焦糖脆脆天使蛋白蛋糕(附食譜)

尋日老師聯歡會預備左呢2個蛋糕, 算係第一次整呢個組合。

焦糖脆脆：

40g糖+10g粟膠+10g水煮溶(原食譜話細火煮5分鐘)有色就可以慢慢拌勻, 至金黃色就熄火, 加2g梳打粉快手拌勻(原食譜話20秒不停攪, 我試過就唔駛, 太耐會消泡) 倒落錫紙放涼切碎即成(原食譜話15分鐘)

經過3次實驗之後今次終於似樣喇, 同事話D焦糖脆脆好似, 好好味^0^我都覺得似喇, 同埋唔痴牙~唔知係咪因為今次有磅梳打粉, 而之前就只係約略 ^^"

蛋白戚風：(6寸)

1. 低筋麵粉35g過篩備用；
2. 奶粉8g+水40g+油20g+雲呢拿香油數滴叮20秒, 篩入低粉拌勻, 輕手拌入蛋白；
3. 蛋白120g(約3-4隻)打至起泡後加少許鹽, 打至企身後+糖35g打起；
4. 175'C焗25分鐘, 出爐倒扣即可。

有半年冇整, 唔知做乜係咁攪D蛋白…結果第一個8寸矮左, 唔夠鬆軟…於是整多個6寸, 果真6寸呢個好食D, 亦推介左俾校長食XD

香蒂莉忌廉 Chantilly Cream ：

淡忌廉加糖打企 -- 1個6寸大約用100ml淡忌廉, 糖份自己試味

淡忌廉甜左D, D糖又係冇磅, 隨手倒落去:P再配埋D脆脆食就甜左少少…雖然蛋糕減左少少糖都係過甜，同事話食少少就唔覺(實在每人係分得好細件 ^^")

打完都覺得滑, 不過抹2抹就杰, 樣衰衰…會唔會係天氣凍快硬既關係呢?

今次整左一個6寸一個八寸, 不過個八寸盒好高身…個蛋糕一半都冇XD 用返美心個蛋糕托盤原來唔只8寸@0@ 仲要咁高, 我唸要用15-20隻蛋白(一隻30g計)先整倒@@

後記：

個個同事都投訴整得少食唔倒XD 有同事話唸住食完正餐先食甜品, 另一位同事話呢D野要睇情況家嘛~食完其他野冇晒架喇XD

好開心大家咁賞面 ^^" 原先唸住事旦帶一個架咋…大o個個蛋糕底又整得唔係咁好…cream又抹得樣衰…最後都係帶晒返黎…

3位同事問我要食譜, 幾位老師同我報生日XD 又有D叫我貼個MENU同聯絡電話出黎俾人訂XD其他MISS叫我開班, 校長仲講笑話有爐可以帶返黎XD 佢仲話佢都整野食架, 不過我黎O個年佢就升左職, 都冇時間整LU~ 教就唔敢當, 不過我都想一大班人一齊O係學校整蛋糕架XD老師話進修學呢D開開心心咪幾好XD

自己知自己事…搵食真係笑死人~ 不過聽倒大家既讚賞都好開心~卡卡卡卡

未加脆脆

上cream前, 左面係鬆軟d既6寸, 右邊係整得冇咁好既8寸

花花手挽袋

星期日整左個袋仔預備星期五參加手作blog聚交換禮物 ^^ 大家見倒呢個post既時候亦係我地聚會開始之時。

唸左好耐都唔知整咩好, 最後o係布娃娃同布袋之間揀左布袋~整左個8寸高既袋仔。

塊布就係1209spotlight八折既收穫~我好鍾意呀 ^^ 買左一米, 仲未唸倒整咩俾自己~

d線車得唔直…上左條花邊遮住:p

心心魔術貼 ^^

聖誕印印+簽名印印

印仔同印台永遠分隔兩地，因此永遠只有問同事借既紅藍印台用…＝＝　ＸＤ

20081218

＊　　　＊　　　＊　　　＊　　　＊　　　＊　　　＊　　　＊　　　＊

成年冇刻過印章, 舊年買左幾條長條擦膠都唔知擺左o係邊喇…

merry x'mas太細好難刻呀><<好樣衰…

蠍子仔就易好多~今次呢2個唔同上年既係冇印紙樣, 白手畫o係擦膠上就挑:p

雪花同蠍字就係舊年既~ 記得當時一日挑左十個八個跟住就冇玩喇:p

20081205

橡皮圖章 (20071109)

