蠍+小藍+丁叮媽

Thursday, September 14, 2006

裝飾公仔

整左2日

一幅好似2張畫紙咁大

逐part畫完剪, 再整拱埋條邊, 不過出到黎都扁晒...

「有心人」 ~ 張國榮

不是fans，然而他走那天，聽著這首歌，卻哭得很悽涼…

多動人的旋律，原來是他作的嗎？

有心人 - 張國榮

曲︰張國榮 


詞︰林夕 



寂寞也揮發著餘香　原來情動正是這樣 


曾忘掉這種遐想　這麼超乎我想像 



＊但願我可以沒成長　完全憑直覺覓對象 


模楜地迷戀你一場　就當風雨下潮漲 



＃如果真的太好　如錯看了都好 


不想證實有沒有過傾慕 


是無力　或有心　像謎　像戲 


誰又會　似我演得更好 



＋從眉梢中感覺到　從眼角看不到 


彷彿已是最直接的裸露 


是無力　但有心　暗來　明往 


誰說　這算是　情愫 



重唱　＊,＃,＋,＋

在線試聽：http://www.91cctv.com/m/1416.htm

地震!!＠口＠

中學o個時都發生過有感地震，不過ｏ個次我ｆｅｅｌ唔倒，今次終於ｆｅｅｌ倒！仲以為係樓上有人ｏ係度跳，震完之後聽倒樓上有人聲。跟住有版友話佢ｏ係屯門都ｆｅｅｌ倒我先聯想到地震，然後大埔谷亦有人討論，跟住我先上明報新聞網，原來真有其事，真有效率！

http://www.mpinews.com/htm/INews/20060914/gb42024a.htm

      本港晚上錄得地震 (20:24)
     2006年9月14日
      本港在晚上約7時53發生有感地震，多處地方市民均感到出現震動，天文台亦錄
得震動。

      天文台表示，在7時53分接獲多名市民的報告，表示感覺到一次震動。天文台的
地震儀亦有錄得震動。天文台將進行分析工作，有進一步關於這次震動的資料時，將會
立刻公佈。柴灣、中環及離島市民均感到震動。

      根據天文台的資料，由1874年至今，香港錄得V度(五度)或以上的有感地震有6
次。在香港歷史上，只有1918年位於香港東北偏東約300公里的汕頭7.3級地震在本港造
成輕微損毀，當時一些建築物的牆壁出現裂痕。這次地震是香港錄得最強的一次，估計
達修訂麥加利地震烈度VI至VII度(六至七度)。

      自1979年至今，香港共錄得51次有感地震，平均每年約2次。當中大部分的烈度
都是介乎III至IV度(三至四度)。最小的是II度(二度)，共有5次，而最大的是V至VI度
(五至六度)，只有1次。

      這些地震的震中位置大部分都在香港境外，如廣東省的河源和陽江、台灣、菲律
賓和北部灣等。

      自1979年以來，震中位於本港境內的地震有6次：1983年在米埔(1次)，1982年(2
次)及1995年(3次)在大嶼山東部離岸海域。這些境內地震引起的振動均屬輕微，烈度在
V度(五度)以下。

看我多嬌俏

Wednesday, September 13, 2006

「我男朋友話呢…」

發覺自己經常用呢句說話開頭，其實係好自覺，每次都覺得怪…講得多又怕人覺得煩…不過又真係男朋友話家嘛…用「佢」黎代替ｄ人又會問邊個「佢」…唔識得佢既人我又冇理由嗌名，況且我地平時都唔嗌名既，都唔知用邊個稱呼黎講好，結果又係用返「我男朋友」黎形容…

o岩o岩一齊o個陣已經有人同我講話我成日話「xx話…」，到上次返鄉下表弟又話我成日話「我男朋友話…」，其實我自己都知，我話因為接觸得最多嘛，除左返工同上網，圍繞住我既就係佢，一星期有四日一齊，每日都講電話，好多野都係從佢而來…咁講都係難免…

其實對住佢我都會話「ｘｘ話」「ｙｙ話」「ｚｚ話」，呢ｄｘｘｙｙｚｚ就會換成我既同事、網友、舊同學，又或者係「阿媽話」。

香芋維他奶

今日同事買左一盒返黎, 倒左一啖俾我試, 入口似香芋雪糕, 不過吞左之後個口有陣苦澀…唔知成盒飲會唔會好d, 不過佢都話唔好飲…

Tuesday, September 12, 2006

出牙!!???

真係冇唸過咁大個人仲會出牙仔…唔係智慧齒喎…係之前剝左O個隻大牙！

小學換牙時最入面O個4隻冇換過，大個左邊出左２隻智慧齒，跟住上面２隻最埋邊既大牙就相繼崩左，補完又甩補完又甩，最後左邊o個隻2年前生日o個日走左去剝，點知最近好似出緊新牙好奇怪！！

大家最入面ｏ個４隻大牙有冇換過呢？

炒蛋多士

今朝自己試整炒蛋多士…唔好食…件多士直頭係最難食O個種…烘完出黎攤左一陣走去炒蛋，搞到淋淋地unun地…最衰就係呢種= =

D蛋加左牛油同炒，都係冇咩牛油味，可能佢落左好多，或者真係加左奶或者cream，最奇怪係煮出黎連色都差好遠…好淺色唔夠金黃…外面偏熟入面仲濕，完全唔係o個回事…

女人的直覺

大家覺得自己的直覺可準？

好多女仔都覺得自己直覺好準，亦好多人話好多時當一個女人懷疑另一半既時候，對方往往真係有外遇。

但我自問直覺一向都唔準，由細到大都係…我反而覺得係好事。

近視淺左??＠＠

頭先唸住配CON結果買左副眼鏡(價錢差唔多, 點解結果會係配眼鏡既?@@)

驗完眼話我2隻眼都係100度@@!!!!!!!!!

