Debra Special

好耐冇整過生日蛋糕以外既甜點, 前晚經過mrs field's, 見倒久違既debra special *0* 之前2間都唔見以為以後都見唔倒佢架喇!!! 買左一件黎食…唔食由自可~~ U..U 一食不得了呀~*0* 好感動呀 >~~~<

daddy叫我每次食一啖~ >~<

＊　　　＊　　　＊　　　＊　　　＊　　　＊　　　＊　　　＊　　　＊

返黎搵左個譜http://ifaq.wap.org/society/mrsfieldscookies.html, 尋晚整唔成, 今日整左:p 唉…唔整由自可…又阻礙我既減肥大計喇~>0<

係咁食呀~~~~~

我麻麻地曲奇, 淨係鍾意mrs field's~ 其他美曲都唔同架, 而當中又只愛debra special~~~ 好似係提子燕麥果仁, 食o個陣好似發現有朱古力粒

唔好朱古力既我開頭冇落, 後尾又試下加d, 好似中和左冇咁甜喎

不過呢個譜比正中既油, 同甜左少少, 下次改良改良

今次整大份少少, 以防soda powder呢d比例太少, 第一塊估唔到佢發到咁大*0*好搞笑XD早知應該擺埋仔仔度影返張~ 好快就俾我KO左 ^..^

差唔多有5寸直徑XD 有人話似肉餅= =  蠔餅 = =||

跟住6塊6塊咁焗左2, 3盤

入爐前

個邊脆既, 入面煙un

不過靠爐入面熟得好快, 出面夠鐘都唔熟, 又冇一次記得開風扇…= =

我d杏仁碎同朱古力粒係入爐先加o係面既~燕麥份量隨意~

以為個漿唔係幾對路, 好杰, 焗出黎又好似幾正常喎, 好在冇加蛋 :p

食評：

２個同事話好味，１個話甜左Ｄ，我都覺好甜呀～好似d donut咁要配茶食XD一塊已經可以係一個TEA~ 不過面對呢款曲奇既誘惑…我食左好多喇…好在冇焗晒, 最後有D放左入急凍 ^^" 今日食冇尋日出爐冇耐咁油喎 ~ 同事話如果厚D就似mrs fields喇~ 但係佢會自己焗焗下平晒…可能太少燕麥唔夠支撐 ? 燕麥份量我冇跟譜

之後又有2個同事分別話似雞仔餅同芝士蛋糕個餅底= =

2位書記小姐話好味~ 一位最初試食既同事話好食過出面買 XD

如果唔快D派晒, 我驚我會食唔停呀… ^^"

芽菜阿婆唔易做

第一批食得既自家蔬菜 ^0^　就係最簡單既綠豆芽菜喇～

浸十個鐘, 跟住換水, 用水沖沖之後加上濕厚廚房紙蓋面, 瓷碟壓頂, 每日換2次水, 夏天5日倒就有收成, 最後2個鐘放窗邊綠化即成。(我照左成日…太綠喇…XD而且隻碟唔夠大…生得唔夠粗…) 如果想完全冇芽就要o係全黑環境下進行。

收成喇~

跟住就要摘芽摘根, 搞左個幾鐘得o個dd XD

銀芽~

綠豆苗(唔知係咪咁叫)

好喇跟住要煮咯喎~

開頭唸住整沙律啦, 整左個汁, 切左D蕃茄, 不過D菜辣左D草青左D … 都係烚熟佢啦XD

好味好多~XD

跟住到主角喇~又係灼熟左, 今次加左少少雞粉去灼

之後加上阿媽o係汕頭買返黎既菜甫蝦仁, 好美味架 ^0^

早一日收成就咁既相, 冇咁綠, 不過都係好幼:P

＊　　　＊　　　＊　　　＊　　　＊　　　＊　　　＊　　　＊　　　＊

萌發豆芽應使用有種子活力的干豆。現代有些食品級的豆經過熱處理，不能發芽。

將洗淨、挑揀之後充分浸水的豆放在乾淨的容器底部，最多鋪不過一層。保持室溫環境，每天用乾淨的水沖洗2次以上。豆子泡在水中不接觸空氣的話會很快爛掉，所以或者食用底部能自然漏水的容器（例如底下開孔的缸或右圖示專用容器），或者每次沖洗後人工把水倒乾淨。種子一般1-2天開始萌發，到一周左右長出幾厘米長的幼嫩莖之後，葉、側根和根毛出現以前食用。