20磅

好耐冇出過有關減肥既post

o岩o岩睇左個blog, 減肥前後20磅好大分別, 點解我又好似分別不大咁呢

話說06年減左21磅, 三圍同肚腩分別減左大約2寸, 手臂好似一寸, 大腿1, 2寸, 小腿1寸半寸咁上下, 男友叫我唔好減話太瘦, 但我就一直覺得對脾仲係好粗, 就算買衫俾d姐姐仔話瘦都唔信。第一次覺得自己瘦係居然見倒膊頭骨, 搭火車照玻璃時見倒倒映覺得好似都幾瘦(只限上身)。

之前d褲頭由緊去到可以插得落2隻手, 身邊朋友都叫我唔好減

呢度差唔多係最瘦o個陣

直到2年後差唔多肥返晒, 甚至減肥前買既褲都覺得緊…同人講d人都仲係話唔覺…仲話我成日話自己肥左…(我通常係覺得肥左或者瘦左先會上磅)

 

其實自問減肥前都唔係"好"肥, 唔fit囉, 十磅八磅更加係冇可能察覺得倒, 就算係廿磅都唔係有好明顯分別…

(8月減肥期間, 比上面頭2幅重10磅)

對上一次係暑假o個陣減左一排, 睇相又覺得好似幾瘦, 跟住pk之後又冇減, 早2星期上磅嚇一跳, 但丁屎仲話以為我秘密減肥= =||

(肥返, 我唸同8月差5-10磅, 同第一幅差15磅)

焦糖脆脆實驗

聽日同事聯歡打算整美白天使蛋白蛋糕, 天使蛋糕同天使戚風都整過, 不過未試過整焦糖脆脆, 於是上星期六就實習一次, 火農左…

實習兩次, 攪太耐消晒泡…

實習三次, 似樣d喇, 不過都係有d痴牙既…

好在整既份量唔多, 今晚再努力!

食譜: 40g糖+10g粟膠+10g水煮溶(原食譜話細火煮5分鐘)有色就可以慢慢拌勻, 至金黃色就熄火, 加2g梳打粉快手拌勻(原食譜話20秒不停攪) 倒落錫紙放涼整碎就得(原食譜話15分鐘)

常用海綿蛋糕食譜

6寸: 3隻蛋+55克糖座熱水打起, 打到咁上下離水繼續打( 蛋杆吊起蛋漿好慢先跌落黎為之OK)跟住篩入10g粟粉+50g低粉, 再加30g植物油或牛油溶液拌勻。
模鋪好牛油紙約170-180度焗25分鐘, 出爐後於架上倒扣即成

做餅底就可以用2隻蛋既份量, 約加35-40g糖, 6g粟粉+34g低粉, 20g油

食譜~意式肉丸

材料(15-18顆):
免治牛肉300g
免治豬肉200g
蒜頭2瓣(磨蓉)
新鮮百里香 1/2 - 1湯匙
新鮮迷迭香 1/2 - 1湯匙
現磨柏爾馬芝士4 - 5湯匙
麵包糠4湯匙
橄欖油1湯匙
蛋1隻
多量黑胡椒
鹽

1.把材料拌勻,搓成小丸子,靜置1小時或以上
2.下1湯匙橄欖油,中火預熱平底鑊,把肉丸兩面煎香。如一次吃不完的話,可在這
    階段把多出的肉丸放涼,然後放冰箱雪藏
3.加入蕃茄醬,蓋上蓋再煮一會直至沸騰,調味。如喜歡,可上碟後再灑點芝士碎,
    放焗爐烤至焦脆即成

http://hk.myblog.yahoo.com/lovelycat-dog/article?mid=131

鉤花墊

o係書城買左本鉤野書, 第一次跟住黎鉤…呢個花每一層既駁位好複雜…鉤錯左…= =

同埋估唔到原來咁大………=0=

XD

聖誕小手作

睇返舊年d相有一幅藍色心心, 今年用布整返個星星紅心~ 大大個~我唸整好多個吊晒上樹會幾靚, 不過車得好肉酸…第二個仲衰XD因為冇畫線就車XD懶人真係唔適合做手作… XP