我之前戴con係左眼150, 右眼200喎~!!咁搞笑???

明明我睇電視字幕係濛左個喎, 睇巴士車牌都幾濛下...

仲要冇散光

但戴佢副驗眼鏡睇野又好清下

發生咩樹!!???

同事話：100度你就唔好配啦~

我話：鬼知咩…＠＠

半島酒店嘉麟樓奶黃酥皮月餅

想試~~今年一定要買酥皮月餅食!!!

不過唔知去邊度買好

之前減肥期間o係OK見倒一盒3款都唸住買

定話買呢隻好呢

不過奶黃唔知o岩唔o岩口味呢~

http://www.openrice.com/big5/sr2.htm?shopid=3250&comstart=10

大胃王(非會員)

日期: 2003 年 09 月 12 日

見仁見智

包裝唔差 ,可惜只係迷你 size

味道： 5 環境： 5 服務： 5 衛生： 5 抵食： 5

smalleye (共85食評)

日期: 2003 年 09 月 12 日

好正!!

不嬲都有買開嘉麟樓既月餅，奶黃餡好好味，如果叮熱三十秒先食，熱熱地仲好食。另外，因為公司 d客送中國會月餅比我地，所以都試過下，包裝相當靚，而味道亦都 ok，唔會太漏，係另一值得推薦既月餅 !

味道： 5 環境： 5 服務： 5 衛生： 5 抵食： 5

mcmugemily (共324食評)

日期: 2003 年 09 月 11 日

勁好食奶皇月餅

呢 2年都有 0係嘉麟樓買呢個奶皇月餅 . 佢係一盒有 8個 0既迷你月餅 . 個盒仔好靚 , 六角型 . 幾特別 !!
味道就好好 , 好好食 . 個皮好鬆 , 個餡好香奶黃味 . 而且唔會好甜添 ~~ 由於細細個 , 食幾個都唔會膩 . 好正 . 價錢都唔貴 , $105一盒 . 半島喎 , 真係幾抵食 .

smalleye (共85食評)

日期: 2003 年 09 月 12 日

好正!!

不嬲都有買開嘉麟樓既月餅，奶黃餡好好味，如果叮熱三十秒先食，熱熱地仲好食。

細哨 (共30食評)

日期: 2005 年 09 月 19 日

酥皮奶油月餅

咁大個仔第一次入半島，就係來幫襯嘉麟樓買月餅俾女友屋企人。 HK$148

返到女友屋企開來慢慢吃，覺得無乜特別，女友仲懷疑呢盒唔係月餅。

第二日去旅行一口吃半個，先發覺味道均勻，相當好味！建議大家食時最好一口一舊！ (睇你口幾大就切幾大舊。 )

honeyBbee (共26食評)

日期: 2005 年 09 月 20 日

保持水準

每年必定買呢度既月餅，因本人喜愛奶黃，呢度既月餅就係我食月餅既 first choice 。

$148.00 有 8個迷你月餅，係雪櫃羅出來，就先釘佢甘秒先食，年年水準都一樣，正呀 ~~

是次每人消費約$148元
味道： 4 環境： 5 服務： 4 衛生： 5 抵食： 4

有冇人試過Triple O's?

睇food谷成日有人講

好想試

tst開左分店呢

大家有冇試過?

http://www.openrice.com/big5/sr2.htm?shopid=11175

http://www.tripleo.com.hk/

Monday, September 11, 2006

旺仔小饅頭

鍾意食既舉手~~~

我超~~鍾意食

鍾意佢陣味~又鍾意佢既質感~~

:D~~~~~~

買左罐「媽媽罐」裝XD $15蚊250G

食唔停口~~~

關海山（1925年—2006年9月11日），

我很喜愛的演員之一…

ＲＩＰ…

關海山（1925年—2006年 9月11日），本名關寧，人稱「蝦叔」，為香港著名演員，又是粵劇老倌。育有一子關聰。

年輕時期，“蝦叔”活躍于街頭的粵劇舞臺，擅長飾演英俊小生和達官貴人，直至上世紀五十年代參與粵劇電影演出，從而正式加入演藝圈。1950年代-1960年代為升格為粵語電影的“首席小生”。1976年加入香港無線電視 TVB，隨後參與拍攝過超過100多套電視劇的拍攝。到70年代，“蝦叔”再次參與香港電影拍攝，及至1992年，憑藉電影《五億探長雷洛傳》獲得香港電影金像獎和臺灣金馬獎的最佳男配角榮譽，到今年為止“蝦叔”參與過300多部電影電視劇作品。2001年中風後，便從此息影。近一兩年，病情漸見好轉，但仍然反復。2005年8月無線電視為表揚關海山先生的敬業樂業精神，特別製作節目《活得健康關海山》，由曾經飾演“蝦叔”兒女的黃日華、鄭裕玲、肥肥沈殿霞等一起分享“蝦叔”的演藝生涯和養生之道。　