丁叮第四個月

7月25日, 丁叮滿四個月喇~呢個月開始經常單拖帶佢去街~~心情舒暢好多~^^

單拖帶佢行沙田~試車@沙田萬寧baby~呢架車幾好, 我前揹丁叮後揹奶粉袋單手都拎得起, 真係好吸引, 不過買左既媽媽話一個人上落小巴都係麻煩, 屋企又有2部車, 加上老公反對, 都係放棄喇

玩具反斗城試坐~
佢訓緊俾我捉佢出黎試…又幾ok喎~不過好明顯唔坐得耐…打算買吹氣o個張~大張d又可以收埋又平d

6月尾返廣華覆診, 話說未出世時照結構有d小問題, 出世再照, 今次覆診見埋醫生, 冇事唔駛再返黎喇~ 不過那打素跟進既黃仲未搞掂

丁叮出世後第一次病, 話說之前大肚時病過2次都冇食藥, 係一次腸抽筋入急症食左2粒必利痛, 今次勁咳, 睇左2次醫生, 結果連訓覺都要戴住口罩…好在冇傳染俾丁叮~

第一次同爹爹慶祝生日~

百日宴~好彩冇擺滿月, 百日真係好好多, 雖然佢都有扭, 但返到屋企又冇野, 反而係我預備佢既蛋糕同馬卡龍比較辛苦, o個2日佢勁痴身…好大壓力, 亦好擔心接order分唔倒身, 同老公傾完, 發覺唔可以俾佢控制晒d時間, 於是有日由佢喊唔抱佢自己o係廳整餅, 時間真係好用好多, 再後來擺返佢o係我身邊既highchair望住我整餅, 佢又好乖唔扭, 乖乖望住我^^

呢個樣真係超乖~~成日有人話佢個樣好乖^^ 其實都係既~

一家三口去海濱公園, 雖然住得咁近, 不過對上一次黎已經係09年影婚紗相…當時婚都未結, 再黎已經帶埋小丁~

呢個月開始學識食手, 不過佢又唔算十分鍾意食, 都係代替唔倒奶嘴, 而佢又學識拎走個奶嘴, 一拎走又嗌救命……有時塞得返入去, 多數塞唔返…

每晚同爹爹既親子時間~最鍾意坐爹爹肚dum再用腳撩佢塊面~XD附送大量口水~~~

初生時唔鍾意洗白白, 次次都爆喊, 我試過自己戴耳塞先同佢沖…依家已經好ENJOY喇~ 第一次洗泡泡浴~ 後來發現之所以爆喊可能係每次訓醒就捉佢沖涼, 驚食飽先沖會嘔, 當時又未有定時餵, 佢訓醒就食, 通常都餓醒…餓住沖就喊到拆天…^^"

學揸野後鍾意捧住個奶樽, 不過要飲到尾先得, 未識用力, 如果要俾佢自己揸住飲, 睇怕要換返CHUCHU嘴, 唔係一面都係…

除左一個人帶住佢出去行, 有時亦會約埋其他媽媽同BB, 呢班係最早識既~丁叮最細~^^

呢日大埔媽媽聚會, 有十幾個B, 第一次食其他BB既手手~~~XD

同爺爺去飲茶~呢張我好鍾意^^


出世以黎第二次打風, 十號風球下, 好多bb都冇覺好訓, 佢就訓得不知幾好~

又過左一個月喇~依家踏入第五個月喇~時間過得真係快~ FTM既生活令我不知時間, 原來已經放照暑假~ 過多4星期又放完假喇~呢個月出街開始, 我總算開始enjoy ftm既生活~^^ 丁叮大部分時間都好合作, 乖乖望住我做野, 今日就乖乖望住我執佢個衣櫃, 呢個月開始同我地訓, 因為唔想起身執奶嘴, 同埋可以捉住佢對手唔好捽眼…近排開始夜晚訓覺要我抱一陣, 好在好快訓著, 不過夜奶依然係時食時唔食…尋晚我3點幾搞掂晒d野先訓, 佢4點幾就喊食…跟住7, 8點又食, 一支奶分2次食, 加一次難得喊換片…差唔多每個鐘起一次身…好在唔駛返工…唔係命都冇…不過下晝都冇補眠, 同佢換過衣櫃d衫, 洗下衫晾下衫, 褶左2機衫, 泵奶, 就冇左一日

4個月返健康院打針, 體重6.33kg, 比出世時2.97重左一倍有多, 達標~雖然比其他同一日出世既小朋友輕, 不過我地已經覺得佢啖啖肉喇~
依家著緊6個月既衫, 3個月既過頭笠極難著…佢最唔鍾意老笠…

7月23日

我一歲生日喇~
舊年7月23日爹爹媽媽送完貨, 帶左我返屋企, 因為我對眼改左丁叮呢個名~
之後媽媽將朝早發現既好消息話俾爹爹知~
夜晚出去食飯等車時, 爹爹摸摸媽媽個肚嗌"丁叮"
自從有次媽媽同丁叮去睇急症之後, 每日返工去街都帶埋我, 於是我一直守護丁叮, 直至佢黎到呢個世界~
從此屋企就多左2隻小丁叮喇~^^

ANY FTM HERE?