莖為主要食用部分；在黑暗環境中萌發的豆芽莖顏色白，質地更加嫩脆。中國傳統在萌發中的豆上壓以石塊，這樣抵制壓力生長的莖特別粗壯。

不等莖長成，而是剛發出芽便食用的稱為發芽豆，其口味和營養都更接近於豆而不是豆芽。

營養：一份綠豆或黃豆可生成超過10份重量的豆芽，增加的重量大部分是水。萌生過程中消耗了很多豆子里的主要營養成分（澱粉、蛋白質、脂肪），因此豆芽含熱量少，但維生素C和食物纖維等微量營養成分則大有增加。在現代被認為是一種健康食品，有助於減肥。

食用方法：中國菜中推薦掐去上部的豆和下部的根後食用，因此也稱掐菜。烹調方法有生食、炒、入湯、燉等。例如江蘇省鎮江的傳統菜「銀苗雞絲」（綠豆芽炒切細的雞肉）、陝西的菜「熘銀條」（大火快炒綠豆芽，配蔥和炸辣椒，保持豆芽脆嫩）。清朝作家袁枚在《隨園食單》中則提倡豆芽要烹調至熟爛。

在東亞、東南亞廣泛被食用。例如在朝鮮半島，綠豆芽被用來和其他的蔬菜一起烹調、腌制、製作泡菜或用熱水焯過之後涼拌食用。在越南豆芽多為生食，

在西餐裡面，各類豆芽可以加到沙律裡面生食。

童年回憶~Sanrio

大個左對呢d精品冇太大感覺, 最回味都係幼稚園年代既公仔

其實冇咩印象, 有d仲係咪入幼稚園時出既

記得小學鍾意企鵝仔同雷公仔~ 可能因為屋企有佢地既精品

今日同大家介紹下, 唔知大家有冇印象呢 ^^

http://www.sanrio.co.jp/english/characters/w_chara/48.html

http://www.sanrio.co.jp/english/characters/w_chara/45.html

原來sanrio出過咁多公仔

http://www.sanrio.co.jp/english/characters/characters.html#t

小學最熟係hello kitty, keroppi, 大口仔, 不過最鍾意係"狗男女" The Vaudeville Duo

http://www.sanrio.co.jp/english/characters/w_chara/10.html 同埋 http://www.sanrio.co.jp/english/characters/w_chara/05.html 中學鍾意 http://www.sanrio.co.jp/english/characters/w_chara/24.html 大家唔好睇住個年份追索返我幾大XD 唔準架~ 我識佢地O個時唔係佢地O岩O岩出世O個年黎架XDDDDD o個時仲有隻白熊幾得意架, 不過唔知叫咩名:p 又有好多同學鍾意 差d漏左中學時代 既同小學時代既 仲有印象矇糊既 其實由細到大都冇特別迷咩公仔, 只係叫做比較鍾意 ^^ 細個有勁多佢地既貼紙~o係校車玩歌唱比賽同拍賣~ 你又鍾意咩公仔呢? ^^

飲茶．維多Ｃ特價

9個人, 嗌左20籠點心, 黎左19籠, 另加2碟粉麵飯, 每人$37

同d同事飲完茶去左萬寧買藥食，維多C黑加侖子味好抵呀~$19.9咋!! 另外o個盒就飲開, 好似23個幾, 差d買左$3x蚊10片o個隻橙味維多c, 好在俾錢時見倒同事講既呢隻$19.9, 即時轉呔, 好在俾eps未入pw, 改得切~ 佢問我攞唔攞錢先知依家萬寧都有得攞錢, 咁攞300啦, 點知佢唔記得俾錢我= = 撞倒個舊生, 一路同佢傾偈, 收倒卡同收據時我問「e?冇攞錢呀? 由佢啦~」點知原來佢過左我數…冇攞錢俾我…咁都唔緊要, 不過搞到佢俾經理話…叫佢小心d…仲問佢攞咩…錢櫃有咩攞呀…聽講呢間分店個經理好惡…

返黎試飲, 好好味喎~ 有d似橙味o個隻, 不過黑加侖子味囉, 又唔似利賓立, 又唔飲o個隻感冒熱飲~不過唔錯, 打孖黎仲好飲~ ^0^

21:40 收倒同事報料, 「行左2間慢零都冇.....維C已經比人換晒!!!!! T____T 」

真係咁好賣???XDDDDDDDDDDDD

＊　　　＊　　　＊　　　＊　　　＊　　　＊　　　＊　　　＊　　　＊

492

好耐冇去過492呢個人流，尋日大家都冇街去特別多人上blog?

