小白鷺娃娃

口金4號 for 小仙

跟angel學完之後都未試過自己o係屋企做2片口金~星期日教過小刁之後, 星期五自己o係屋企再做一個。

今次用左防水布加牛仔布~入面係深藍水玉。

防水布好靚我自己好鍾意呀~ ^0^ 牛仔布就年頭o係深水步買!深水步d車仔檔真係好抵, d布都好靚架~不過好早收…放工趕到去已經收剩一兩檔…

口貓好似係用貓媽tracy買既,防水布好似係day dream garden,  緞帶係深水步買($3/碼), 夾棉來自angel, 裡布來自mika ^^

由於有衣車既關係, 好快去到左上角呢part, 不過d布好硬好厚, 結果都用左幾個鐘先完成。

今日係11之星blog聚, 不過冇整到生日蛋糕, 因為生日之星唔一齊bbq, 所以整左呢個口金俾佢做禮物, 整得唔係咁好, 好似有少少唔對稱, 而其中一邊既駁口亦對唔齊…希望你唔好介紹… ^^"

睡寶寶 U3U

哎呀 ~ XD

個男仔愈來愈扁…個身尤甚= = XD

件衫搞左好耐…第一件完成時已經係晚上11點幾(7點幾開工…), 跟住2條褲就好快, 再整埋另一件衫已經點幾。手工十分馬虎…好多線頭…第一次整領, 整得最肉酸…不過總算學識左下次應該會好D :P

天氣凍喇, 有長袖睡衣交豬~幾厚下架D布 ^^ 原先想做聖誕帽而買, 估唔到咁襯, 做頸巾都好靚架~ ^^ $15碼咋~ ^0^

早抖喇2個寶貝 U3U

親親

娃娃2號

尋晚同事又黎整公仔~ 佢就整連身裙, 我就身男仔個身、樣同頭髮, 今次教左我縫頭髮, 第一隻係痴架XD冇縫架XDDDD, 咁就整左2個幾鐘…同事走左之後我就車衫褲啦, 好有心機咁整左背後可以打開方便穿著既款色, 點知隻手穿唔落 >口< 跟住條褲又係…腳板穿唔過…>^< 跟住搵左件舊tee, 整左件衫俾佢, 洗左d畫線晾乾佢, 今晚先同佢上圖案同整牛仔褲~

同事叫我幫女仔加返眼睫毛, 加左好似真係靚女左喎~ 不過個男仔都好似好女仔咁…我本來想整個型仔架嘛…整整下又變左BB…索性整件鴨鴨衫XD 唔識整型仔頭呀…

銀包5號

已經係第5個銀包, 不過今次係最花時間既一個。

之前頭2個係牛仔布, 手縫, 好求其:P

跟住一個拼布, 都係手縫, 拼布都拼左5個鐘, TOTAL整左3個鐘

4號係整俾DADDY既情人節禮物, 同3號一樣入面間格都係用不織布, 簡單好多…今次用棉麻+棉布, 每格都2層, 又度唔O岩位…整左3日先整完…

點知…居然唔夠大呀>口<!!! 放得錢黎又放唔倒卡… T^T 放倒卡又褶唔埋… 嗚嗚…

南瓜意大利飯口金小聚

煮左小刁想食好耐既南瓜意大利飯(差d又落錯米@@ XD)

南瓜同洋蔥係小刁買黎既~ 第一次煮原個南瓜…平時都係買切好晒1pack既, 原個真係幾麻煩…:P

由畫布剪布縫有上口金都係小刁一手一腳整~ 點幾2點開始作戰, 中途食左陣飯又繼續, 奮鬥到8點終於完成 ^0^ 係咪好有滿足感呢~

係咪好得意呢塊布~ 2塊我都好鍾意架~ 本來唸住買黎整袋既, 結果用左粉綠色花花布~ 入面塊貓貓布好少見呢~

娃娃一號

今晚同事黎左我度教我整公仔~先黎用茶包染布較深色d膚色, 跟住又搵唔o岩冷做頭髮, 於是又試下染埋~ 依家d頭髮係用米白色冷染成既:p 跟住要等d布同冷乾, 熨返直就可以印紙樣, 剪布, 車縫

 到十點都未車好個身… ^^" 佢走左繼續努力整埋d衫, 頭髮, 畫眼, 整頭巾

巨蟹座VS天蠍座

巨蟹座VS天蠍座
　　這是一個很專情的組合!可以說那些故事小說中大部分的描寫專情的配對就是這種組合啦!這真的是一對足以讓所有人眼紅的情侶，美滿深情到每個人都覺得是神話，真的非常難得哦! 
　　過招秘訣：這種超完美配對根本沒什麼誰強誰弱的問題，如果真的要說，那麼天蠍算是這個配對中比較強勢的角色，所以占了比較多的優勢。主要是因為比起巨蟹座，蠍子顯得有主見而且有行動力多了，他一定是比較主動的那一方，加上天生的神秘魅力，真是讓人不得不傾倒的角色。 
　　蟹子對上天蠍不是以柔弱取勝就可以了，還要有能讓蠍座欣賞的個性才行，當然深情款款也是需要的，但記得要保有個人的特色和堅持才能真正地抓住蠍座的心，也才能讓美好的愛情故事可以繼續下去，因為兩個人都非常專情，所以有了開始那很自然就會有美好的結果了! 

