聽日9月之星既蛋糕~
第一次整, 呢款蛋糕可以唔落香蕉, 又可以唔落麵粉, 咁咪同ugly chocolate cake好似囉?
早幾日唸整咩蛋糕時睇左屋企幾本食譜同幾個蛋糕blog, 唔想揀會溶既mousse同cheese雪餅, 戚風又冇咩新意, 最後o係呢款蛋糕同埋檸檬撻(冇馬令)之間揀左呢個~
買左幾隻蕉就整得~ 好在俾我搵倒一檔熟蕉賣~好香~仲好抵~ 5蚊有7, 8隻~
點知第一個居然入左爐先見倒d粉仲未落....... 又黎…!!? =口=
焗左30+1X分鐘放涼發覺好生, 再加錫紙焗多15分鐘~個邊都係好濕, 入面都係, 不過都幾好味, 有D似心太軟~雪硬左又係咋一種口味~
朱古力同蕉蕉真係好朋友~唸起以前BBQ既香蕉夾朱古力~:D~~~~~
見倒兜粉…再黎…
用晒d70%黑朱, 用左d奶朱溝10g70%黑朱+85%黑朱:p 焗左40分鐘
焗完唔似vanlily o個個, d蕉唔見晒…已經一開二都唔見晒XD 得幾個窿… 惟有切幾片加O係面, 又驚佢黑所以灑左少少糖燒一燒, 點知個蛋糕火農左D蕉都未有色= =
之前買左支好香既蜜瓜香油, 終於有機會用~ 今次減左一隻蛋白, o岩o岩好整倒一個6寸唔駛切。油由原先39g減到咖啡戚風既35克再減到30g, 水就唔覺意落多左4克, 變左52g :p
改自為食貓: 70g低粉+1/4茶匙發粉+1茶匙奶粉過篩; 蛋黃3隻打勻, 水52g+菜油30g+蜜瓜香油1/4tsp, 叮20秒, 加入蛋黃液中打勻; 加入粉類開機打勻; 蛋白3隻分次加入糖48g打起, 分次拌入蛋黃粉漿中輕手拌勻。175'C焗30分鐘。
仲有一直想整既豆腐未整, 又想試a moon 既香蕉朱古力口味~
自小學飲左一杯咖啡中左招之後對咖啡相當抗拒既我, 今次居然整左個咖啡蛋糕…
上次食過jenny coffee cookies, 睇過佢成份原來係用咖啡精之後就買左支黎玩, 陣味真係幾似, 今次用左1/4茶匙代替雲呢拿香油。
用返平時個譜: 70g低粉+1/4茶匙發粉過篩; 蛋黃3隻+糖21g打勻, 水48g+菜油39g+咖啡精1/4tsp, 叮20秒, 加入蛋黃液中打勻; 加入粉類開機打勻; 蛋白4隻分次加入糖48g打起, 分次拌入蛋黃粉漿中輕手拌勻。175'C焗30-35分鐘。
唸唸下呢個都係唔算戚風, 冇水冇油, 叫返牛奶天使先~
早排見柏琪同嘉露整都想整架喇, 整冰皮買左罐煉奶又想食戚風就整個玩下~
原來呢個蛋糕同蛋白蛋糕一樣你冇油冇蛋黃架, 整出黎既效果亦同我之前整天使蛋糕一樣…unun地…(蛋白戚風o個次有油有水, 質感似返戚風, 呢個唔似)唔知係我問題定點? 專員都話似麵包~
用左141g蛋白(4隻蛋白), 42g糖打起; 42g低粉+脫脂奶粉34g過篩2次, 拌入蛋白中; 最後拌入25g煉奶~
原食譜《好吃戚風蛋糕輕鬆上手》用168g蛋白, 我將成個比例減少左
食評:
今朝早餐食左喇~ 都唔係太un丫~比之前整天使蛋白蛋糕軟熟, 彈彈地咁, 尋晚試食個頂o個d就好un下
一位試食團員一食就食得出係奶, 一位話好蛋@@, 一位估吉士@@? XD
好耐冇介紹過零食喇~
上次tabby請過我地食之後覺得好美味~尋晚o係永安見倒就買左1包朱古力同1包糖~ 估唔到朱古力都咁好味架~ ^0^ 係咁食係咁食:p
佢有好多唔同口味~ 隻隻都好像真架~ 連cherry都唔會太藥~ 不過甘草daddy仔就頂唔順~ 我都麻麻地~:p 朱古力味既糖就好難食…= = 仲有店員妹妹話沙士都好難食…:p 仲有蒜頭同辣椒味~我試左蒜頭, 有d怪:p
轉頭再為大家介紹其他口味~ ^^
 |  |  |  |  |  |  |  |  |  |
| 藍莓 | 泡泡糖 | 奶油 爆米花 | 哈蜜瓜 | 卡布奇諾 咖啡 | 香檳果汁 | 巧克力 布丁 | 肉桂 | 椰子 | 棉花糖 |
 |  |  |  |  |  |  |  |  |  |
| 奶油蘇打 | 鳳梨 | 葡萄果凍 | 青蘋果 | 夏威夷 果汁 | 熱帶果汁 | 小辣椒 | 甜梨 | 檸檬 | 萊姆 |
 |  |  |  |  |  |  |  |  |  |
| 甘草 | 墨西哥 果汁 | 鮮橙 | 鮮橙雪糕 | 水蜜桃 | 花生醬 | 薄荷 | 椰汁菠蘿 | 粉紅 葡萄柚 | 山莓 |
 |  |  |  |  |  |  |  |  |  |
