唔開心呀…整唔倒dmousse波波…雪到硬左d唸住o即, o即唔成抹返平佢因為太硬又唔滑 :(
今次d電線總算唔斷…用左牛油紙, 不過又唔係整圈, 唔敢, 驚斷…
中間個裝飾ok la... 不過旁邊硬係唔知點咁…:(
第一次整蛋糕俾daddy…仲話想賣餅…真係唔好話俾人聽>< 醜死鬼…
食左細杯裝, 我鍾意蛋糕底(第一次整布朗尼, 我鍾意合桃^0^), 專只鍾意chocolate mousse~
講返個mousse, 我仲要係整左2次…第一次一舊舊…懷疑係因為我將朱古力加入蛋漿而唔係蛋漿加入朱古力…side晒…跟住我搵返之前o係cake1cake學既譜整先叫做ok
今次係第3次食呢度既肉丸~一樣係嗌返19蚊10粒~個醬依然係冇得頂!!果醬+埋個汁(磨菇汁?) 真係一絕!! 肉丸又正!(AMY就話肉丸一般, 個果醬好正!) 我地2個食完D丸同薯仔仲O係度筆D汁黎食XDDD
凱撒沙律亦唔錯, 平平地$9新鮮好味~我之前都好似有食過
今次多左個梅子豬扒($39, 同燒春雞一樣), 好味過上次個蘋果啤酒豬扒, 上次o個個冇味既…><
舊年o係台灣烏來飲過, 好味喎~甜甜地, 第一次係O係酒店房內, 由於位處山上, 浸完溫泉已經冇野食, 要落街亦唔方便, 於是禁左杯麵同麥香做晚餐~
第二次係翌日o係老街食飯飲倒, 佢唔係呢個牌子(又可能係), 只係店子裡面既一杯紅茶~好似半價添飲? 一樣咁好味~
之後我地出返市區亦o係超市便利店買倒~統一牌既~
返到黎香港只發現倒麥香奶茶既蹤跡, 依家都消失左喇~連永安長擺既台灣美食節都冇!!不過前2日就俾我o係吉之島台灣美食節發現左佢!!! 居然冇腸腸冇小籠包, 不過有佢!!! 緊係即刻入返幾盒俾daddy仔啦~ 仲有樽裝~~入左一支~又試埋支藍色包裝既奶茶(飲開黃色, 阿姐話係茶葉產地唔同), 未飲!
尋日開左一盒紅茶黎飲~! 要好好珍惜呀XD 雖然美食節到17號, 不過都未必有時間去買~ 下次都唔知幾時至會再見倒佢lu…
第二次整呢款雞翼
男友話好耐冇食雞翼, 於是整左呢款。
睇返d相原來我係04年第一次整, 男友極為欣賞, 不過之後冇買過芥辣, 直至上次買左支返黎整熱狗, 又可以再整。
今次冇跟足份量比例亂咁黎, 結果甜得滯…佢話太甜似甜品多d…
做法：(6件雞脾肉份量)
1. 少少糖同胡椒粉醃雞半小時，
2. 預備醬汁：原食譜係要1/2標蜜糖+1/4杯芹辣+1/4杯牛油溶液+1茶匙咖哩粉+1茶匙鹽。
3. 琥好雞翼後1焗碟上淋上醬汁, 以175'C焗1小時30分(原食譜為雞雞脾肉), 每15分鐘於雞面淋汁。(我改為焗1小時, 每15分鐘反一次)
AMY係我第4個將出黎見面既YBLOG友~^^ 我地約左去沙田食飯, 咁O岩大家都想去宜家食美味肉丸^.^ 我又貪佢應該唔駛收切餅費~:P
雖然係第一次見面，不過都冇咩冷場，講下返工講下煮野食講下鼠講下狗，少不免又講下減肥~
原來佢都好留意我個blog, 睇得好仔細，:p 我就好少睇得咁仔細。講返我個blog之前提過既做姊妹事件同巧遇blog友事件佢都一清二楚@0@
我地6點幾去, 食完正餐之後食埋個生日撻都成8點幾~(好驚人!! 我地2個女仔KO左一個7-8吋既芝士撻@口@|||)真係少食多滋味><