聖誕樹幾年黎都係戴帽, 今年想搵粒俾佢又搵唔o岩, 結果整左粒布星星俾佢XD

究竟點解我會用橙柄…好肉酸= = 奈何屋企又冇綠色布…

第一件自製聖誕樹吊飾, 估唔到咁花時間…仲要太細…= =

早前既工作, 熊仔變左烏嘴熊… 最鍾意肥企鵝, 不過最受歡迎係雪人~

有冇發覺雪人同企鵝有咩共通點呢? 佢地都係照住豆袋公仔相畫架 ^^

聖誕朱古力屋

舊年整左薑餅屋, 今年換成朱古力屋~

其實舊年已經想整, 不過模具都幾貴所以冇整到, 今年年頭o係廚安居買左套膠模, 三兩蚊就可以整倒一間屋喇~

用左黑假力整左間屋, 白真力上雪, 再灑防潮糖霜~放o係聖誕樹下又幾靚喎:p

你又鍾唔鍾意呀? ^^

ps: 以為白朱調溫失敗, 一來d雪過, 二來冇用溫度計, 攪左好耐都唔硬, 點知上左屋之後又硬左喎*0* ^皿^v

糯米飯+雜菜鍋+桂花糕

第一次整糯米飯。其實我唔係特別鍾意食, 就算O係街都好少食, 呢日唸起未整過不如整下啦, 點知就失敗左…

唸住好似意大利飯咁生炒, 又上網搵下譜, 搵倒個D飯要煮2分鐘先, 又唔記得煮過…照加水…煮完出黎就好似粽咁…= = 又鹹左D, 要夾埋D菜一齊食先o岩o岩好

惠康一PACK $22, 有9種蔬菜, 依家咁既時勢都算幾抵喇
原先想試下南乳炆, 點知屋企冇晒, 落左D蠔油同鮑汁煮, 又太多水…= =

最近煮飯都會整埋甜品, 繼焦糖燉蛋、腐竹蛋糖水之後今次到簡簡單單桂花糕~始終都係懶整一陣椰汁糕相間 ^^"

其實上圖係一樣味的, 雖然有2種色… 想佢D桂花唔好沉晒底, 分左2次倒, 點知相隔太耐下層硬晒…上層加熱返再倒落去已經痴唔住喇XD

今晚3樣野都…

MeRrY ChRiStMaS 2008&#39;

終於砌左聖誕樹喇~ 今年真係好遲 :P 仲未整自家裝飾呀~

只係整左一個雪人仔咁大把:P

靚仔B又出黎搶鏡?*0*

今年商場佈置麻麻, 都冇咩mood影, 最靚最warm都係屋企呢棵 ^.^

spotlight聖誕狂歡購物夜

今日5點幾會去呀~ 各位BLOG友仔如果認得我既埋黎影相合照啦~睇下撞倒幾多人ＸＤＤＤＤＤ

 

手作跳蚤市場

O係樹懶卡里個BLOG見倒有個幾得意既跳蚤市場, 唔知大家有冇興趣去行下呢 ^^

http://www.clothhaven.com/index.htm
上環四方街43-45 號地下(近文武廟)

不過只有每個月的第一個星期日先舉行架咋~ 咁係咪即係1月4號又有呢?

 

再戰雞蛋仔

事隔大半年又戰雞蛋仔…

今次跟anne個譜, 半份(2底)用我個模已經整倒6底@0@

第一底外脆內軟, 都幾好食, 不過起唔倒一底, 一粒粒咁…

第二底火農左一邊, 另一邊唔熟

第三底終於起倒喇, 不過唔上色, 食落仲有d實

第四底又火農左一邊, 不過今次唔駛"省"模…:p

第五底好d喇, 可以成底甩倒出黎, 外脆內軟, 不過色澤好唔均勻

第六底冇咩掃油, 難起左, 大致同第五底差唔多

總括今次經驗, 用慢火, 不過又未致於最慢

食譜話倒漿之後反轉燒4分鐘, 用我既火力要大約5分鐘, 都仲未上色

點先可以色澤均勻呢?

比起之前整o個2次已經好好多喇~起碼唔駛每一底都"省"到我傻…= =

正如anne所講唔駛掃好多油, 可能係燒紅鑊先唔痴? 又或者係因為材料同掃油用熟油代替既結果。

雞蛋仔I、雞蛋仔II

睇返之前2次原來都好均勻喎, 唔通因為有CHOK過?

