朝早一齊觀禮之後, 下晝包左一間樓上cafe招呼朋友。
有各自既同學, 同事, 網友等~
呢個場o係1月既時候就決定, 係masa219jm阿shan陪我去既~
首先自己上去問過一次資料, 轉頭再同阿shan上去食飯~
lift口放了一個巨型welcome board
不過其實在lift內已可看到25/F有我們的logo
呢個汽球門係同事幫我整架^^
圖中左二o個位姊妹幫我點緊人名~^.^
門口呢張檯作為photo corner, 擺左幾本相簿同幾個相架
以下幾幅圖係俾大家睇下個環境, 圖右就係上圖既門口
下圖係我地講野既位置望過去, 睇返上圖同樣有bar檯既位置
下圖係門口o個邊望入去, 好多落地玻璃窗
下圖係上圖右上角既位置, 大約容納倒十幾人, 十幾人包場就係俾呢個位, 我地當日大約60人, 呢個位用左黎擺野, 所以多十幾人都仲得, 但就好似隔開左咁, 後尾有2位朋友O係度好疏肝咁訓覺, 之後一班masa紅豆jm入左去影相XD
未齊人既時候, 我o係度影左陣相~2邊落地玻璃陽光好充足~
見佢地玩得咁開心, 我又走左埋去影埋一份^.^
最後唔少得同美少女廚師影返幅相~
呢幾個月黎一直同佢聯絡, 有咩佈置呀食物都係問佢, 價錢亦係佢同我hold~期又係佢同我hold, 直至last week先俾訂~
619之前我上左去幾次, 次次都俾電視框我^0^ 有時仲有甜品送~~ 真係好開心識倒佢~
ease house cafe
地點：
金雞廣場，就近旺角東站，離地鐵站亦唔遠，不過原來好多人唔知金雞o係邊，尤其女仔，好在都唔難搵～
食物：
一早知佢好味～第一次去已經鍾意mabel d野食~不過呢日到我得閒食既時候好多野都冇左…有d睇相先見倒原貌，有d相都冇…嗚…不過我食倒既都好味~最有印象係個雞翼~
飲品方面比較一般，平時去都覺得d野飲好甜，呢度扣左一粒
服務：
原本1點先開門，不過佢地俾我地早ｄ上去佈置～之後又幫我地清理返d汽球佈置!
原本唸住ｏ係度換埋妝換埋衫，mabel都話可以留個位俾我~
有位哥哥仔又話可以幫我嘗試移個好麻煩既櫃
總括黎講好幫忙!
環境：
落地大玻璃，光線充足，間格四四方方好見駛，6x人都ok, 其實再多十幾個都有位