食完野去左行宜家, 最開心係睇廚房~^0^ 大家都係鍾意煮野食既人, 去到廚房既示範單位就最開心^0^ 其中一間個爐好正呀>0< 不過應該係假既而且冇得賣…我地仲扮廚師同食客XD 另一間比較細, 不過入面都好實用!! 可能同我個廚房差唔多大咋~~不過好正呀D櫃!!!萬五蚊倒~不過佢D料又唔襟…但真係好靚靚~>0<
O係入面兜左好耐我地終於離開左迷宮喇~~跟住去左行超市, 原來我地都係咁鍾意行超市既師奶仔XD 本來唸住買棵薄荷返屋企種, 不過成29蚊, 花墟好似只要15蚊>< amy話幫我買, 買完食自助餐o個日俾我~yeah~\^0^/ 同場仲有一包包新鮮薄荷葉, 只售4蚊~
又見倒d好新奇既烘焙用品，係一d二記都冇既野, 例如雲呢拿糖, 雲呢拿籽糖漿, 香草醬等~不過睇左陣就夠鐘打烊喇…我都眼訓到爆, 於是打道回府~zzzzzzzzzzzzzz
第一次為blog友整生日蛋糕~^.^ 約左Amy一陣見面, 第一次見面^^ 大家都想去宜家食肉丸^0^
講返個餅…我整餅實在太慢…次次都搞到2點先訓, 一過2點訓第二日就眼訓到爆= =
原本今次可以早d, 不過返到屋企唸住開工先發覺屋企冇麵粉=口=|||
明知要煮送又要整餅, 放左五都走左去圖書館借書, 買埋送返到黎都6點幾7點…跟住發現冇麵粉又行返落山買…返到黎都接近8點, 跟住先開始一邊整餅皮, 一邊預備晚餐…
本來要雪3個鐘既撻皮, 我放左落急凍一陣再o係下格雪左1個鐘倒(10點幾)就拎出黎用…印完模之後雪多陣就落紅桑子芝士餡, 焗完攤凍裝倩埋已經2點…
同場加映多一個妯既俾爹地仔試下味~^.^ 打算以後整蛋糕都預個細既~^-^
2個撻依家雪左o係屋企, 一陣放工返去羅~個細既都未試味:p 唔知掂唔^^" 第一次整咁大個果撻~亦係第一次用呢個杏仁甜酥皮譜~芝士餡就用返之前焗紅桑子芝士蛋糕個餡~用晒成 盒士多啤梨加多半盒藍莓先夠~到入盒先知自己個模咁大…要用8吋蛋糕盒@@
2007.6.14 (14:48) 由於想保持神秘感，本文將於是次聚會後才公問 ^^
後記：
食完飯終於黎到切蛋糕既時間喇～佢話今日成日都睇住我個blog睇下會唔會有相睇XD 我點會咁傻呀~~XDD
點知一拎個蛋糕出黎, D士多啤梨同藍莓有幾粒碌左出黎呀~>口< 要慢慢切返:P 好在佢話等我切返好先影相:P 好樣衰呀~不過又好好笑XDDDDD
撻底唔脆, 不過條邊有少少脆, 唔知關唔關個撻皮雪唔夠時間事? 不過佢話O係出面食親都係唔脆@@? 我好少食, 都唔知有冇食過…成日整埋D未食過既野又唔知有冇整錯= =
士多啤梨醃左果醬同灑左糖霜甜左好多, 藍莓冇處理過都比尋晚甜喎~*0*
不過2個人ko左一個7-8吋既芝士撻實在漏到傻=口= 傻架~~~點解會唸住2個女仔可以ko佢架~!!? 仲要食飽飽~~!!! 我唸住切一件出黎之後o個d俾你帶走架=口= 食到第二件已經好飽…點知你又係@@ 咁點算!!? 結果一人一半…「咁先公平嘛」>0< 我下次唔會咁傻架喇~!! 一黎就會講明預你帶走!!!唔駛格硬食, 幾好食都假…少食多滋味… 我已經怕左蛋糕喇(可能聽日又唔怕XD) 希望你唔好因此怕左啦~~~你仲有成個禮拜食架XDDDD加油呀XDDDDD
2007.6.14 (23:39)
又到左唔知醜認叻時間~XD
原來AM730都有我個食譜網*0* 唔係AUDREY講我都唔知:P 唔該晒~^.<
