丁叮第6個月

終於第一次同P仔哥見面!! 幸會幸會~~希望有多D機會一齊玩呀~
原本P媽想生兔女, 我想生龍仔, 仲話指腹為婚, 點知P媽生左P仔哥, 為有嘆句有緣無份啦~~握個手做個好朋友好嘛~

同熹熹哥哥游水水, 熹熹媽媽係丁媽小學時既好朋友, 我地細個一齊游水, 一齊去荔園, 一齊打麻將~依家2個仔仔差一年, 又可以一齊玩~真開心~^^


呢日第二次同325 BROTHERS見面~ 一齊預祝半歲生日~去左其中一位媽媽既CLUB HOUSE游水水~
今次遠行冇整蛋糕, 只係整左325呢個牌~ 希望每一位小朋友都健康快樂成長~ 我地要KEEP住做好朋友呀~
呢日之後再同3位BB相遇~依家我地有9兄妹喇~當中以丁叮最早出世係老大~


呢日出席大埔BB半歲PARTY~又同唔同既小朋友玩~




呢個月同恩恩姐姐見得好密~仲拖埋手手~

5個月零一日已經可以自己扶住企, 不過都未係好穩, 過幾日已經可以放心拎相機影相喇

佢呢個向下望好驚訝既樣好搞笑XD 仲要係望住同一個位不斷做呢個表情笑死左我地XDDDD

第一次自己坐~ 媽媽同舊同學食BUFFET, 酒店有呢種BB椅都唔錯, 媽媽抹抹抹之後由佢摸, 不過佢坐左陣就扭眼訓, 訓醒坐左陣姨姨又要抱, 其實冇乜坐過:P

第二次自己坐, 今次係ikea, 我地屋企都有呢張椅~

ikea好受媽媽歡迎既車車~ 好多媽媽都放bb落去影相XD

媽媽最期待你學坐! 成日要企, 但又要人扶…識坐就可以自己坐o係度玩呢~

買左幾個月既蕉蕉終於肯食又識食喇~鍾意食D條狀野或者環狀野~

鍾意捉腳仔玩丁叮球~ 搵唔返食腳趾o個幅相, 食得唔多


講開食, 呢個月開始俾佢食固體, 第一次食亨氏純米糊, 好鍾意~~跟住俾佢食其他野


食過薯仔, 洋蔥, 甘筍, 蘋果, 大蕉, 白菜, 節瓜粥, 魚粥, 肉碎粥, 有d鍾意有d唔鍾意, 大蕉同魚粥食到喊…有時食食下又扭眼訓喊…


我之前成日問佢幾大識得自己執奶嘴, 有日見佢識得o係堆公仔入面搵返個奶嘴出黎放入口, 不過調轉左…成日拎住個嘴…放個柄入口…

呢個月真係變化好大~學食野, 學坐, 學企, 仲有出走…

未識gut籮柚單靠手力都可以爬得好快…轉下眼就出左墊…又要捉返佢入墊中間, 仲食過幾次碌…=.=

以下附上幾張得意相~^^

村姑叮

依家可以坐o係度沖涼喇, 不過成日想擒出黎…仲走去拉隔壁個架…

呢張係初生出院頂帽, 當時太大唔o岩戴, 依家又太細了…

熊熊仔好得意呀~~唔知凍d仲o岩唔o岩著呢~?

第一次著牛仔褲~即刻大個仔晒~

八九月的幸福(2012)

八月份依然屬於婚禮的淡季, order以生日為主

小朋友百日蛋糕


舊同事生日蛋糕


fanny的結婚蛋糕

八九月份的馬卡龍
做得最多的還是馬卡龍^^

第一次單拖帶丁叮送貨~^^

小朋友生日會cupcakes

丁叮第5個月

唔覺唔覺2個幾月冇up blog…^^"
簡單回顧返丁叮呢2個月既生活

出席爹爹既中學同學聚會, 我係最細既bb~

同頭哥玩~

最鍾意企, 唔肯坐, 係都要人扶佢企, 呢幅係四個半月影

爹爹抱抱交豬~ 有人話以為古天樂抱B XDDDD老公即刻轉左做頭像XD

試鞋~ 出世前買落幾對鞋仔, 第一次試已經2對唔O岩著…

高難度動作XD FB引係好多回嚮XD

4個月零3日終於識轉身喇~ 我睇唔倒第一次>< 爹爹話返我知…之後接連轉幾次我睇, 算你啦~

最後一次返那打素抽血CHECK 黃~ 呢個小朋友好勁! 抽血都唔喊, 我地仲以為姑娘未準備好…點知已經開門, 姑娘話: 你咪好犀利呢~~~我犀利定佢犀利呢~? 真係好犀利, 個樣咩事都冇@@

買左2CM厚既地墊, 晾完衫返黎見佢O係邊沿@@ 你點出黎架…跟住O個晚就碌左落床…==好在SIP左O係大床同BB床中間卸左度力!

呢班係最早認識既戰友!

最鍾意笑既小朋友偷笑

同媽媽一齊病…

8月4日第一次病…點知8月尾仲發燒…一個月病2次…今日(10月6日)帶左佢去打流感針, 同媽媽一齊打!

