年初五@蝦r邊

晨咁早就有人打黎問有冇人…我話有人呀, 訓緊覺呀…
跟住8點幾又醒…黎到呢日病情惡化…食左藥, 訓到12點幾先出門口
DADDY仲問我今日駛唔駛休息一日, 我訓覺O個陣佢就O係度睇《廿四個比利》。

太陽島
其實哈爾濱既行程唔多, 由於唔去雪鄉唔去滑雪, 所以睇完教堂行完大街, 只差去埋太陽島就搞掂~

雪博會

打的去太陽島勁平, 只係$18倒, 先去雪博會睇雪雕($150@)。雪雕反而冇尋晚既冰雕咁好睇, 冇咁細緻又比較容易睇倒污糟, 反而一片雪地加d禿樹仲吸引!

雪雕
千祈唔好入o個d熱飲屋, 一罐露露(杏仁露)$30!! 腸腸就ok, $5@(可能係見我地聽倒一罐$30由兩罐變一罐, 所以腸腸先賣咁平), 因為入面有暖氣廁所既地方有熱飲賣, 只係$5@! 不過我地係因為要入去加衫, 又冇理由唔幫襯。

$5影一張合照~
呢度係我黎呢趟行程唯一有雪既地方!daddy都話靚~我地仲坐左o係雪地影相^0^

極地館

唔係咁多旅遊書介紹極地館, 多得版友提醒, 我先可以同daddy仔黎睇企鵝 ^.^ 見倒好大隻北極熊young池邊轉堂, 好搞笑既企鵝仔自己o係度行黎行去, 去到凹位就跳過去, 行行行, 轉身, 行行行, 跳, 行行行!人地o係o個邊開餐佢仲矇盛盛, 由始至終都o係度行黎行去~XD

 
另一邊廂有2隻食飽飽既企鵝O係度依偎XD(定打交!?)

不過DADDY最鍾意佢地落水, 影佢地游水!

無他~因為水底既玻璃遇清晰DJE XD 上面有水氣整到D玻璃朦晒…其中一隻好勁咁游游下一躍而上, 企左O係冰面*0*好多人談論~不過我睇唔倒佢企O係一幕>< 只係見倒水底O個part~!
除左企鵝、熊熊

同狐疑

仲有眼發紅光既海獅、海豚同魚。知道呢度有紀念品賣, 一心唸住去接仔仔, 不過覺得唔係咁靚…但就見倒一隻戴帽既海獅同一隻BB北極熊好可愛~~決定帶佢地返屋企! DADDY話:「唔帶仔仔呀…?」我話我驚唔靚返到去備受冷落咋, 一係你揀隻靚既啦~就一齊揀左依家呢隻, 返到酒店見倒佢地3個O係度睇電視, 覺得佢愈睇愈可愛, DADDY又成日捉佢扭下扭下, 唸左幾日決定叫扭扭B, 三兄弟都要有個B字! 海獅仔就叫矇矇, 北極熊叫哈啤(哈爾濱啤酒XD 丫係哈爾濱既啤啤XDD)

冰雪大世界

雪博會門口有牌話有免費車去, 原來係DVAN仔, 我地唔放心, 不過保安話信得過, 又載唔倒的士就即管上車, 坐坐下叫我地去另一架車, 話O個架開車, 點知一開門車上一家三口就落車, 我地又O係呢度等…等到咁上下都係決定落車, 又搵的士, 問佢去唔去, 都係話唔去, 跟住問佢15蚊去唔去咁先去得成。
門票$150, 好貴, 入到去係好大, 不過全部係一塊塊大冰砌成再加燈, 冇兆麟o個d咁靚咁細緻, 不過有條長梯, 好sin…好在有雪鞋, 不過daddy仔就要好小心, 最終sin左一次XD
入面有大型暖飲屋, 有野食野飲, 25蚊杯熱飲, 不過除左奶類就得橙汁…天寒地凍…我仲聽唔明佢D被DADDY仔形容為含住啖飯講既普通話XD要佢講英文先知係燈汁, 估唔到黎到居然係熱既*0* 仲幾好飲添~~ 我地仲嗌左2寸5蚊既羊肉同一條5蚊既粟米, 見大陸D人咁鍾意食就試下, 不過同台灣一樣係好乾既燒粟米…陣味似粟一燒, 有D係脆既, 幾得意, 不過我都係鍾意烚既多D:P
影左D相, 行左唔係好耐就離開, 打的出返中央大街, 去左麥記買外賣返酒店食。