最近愛上帶BB去街街~有冇FTM得閒平日一齊出黎行下~?^^

龍媽媽預產表

2012年2月
7/2 mattababie ~ 囡囡 (30/1出世~)14/2 Bec~囡囡 (14/2 出世~真係vb喎~^^)
25/2 天秤妹 (7/2出世)
26/2 dajaxis ~ 囡囡 (2/3出世)
2012年3月

1/3 寧琦聯婚~ 仔仔 (25/2出世)
2/3 Dorothy ~ 仔仔(15/2出世)3/3 魚魚 ~ 仔仔 (21/2出世)
8/3 Mrs. LCL ~  仔仔(27/2出世)15/3 Gloria(開刀) ~ 囡囡 (15/3出世)  17/3 小東媽媽
24/3 豬菇 ~ 仔仔(15/3 出世)、 小藍 ~ 仔仔(25/3出世)、candy~仔仔(19/3出世)

2012年4月
1/4 小陳太、Hellocc9/4 Cynthia ~ 仔仔 3/4出世12/4 DON
13/4 小宅女-阿K ~ 仔仔
15/4 mina~仔仔(廣華)
20/4 MrS ChAn x mR ChAn、AG~仔仔
21/4Tiffany(QM)~囡囡
24/4 Siu's Family


2012年5月
5/5 Karen
8/5 晴天太太
25/5 Mrs. Sun ~ 仔仔(2/6出世)、Little Jessie ~ 囡囡(21/5出世)
30/5 kuromi~囡囡(24/5出世)


2012年6月
7/6 小草~仔仔(26/5出世)
11/6 taynth~小男孩 (4/6出世)
14/6 小beebee~囡囡  (13/6出世)

2012年7月
2/7 小啤~囡囡(7/7出世)
4/7 Sharis
7/7 Tareworker(3/7出世)、ivy~仔仔(26/6出世)
16/7 小豬碧碧
23/7 莎拉蛋糕~仔仔(24/6出世)
29/7 李太.大頭蝦~仔仔

2012年8月
17/8 柑柑~仔仔
29/8 Yoyo

2012年9月
7/9 珍妮花~仔仔, 心急人~女
8/9 ❤木木子❤~囡囡
10/9 Gela~囡囡
18/9 小魔怪~囡囡


2012年10月
7/10 圓圓 ~  仔仔
8/10 靚太小妹
19/10 miss angiebaby™~女
25/10 manchi~仔仔

2012年11月
30/11 愛海闊天空‧自由翱翔


2012年12月
11/12 momo
25/12 B の家



2013年1月
18/1 Alice


2013年2月

pampers小寶寶探索大世界投票

http://www.facebook.com/PampersBBClub?sk=app_222209277879439&app_data=landing_1148

like左個page先入倒呢頁, 如果唔係直接入到去的話, 麻煩大家search袁丁叮, 輸入電話號碼就可以投

各位bb一齊玩丫~

全職媽媽+餅師

全職? 究竟能否算得上全職呢?

原 以為做全職媽媽做餅的時間會鬆動一點, 原來不是這麼回事…的確多了時間在家, 但卻不能一口氣完成一個動作…寶貝總要叫叫你, 6月份重出江湖時寶貝只有3個月大, 還會乖乖坐在highchair上看我做餅, 那時間還算新手媽媽, 總不明白你何以啼哭, 長大一點, 的確明白多點, 原來你哭不是餓就是睏, 有時是要人陪你玩, 尤其要抱你站著玩…雖然對你理解多了, 然而卻不見得輕鬆了, 現在六個月的確可以自己坐著玩, 可是不一會便轉身出走, 又要捉回遊戲墊中央…雖然之前上班連交通每天花上12小時, 至少回家的時間可以全心造餅, 現在可不一樣了…

剛連續兩天造餅無暇陪你, 感覺有點對不起你, 很想放假陪陪你, 只要有媽媽在你就開心, 只要抱抱你就會笑, 怎捨得每天把你閒置一旁, 然而還是要生活啊~沒想到跟大肚時一樣, 還是每星期約一單order最理想, 甚至比大肚時更難抽身, 那時候下班還可以造餅到12點, 由爸爸接力包裝, 現在12點想就枕?寶貝2時許才睡啊…一早起來做嗎?寶貝還未戒夜奶, 晚上睡不好如何早起?

