三色蕃薯＠烏來老街

我見好幾檔都有，於是買左盒黎試

好甜　少食多滋味~

反而冇買一盒盒既手信裝麻糬，沿途都有好多試食，反而嚇怕左我

烤小米麻糬＠烏來老街

佢一直都以為係燒菠蘿XD

口感幾得意, 我要左個紅豆味

泰雅婆婆美食店@烏來老街

o係老街附近影左一陣相就黎左呢度食野, 又係好多旅遊書介紹!
入去時都冇咩人, 點知食食下就坐滿晒 @@
我地嗌左炒青木瓜絲, 炒山豬肉同埋炸溪蝦溪魚+溫泉紅茶
樣樣都幾好味, 我最鍾意蝦仔同魚仔
呢度D紅茶色水好深呢，原來英文叫Black Tee～

婆婆既竹筒飯好出名，不過我地冇試到，怕太飽，食左之後食唔倒其他野，所以只係嗌左幾個小菜。

之後出到龍山寺華西街夜市o個頭都見倒有檔賣既野同佢差唔多，我估都係賣泰雅族美食既，又係有竹筒飯同炒山豬之類。

冰溫泉蛋@烏來老街

離開酒店後去左行烏來老街, 當時已經十二點幾, 好肚餓

之前o係書都睇過呢款冰溫泉蛋, 話係老闆自己花左6年時間研製而成

試左原味同酒味各一, 原味好似好味d, 已經唔記得邊隻係原味邊隻係酒味了... ^^"

不過真係2隻都值得一試呢~~ 10元台幣一隻

老細仲主動嗌我影相添~~ XD

要離開了~~

呢度都唔錯，幾靚幾好住，聽同學講佢上網搵ｄ溫泉飯店既時候都有留意呢間，屬三四星級。

係房仔細ｄ，不過服務員好好人，隨和親切，泉水水質好靚。

搭車落返去老街，隔岸有兩條小橋相連，呢個景點都算係特色之一，一睇就知係烏來！

hehe~好可愛 ^.^

攝於等專車送我地落去時

第二朝再浸多次溫泉

今次記得開水力按摩喇~XD

杯麵+麥香紅茶

浸完溫泉已經九點幾, 呢度位處山頂, 交通不便, 而酒店晚餐到8:30, 惟有禁杯麵食
禁左2個海鮮同牛肉味既麵麵+麥香紅茶
麥香紅茶意外地好飲顏色黑黑的, 好似冇加奶既奶茶一樣甜甜地, 好味~
往後幾日我地幾乎每一日都有買, 仲買左一盒返香港添~~

老天祿(武昌店)

Scorpio: 我地第一日去左武昌街冇寫住「上海」兩個字呢間

13蚊台幣一條；130蚊一份十條, 仲買左鵝腸

兩樣比較, 好似後者好食Ｄ

呢樣野就成為左我地呢晚既晚餐喇

買完鴨舌Ｏ係西門町行多陣就搭車入烏來

Chrixcape: 都唔知邊間先係"正宗" ...

烏來三好米

烏來溫泉有美人湯之稱

搭的士時遇倒一個講廣東話, 好好傾既司機

佢同我地講烏來D泉水浸完會好滑, 北投O個D就有陣硫磺味, 有香港腳去浸好好

以我親身體驗烏來溫泉浸完真係好滑呢, 到依家隔左幾日都仲覺得滑 *0*

浴室佔房間1/2, 房仔細細, 不過浴室都幾正, 仲有個按摩池

浸完溫泉之後唸住落去影相
呢間酒店既外觀夜景都幾靚架
好可惜落到黎發現落緊雨... T^T
惟有O係室內影

浸完溫泉已經九點幾, 呢度位處山頂, 交通不便, 而酒店晚餐到8:30, 惟有禁杯麵食

禁左2個海鮮同牛肉味既麵麵+麥香紅香, 麥香紅茶意外地好飲, 顏色黑黑的,

好似冇加奶既奶茶一樣甜甜地, 好味~

往後幾日我地幾乎每一日都有買, 仲買左一盒返香港添~~

之後食完麵睇睇下電視就訓左

西門町

架車車左我地去維格試食同買鳳梨酥
食係幾好食, 不過熱辣辣點都好食啦
無啦啦自由行變左跟團...
呢個時候已經塞左2個幾鐘頭車

我地O係西門町落左車, O係附近食左D野行左陣先入烏來

(飲飲食食篇見http://scorpiosfood.blogspot.com/)

Scorpio: 離開西門町之前, 仲去左夾公仔! 原來呢邊都幾多呢D鋪頭~

有一間(亦係我地幫襯得最多O個間)特登將D公仔放到好似就跌入個窿度咁引人夾,

我地初頭都好開心以為乜咁好; 後來見倒佢擺先知係故意既 一.一

有一隻好得意既沖涼豬夾左好多次都夾唔倒 /.\

佢個夾根本冇力, 夾中都夾唔起...

