是日炒蝦拆蟹@長洲

往長洲等船中

今日踩單車出沙田

好多人買!有菠蘿冰、水蜜桃冰同芒果冰

買左菠蘿同水蜜桃黎試~好好味呢~尤其是水蜜桃

:D~~~~~~~~~~~~~

踩左4個幾鐘, 返到黎對手紅晒兩截色....仲要係中袖衫 = =
依家好痛...T^T

再減3磅 ^^v

請左2個新TA

今日請的
18號即係放完假返工
會坐我地隔離, D位會執過為左對我地公平, 人工同我地差唔多, 而且新學年唔會有人工加(據書記小姐說)一個同我地差唔多大, 一個細D

上次請KAREN既時候我又係咁O岩落去過膠, 佢坐我隔離做手工
今次我同KAREN落去IN O個陣又係有2個坐我隔離
我當時已同書記小姐話應該係架喇, 上次我又係落黎過膠
點知真係
今日小姐同我講話下次請人叫我落黎坐XD
結果請左其中一個, 另一個係今日IN既

祛濕粉葛湯

做法：
1. 瘦肉或豬展飛水; 粉葛切件; 扁豆赤小豆洗淨;
2. 加水同煲約三小時即可。

蠍: 我今次係用壓力煲煲1個鐘, 不過唔知點解走左一半水, 咁樣反而好濃味好好飲, 鹽都唔駛加!

外評殺到

今日外評終於正式殺到未入教員室已經聽倒入面起晒哄一眾老師們爭相圍住新鮮出粒既觀課名單睇下自己中唔中結果有人一堂都冇, 有人中五堂不過唔中既人反而仲唔開心, 因為聽日都會隨機睇堂, 備課既範圍仲大左

今日開始一連3日都有6位外評人員到校, 今明兩日會觀課而今日更加係會O係校方預先挑選既十五名學生中揀選五位作全日SHADOW式追蹤呢五位學生有二位係二三年級高分同低分既同學, 三位係來自四至六年級高中低分既同學! 名單今朝先出, 所以老師們都好緊張!外評人員會全日跟住呢五名學生, 由佢地上堂, 小息、食晏、午間活動、甚至風紀當值、課外活動、補課、輔導都會跟住佢, 實行以佢地既角度感受一天校園生活！反觀學生既表現, 多數都變得好有禮貌, 圍住專員傾偈，唔少仲識得O係來賓面前表現得異常好, 連英文都講得出平日流利~有D見倒來賓搵佢仲揮晒手SAY晒HI!最勁既一個係三番四次想同外評人員傾偈, 老師都好聽佢會亂黎, 點知最後都欄唔住俾佢跟住D專員行上樓, 仲問人做咩唔同佢傾偈...幾時先同佢傾...係咁撩人...= =

至於我地，專員應該會抽時間同老師傾偈，都有可能會搵我地傾，不過今日只係有人問過我路，無驚無險！經過今-- --

切粉葛

批左忽指甲同手指皮...好彩唔痛同只係流少少血....

今日對腳好痛好痛…T.T

由早對到放工…結果要搵小巴返黎…
返到黎好少少，坐低按摩下先冇事…
我估應該唔關尋日急步行事，冇理由跑2個圏冇事行反而咁痛…
我估關M事多D………
之前都會對腳特別支力，不過就未試過痛咁耐…

拉牛上樹

拖肥豬去跑步仲慘過拉牛上樹...行得勁慢...加上我跑一陣已腳痛, 結果改成急步行一個鐘帶佢跑步真係失禮死人...邊有人放狗隻狗俾主人拖住o係後面架........樣衰到冇人有...= =

祝帆剛

Jacky Zhu

1979年8月22日

184cm

http://www.jackychu.cjb.net/

尋晚第一次睇王子變青蛙留意倒一個配角好面善雖然只有2個鏡頭今日一問個同事真係當年全球華人新秀大賽O個個祝帆剛我本身好鍾意睇呢D歌唱比賽當年已經好留意佢, 仲錄起左事隔幾年, 三年前佢終於出碟, 好好聽, 佢把聲唱歌真係好正估唔到佢依家居然係183CLUB既成員...= =記得佢曾經同蕭亞軒拍過拖佢既新聞一直唔多個人碟亦只係出過一隻今次有機會再聽倒佢唱歌真係開心同事話佢係全隊唱得最好既一個記得當年佢得倒第二名誓估唔到佢會入左偶像派男子組合.................

http://www.jungiery.com/183club/ 得佢一個似樣...