點解咁多cd-rom, 咁少人re post架…

八號風球下~跑.病

尋日掛左今年第二次八號風球，風勢相當強勁。一年裡面咁快掛２次八號，究竟係Ｄ風勁左，抑或天文台風格唔同左？

預左尋朝會掛，估唔到掛到放工時間，好多年未試過！

尋日起身整左饅頭食，跟住up返d舊相上facebook, up左好多早幾年既相~ 大家有興趣可以去睇下以前既我, 直頭髮, 短頭髮都有~仲有幾輯旅行相~

＊　　　＊　　　＊　　　＊　　　＊　　　＊　　　＊　　　＊　　　＊

一路up相一路做sit up, 開頭20下20下, 後來40下40下咁, 醒起就做, 起少少, 練小腹腹肌, o個度瘦o個陣都有個腩腩, 好想減左佢~試下咁做work唔work, 尋日總共做左340下~

6點幾見冇咩風雨, 又落返3號波就出左去跑步, 好似障礙賽咁, 越過好多大大小小既樹枝, 差d kick親…之後跑另一便好d…帶左遮, 不過太大風, 冇開, 微微雨, 返到黎濕晒, 唔知雨定汗, 不過好爽

但係

爽係要付出代價既, 臨訓同今朝都有幾聲咳…依家仲目光呆滯喉嚨涸, 同事話聽我把聲就覺得我唔妥…

北冕豆渣饅頭

請左2日假, 賺埋今日第5日連假 ^0^

呢幾日除左出去游水跑步都冇做過d咩~ 今朝8點幾起左身就整下饅頭

一來今年都未整過, 二來想用左d豆渣

次次整豆渣饅頭都發得好勁…好樣衰…

第一次整雙色, 發好第一次先加色…撈唔勻= =

(蒸前)

蒸既時候已經好香豆味 ^0^

好耐冇搓包, 好快手, 唔駛起膜, 因為中包有發粉

今日先知原來落老麵就唔駛發粉~ 不過咁耐冇整包邊有老麵~ 唸過加湯種, 都係嫌麻煩:p

遇溺．減肥方案

今日打住風去游水，尾聲先有少少雨，終於可以平日朝早9點幾去游~真係好少人好好游呀~ 不過聽日又要返工喇(如果打唔成風)

以為今日既第一次只係呢個時間去游水同落住雨游啦, 點知游游下o係我附近有個男人唔係好對路, 冇耐就聽倒佢嗌救命, 我已經游過左, 我望望救生員又冇反應, 佢係望住呢邊個喎, 轉頭望返個男人已經有人拖緊佢埋岸, 應該係另一個救生員。佢地好似習以為常咁, 乜呢d事時有發生既咩? 還好個男人都冇事, 水都唔駛上~之後仲有冇游就唔知喇。

返到黎搞下d花花草草就煮野食, 今日既肉肉就係腸腸一條~ 呢碗係紅薯粉黎架~百佳買既~好味~ 冇平時食開d咁悶嘛~

＊　　　＊　　　＊　　　＊　　　＊　　　＊　　　＊　　　＊　　　＊

前幾日冇做, 之前就記得就夜晚做60-80下~
呢2晚做左80-120下~依家有D肌肉痛~
係咪即係用倒舊肌肉呢?定係要拉返鬆D筋?

＊　　　＊　　　＊　　　＊　　　＊　　　＊　　　＊　　　＊　　　＊

頭先有人叫幫佢唸個減肥計劃，十月前減１５磅

我叫佢每日30分鐘帶氧, 100下situp, 舉下啞令, 帶氧前後10分鐘拉筋
飲雜菜湯, 早餐麥皮, 午餐多菜少肉一個粉麵

佢話咁少運動就得喇?
我話你做倒先講啦
一叫佢運動就話年紀大, 易支力, 膝頭痛, 上身重
每次都想搵偏方, 想不勞而穫…
我話左減肥唔容許藉口
咁我叫佢急行囉
嫌少就行一個鐘囉