仲有20件麥樂雞$24~~^0^

年初四@蝦r邊

去機場
尋日去天壇o個陣問過司機去機場大約幾錢, 跟手約埋佢今日黎接我地, 7:40check out上的士, 原來黎既係另一個後生仔, 可能尋日o個個係夜更。 去到機場連通道費只係$88, 黎o個陣搭巴士就$13x2, 黎到北京站落車仲要俾個的士佬點左我地行去酒店, 搞到daddy要拖住個20公斤重既o急上上落落...好在走o個陣輕輕鬆鬆, 個o急呢個時候已經去到24.5kg…
入到去, 又去左搵我地熟悉既伯伯食早餐, 點知呢度同深圳唔同冇得上網…反而樓下既上島咖啡先有, 不過就要password…於是我就同依家(o係回程既飛機上)一樣打blog喇XD 之後有得上網先POST返上去~:P

食左個蝦仁蛋卷, 麻麻地。

估唔到都幾好味既飛機餐(牛肉)

11:40機, 2點幾去到機場就有個熱情的士大佬走黎, 出到去收左我地差唔多200蚊車費!!再加20蚊通道費! 都比想像同貴…不過見佢禮禮貌貌, 又同我地搵酒店O係邊, 貴少少都唔同佢計啦~

酒店
去到酒店樓下, 喜出望外喎~ 睇網冇唸過咁古色古香, 上到LIFT, 梯間都好古雅, 可惜到我地走都冇開過燈… 入埋房, 哇~ 盞燈好似澳門D貴酒店呀~O個D咩堡呢~ 我仲以為叫做大廈, 連賓館都稱唔上唔知會點, 點知又幾好喎~! 今次都醒喇我, 黎到樓下就問定有冇浴缸同寬帶, 答案分別係有同冇。咁都好丫, 一嘗素願, 點知…上到去= =大失所望…!!!打返落去問…佢話依家冇我要O個種T口T 欲哭無淚呀!!! 我既泡泡夢呀!!!!!
點都估唔到, 黎到哈爾濱既第一個感覺係---好熱! 可能我著得衫多,不過呢度比剛到北京感覺熱好多, 可能如版友所言, 其實北京大風仲凍過哈爾濱, 於是我就落少左衫落街, 又唔記得戴帽…點知未行到中史大街已經要返轉頭…對耳凍到冇晒知覺…O係北京從未試過…可能未試過冇戴帽…

大件事
一出酒店唔夠2個街口,我就差D俾人扒野…有個細細粒既疑似俄羅斯人想開我個斜?袋! 我由頭到尾都唔知有人O係我後面!! 係DADDY仔見佢外省人又愈行愈近, 我行快佢行快, 我行慢佢行慢…最後伸手想開我個袋先喝住佢! 我就淨係識得笑…激死佢…XD 其實感覺好唔真實…雖然話大陸雜, 估唔到咁切身… 事敗之後佢馬上向前面個女人埋手, 我睇住佢伸手開佢個側?袋, 又係一男一女一齊行, 今次係個女仔自己發現, 轉頭望佢, 唔知係唔SURE佢偷野定係見怪不怪…而行O係我地同佢地之間既人都冇反應…有D心寒…中央大街周圍都有警察站崗, 似乎類似案件好普通。
DADDY仔好擔心, 我D錢同證件放晒O係個小包包度, 佢都估唔到唸度落後成咁…