佢把聲真係好靚係我最最欣賞既男聲頭先睇網發現原來佢係有錢仔佢屋企係一個好出名既台灣單車品牌公司只係入娛樂圈闖幾年就返去幫佢阿爸手佢阿哥都係台灣音樂人好希望可以再聽倒佢獨唱既歌

下半身瘦身食譜

在分秒必爭的社會，人們大多缺乏運動，所以容易有肚腩及下身肥胖。
本食譜提供之營養功能表，可幫助有需要人士，效果可能不太顯著，但每月約可減4-5磅。

早餐
A. 麥皮一碗　脫脂奶一杯
B. 蘋果三個　清茶一杯
C. 香蕉二條　綠茶一杯
D. 提子麥包一個　烏龍茶一杯
E. 粟米片一碗　脫脂奶一杯
F. 西梅五粒　脫脂奶一杯
G. 麥包一個　西梅汁一杯

午餐
A. 蕃茄雞蛋三文治一份　綠茶一杯
B. 雲吞面一碗　灼菜一碗
C. 什菜沙律一碟　綠茶一杯
D. 菠菜面一碗　烏龍茶一杯
E. 牛丸米一碗　菜一碗
F. 墨丸米一碗　灼菜一碗
G. 吞拿魚三文治一份　清茶一杯

晚餐
A. 豬扒一件　清湯一碗　灼菜兩碗　白飯半碗
B. 牛扒一件　清湯一碗　灼菜兩碗　白飯半碗
C. 瘦肉九片　清湯一碗 灼菜兩碗 白飯半碗
D. 蒸魚六湯匙　清湯一碗 灼菜兩碗 白飯半碗
E. 鹵水雞翼三隻　清湯一碗 灼菜兩碗 白飯半碗
F. 油雞（去皮） 四件　清湯一碗 灼菜兩碗 白飯半碗
G. 灼蝦八隻　清湯一碗 灼菜兩碗 白飯半碗

輕返4磅喇 ~ ^^v

最好係腰同肚腩瘦過之前~~ ^0^繼續努力先~~

冬菇豆腐羹

做法：
1. 豆腐切件或小粒，冬菇一開二;
3. 豆腐、冬菇加水及雞粉同煮片刻;
4. 加生粉水埋獻; 最後加醋調味即成。

茄牛意兩食

我既係湯意；佢既係炒意

炒意做法：
1. 牛肉以洋蔥蒜茸生粉紅酒醬油糖麻油生油同醃半小時；
2. 意粉油鹽水煮熟，備用；
3. 爆香蔥蒜粒，加蕃茄粒及牛肉粒同炒，牛肉炒至七成熟，下意粉拌勻即可。

湯意做法：
1. 牛肉以洋蔥蒜茸生粉紅酒醬油醃半小時；
2. 牛肉、蕃茄名意粉放湯煮熟，加雞粉調味即成。

今日早餐食左隻蕉

其實尋日都係, 不過尋日又冇乜野, 唔知係咪唸起晏晝只係得雜菜湯飲, 定係尋晚都食得少, 所以特別餓...結果都係叮左個米粉食, 唔係我驚我會發癲咬人!!!
O岩O岩放工返黎食左D魚又飲多一大碗晏少少踩返半個鐘STEPPER先! 尋晚都玩左半個鐘, 頭十分鐘難頂到呀...不過愈踩愈順做完拉埋筋, 今日都冇腳痛~ ^^v

減肥之選

做法：

1. 青椒、西芹、蕃茄(可加茄膏)、椰菜、洋蔥切件；

2. 加水煲半小時，以雞粉、魚露調味即成。

灰

好似發左個唔多好既夢一起身心情就唔多好
跟住唸住自己呢排食清淡左應該輕返少少丫(之前磅重左幾磅)點知一上磅又重左幾磅!!!天呀!!!有咩可能呀!!!＼口／
又冇帶飯喎唔知係咩好, 結果冇嗌到飯...自己出左去睇下有咩食又怕肥.....＝　＝結果食左車仔麵（生菜豬紅豬皮牛柏葉米線）買完先醒起豬皮係油炸的．．．食o個時發現牛柏葉好韌…豬紅有漂白水味…
放學上功輔班, 開頭都相安無事...點知臨尾有人打交!!!從未如此大獲過...睇住佢狠狠咁踩人一腳同撞另一個同學落地....@口@我即刻睇下個同學有冇事…問佢有冇撞倒張檯, 佢即刻話冇事, 冇撞倒…仲笑笑口話「撞倒張檯仲o係度既?」不過有目擊者話佢塊面紅左...案情非同小可...我即刻打發其他同學走或者過隔離班然後帶左佢地落去教員室見訓導主任...何其令人擔心...知道佢地本性都唔壞, 不過有d又太貪玩…有d又太衝動…
開頭打人O個個仲想走, 咩晒書包咁, 我同佢話真係唔走得住呀, 咁大件事, 好在佢都坐埋一邊等我安排左其他同學放學先一齊落教員室
班主任話佢其實想變好, 不過太衝動…少少事都可以辣興佢…而且受軟唔受硬, 唔可以迫得太緊…