都未試過就多多野講, 佢話減肥話左好多年, 未見過佢實行…
我叫佢實際d唔好咁大想頭
最後叫佢自己唸個方案, 想做多ｄ就做多ｄ先囉，再慢慢調節

選擇

好多女仔打死都唔會做主動, 有人追又唔抗拒就一齊, 朋友個妹就係咁, 一齊左先知原來佢鍾意O個個都鍾意佢, 只係遲左…依家佢嫁埋俾唔抗拒o個個~

依家仲有人覺得女仔做主動對方會覺得冇尊嚴…我覺得好不可思議…咁都覺得冇尊嚴呢個男仔本身都好冇自信

另外仲依然聽倒有人話女仔做主動, 對方會唔稀罕。其實男仔做主動都唔見得會好珍惜。幾多人追左返黎就對人衰, 呢樣野唔關邊個主動時, 佢係愛你既佢點會介意你做主動。男追女都一樣, 幾多女仔俾人追倒返黎之後反而對對方死心塌地要生要死~

等人追既女仔就只能夠o係追佢既人入面選擇, 可能有, 可能冇, 可能有幾個, 可能有好多, 但係多極有限, 個個好似狄娜咁年終一千幾百個有錢佬專業人士等你揀咩~

我一向認為鍾意既野要自己伸手去攞, 攞唔攞倒係另一回事, 想約邊個陪你做d咩咪問下佢囉, 唔去咪算囉~ 唔一定套用o係愛情上~ 不過愛情亦同一道理。

最近睇love group又有人有timing問題, 佢後來先發覺對方都鍾意佢, 不過發現既時候雙方都唔再係單身。講一句會蝕咩~ 唔講就真係蝕喇~冇左唔同怨~

細個可能會驚講左fd都冇得做~ 早排聽返絕情谷倪震成日話「你真係恨做呢d朋友咩?」甘心做朋友就唔會o係度囉囉鬈~只係做唔成情侶, 朋友都好過冇咁…「最佳位置」呢d…咪盞眼冤, 況且依家咩年代, 唔見得講左會冇fd做~

何必局限自己既選擇o係咁有限既範圍呢? 明明每一個你遇上既人都可以係你既選擇~ 鍾意一個人唔駛其他人同意個喎, 佢鍾唔鍾意你又係佢既選擇~ 你總算揀左~ 做左野丫~

08年小目標中期檢討

見懶貓黎左個中期檢討, 我先醒起我好似定左D小目標, 有D完全唔記得左XDDDD

1. 早訓<<<唔記得左XD 不過依家有做運動又要返工既日子都幾早訓, 有時十點幾, 夜既都係12點幾, 不過一放假就訓返:P 可能點幾, 最夜試過3點 ^^" 不過都係一次半次~ ^^" 勉強合格啦:P

2. 減返十磅(先), 著返舊年條瘦身牛牛 (其實…我冇話幾時開始喎…都未決定…只係今年既小目標JE~ 唸住搵一個月黎減呢十磅, 不過仲未唸定幾時開始, 話晒都係冬天)<<<唔記得定目標(4/1)時幾多磅= = 唔知夠十磅未…條牛牛其實著得落, 出得街, 緊D囉:P 一個月過去, 未減倒十磅耶~~不過唔急既, 黎埋M先磅~ 到十磅再報磅啦~^0^(呢十磅係指今次減肥起計既十磅~其實開始時已經唔係最重 :P)總叫開始左~^^

3. 盡整TONY WONG食譜中既蛋糕<<<印象中只係3月個AMERICAN CHEESE CAKE係跟佢既食譜…之後好多時做返之前做過既野, 加上呢排都冇整野食, 呢個目標達成既機會最低呢~

香辣茄子豬肉

星期五買定送, 豬肉切條醃定, 訓醒切埋茄子

又係水代油炒, 加幾粒紫天椒粒+豆辦醬, 少少蠔油炒~

我同專員都覺得好好味 ^0^

佢送飯, 我送雜菜湯 ^0^

豆漿

呢排成日飲鈣思寶, 見屋企冇晒本來尋日想買, 不過又重, 又見好耐冇整, 結果買左包黃豆

尋日浸O個兜到今朝已經"縮"左= =

另外浸多200g, 6個鐘頭之後就加水用攪拌機攪爛, 用魚袋榨汁, 撇泡, 大火叮10分鐘~搞掂~

叮叮好方便~ 唔駛睇火又唔驚痴底~ 十分鐘就聞倒豆香~ 唔~~~ ^..^

其實就咁飲都ok, 試左一小碗, 加一茶匙代糖(<2kcal)