臨尾夾倒呢隻小豬, 夾倒O個下真係超開心~ \(>0<)/

噶~~

Chrixcape: 過程最緊要, 玩得開心, 俾佢呃下都無所謂喇

台北之旅2006 - 阿宗麵線@西門町

Scorpio: 小碗40元台幣；大碗55元, 我地食左碗細既湯味濃郁, 好味

今次呢個時段唔算多人, 唔駛排隊。好多雜誌都有介紹! 上次黎(01年)都有食

Chrixcape: 每次o黎都食, 保持水準, 推介 ~

台北之旅2006 - 蔥抓餅@西門町

Scorpio: 首先食左呢個原味加蛋, 大約30蚊台幣(25+5)
好好味~其實我覺得今次行程中所食過既食物都好好味~~
:D~~~~~~~~~~~加蛋真係好香>0<

Chrixcape: 成朝未食過o野, 第一餐就係食佢!

個餅同蔥好香口 夠晒味又唔會鹹食到有蛋味

正 !

女導遊

Scorpio:
10點半機
6點幾起身, 9點去到機場, 11點幾先起飛
落機, 出到市區已經2點幾3點
旅行社包埋車出市區
不過仲包埋個唔多好聲氣既女導遊, 串串貢咁, 戴晒口罩, 見倒我地行過又唔出聲, 明明已經貼左貼紙悉認
收左我地張旅遊簡介紙, 上到車仲賴好咁話可以借俾我地抄返上面d野\"/
係車上介紹左個一天團, 俾我就真係唔想再對多佢一日, 不過好似有個單身男士報左

Chrixcape:
o個個所謂導游 ... 如果唔係免費車我實叫佢收聲 ...

華航飛機餐

Scorpio:好難食...舊飯好硬.... >< 挑左D餡出黎食...點心唔好味....包餅OK

Chrixcape: o個兩塊"擺"o係團飯既o既葉先攪o野完全係無誠意

華航飛機餐

Scorpio:好難食...舊飯好硬.... >< 挑左D餡出黎食...

點心唔好味....包餅OK

Chrixcape: o個兩塊"擺"o係團飯既o既葉先攪o野完全係無誠意

台北之旅2006 -第一天

飛嚕~~~

聽日就出發去台灣喇~~

好期待~~ \^0^/

再輕2磅 ^0^

邊個摸邊個屎忽先...= =|||

話說今日有2個學生嗌交嗌到面紅耳熱喊晒口
其實只係只中一個喊晒口
2個都係我既學生
不過案發時間係午間活動我巡樓期間
o係門口望入去見倒佢地好似嗌緊交郁手郁腳
爭拗既題目居然係...邊個摸邊個屎 忽先............= =
講得幾鬼激動仲話「你自己有個妹唔去摸佢?」
「點解要摸我個妹呀?你自己夠有妹咯!」
「咁你又摸我!!」
「你摸我先架!!!」
「換轉係女仔你夠唔夠膽摸丫!!?」
淨係邊個摸邊個先都拗左好耐...又話人斷背......
喊o個個仲話「你自己摸完人又走左去!!!」= =
有個多事既同學仲搵張紙巾同佢抹檯面既眼淚跟住遞俾佢抹面...真係好朋友.......
我企左o係度都唔知點做好
其實我覺得好小事囉....只係叫佢地冷靜d唔好嘈喇, 拗落去都唔會有結果
喊o個個又話「最多咪見訓導主任!!!」好在呢個時候佢地班主任入左黎...我就交左俾佢處理

放學後功輔班前班主任訓左佢地一輪, 功輔班開始時都唔係好妥, 不過最後又走返埋一齊玩
細路仔就係咁...

尋晚食得太豐富

今日唸住食返清d
早餐食麥皮+脫脂奶
lunch食茄腿治+脫脂奶
小食食左2隻薑醋蛋, 忍唔住食左一小件豬腳+薑
點知又收晏, 6點幾返到黎已經餓死
食左杯乳酪奇異果西柚味, 好酸, 不過都幾好味
今晚又係雜菜湯~
踩完stepper先煲