青椒雞肉炒公仔麵

做法:
1. 雞肉切條(或絲)以醬油、粟粉、糖、麻油、古月粉醃半小時；
2. 公仔麵煲至八成熟，過冷河，隔水備用；
3. 青椒洋蔥切絲, 下油鑊炒至八成熟, 雞粉調味, 撈起;
4. 雞條炒至八成熟, 青椒洋蔥回鑊, 下公仔麵同炒至麵餅散開;
5. 再加少許雞粉調味即成。

茄子雞絲沙茶炒米

做法:
1. 雞絲洗淨烚熟, 手撕成絲備用;
2. 米炒略煮備用;
3. 茄子切條;
4. 爆香蒜茸, 加入茄子同炒, (注意茄子吸油, 可加多一點生油);
5. 加入雞絲及米粉, 以沙茶醬, 砂糖名蒜茸調味;
6. 以筷子拌勻即成。

四方果~~

從未試過一次過買咁多盒四方果~~

高達背囊

好~開心~終於買左~~一出見倒已經覺得好得意, 不過當時太貴, 成8舊水今日見倒佢賣59x仲買一送一好抵可惜冇人同我share...結果買左69x既package, 一袋一腰包一銀包~我要左個背囊 ^皿^
雖然係大人背囊, 不過帶返學硬係好似唔知點咁 :p

高達背囊

好~開心~終於買左~~
一出見倒已經覺得好得意, 不過當時太貴, 成8舊水
今日見倒佢賣59x仲買一送一好抵
可惜冇人同我share...
結果買左69x既package, 一袋一腰包一銀包~
我要左個背囊 ^皿^

生日快樂 ^^

今日始終都冇機會同你講

功輔有感

今日功輔班有個學生同平日表現有D唔同,佢上學期都試過一次, 今次我唔想再鬧佢, 我好想好好地同佢傾, 不過似乎唔係好湊效; 可幸既係, 當我逐題逐題指住同佢一齊做既時候佢都肯做, 我已經好安慰。真係好想幫佢, 好想關心佢, 好想佢知道有人錫佢。其實佢資質唔差, 尤其是數學, 我對佢好有信心, 上學期我都同佢講過, 睇見佢專心做功課或者做卷係我最大既鼓舞, 結果上學期期考佢果然冇令我失望, 中文同數學科成績都係班中既首幾名, 好多人唔合格既科目佢都合格; 偏偏佢成日擺出一副懶懶閒既態度, 明明可以做好D, 我唔想由佢繼續落去, 如果逐題逐題慢慢做可以幫倒佢我好樂意咁做, 可惜一班十三人, 唔容許我花太多時間O係佢一個人身上, 對其他同學亦過意唔去…
我已經唔係第一次為左佢喊, 上次功輔完後去左教員室想好好地同佢傾, 點知佢擺出一副完全唔合作既態度, 我無法走入佢既世界, 結果自己激動到差D忍唔住喊; 今次卻係O係返到屋企之後同人傾返既時候。
或者呢個先係我最錫既學生, 好希望佢能夠開朗咁成長。
專題研習期間睇過佢一副相, 笑得異常甜美, 好鍾意佢呢個笑容……

GREEN BOX

YOKO's Birthday~

中文科壁報幾隻公仔

唔知大家鍾意邊隻多d呢?