豆：水＝1：５

http://zh.wikipedia.org/wiki/%E8%B1%86%E6%B5%86

豆漿極富營養和保健價值，富含蛋白質和鈣、鏻、鐵、鋅等幾十種礦物質以及維他命A、維他命B等多種絟生素。豆奶蛋白質含量比牛奶還要高，另外豆奶中還含有大豆皂甙、異黃酮、卵蹸脂等有防癌健腦意義的特殊保健因子。

在一般民眾的觀念裡，多喝豆漿有益身體健康，因為黃豆裡面含有植物雌激素異黃酮，有效調節女性停經後的不適感。但是美國哈佛大學公共衛生學院，從2000年到2006年，針對99名男性做研究，結果發現，多吃黃豆類產品的男性，精子數量竟然會大幅下降。

香蕉豆漿飽足修身

豆漿是良好的植物性蛋白質，除了同樣有降低膽固醇的作用，還可以讓好膽固醇增加，此外，大豆蛋白質中的縮氨酸有提高脂肪燃燒效率的功能；大豆異黃酮則能幫助調整減重時，可能發生的荷爾蒙失調現象。
香蕉與豆漿的種種好處加在一起，顯得威力無窮。本刊請即將在十月結婚的彩妝師寧小姐幫我們實驗這個方法。首先，她每天早上都喝一大杯現打的香蕉豆漿，取代平常的早餐，午餐照常吃，晚上則在六點前喝一杯香蕉豆漿，然後吃一點雞肉、蔥、沙拉，七點以後就不進食。
寧小姐說：「減肥一定要靠飲食，這個配方的飽足感真的很夠，有時我還會加些其他蔬果，喝完一杯以後幾乎都吃不下東西，而且可以撐滿久，常常晚上喝完後，跑去上瑜伽課，體力也還足夠，不會像刻意節食時那樣全身無力。」

節錄自豆漿的好處與害處

專家指出，患有以下疾病的朋友無享用豆漿或豆花的口福。急性胃炎和慢性淺表性胃炎者不宜食用豆製品，以免刺激胃酸分泌過多加重病情，或者引起胃腸脹氣。豆類中含有一定量低聚糖，可以引起嗝氣、腸鳴、腹脹等症狀，所以有胃潰瘍的朋友最好少吃。胃炎、腎功能衰竭的病人需要低蛋白飲食，而豆類及其製品富含蛋白質，其代謝產物增加腎臟負擔，宜禁食。豆類中的草酸鹽可與腎中的鈣結合，易形成結石，會加重腎結石的症狀，所以腎結石患者也不宜食用。

＊　　　＊　　　＊　　　＊　　　＊　　　＊　　　＊　　　＊　　　＊

尋晚12點幾睇睇下黃子華訓左, 訓到今朝5點幾醒左, 沖左個涼, 唸緊去唔去游水好, 結果都係訓返…再醒已經游唔倒水喇(今日10-7洗池), 1點起身之後食左2塊生命方包同雜菜湯, 3點幾去跑左3個圈

由2個圈加到3個圈(打算以後都跑3個圈), 再加前後一段路, total大約40分鐘
奇怪前日跑完大脾痛, 行路都痛, 游水唔痛, 行路又痛…今日再跑又冇事咯喎, 行路都唔痛喇@@

返黎之後見冇食粉麵又煮d米線食下~

曲髮

唔知仲有冇blog友唔知我頭曲駛係天生既呢?