聖索菲亞大教堂
未上酒店已經經過今次行程既重點名勝, 擺好野就黎呢度影相~不過我地冇入去參觀, 之後亦由於治安問題冇去影夜景。

開餐
羅返帽帽之後, 我地去左中史大街睇下有咩食, 同北京一樣, 呢度都有串燒同冰糖胡蘆, 不過我冇試到, 食過北京最後一串黏牙既加上見過有人食剩半串跑上前丟, 搞到失晒信心…呢度既冰糖胡蘆都唔會夠北京好架啦…等我自己返屋企整先~ ^^
黎到大街中間有一間三層高既食店, 見佢好似幾乾淨, 就入去試下~ 呢度有D似茶樓, 自己搵位, 畫點心紙(不過唔係食點心), 跟住俾D服務員, 俾錢, 等野食~
要左肘花拍黃瓜$14(推介)、紅燒獅子頭、

肉灌三拼、同其貌不揚其實肉鮮皮滑既水餃~(DADDY仔推介),加埋2罐野飲只係$5X, 大陸真係好興飲椰子汁同露露(哈爾濱機場賣成$15罐, 而汽水只係$7)

逛中央大街

呢度好多小型冰雕, 有個冰棋盤我地跟人走左上去溜溜, 好多人跌倒, 又經過BLOG友提過既冰酒吧, 不過我地唔飲酒, 冇入到去。

只係O係出面既冰吧檯影下相 ^^
試左旅遊書提到既馬迭爾冰棒~O係中央大街中心既馬迭爾賓館門口賣, $1枝, 街人好多人買, 人人手執一枝好過癮XD

行下行下, 好快黎到防洪英雄紀念碑, 原來咁近! 跟住仲落左松花江玩「雪趴」(唔知係咪咁叫)$20/2人任玩, +$10按金。

玩左2圈已經又支力又凍, 不過就好哈爾濱XD 我同DADDY仔都凍到傻XDDDD 邊個話哈爾濱唔凍架XDDDD未行到江邊已經有個阿婆跟住我地, 又好似之前個小偷咁我快佢快我慢佢慢…原來係旅行團拉客, 太陽島呀, 坐馬車咁…睇完版友呻笨之後我完全冇興趣…睇住D人O係度繞圈戇居居咁…又有狗拉車…不過係狼狗…好可憐咁唔知有咩好玩…玩左雪趴就夠! 已經好夠氣氛好開心 ^^ 上返江邊, 見倒有雪鞋賣, 白色只售$50, 話原價$65, 因為有少少髒所以平賣, 我又冇咩所謂, 不過試過太細…冇買到, 反而買左2個黑色口罩(絕對冇買錯, 十分有用!! 面面唔駛再受罪喇!)同一頂返香港戴既帽帽(分別只係$5@同$15)
行返去大街, 落左一條叫俄羅斯一條街, 其實只係一間手信店, 不過就買左對同上既雪鞋, 要$65, 加鞋墊$10, 最終$68成交。然後要多4隻套娃, 入面O個D好樣衰好搞笑XD
經過「大件事」一疫之後, 決定每次出門都係打的, 雖然酒店離大街話遠唔遠, 不過都係小心為上, 尤其周圍咁靜, 天又快黑。

兆麟公園

住O係兆麟街點可以唔去兆麟公園。門票$55@ 之前有版友話呢度細可以唔駛黎, 同冰雪大世界差好遠, 不過親身去晒2個就知好大分別, 而且呢個更勝一籌~我仲玩左冰滑梯同恨左好耐, 好多年冇玩過既煙花!!(滴滴金)$1枝, 玩左4枝~比以前玩O個D長~