http://www.am730.com.hk/weblink.asp?sec=101
食譜
早知改個好D既名, 就咁叫食譜= ="
今日去吉之島買生果整蛋糕~當然順道又走過去睇食譜同買包啦~^0^
今次好似見倒blog友呢~佢好似o係度裝緊麵包~^^ 我望左幾眼, 不過唔知有冇認錯, 佢又唔o係出面, 我冇走埋去買佢:p (話唔定佢根本冇返, 認錯人XD)
講返D包~
牛肉包食左一半都仲未有餡…好在都仲有一半有餡…不過好唔均勻；咖吔都係得好少餡，綠色一pat仔有d班蘭味。點解好似有d咖吔係橙色有d綠色既~?@@
聽日要整個撻俾amy ^^ 買左2本書返黎參考下~^0^
ALEX GOH BAKING CLASS呢個系列我已經買左三本喇~^0^ (麵包、曲奇同芝士餅~)
情迷芝士餅($78)、批&撻($59) 再九折~~
放工返黎烚左4個鐘
五隻大大隻鹹肉粽，大既有蛋黃，細既冇～（好似蟹ＸＤ好在都冇漏出黎ＸＤＤＤ）
大隻粽樣衰衰…迷你粽靚仔Ｄ：Ｐ
o岩o岩開左隻迷你鹹肉粽黎吃~雖然冇蛋黃, 不過都好好味呀~^0^
好在細細隻咋~成舊肥肉呀~>0< 忍口唔好再食喇今晚~^0^
聽日帶返學做lunch先~:p
13/6開多隻紅豆粽食~唔食都唔知咁多紅豆@@
講緊既係同我差唔多時期入黎既4位同事XD 唔知幾時開始畫鬼腳一人一隻色，其實次次都唔同色，除左karen一定係粉紅色之外XDDDD
Yoko整左條繩o係檯面，一人畫一件衫仔掛o係上面XD
其實仲有3件衫仔, 不過影相O個時未畫好~
KAREN雖然已經離開左我地, 不過佢既靈魂係不死架XDDDD李主人仲話個神態好似XDDDD激死冇XDDD
都會海逸以過半數成為今次blog聚既舉行地點，（我都未食過ｔ架^^"）
麻煩各位用私人留言留電話俾我，我會過你度留返俾你~留msn之後再交換電話都可以~
已電話留座，需先落$500蚊訂，18/6前過數。
$148位(+10%)，時間：15:30-17:30
地點：都會海逸酒店７樓，紅磡火車站旁
大家冇異議我就去過數。
希望大家有一個盡興既約會啦~^^
報名：
1) 蠍(1)
2) Cherub
(1:00後)(12:30後)(12:30後)(3:00後)(7:00前)各位有興趣可以先行探訪當日會出席既blog友(個blog)^^
有冇人留左電話俾我但我唔記得留返俾佢架
事隔幾年，右邊上顎終於出牙喇～～*0* (之前仲俾人串我幾大仲出牙!!)
星期五晚突然發現! o係我隻補左好多次既大牙後面!!
左邊2隻已經出齊~右邊一隻都未有…聽講剝左智慧齒塊面會瘦好多, 之但係我左邊面(即係出左2隻o個邊)係瘦d個喎XDDD
尋晚返到屋企門口, 男友突然呆左, 「你係邊個黎架? 做咩o係度架?」@@
肥豬變左白色?@@
唔係……原來係多左一隻白狗@@肥豬o係佢後面跟住行出黎…
之前好似都有見過佢o係附近, 唔知點解今次入左屋…
照計應該爬唔倒入黎, 可能係有人抱佢入黎…搞咩呀…
我地開左門一陣佢就自己走左，肥豬呢ｏ係我地後面…
男友問佢：「佢蝦你呀？定係你ｄfd呀?唔好俾人搞大你添呀!無端端帶人返黎!」
佢走左我地都未知佢係仔定女…佢同肥豬生出黎既豬肉…應該都唔方靚仔= = 除非係白色曲卡或者啡色既o個種狗（唔知佢係咩種），不過都唔好喇…一隻夠喇…=0=