 

天蠍座VS.巨蟹座 
　　這是一個深情的組合，這兩個星座對愛情的態度都是非常專一的，一旦認定對方就不會想要改變，再加上兩個人都非常重視感情的長久經營，所以能穩定下來的機率也是相當高的。 
　　過招秘訣：面對蟹子，天蠍真的只要表現出自己的深情款款就好，光是這一點就足以讓蟹子手忙腳亂，不知如何是好，表面上雖然倔強得很，但是實際上心裏早已鬧翻天，除非他們心有所屬，不然大部分的蟹座都會因此感動不已，還可能偷偷動了心，蠍子只要坐在一邊等著勝利到來即可。 
　　

Congratulations

口金3號(四片)

第一個一手一腳整既口金~ (之前2個都係ANGEL既KIT SET整既~)紙樣係angel上次教o個個四片口金, 不過今次同之前唔同既係主要用機車, 車唔倒先手縫~

布係用之前個布袋同小索袋一樣既玫瑰圖案, 今次裡布襯左第二塊粉紅色水玉, 又有另一種味道 ^^ 本來唸住襯黃色架, 見粉紅色拍埋又幾好睇喎~

一碼布真係襟玩XD 仲未用完呢~

焦糖脆脆食譜

http://hk.myblog.yahoo.com/kingmary-palace/article?mid=6333

1108生日會

尋日o係屋企搞左個生日會, 邀請幾位newsgroup版友黎玩~ 原定10月11日舉行, 但有人唔得結果改成11月8。

今次大部分係識左幾年既版友~ 只有一位第一次見面 ^^

菜單有：
BB菠菜三文魚PIZZA
法式三文魚蛋批
可樂雞翼(李錦記可樂鹵水汁)
雞絲粉皮
芝士粒牛油果蟹柳沙律
雞軟骨(亂咁黎, 黑椒、鹽、雞粉、七味粉隨意落:p)
吞拿魚薯餅(by檸水)
泡芙山
白桃慕絲蛋糕

星期四就開始準備, 一早借左本party小食食譜, 可以話係因為佢而搞呢個大食會XD 星期四放工就去左吉之島入貨, 一路行一路揀整咩, 太多野想整:P 結果行左成2個鐘先買完~ 再返屋企執屋~

星期五放工就去街市買埋其餘既食材, 返屋企煮完飯就準備部份食物。

首先焗好個蛋糕底, 再烚粉皮雞絲(烚完粉皮先見倒包裝寫住煮完唔好雪= = 唔係會變返白…仲唸住早一晚整完可以放雪櫃凍食…咁點呀…= = 結果食時真係硬左d…不過居然有版友話鍾意呢種口感多d… ^^"唉…吸收經驗…), 煮雞翼

撕雞絲, 整埋白桃mousse已經勁眼訓, 未夠12點就收工~

星期六12點幾又開工, daddy仲話我唔駛咁早

第一底泡芙失敗左…今次係跟o個本party食譜整既, 不過睇返其實同我平時個譜唔係差好遠, 但攪攪下就好稀, 可能因為我中途走左去溶白朱古力, 搞到凍左, 同丁屎第一次整個情況一樣, 好稀, 而我冇加粉就焗, 當然唔似樣啦~ 第一爐都係跟返舊譜, 用返溫度計度住整先ok

跟住用之前整落既批皮整左個底, 再整吉士忌廉(原食譜係榛子忌廉餡, 不過我冇榛子醬:p) 又唔夠蛋…= = 原食譜要3個蛋黃整餡, 好在搵倒第二個譜落吉士粉只需唔知1隻定半隻蛋 ^^" 跟住再煮焦糖, 居然冇糖= =用左原蔗糖整, 好在都ok ^^"  不過太大pat…好樣衰= =唔講仲以為朱古力…

整完個泡芙山已經3點幾, 跟住簡單裝飾埋個蛋糕, 白假力唔用得, 真力唔知係咪雪過調唔倒溫, 最後只係加左d紅桑子用防潮糖霜, 一小塊金箔點綴下 ~

呢個時間daddy加入幫手喇, 切青瓜絲、番茄絲、牛油果、撕蟹柳~慳返唔少時間 ^3^ (點吉之島買既日本凱撒沙律汁, 都唔似既, 鹹鹹地…今日再食點返千島醬好味D:P)

我就整埋個三文魚蛋批同pizza,

蛋批入爐時已經6點幾, 我就走沖涼

daddy幫我較埋個粉皮汁~ (好味~) 其實呢度又出事…冇糖亦冇白醋, 結果落左壽司醋同少少黃糖~ ^^ 個個都話好味~ ^0^

未沖完涼已經有客到~~ 差唔多人齊再炒埋個雞軟骨就完成喇~ daddy炒, 我幫手調味~亂咁黎, 唔夠惹味呢~

最後等埋檸水黎到炸埋個撚手吞拿魚薯餅就可以開餐喇~^0^ (好味道~下次再ENCORE~)

咁O岩有選美真係O岩晒~ 一齊睇好開心XD笑死XDDDDD 我唸一齊睇港男會仲開心XDDDDDDDDDDDD

切完蛋糕就玩UNO

今晚好開心笑到癲~~鼠鼠玩UNO就最精靈XD
今日先知原來鼠鼠細個贏過UNO比賽冠軍!(上圖46分o個位) 唔怪得咁堅啦~ 真係睇唔出XD而我就以100分得第二^^v 真係估唔到XD玩左5鋪咋XD最高分去到287XD

多謝河童既禮物XD好搞笑~ 我發覺戴左之後握拳打完人仲可以話: 我錫你之嘛XD
多謝露絲既禮物~ 呢幾日正正O係度唸緊我房入面個廁所欠缺呢樣野~ ^0^

今次整係大工程, 好支力:p 3日都企左好耐…要休息一排先再搞喇XD