小雪

小刁整髮圈既同時我就整d聖誕裝飾啦, 估唔到一個整鬼咁耐= = 整完就走左去食其他野冇整手作lu :p

小刁髮圈

繼口金小聚之後小刁又黎做縫寶寶~

今次整左個髮圈, 整得好好呀~~好過我O個2個好多~

我O個2個個圈唔係太大就太細…好難用…小刁用較粗身褲頭橡筋整O岩O岩好呀~ 我咁多頭髮都扎倒2圈~ ^^b

d布又靚~ ^0^ 真係整得好好 ^^

仲買左牛肉包同菜肉包我食 ^皿^

可惜irene病左黎唔倒, 好d未呀? o個日聽唔倒你電話, 打返俾你又熄左:p 希望你快D好返 ^^

番茄薯仔湯+鱈魚+斬料+腐竹蛋

每個星期去男友屋企都有湯飲, 專員又唔飲湯, 所以我都好少煲, 不過天氣凍, 加上唸起佢難得鍾意飲呢款湯, 買左盒濃湯寶豬骨湯, 加薯仔2個, 番茄4個, 腩排十幾蚊, 甘荀半條~腩排用左生抽老抽糖麻油粟粉醃過。

好鬼貴, 焗完出黎咁細舊仲覺得貴XD
抹少少鹽同黑椒入爐230度焗約30分鐘

DADDY仔斬料肥豬仔~

第一次煲腐竹糖水, 食譜話10g腐竹, 我落左3xg都係得好少:p 影相完全睇唔倒…XDDDD 加左隻蛋, 凍水落蛋開火, 滾起計4分鐘, 沖凍水就係糖心蛋, 不過今次生左D

focaccia+雞扒+漢堡+creme brulee

好耐冇煮飯, 因為煮親好多時就冇左一晚

尋晚煮左雞扒+漢堡, 本來想跟意粉, 點知真係冇晒意粉, 就行方案二--好鍾意食又好耐冇整既focaccia~

整過幾次, 有機搓有手機, 由於懶得開機, 今次都係手搓。幾次手搓之中今次手感最好~暖水(叮十秒)搓, 幾軟身, 冇之前用菜油搓咁硬淨, 次次都食唔停口…真係少整為妙

當初種rosemary都係為左佢, 點知種左大半年都未整過:p

面頭係洋蔥碎, 影相出黎變左粉紅色既?

自己亂黎既漢堡, 鹽黑椒香草調味, 又幾好味喎, 不過唔記得打隻蛋…

又係亂黎之作, 用一個橙去醃, 當中仲加左雞粉, 檸汁同糖, 芡汁加埋茄汁醋, 覺得有d怪, 專員就話可能佢唔鍾意橙味, 但我都覺得怪怪:p 雞皮煎火農晒切左XD

正式黎講第2次整, 個面都係好樣衰…係咪要大火架…我用細火燒左陣都冇色, 一人就黑…加厚D糖好控制D, 不過層焦糖又太厚…= =有冇高人可以指點下 ^^"

藍莓益力多芝士蛋糕@晃晃

成個月冇整過蛋糕, 今次都唔係我整既 :p

聽日係一位舊同事既好朋友既男朋友生日XD 今日同事陪佢個FD上黎整佢平生第一個蛋糕 XD

拍拖3個月~第一次慶祝生日就咁大驚喜~仲一班FD一齊食~我都有D緊張~

今次途中出左少少事, 好在補救倒! 就係魚膠加入芝士漿瓊得太快! 起晒粒粒! 好在分別叮左幾十秒之後總算救得返, 而且成品效果好過我上次好多~:P

其實呢個譜我都整過一次, 就係今年1月之星拎上深圳O個個蛋糕, 當時有一邊雪唔硬@@ 不過其實我改過譜, 用左新鮮藍莓而唔係藍莓茸, 好似仲改左少少野:P

呢個蛋糕用既魚膠比之前整既蛋糕多, 用成5片魚膠片, 即係12.5g, 不過份量就係for 8x8寸既~ 我地用左一個心形模另加一個花花模(矮一半, 試食~)