很期待寶貝什麼時間懂得乖乖聽話, 在媽媽忙著的時間乖乖自己玩呢?

現在寶貝日間每節睡眠時間很多時只有半小時, 一天總共約12-13小時, 有太多精力要發洩, 只要醒來便動個不停, 是每個男孩子都這樣?還是他特別好動呢?

奶媽之路

一開始已決定餵媽媽奶,O係醫院生完一個鐘就推上房, 再過一個鐘就俾阿B我埋身餵, 呢2日未上奶, 日頭好地地, 夜晚連續2晚連餵4,5個鐘…半夜2點幾頂唔順走出去問姑娘點解, 佢食極都係喊, 已經食左5個鐘…晚上9點食到半夜2點…姑娘話如果你想休息下將BB交俾我地啦, 我又唔捨得, 入返房, 第1次見倒丁叮開晒2隻眼仔望住我…嗚…叫我點捨得送你出去呀…不過我已經46個鐘冇訓…終於都推左出去, 去左廁所再返育嬰房睇睇, 唔見左…原來入左暖箱, 姑娘話佢唔夠熱暖暖佢, 咁都好, 叫做有D作為, 對大家都好, 而且佢O係入面訓左, 我都安心返房訓喇, 訓左3個鐘姑娘就推返俾我餵奶~第二晚又係咁…今次4個鐘就推俾姑娘喇, 呢日下晝同佢一齊訓左1粒鐘, 夜晚訓左2個鐘就起身食飯…唔趁阿仔唔O係身邊食就冇時間食…每日最得閒就係阿仔捱出去沖涼O個陣, 終於可以刷下牙…

第2晚半夜全日都冇便便, 姑娘再冇就要補奶粉, 過多幾個鐘終於一大篤, 食食下奶爆到我一手都係, 連條防盜腳帶都SIP晒屎…不過媽媽好開心~~係咁讚佢XD 點知出院唔夠磅…都係要補80ML牛欄牌先出得院…

第四日返健康院輕太多, 輕左9%, 由2.97KG跌到得2.7KG…同時黃疸去到32X…即日入院照大燈…最勁O個隻, 不過唔駛換血, 呢晚終於有得休息下, 不過半夜都係要起身泵奶…而呢日返健康院母乳指導時第一次一邊餵另一邊滴奶, 終於有奶喇…難為阿仔餓左幾日…知道佢要入院我已經知道自己情緒波動, 入院抽血我已經忍唔住喊…

第八日第二次入院照燈, 到第十六第三次入院, 呢日第一次o係街漏到面衫都濕晒, 好在坐緊月有外套, 7個鐘後返屋企第一次泵爆樽, 第十九日阿仔出院又接受一次母乳指導, 今次o係廣華, 不過覺得呢個姑娘講既野唔多可靠…呢日阿仔仲可以食到2邊鬆晒, 但食完都唔飽, 明明一次泵倒百幾…當時2邊間中都有塞, 不過呢日之後左邊唔知咩事收左皮…到依家2個月都未上返…每次得1,2安,同右邊有幾倍差距…

之前打算俾佢食多幾餐奶粉退左黃先, 點知2個月都未退, 似乎冇咩效…於是3星期前轉返全人奶…由於佢食左一排半奶粉, 又入左院十日, 冰格儲左好多冰奶…依家全人奶開頭未夠佢食, 溶左2, 3包, 點知佢唔食…我自己試過2滴都腥到嘔…難怪佢唔食…好在溝雪奶佢都肯食…依家新鮮既佢都食唔晒, 我都唔想難為佢…盡量就返佢既食量黎泵, 希望唔駛再冰又夠佢食。

其實最好係埋身, 可惜佢食親唔係訓就扭黎扭去…放低又喊, 唔飽, 可能食慣左nuk嘴太容易, 冇耐性埋身?加上太舒服…成日訓…我唸我都係好難轉返全埋身架喇…雖然好方便…尤其我ftm全日o係佢身邊…都唔知點解餵完又要泵咁浪費時間…可惜冇計

今日買左個2手雙泵, 希望可以慳時間d
本身用緊swIng, 每邊泵2次先收工, 每次有150-2xx, 上面呢樽係早幾日既, 有時隔6個鐘就爆樽, 一日泵4次都夠佢食6餐, 佢有時只係食5餐…依家10星期大仲係食緊3-4安, 5-6餐/day, 姑娘都覺得少, 不過話佢增重ok, 但佢比好多細過佢既bb輕, 但跟返生長線, 姑娘話人奶b一個月重0.5kg, 佢重左0.9kg冇問題。swing2邊各泵15分鐘, 再各泵10分鐘先完成整個程序, 一日4,5次, 就花左4, 5個鐘…avent手泵最近拎出黎用左2次, 速度唔多, 留返出街用…今日老公去左交收ameda, 今晚試用先~希望冇avent咁多野洗,時間可以慳一半, 最緊要係唔駛按啦, 我依家用swing同avent都要一路按一路泵, 對手好痛…疑似媽媽手…希望ameda好力d幫倒我啦~!

