼叫大明星》；現在在看《醉後決定愛上你》第五集～除了看台劇，還做了一些多年沒做的事，彈了好幾天鋼琴，有時候會彈上三個小時，從前練習半個小時都嫌多:P 做了4年沒做過的林明頓和豆沙餅^^ 畫了很多糖霜曲奇，昨天還特意為老公做了Chocolate Concorde~~他一口氣吃了半個~^.^ 這段日子老公辛苦了!

第一次住院，廣華真不錯呀～^^人和物都很好，姑娘、醫生、嬸嬸都好親切，環境也很不錯，四人房加了一張床，不過到晚上只有我一個，電視一直沒有人來關(原本開到十點)，任由我看到十二點，看我睡了才幫我關燈；有獨立廁所跟浴室。我還以為自己住酒店，把窗簾拉上怕早上陽光猛，誰知七點鐘姑娘就開燈了…^^"明明只有我一個，醫生十點鐘才巡房…開燈幹嘛啦…=.= 還好一切都順利，覆診也安好。

大家不用擔心，只是也許，未來一段日子沒有太多有關「準備」的分享吧？

(各位請私留)

好想好想

好想SCAN返以前D相<<<要執左雜物房先得…
好想換過房入面牆上D相(A4->4R, 想左幾年= =)<<<揀左2百幾張相未曬, 換左部份原先曬落既菲林相@7/8

左邊係新換既4R, 右邊係原有既A4

好想執下個書架<<<執左喇~^^v@4/8
好想整一次成功既囍字唐餅<<<整左喇~@4/8
好想整返小B女條裙
好想買戒指
好想瘦<<<跑左2次步, 腳筋又痛…食緊雜菜湯, 仲未買返個磅既3A電= =
好想搵藍色(唔係紫藍)既繡球絲花
好想快D訂曲奇印<<<等男友設計過logo

好多好想好想
但係點解一日得咁少時間…放大假都好似做唔倒D咩… 20090803

整餅vs減肥

呢幾日食到好滯, 肚飽頂住好辛苦…未來9日點運用好呢?
原本呢個暑假入面既2個9日大假唸住實習下d蛋糕、唐餅咁
o係5日前o個個9日入面除左照顧小狗之外, 完成左cupcake123號同埋回禮曲奇(不過仲未設計好logo未造印), 原本仲試左o係綾酥上面吸印, 不過一吸就成層酥皮痴起左…= = 要再實驗過…

減肥
自從小狗肥豬病左加上個磅冇電之後, 減肥工程完全擱置…
由2月到依家5個月只係減左十磅, 可能呢2星期又重返d…真係好hea…好想趁住食滯左減下肥
06年7月成個月包括星期六日都好小心飲食, 結果減得好好, 依家都想學返o個時咁, 又或者試下唔食一個月澱粉(其實我好鍾意食= =我唸我一個月唔食肉仲易d…)
聽日係一個月既新開始, 其實可以俾我重新開始, 但係9號同13號都有大食會=0=…不過減肥冇藉口既, 一樣可以照開始!
可能放左9日假夜訓左, 生活冇左規律, 個人好支力, 唔想郁又為食…皮膚仲明顯差左好多…之前食蕉減肥o個陣可能早訓同飲勁多水, 皮膚真係好好多。
一心唸住8月或者10月減到目標磅數就買girdle去試衫, 依家8月唔駛唸啦~ 不過十月都一定要達標! 10月尾會去廣州買婚紗。目前離試衫目標都只係十磅八磅, 仲有3個月唔係好難, 只要搵返決心…

整餅
但係如果依家減, 咁幾時試餅呢? cupcake好大機會整牛油蛋糕加cream cheese面, 買埋個cake stand, 再唸埋cheese面加咩花就ok; 唐餅應該會整皮蛋酥同紅黃綾, 依家差面頭個紅印。

如果呢幾個月用黎減肥而唔整餅住, 咁咪即係臨近影相o個段時間走黎整餅??? 整得難免會試食喎…點好!?

2月有感＋近況

去年2月, 佢o係哈爾濱同我求婚, 當時感覺太長遠, 唔敢開始準備, 書展見倒《我們的低能婚禮》都唔敢買, 驚佢有壓力。
今年2月發現jan wong, snap有驚喜, 開始搜集資料同儲錢。當時其實好想同人講，不過又唔敢…於是開左呢個神秘wedding blog :p
明年2月我地將會去台中影婚紗相，已經買左機票。

自從今年619公開左, 踏入一周年倒數之後, 日子好似過得好快
以往成日覺得仲有年幾大把時間, 我地又唔擺酒, 朋友話唔擺酒冇咩搞
依家望倒個計時器見倒十個月零幾星期好似近左好多
好多野都安排左出年先落實執行, 依家依然係資料搜集階段
最近搵緊既項目有花車、髮型、回禮包裝、邀請卡設計，實習緊既有蛋糕同回禮，另外仲想搵多間平平地又冇咁悶既婚紗相。
減肥進度係０