打完忌廉之後又出意外, 打蛋器唔用得, 要手打芝士同其他材料, 佢話攪到手軟^^" 真係唔好意思…我仲同同事o係一邊食威化餅:p

5點幾黎到, 7點頭就整好(比我預期中快XD我預要7點半~估唔到慢慢攪下攪下又幾快完工 ^^) 跟住入雪櫃雪, 我地就落去荔枝山食野~包場咁滯~星期四晚好冷清, 任坐~ 不過阿姐依然好人 ^~^

9點幾返黎之後, 10點頭就甩模, 模左個花花先, 細個D我地試完味先~ 跟住再甩埋個心心, 加裝飾~完成~

呢位第一次見面既朋友仔一路整一路話好滑~一路食一路話有101分~自己係咁話好靚好靚 XDDDDDDDDDDDD

不過第一次有咁既成績真係唔錯~

o係幫佢甩模同叮返軟d芝士漿o個時我都有d緊張, 仲緊張過自己整…唔想有咩閃失 ^^"

好在~ 大功告成 ^0^

生日快樂呀人地既幸福男友~ ^0^

 

鉤花頸巾

舊年已經見好多blog友整~ 今年終於鉤返條~

呢條係俾婆婆既~ 鉤緊一條紫色俾媽媽 ^^

4x行加幾行鉤花~ 1, 2日就可以起貨 ^^

呢條比教緊, 可能條冷比較粗, 用5號針~megabox位姨姨話可以用5號針

新一條fit d, 都係5號針

 

謝謝shirley ^^

焦糖脆脆

 

脆脆焦糖

材料:

100g砂糖

25g粟膠/粟米糖漿 (corn syrup)

25g水

5g梳打粉 (baking soda, bicarbonate of soda)

 

做法:

(1)    用一個長柄小鍋 (不用易潔), 加人砂糖, 粟膠和水拌勻

(2)    中火煮滾約5分鐘, 期間不用攪拌, 糖慢慢會變得較稠, 顏色變成淺黃

(3)    繼續用中火煮, 期間拿起鍋的長柄慢慢搖一下, 確保焦糖顏色均勻, 直至糖變成金黃色便離火

(4)    一手加入梳打粉, 另一手用木匙快速拌勻約20秒, 期間不要停手, 直至膨脹減慢, 快手倒入已鋪好焗爐紙的焗盆內

(5)    靜待約15分鐘焦糖已完全冷卻後, 將它放入密實袋內封好, 用麵掍輕輕打碎至每粒約手指頭大小, 即成為脆脆焦糖

 

脆脆焦糖步驟圖

 

小貼士:

(1)    煮焦糖全程約為10分鐘, 但由於每個爐具的火力不同, 就算同是中火, 火力也會不同, 所以時間不能作準, 最好憑顏色斷定, 如果用易潔鍋, 鍋本身的顏色難以斷定煮焦糖顏色的轉變, 故宜用普通有柄小鍋

(2)    煮焦糖的頭5分鐘, 糖漿看起來顏色不會有改變, 只是質地略稠, 期間不要動它; 要小心糖漿一開始變為淡黃色, 很快顏色便變深成金黃色, 淺啡色, 茶色, 所以要小心看着, 一變成金黃色便要離火, 否則做成的脆脆焦糖已燶

(3)    離火的意思是熄火並移離爐具

(4)    煮好成金黃色的焦脆有餘力, 一加入梳打粉後熱力會持續煮焦糖, 所以煮焦糖至金黃色便可以, 待拌勻梳打粉後便剛好成焦糖, 如果將焦糖煮至淺啡色甚至茶色, 一加入梳打粉後熱力便會將焦糖煮燶有苦味

(5)    梳打粉的作用是做出那脆脆焦糖的一個個小孔, 形成脆脆的特質, 所以一加入梳打粉便要快手攪拌, 確保拌勻, 而且時間太久的話, 鍋的餘溫會令焦糖變燶

(6)    脆脆焦糖做好後連密實袋放於存氣的密實盒內保持香脆

(7)    剩下的脆脆焦糖除了可以伴雪糕外, 還可以代替咖啡糖來調咖啡, 咖啡會變成焦糖咖啡, 帶一點Starbuck Caramel Machiato味道

(8)    沾有焦糖的用具如小鍋和木匙只要用水浸約15分鐘, 糖便會溶掉方便清洗

http://hk.myblog.yahoo.com/ymchanshirley/article?mid=489