| 麥根沙士 | 香辣肉桂 | 草莓 起士蛋糕 | 草莓果汁 | 橘子 | 香酥軟糖 | 香蕉 | 綜合水果 | 櫻桃 | 西瓜 |
http://www.jellybelly.com/International/Chinese/menu.html
士多啤梨芝士蛋糕好味~仲有焦糖爆谷, 奶油爆谷都好好味, 不過2隻口味差唔多, 西瓜, 哈蜜瓜都好味, 酸酸既紅蘋果好好味~不過酸死左DADDY仔~櫻桃可樂幾好味, 唔藥水不不過都唔可樂:P 橙雪糕有D似的O答糖~
$20/100G, 送50G指定口味~香蕉水梨仲有唔記得咩口味, 雖然係送既不過都幾好味呀~
仲有好多隻都未試過呀~
一路食一路估下咩味對返個表好好玩呀 ^0^ 就黎食晒喇… :P
每次有朋友失戀我都好感慨, 尤其我見過另一半o個d…
之前睇住佢地一齊出黎恩恩愛愛, 突然話冇就冇
記得以前有個舊同學, 同佢男友一齊7年, 從來冇嗌過交, 忽然一件小衝突就走左, 飛左去羅馬…連個女仔阿媽都話佢好好, 唔明點解會咁。佢教我原來2個人平時有d小嗌烚係好事, 唔會突然谷爆。
有個女仔, 男友有太太, 離婚太太會自殺, 鬧過多次分手, 有年聖誕, 唔記得邊一個留低左一封分手信。後來又一齊返, 到依家個男人終於離左婚。
有個女仔大約拍左3年拖, 由原來好強悍, 變得小鳥依人, 2個去左談婚論嫁既階段, 揀好戒指, 相都影埋, 最後個男仔同左第二個一齊, 仲一路tum住佢, 扮晒對佢好好。後來我同學打俾個女仔傾, 其實個女仔都好慘, 知道個男仔衰, 不過佢話已經不能自拔…
有個男仔, 本身有女朋友, 不過鍾意左另一個女仔, 而呢2個女仔本身係好朋友。佢一開始有感覺已經同女朋友表明對個女仔有好感, 後來o係女友堅決反對下同個女仔同埋其他朋友返大陸, 女朋友o係香港喊足十日。過多一年, 個女仔終於決定分手, 個男仔去佢屋企樓下等, 食唔落訓唔倒。不過大約個幾月後就同左佢有好感o個個女仔一齊。
又有一個女仔, 拍左6年拖, 除左頭2年之外, 睇住佢愈來愈唔開心, 有男朋友=冇男朋友, 對方睇朋友仲重要過佢, 約左佢可以隨時失約, 仲o係銀包收埋第二個女仔張相, 女友發現話係人地格硬塞落去…終於個女仔識左第二個, 俾返晒d野佢。
有一個男仔, 我睇住佢拍拖, 雖然我未見過佢女友, 不過佢係第一個同我講, 到左失戀, 又係第一個同我講。佢話個女仔話從來都未鍾意過佢…冇耐佢就撞倒個女仔拖住第二個。
睇住佢地, 有時會唸, 唔知幾時會到我…我地都知道愛情從來都係未知數, 今日唔知聽日事。今日好好, 唔保證聽日會點。
有個女仔, 一向俾我感覺係佢同男友好好, 個男仔對佢好好, 佢自己都承認。點知有日突然宣佈分手。大半個月之後後悔, 當初覺得自己已經唔愛佢, 原來唔係真既, 點知對方已經同第2個開始左, 「已經拎起左佢, 放低左妳」。
雖然呢幾個都係令人心痛既故事, 但係呢個世界冇話邊個冇左邊個唔得。
上述幾個故事中, 第一個女仔已經有新男友; 第二個同已經變返單身既男友繼續行緊; 第三個女仔亦拍緊拖, 佢本身都多人追唔知點解揀著個咁既…第4個女仔當年識左第二個終於飛左個男仔, 依家都係同緊o個個男朋友一齊, 9年喇, 個男仔就繼續同緊佢當件有好感o個個女仔一齊, 都9年喇, 期間就我所知偷食過一次; 第5個女仔亦第二個拍左4年幾, 準備結婚; 第6個男仔已經結左婚2年。
無論今日失戀有幾傷心, 只要勇敢面對, 明天會更好。
昨日遇上錯的人, 是為了明天那個對的人而作預備。
昨日留下許多快樂的回憶, 也許不必忘記, 偶爾回味; 最重要的, 是目前, 是將來。
永遠有一個吻未嘗 有些燭光未燃亮
若愛太苦要落糖 結它斷線亦無恙
To hug someone to kiss someone
The best is yet to come
若要錯失永不能守 得到也不代表長久
假使快樂有盡頭 痛苦也未會不朽
寂寞半點假如不能承受 這生命注定過得不易
笑與淚 亦有時候
To hug someone to kiss someone
The best is yet to come
若你說不再聽情歌 不想再經歷這漩渦
假使抱住你拳頭 到底也沒法牽手
就是為了追求一時平靜 將感情隔離半點感動都扼殺
沒法承受 永遠有不妥協傷口 有些憾事不放手
若你太刻意淡忘 越會補不到缺口
Why don't you just hug soneone just kiss someone
The best is yet to come
最好的尚未來臨