今日洗完頭搵毛巾包住, 放返就見倒咁既情境

唔知大家睇得清唔清楚XD 點解會鬈到咁既造型既呢 *0* 好似用左捲髮器咁~XD

台式肉燥飯III

第三次整喇~ 星期五放工游完水冇咩時間準備晚餐, 整呢個就最O岩 ^0^又唔駛醃～　仲有時間煲埋雜菜湯～

呢個係daddy既~ ^^ 我痴左d黎食~ 佢又痴左d雜菜食~ 佢話撈雜菜都咁好味~

台式肉燥飯II、台式肉燥飯I

執相期間發現我今年完全冇整過中式包 *0*

呢個我既~ 依家都食緊 ^0^

珍惜眼前人

http://hk.myblog.yahoo.com/cindy-marco/article?mid=17460

其實一直都知道有呢位抗癌勇士存在, 佢個blog長期o係人氣blog, 佢亦有黎過我度留言

不過一向好怕生離死別, 睇到個人好唔開心, 所以好少去佢個blog, 之前睇過一次, 知道佢有一個好錫佢既老公

o岩o岩知道佢走左,係早幾日既事, 睇到佢先生o個篇道別文篇已經谷住谷住…之後睇返佢地既週年紀念, 話結婚2年半知道患癌之後, 每一個紀念日都好珍惜我又忍唔住

冇病冇痛既我地, 唔知幾時會失去現有既一切

珍惜眼前人, 共勉之

 

cindy RIP

天皇 振作呀

有骨氣

溜完冰去左打邊爐, 跑完步溜埋冰都死:P 不過依家3點已經落晒格XD 黎緊2日要食少D郁多D喇~

最好味呢2個~ 又以叉燒包領先~daddy仔推介黎架~ (仲有個水晶奶黃包都OK)

呢個牛滑好似山竹牛肉~

9點後$78@, +汽水$9罐, 湯底呢個花膠菜膽窩$88, 加埋一$117@

食D野冇咩特別, 可能我地冇另嗌D貴野, 除左以上2樣之外, 鮮腐竹又幾好味, 不過好飽肚~ 雞脾菇好味, 不過同鮑魚菇一樣既…XD另外丁屎發現左原來油麥菜打邊爐咁好味XD 新新話豬閏同花膠唔靚好腥。而且個火好細…可能冇咩氣, 同佢講認完就算, 之後新新自己換左隔離檯O個罐XD

佢D豬閏柏葉勁大兜, 肥牛黎左2碟, 不過每碟得5片薄薄的XD

少女回憶

今日做左一件十幾年冇做過既事~XD

我同丁屎各自+1跟左媽媽去溜冰*0* 出發前好緊張呢~十幾年冇踩唔知仲識唔識~

第一次溜係小學六年級跟阿媽去, 當時阿媽有學溜冰, 而我就學roller~ 學左少少花識, 仲o係屋企一路拖地一路練習XD

其後中二又成日一個人去太古城溜冰, 為左想見o個度一個男仔, 佢又係成日會去~聽講仲係我小學既師兄XD

中五o個排都有同教會d fd去玩下~當時仲有一個唔識既女仔搵個男仔fd走黎結識我地當中一個男仔, 拖手溜左幾圈, 個女仔幾靚女架, mix黎, 之後佢地仲有電話聯絡XD我仲記得個男仔走黎問我地個FD幾點作為開場白XD

我成日經過丁屎後面就篤下佢整鬼佢XD

見唔見倒丁屎o係我隔離呀XD

今日試左細個溜冰學既前後溜胡蘆~記得細個學roller仲學左前溜交叉, 都o係屋企練左好耐先識…後溜交叉未練識已經冇學(暑期班), o個時第一二堂已經學mout低, 仲要舉高一隻腳溜~

今日大catfood都有叫我地mout低, 唔知點解只有丁屎一個mout唔倒~XD 大catfood話你覺得自己唔得咁就唔得架喇~ 呢個道理我相信可以認用o係好多方面 ~

DADDY都係十幾年冇玩過喇~

呢幅影得我幾瘦~XD

呢幅都係~ XD

臨走o個時o係門口見倒大小catfood張證件相, 真係勁似呀, 眼口鼻都餅印一樣! 同時daddy又話小catfood同媽媽好似樣~ ^0^

今日好好玩呀~ 不過除鞋時左腳抽筋好痛苦>< 丁屎就右腳XD

最後牛丸

繼O係台灣玩過一次之後, 今日又用EEEPC既眼仔自拍~ 好方便, 冇人知你影緊相, 又可以望倒自己, 張相又細唔駛RESIZE, 仲唔駛過相~~影左好多張XD好玩~~

今日食埋D牛丸, 椰菜仲未食晒~ 轉左米線~

之後仲食左好多車厘子~~

依家個肚好脹…

已經換好泳池準備去游水喇~ ^0^

尋日腳痛今朝冇跑步喇~ 加上夜訓所以放工先游水~

不經不覺已經一個月喇~~ 不過呢幾日個肚都好脹