再見了

阿婆話阿公臨走前流眼淚
阿婆同佢抹
阿媽問佢係痛苦定唔捨得
佢話係唔捨得

清蒸倉魚

好鍾意食倉魚，好多人鍾意煎，不過我覺得清蒸先食倒魚既鮮味；另外煲魚粥都好正架～加ｄ薑絲一齊煲！YUMMY~~~>3<

睇返DPINKY相真係好令人懷念

事隔年半, 物換星移,
呢間屋舅父已經放緊盤, 間廠亦都冇左, 佢地一家搬左去廣州
收養返黎個妹妹(現年七歲, 手抱咁大就接返黎養)亦都送左俾人...
阿公身體愈來愈差...
呢年幾以黎既變化真係好大
從來冇唸過舅父一家會搞成咁
今次返去見倒佢老左好多...
呢間影音室原訂等表妹仔大個做佢間房...依家呢...
不過佢人仔細細都好識做人, 細細個已經唔怕生保, 係咪行埋去佢都會挨埋去, 依家去左舅母個朋友度, 舅母同佢講呢對先係佢親生父母, 或者咁佢既命運會更好都未定
我舅母收養佢時根本都唔係當自己女看待, 成日唸住第時等佢大個要話佢知自己對佢幾好, 要當返佢妹仔駛, 又話對佢根本冇感情, 依家經濟唔好送俾人仲好, 人地又冇仔生好鍾意佢
其實一直都係我舅父想要個女, 佢地本身已經有2個仔, 不過當時環境好, 駛多多錢都當親身咁入籍, 依家送俾人舅父都不知幾唔捨得, 不過屋企舅母話事...
依家表妹仔已經改晒口叫佢地做「芳姨」同埋「思理的daddy」...(思理是我表弟, 即佢原本既二哥)...相信佢o係新家庭都應該有更好既發展既。

忙到呢............

我地學校一年3個大型活動之一--專題研習週

聽日就係發佈會, 會有好多家長黎
上星期成個星期走黎走去騰上騰落影相, 聽日仲要影成日。本來好O岩我, 不過咁走法真係有D厭...
每次入課室D學生就嗌: 「又黎偷影!」或者係「記者又黎喇~」同埋「影我啦影我啦~~」
不過最慘都係今日食完飯返黎開始得閒D可以坐下既時候, 先接倒ORDER要做8個BOARD........雖然都係只要HEADING同底紙, 不過又要PRINT又要剪又要拆舊BOARD都幾係野...搞左幾個鐘, 搞到OT左成2個鐘...學都冇返到...
身心俱疲....
我走既時候仲有2個TA同事O係度整緊聽日個PPT....

今日試左KCF個新餐

一人合意套餐好貴呢~~
成36個大洋~~
2件羅馬雞翼+1件比薩餡餅+一杯熱奶茶(+$1)
又唔算話好好食~

走堂...

今日冇返到普通話堂, 一來冇帶notes, 二來帶唔夠衫...又未病好...又冇mood...又要捱時間...又未晾衫...簡單黎講...即係懶...
今日偷懶...冇返到學...
已經o係新達麥記食左2個包, 都仲有排先夠鐘...又想返屋企睇情陷夜中環同織冷衫, 又有少少想打機喎...結果.....
唔知點解今日咁大意欲走堂, 可能上星期冇返既原故, 懶慣左啦...

沙田買聖誕禮物

行左幾個鐘就係為左學校老師聖誕聯歡既交換禮物, 結果o係無印買左pack 茶~唔知好冇飲呢?唔知抽倒既老師鍾唔鍾意呢? 不過我冇影到份禮物呀...
反而係臨走o係商場影左幅相
估唔到今年幾多報導講呢個商場既佈置, 但係佢就話好核酸...
我個人就冇咩意見, 係d棉花污糟d囉...睇呢幅相都ok丫~

咬咬咬咬咬

支力死人陸運會...

今日4點幾已經返到屋企, 可以話係有史以黎最早放工既一日, 不過就異常地支力...=口=
支力到我今日要搭車返黎....不過都好好, 影左好多相, 同埋同我好鍾意既學生傾左好耐偈XD
又見倒Thomas(即係我好鍾意o個個一年班) 扭計, 因為親子接力實輸左, 跟住有個auntie同佢講話唔緊要啦~考試考第一咪得囉~~(佢咩都要贏, 為左贏賴皮都在所不惜)

今日係舞蹈校隊比賽前最後一次練習

首歌真係好好聽, 第一次聽已經好感動, 套衫又好靚~佢地雖然跳得唔係好齊, 不過都好好睇!!星期六就要去比賽喇~~加油呀各位~~~

呢排睇love谷好多人問男仔織頸巾俾女仔既問題

其實我一直都唔係咁支持, 我本身絕對唔渴望收倒先啦...
記得當年都識人織頸巾俾心儀既女仔(我同學), 仲要人8月天(生日)纜住影相...
可能我思想守舊啦, 男仔織野...總係有點兒那個...唔係太識欣賞...
好在我男朋友都唔係呢種人...我收倒都唔知識唔識開心...= = 佢都好慶幸我唔想收倒XD
你唸下當你戴住佢俾人問自己織架?跟住要答佢: 唔係呀~男朋友織架~~咁係幾怪既事呢...
不過睇返谷人既應反, 都係好壞參半啦, 都有唔少人覺得女朋友收倒一定會開心既~
大家點睇呢?