參賽作品

走O個陣想返大街睇下仲有冇野食賣, 話晒都9點幾…呢度極早天黑, 而D人亦極早收鋪返歸, 咁就問的士大佬去中史大街仲有冇野食啦, 點知知車左我地去一間24小時食店放低我地…之前仲指左大街O係邊…我地行返去大街O個邊, 不過行行下唔對路個天又黑, 於是O係士多買左2個麵同野飲又上左的士, 紅的都係唔識我地間酒店…(藍的就識)幾經辛苦終於返到~ 食埋之前打包既肉灌三拼就訓著左…MASK都冇敷…麵又冇食…

酒店設施
點知訓訓下聽倒「卜」一聲…D燈熄晒(不過好騎哩地有電視睇…)DADDY仔正想白白既時候, 一開燈盞燈就爆左…急CALL服務員上黎, 黎左個好得意既後生仔, 搞左好耐先有返燈, 佢幫我地執左D玻璃碎, 話聽日再搵人換燈膽(因為已經12點幾)。
就咁…
醒左…
白白…

年初三@卑煎

聽日就飛哈爾濱, 今日係北京玩既最後一日~
12點幾先出門, 去左尋日去唔倒既天壇~ 黎到果然冇維修…尋日俾人老點… 仲唸住佢係好人係咁同我地講北京有咩玩…又問我地去景山公園有冇睇嘉慶上吊o個棵樹…不過daddy話佢冇厄我地車資又講左咁多故仔我地聽都唔算遇人不熟。好在我地唔信邪再去~

門票$10, 套票$30包入場券、祈年殿、迥音壁同圜丘, 又係周圍影下相~

試下有冇回音~

不過好好彩我地去到咁o岩1:30撞正儀杖表演, 6-11/2先有, 每日2場~都算好彩, 不過勁多人勁難影相:p 表演前d演員著晒宮庭服o係門外同人影相~我地仲發現其中一個好似方力申XD

雖然大家都o係崇文門, 不過天壇離地鐵站都幾遠, 我地打的去左崇文門菜市場, 好多熟食賣, 買左土耳其烤餅, 只係$3.5仲平過小食街, 大件d又好味d~

之後去左隔離食永和大王~上次去上海都食過幾次, 今次嗌左個三寶牛肉麵(麵質好滑, 肉都夠淋)牛肉飯(d飯一patpat…daddy淨係食左d肉)小籠包(好漏…食唔晒)、跟餐既魚蛋水餃湯(一般, 食唔晒)、鹹豆漿同冰甜漿都好好味~果然係豆漿大王~^0^
08年黎北京有一個不能錯過既景點, 但係點都估唔到, 出左地鐵之後問左2個本地人都未聽過「水立方」…第一次搭北京既地鐵, 去每一個站都係2蚊~好方便~ 不過就人手收飛, 出閘冇人理~ 最終打的好在司機識得去咋~ 當時都有D人好似我地咁走去影相, 不過現場仲係爛地一片, 建築物係起好, 不過周圍都未係好READY…隔離既鳥巢亦一樣。

已經黎到4點, 想去後海睇下同去酒吧街行下, 點知搞錯左以為三里屯o係後海…搭左30蚊的士去左三里屯, 見倒好多靚屋,

行左陣問埋人先發覺原來同後來係一東一西…跟住搵地鐵想搭過去, 又凍天又黑得快, 行左入一個商場加衣, 去左超市買左超大粒冰糖草莓之後幾經辛苦搵倒地鐵, 決定搭返王府井^^"

路上見倒是次行程經常出現既親切老伯 ^^

返到酒店休息左一個鐘, 8:10落左樓下王府井書店行下, 同深圳書城賣既野差唔多, 都係幾層高, 之後過左東方新天地搵食~ 去左foodcourt買左個同香港完全唔同既炸醬麵

超勁鹹+刀削面, 紅燒牛肉飯, 得好少肉XD好多紅蘿蔔同薯仔~不過好香, D送都冇個麵咁鹹…好飽既我仲嗌多個印度飛餅…本來印度師傅已經入左去都俾我嗌返出黎, 整左個香蕉飛餅, 同我地食開既造型唔一樣, 煎既時候已經放左d蕉入去, 九宮格咁放左d香蕉片, 煎好切開一塊塊四四方方。

