易拎生日快樂

(呢篇網誌已經打第三次= =前2次都係UPLOAD緊相O個陣HANG左...)

今次係第一次同易拎慶祝生日~自前年入黎呢度開始, 每次有TA同事生日我地都會嗌外賣(KFC/ Pizza hut/元綠)同食蛋糕~

上次yoko開始就由我負責整蛋糕, 佢地都話夾返錢, 不過仲係試驗階段唔好意思要人夾返...^^"

唔知佢今晚有咩節目呢~?^.^

花花忌廉蛋糕

尋日用剩好多cream
於是整左專員點名要求既忌廉蛋糕－－只有清蛋糕同cream既蛋糕~~
第一次整忌廉花~整左好多朵...
尋晚d cream太硬又有d粒粒塞住個頭, 再打多100ml先整倒
抹面cream可以軟d, o即花既要硬d, 要雪一陣先用得
可能開頭o個d cream太硬同多粒粒, o即爛左個o即袋= = 不過最後一次都爛, 可能成日
換cream同o即嘴:p

好唔好買個唔係即棄既o即袋呢~~不過成4x蚊好貴....

整餅熱潮

早排興過日本棉花蛋糕, 紅莓曲奇, 馬卡龍~最近發覺好多blog友整熱情果白朱古力蛋糕~好似幾吸引

尋日睇返自己個食譜網, 原來幾年前已經有呢個譜...@@

－＞－＞－＞

睇唔睇倒呀～

搞乜肥左咁多!!?

整乜肥左咁多!!!!?

比起前日呢張都肥左咁多既?!!!肥過減肥前喎!!!

士多啤梨忌廉蛋糕for Elaine

唔夠士多啤梨, D CREAM O即到一篤篤...朱古力片又整得唔夠多...

睇見篤cream...真係覺得對唔字Elaine... = ="

 

 

呢個咁普通既蛋糕都有一樣少少既特色

就係加左一層朱古力脆脆架XD 希望聽日仲脆啦XDDD

母親節獻禮~榴槤慕絲蛋糕

前年母親節整過衰左= =成個掉左...
今次終於成功喇~~~^0^
阿媽仲話好香榴槤味~~~

呢個係蛋糕有6層, 戚風-mousse-戚風-榴槤茸-戚風-mousse
第一次用假力整裝飾, 真係幾快乾幾方便喎~^0^ 都幾好食丫~^皿^

整多左好多mousse, 用黎整多個方形蛋糕整切餅, 呢餅聽日男友幫我送去俾佢爹地食~^^

今次2個餅都係用mousse 圈, 包保鮮紙o係底, 焗cake就包牛油紙, 好方便~~

後記：uncle都話好正~KO左3件~~仲問佢做咩去九龍城買盒餅返黎XDDDD \^0^/yeahyeahyeah~~

母親節大餐~木瓜魚尾湯

細個唔食木瓜, 不過大大下又食喎

記得細個飲過呢個湯幾好飲, 木瓜煲過又幾好食, 幾懷念, 所以煲左呢款湯~

阿媽話: d湯又幾白喎~

街市阿姐話: 鯇魚尾愛黎蒸, 鯇魚肥d, 大魚愛黎煲湯, 勁大條都係9蚊~! 阿姐話呢條十蚊, 九蚊俾你啦

我冇唸過平成咁@@

煲完加少少魚露調味已經好好飲~:D~~~

母親節大餐~蛋角

呢味05年整過一次, 今次第二次整

上次整完感覺係唔想再整...要一隻一隻煎...好鬼熱....

今次感覺都係好鬼熱, 不過冇咁辛苦

今次落左2隻全蛋+整mousse用剩既隻半蛋白整蛋皮~

免治豬肉調味做餡

煎好之後放湯, 食得~

母親節大餐~士多啤梨骨

想煮好耐既一味送

o岩o岩入黎呢間學校o個個聖誕有老師煮過返黎, 覺得幾得意, 一直都未煮過

今次有樽士多啤梨醬o岩晒

用自製士多啤梨醬+茄汁兜埋就ok, 代替原來食譜既士多啤梨+茄啤+糖+白醋

母親節大餐~腐乳炒通菜

同尋日一樣又係通菜:p 不過尋日蝦醬炒

原來阿媽係唔鍾意食通菜架....佢話從來都未買過...我都唔知添.....= =

母親節大餐~翡翠魚卷

呢味係自創既~急凍石班切片捲翠玉瓜(本來唸住用龍利柳)

冇調味, 不過我覺得唔駛點野都ok喎

本來想捲西芹, 不過屋企有翠玉瓜, 而且好似夾d

2樣野本身都有味, 唔駛點野都得

不過阿媽食慣新鮮魚, 覺得冇魚味

母親節大餐2007~辣酒煮花螺

呢味更加係食都未食過

想炒蟶子點知買唔倒

$64蚊斤買左半斤

初頭煮完出黎冇咩汁, 佢話應該有d水浸住, 於是我又再返兜返個汁:p

阿媽嫌un, 不過個譜話要雖然海鮮唔應該煮得耐, 不過要煮十分鐘先入味

男友主話唔似出面食o個d, 不過幾好味

我就未食過...根本唔知係點既:p 不過聽得多, 見佢幾出名就試下

母親節大餐~蒜茸開邊蝦

第一次整蒜茸開邊蝦

好貴( $160斤, 買左90蚊)

開邊o個陣好得人驚...佢會震架>< 好似電我咁...>~~~<

近照 20070512

近來唔多想買TEE, 唔通我轉行成熟路線?@@ 去街都著成咁既???

有型肥豬

好怕鏡頭既佢, 俾3隻手捉住先影倒:p

估唔到連手機鏡頭都怕...= =

迫爆手機Wallpaper

佢係兜兜~今年行大埔年宵時買架~好得意~見倒佢個樣好開心~^(||)^

難得「妹妹」

從前去街市買菜, 有d阿姐會嗌我「妹妹」, 聽倒零舍開心XD 嗌「靚女」只係=「小姐」, 只係表示當你係女人。「妹妹」就代表青春。XD幾可見D師奶俾人嗌「妹妹」>~~~<

不過近來去親惠康都俾人嗌「阿姐」或者「姐姐」, 真係唔多想應佢…

前日去大昌又有人嗌我「妹妹」*0* 好開心呢~~~以為呢世都唔會再聽倒><

XDDDDDDDDDD

士多啤梨雪糕新地

爹地仔話想食士多啤梨果醬雪糕，雪糕有自製士多啤梨醬同買返黎既紅莓醬，問我食邊樽好，咁我緊係想試下自製o個樽啦~^0^ 點知一試難忘~~真係好味到呢~~~XDDDD又讚自己XDDDD

佢係咁話估唔到咁夾, 好食過麥記O個D, 好士多啤梨, 最緊要係有果肉架XDDD

後來加多2匙果醬, 太好多喎~^0^

不過佢呢排腸胃唔好, 聽日又要返工唔食得咁多雪糕~~好慘咁話冇得食... /.\ XDDDDD

打緊呢篇文o個陣佢又o係側邊話: 你地就好啦~聽日有得食~~留返俾爹地食呀~~(跟住訓左~XD)

爹地仔黑椒西冷(+蝦醬通菜)

吉之島買既西冷，由爹地仔主理。

ｄ汁我拎左去叮，佢話個汁都要煮杰ｄ先掛倒上塊扒～

（發現左塊通菜葉用左黎伴碟ＸＤＤＤ）

同場加映鹹左d媽咪仔蝦醬炒通菜, 我食kwan唔覺XD佢食葉話好鹹:P