六七月的幸福(2012)

產後3個月終於重出江湖, 數月來都是馬卡龍為主, 是比較適合帶小朋友做的小食, 現在小丁叮在身旁監工, 將來要跟媽媽一起造啊~^^

六七月份的馬卡龍
心形兩個盒裝

圓形兩個盒裝印wedding logo


心形馬卡龍及cupcake


糖霜曲奇
婚禮曲奇

bb曲奇

生日蛋糕
第一款係招牌蛋糕, 多數客人訂6寸for生日, 8寸for wedding, 或者六層架頂層都係放6寸


第二次整麵包超人蛋糕, 第一次係幾年前整俾同事, 今次呢個係一位四月媽媽訂俾仔仔既百日蛋糕~

全職媽媽+餅師

全職? 究竟能否算得上全職呢?

原以為做全職媽媽做餅的時間會鬆動一點, 原來不是這麼回事…的確多了時間在家, 但卻不能一口氣完成一個動作…寶貝總要叫叫你, 6月份重出江湖時寶貝只有3個月大, 還會乖乖坐在highchair上看我做餅, 那時間還算新手媽媽, 總不明白你何以啼哭, 長大一點, 的確明白多點, 原來你哭不是餓就是睏, 有時是要人陪你玩, 尤其要抱你站著玩…雖然對你理解多了, 然而卻不見得輕鬆了, 現在六個月的確可以自己坐著玩, 可是不一會便轉身出走, 又要捉回遊戲墊中央…雖然之前上班連交通每天花上12小時, 至少回家的時間可以全心造餅, 現在可不一樣了…

剛連續兩天造餅無暇陪你, 感覺有點對不起你, 很想放假陪陪你, 只要有媽媽在你就開心, 只要抱抱你就會笑, 怎捨得每天把你閒置一旁, 然而還是要生活啊~沒想到跟大肚時一樣, 還是每星期約一單order最理想, 甚至比大肚時更難抽身, 那時候下班還可以造餅到12點, 由爸爸接力包裝, 現在12點想就枕?寶貝2時許才睡啊…一早起來做嗎?寶貝還未戒夜奶, 晚上睡不好如何早起?

很期待寶貝什麼時間懂得乖乖聽話, 在媽媽忙著的時間乖乖自己玩呢?

現在寶貝日間每節睡眠時間很多時只有半小時, 一天總共約12-13小時, 有太多精力要發洩, 只要醒來便動個不停, 是每個男孩子都這樣?還是他特別好動呢?

你看我像誰2

3個幾月既mama vs 4個月既dingding

個個都話佢對眼似我, 睇返細個D相, 我對眼唔係咁個播~~

丁叮生病了

一直以為餵母乳半歲以前唔會病(雖知唔一定), 估唔到四個月多d就病左:(

星期五晚老公話聽倒佢有d咳唔似瀆親o個種, 星期六朝早我都聽倒, 當時只係好疏落, 不過原定一齊去送貨之後行popcorn再探爺爺既行程取消左, 爹爹送貨探爺爺, 我同丁叮o係屋企, 到左下晝爹爹返黎之後好似咳多左, 決定睇醫生, 嚴重d先食藥, 點知夜晚就咳得厲害左。

跟住2日都冇好轉, 好在唔係咳得好密, 不過一咳就不得了…尋日仲試過2次咳到嘔奶, 大口大口噴出黎…今日(星期二)更連續咳左成分鐘…決定睇另一個比較出名睇兒科既醫生, 之前食輪狀同打hib都係搵佢。

先前個醫生開左咳水同收鼻水藥各1.5ml一次, 一日四次, 今次呢位醫生開左咳水, 收鼻水, 氣管藥各2.5ml, 一日三次…仲有早晚2次腸胃藥丸, 樁成粉加水餵…每次餵藥好似搏鬥咁…頭先餵到last1支見佢谷到塊面紅晒, 跟住連埋成個鐘前既奶嘔晒出黎…><換衫途中又咳, 衫都未著好就同佢拍背, 咳左2分鐘都有…除左餵藥, 仲有佢最憎既吸鼻…原本已經差唔多每日一吸, 依家直頭要成日吸…好多鼻涕又唔識呻…打乞嚏又吊住2行鼻涕, 俾爹爹叫佢「蟲哥」…

咁o岩電視做星期二檔案, 講男士侍產假, 抱住咳到甩肺既丁叮睇住2pair夫婦準備迎接新生命, 一時情緒波動忍唔住喊, 4個月前佢仲o係我個肚, 唸返初生既佢, 依家o係我懷中喪咳…最後拍拍下背訓左…仲要o係佢睡夢同吸鼻…

又話餵人奶健康d既? 點解4個月就病架…仲要屋企冇人病…之前我咳到死, 全天候戴口罩冇傳染佢, 以為初生真係冇咁易病


好在佢精神幾好, 又玩又笑, 上個月尾學識轉左, 頭先仲o係度學轉右轉到瓜瓜嘈, 唱歌仔佢又會笑, 不過一咳就睇見佢好辛苦, 好在佢咳完又冇扭, 係食藥吸鼻扭d…

仔你快d好返啦, 呢個醫生聽講睇一次就好, 唔駛翻睇, 你要o係d藥食晒之前好返呀! ><