愛心慈善步行

Thomas 去軒軒都有去呀~d家長嗌佢地拖住手仔行，Thomas 一手就拖埋去, 點知軒軒就「咦~~~」一聲縮開左, 跟住冇幾耐見倒Thomas 再接再厲~終於俾佢拖倒喇~~~\^0^/
我睇得不知幾開心XDDDDDDDDDDDDDDD

今日o係學校整既board

度過左充實既一個星期六

評nana電影版

電影版將漫畫版既誇張位同笑位刪左, 不過有好多係電影先可以有既笑位....其中三個如下:1. 真一出場.....= = 好好地一個美少年搞成咁....之前已經知道佢搵邊個演架喇, 不過見倒佢出場o個幕真係忍唔住笑...唸起佢續集可能會攬住蓮就想死XDDDDDDD2. 肥蓮... 其實一早已經唔鍾意佢演蓮, 我好鍾意蓮架嘛....肥晒..../.\ 不過睇落又幾順眼, 亦唔係想像中咁肥, 唯獨是佢坐O係床邊O個幕頂左個胃腩出黎...我身邊O個個又O係度細細聲嗌: 好肥呀~~XDDDD 我都引唔住笑...其實佢除左個胃腩同塊面都唔係肥既3. 你條仔... 最離譜都算呢度, 章司同奈奈分手O個幕人人都話好感人, 不過睇見佢O個句字幕「是你爭仔呀~他是你條仔呀!!」就算之後鏡頭影住奈奈喊得好慘個樣...我都係引唔住笑.... /.\演員方面, 我覺得奈奈係做得最好既, 美嘉其實都似既, 係個樣衰左D囉...又多特寫...娜娜話晒都係靚女黎嘛, 奈奈成日都話佢靚, 點知個演員咁既樣....反而奈奈應該只係一個普遍女仔, 但仲靚過佢又高過佢....除左真一同蓮都偏肥之外, 女角方面幸子同淳子都逃唔出呢個厄運...幸子明明係驕滴滴家嘛...依家又大份又唔靚...仲做得好乞人憎添, 漫畫中既幸子本來並唔令人討厭呢, 佢D衫都跟得幾足, 弊在身型唔足呢...著返呢D份...都幾難頂...==kocat仲話佢似o個d女著女郎...不過把聲我覺得好似, 我心目中既幸子係咁上下蕾拉方面我就覺得大件頭左d...有對強壯既臂彎...不過把聲都幾好聽~反而娜娜把聲約左d, 但都唔算唔似, 係有少少俾d音樂蓋過章司其實我覺得唔錯, 外型都幾似反而泰我覺得唔多似, 咁易扮都唔多似...伸夫都唔係o個種感覺, 雖然佢已經做得幾傻最後講返劇情我覺得交代「幸子」呢個名其實都幾重要, 但佢cut左亦冇提過大魔王美里都冇左...我覺得成齣場最感動既2個位係蓮去東京時o係車站送行o個幕同埋o係酒店攬娜娜o個幕但我其實覺得冇必要走到lift口, 照返漫畫都ok, 咁改法有d似香港d電視劇呢2幕我睇漫畫時都已經覺得好正反而奈奈o個d, 可能我本身唔係咁鍾意呢個角色, 所以冇咩感覺, 加上佢最感人個位又咁爆笑....=__=整體黎講我覺得劇情對白方面已經跟得好足, 感覺唔錯, 睇倒娜娜同蓮o個鄉下一齊圍住條頸巾行o個幕都好正~佢地o係間屋仔一齊沖涼傾偈刷背都好好氣氛~間屋都好靚~>3<都算係將呢套漫畫活現眼前, 而我亦慢慢接受倒蓮由呢個演員演唔知電影版又會係點呢~?希望真一可以搵個似d既人演啦~日本咁多o靚仔~~應該唔係難事至係格~!?再有續集既話, 相信我都會去睇~ ^^-- --

麻甩&B仔

今日帶隊去大埔梅榭坑遊樂場

連司機先生都唔知道o係邊度...要打返屋企問阿媽先知...原來係一個俾人跑步既公園...
又同好得意既Thomas影左相~仲同佢傾左偈~ ^^
佢話「我今朝見倒你呀~」指既係佢今朝入教只室時我同佢byebye, 佢同我揮返手 ^^

頭好暈...好辛苦....

好想早退...今晚仲要返學...
我唸我可能係病左都仲唔夠訓既關係, 頭暈左3日, 最怕暈陀陀既感覺...好辛苦...
一陣仲要功輔班, 希望班仔生生性性唔好要我勞氣啦... :(