食到一半已經開始熄燈, 原來呢度收9:30, 喇喇聲食埋d送同少少麵就帶埋飛餅走人~出返去東華門夜市對面一間食品店買左少量手信, 仲買左隻蛋蛋俾自已~只係十蚊咋~靚靚 ^.^ 行返過對面小食街買左碗之前睇書睇過既鹵煮火燒

買多串雜錦冰糖胡蘆就打道回府~ 原來火燒係好似牛雜咁既野, 南乳味;而今次既冰糖胡蘆就唔得喇…d糖又溶又黏牙!仲賣成十蚊串…之前o係王府井小食街同三里屯食品店買既$8同$4既冰糖士多啤梨正好多!冰糖唔溶唔黏牙, 士多啤梨又甜!尤其食品店買o個d勁大粒! 可惜太凍冇影相。

隔離既靚靚酒店, 一晚要成2k幾

酒店樓下既警車

返酒店食埋宵夜(都係十點幾)準備聽日去第二次旅行XD

是日戰利品(影漏左隻蛋添 *0*)

年初二@卑煎

黎到第二日, 我地首先黎到故宮, 大到呢~~ 一落車, 條河結左冰, 好得意呀~ 期待哈爾濱既松花江呀~

河面黎架, 睇下個樽凍到硬晒
淨係o係門口都影左好多相喇~呢度冬天街道上既樹木同上海一樣都係冇葉架, 香港好少見倒呢d景色, 好靚~
黎左幾日都陽光普照
終於黎到故宮門口喇~ 門票40蚊位, 我地幫襯左d幫人排隊買票賺錢既人買, 100蚊2張~ 冇所謂啦又唔係賺好多, 旅行時間好緊要~

入面真係好大, 我地都冇咩入殿入館都行左好耐, 係入左一個儀杖室, 好鬼細, 少少野睇, 同之後迫左入一個唔知咩室, 超多人, 睇D畫呀, 小炮咁, 有D似O係香港帶D學生睇O個D博物館…
主要都係周圍影相~呢度真係勁凍! 話就話0至-8度, 但日光日白又猛太陽但仲凍過第1日晚…呢日既裝束係2條褲, 4件衫, 冷帽+手套+超+鴨鴨頸巾~ 不過鴨鴨成日甩= =本身太厚D衫又太厚…我地2個都吹到要O係入面搵個地方呢埋加衫~
飢寒交迫, 於是O係入面食左個即熱飯+杯杯蛋花湯~DADDY仔話蛋花湯好飲過上海南翔小籠包O個D XD 熱就硬左少少~$15+$5, 遊客區一D都唔貴呢~

景山公園
離開故宮, 我地根據網友既建議, 上左景山公園俯瞰故宮全景, 真係大到呢~~
仲O係門口買左超甜蕃薯+美味腸腸~只係$3@, 門票$2@, 不過DADDY仔就差D唔見左對救命手套>< 好在俾佢O係售票處搵返咋~

食完個超美味蕃薯, 我感覺到對手好痛又紅晒…好似爆晒擦咁…喇喇臨戴返手套~好在冇事~
上到去見倒2檔賣帽檔, 之前已經o係故宮見倒呢d超暖笠笠帽帽, 估唔到呢度只係賣$20咋!!仲唸住實?遊客~喇喇臨買左頂, 連得意耳罩仔都唔駛買~一來唔係太舒服, 二來帽帽都遮倒耳仔~行過咋一邊又見倒, 仲有其他色, 原來daddy仔唔肯買係因為我o個頂綠色XD 呢檔有黑色佢就買喇~點知開價30蚊, 我地唔買, 佢就話廿蚊~ 我都戴住一頂, 仲敢開咁貴~?跟住問我係咪買20蚊~

離開景山公園之後, 我地行返去故宮南面既天安門廣場、呢度大風到腳架仔都擺唔倒!影唔倒合照呀~淨係可以自拍~

影左一陣相就打的, 打算過天壇, 點知的士大佬話裝修, 介紹我地去和坤府(恭王府)或者鐘鼓樓, 仲話鐘鼓樓呢日係文化節, 講到好特別, 又話坐黃包車比平時平好多, 當時已經3點幾, 兩處只能揀一處, 咁佢講到呢日咁特別就去啦~又話買完票之後唔會關門住, 點知我地去到鬼影都冇隻, 係得D黃包車夫O係度搵生意, 我地冇坐到, 我鄉下都有啦…有咩特別…又凍又食風…雖然我好鍾意坐, 之但係坐開十元八塊, 又可以當交通公具, 依家我志在黎行下睇下野, 又聽唔明你D解說…所以決定自己行下~ 行行下去左行超市XD買左D日用品^^"同粟米雪條~^0^ 美味呢~

行返出去O係鐘樓同鼓樓下面影下相就打道回府喇~ 天亦都開始黑~

返去休息下

利群烤鴨店
夜晚去左搵烤鴨食~ 原本打算去羅領就(素)介紹既大董, 不過好遠同埋要預訂, 又唔想去連鎖店, 於是去左利群~ 當初就係O係全聚德、便宜坊、大董同利群裡面揀~係唔到最後黎左利群~ 上網見人話好難搵, 我地上網睇左地圖, 查清楚利群既讀音之後就出發去探險~ 離開酒店之後, 經過王府井大街, 黎到正義路, 一路行到尾(都幾凍), 見倒華風賓館再行, 撞倒個婆婆咁O岩出黎散步就帶左我地去利群, 佢話佢食過一次, 一般啦~問佢多唔多人, 佢話肯定唔多, 都係外地人黎食! 行到正義路尾轉右再行入去就見倒一個紅色招牌寫住利群, 轉入去就見倒牆身有鴨鴨~同箭咀, 都好近路口

入到去同上BLOG睇倒既一樣係一D舊式民居改成

入面有D廂房裝修過, 果然如婆婆所言, 呢度多數都係香港人同外國人~ 仲有D講普通話既就唔知係遊客定本地人~
我地嗌左個SET, $258, 包一隻烤鴨(有2碟)+3個小菜(鹽水鴨肝、蛋卷、麻辣三絲)仲有一碟炒西蘭花~「好味喎」~感覺似第一次去迎囍飲茶~DADDY仔就話都好味,但又未至於超級好味~鴨鴨冇咩肥肉得黎層皮又好厚~包住O個層皮勁薄~~唔似得香港O個D咁多肥膏, 粉皮又厚(DADDY話齋厚過腳皮XD)嗌多罐野飲都係$5, 又唔係好?人~ 食食下有個外國人走埋黎問我地一隻幾多錢, 問係咪$138, 話佢黎左好多年, 加價加得好勁! 可能一來愈來愈出名, 二來話晒新年~ 佢開頭用普通話問DADDY, 佢又用普通話答XD 跟住先轉返英文~XD「唔好玩啦, 佢D普通話仲好過我」XD
問左侍應2個人食唔食得晒一個餐, 佢話唔會食唔晒, 食唔晒可以打包。師傅烤好隻鴨之後拎左俾我地過目, 跟住拎去切, DADDY見倒佢地片得好入, 見晒骨~ 黎到得一碟我都奇怪點解得咁佢, 佢仲話香港都係咁上下, 點知食食下又黎多碟~@0@ 姐仔咁睇得起我地…結果KO晒D小菜(好在細細碟)打包左一碟鴨做消夜~
呢晚到我訓著左先~ 敷敷下MASK訓左…訓左一個鐘倒, 起身食消夜~就咁過左我地既第二日, 聽日就係最後一日喇~

是日收穫