有一樣野冇咩根據不過對我好似有影響, 就係食左雪糕之後會多奶左~但飲奶又冇咩效

另外, 人奶對大人濕疹有幫忙~各位可以試下
聽講人奶仲可以做皂同敷面, 好滑咁話, 我依家每餐都預多一安俾佢, 食倒就食, 食唔倒留俾bb沖涼~

未滿月時曾經好想放棄, 成日谷到痛要泵好煩,又出得慢, 一次成個鐘…好唔夠時休息,依家轉眼就2個半月, 不過泵奶依然好花時間而且好困身…去覆診就可以帶埋泵去, 但係出街唔出得耐,好似上次咁產後檢查搞到要去廁所劑落大口仔…, 又驚阻住人…每日o係屋企唔駛整餅都還好, 不過其實少左時間做自己野, 做家務, 或者同bb玩, 遲下多d order我會唔會放棄呢…?希望個雙泵幫倒手啦~我地都知道人奶對bb好, 所以有都想盡量餵, 老公話餵奶粉唔緊要, 唔好咁大壓力, 我地都係咁大, 不過依家有又冇理由放棄, 都係花時間同手痛而已…最慘係佢食得唔好成日剩…好似泵出黎俾佢倒咁…不過已經倒到慣…依家預5安俾佢倒1安, 估唔到今日2餐都清晒~又到我擔心自己唔夠貨…食返杯雪糕先XD 仔~我地一齊加油啦~!你努力食多D, 我努力泵多D~^3^

打針針

上星期去健康院打左2個月針, 呢針有機會發燒, 打既時候仲叻過上一針,上次未出房門就收聲, 今次未打完就收聲…第一針打完嘴扁扁…第二針又冇乜野, 總共呀左2聲, 爹爹抱住未起身已經冇野~

打完針針出去等預約就訓左, 呢個小朋友果然係唔怕痛

返到屋企乖乖交交豬, 笑得幾甜~^^

不過之後就低燒, 37.7度, 貼左退熱貼食左退燒藥, 半夜起身同佢探熱, 由於掛住訓, 成日食得好少, 半夜探熱又餵下佢, 點知之後幾日又食返夜奶…半夜退左燒, 換左退熱貼, 點知朝早再探又熱返…最後食多2次藥藥先退燒~放心晒~好在佢清醒時都好1精神~都唔太擔心, 不過耳探其實不適合3個月內嬰兒使用, 會唔準, 今我都發覺bb側睡時貼住床o個邊耳仔比向上o個邊高1度咁多…我最後以2邊都低過37.5度定為退燒, 有人話打針前或者發燒前食定藥就唔會燒, 不過我地都覺得唔係咁好, 尋日帶丁叮食輪狀, 多數媽媽都話唔會燒, 醫生話有機會就開定藥, 都叫我地有燒先食, 好在今次咩事都冇, 又有人話可能會屙, 佢又冇, 已經幾日冇便便, 不過話人奶b唔怕, 最多可以十幾日冇便便, 吸收就冇便便, 見佢又冇咩不適, 我唸冇野呱, 之前有幾餐食奶粉都試過3日先有便便, 之後全人奶一排就日日有, 呢幾日又冇…

全家福

3月26日 day1

4月24日滿月

5月24日雙滿月

6月1日 day68

產後檢查

真係冇唸到產後檢查都可以開一篇blog…

話說產後2個月25/5被安排返健康院檢查, 度高磅重, 度血壓, check子宮收縮成點, 鴨嘴鉗睇宮頸咁。

呢2個月黎可能餵人奶關係惡露一路斷斷續續咁, 早一星期黎左3日較多, 不過又冇m咁多以為黎m, 問返姑娘都話係,點知醫生又話應該係惡露, 仲話見倒入面有一舊黑黑地既懷疑係胎衣, 轉介左我去那打素急症照一照, 於是打的過去啦, 點知原來那打素因為冇婦產所以冇得照, 轉介我過威院, 點知威院冇位…要等佢有位再搵白車車我過去…

11點健康院檢查到1點, 1點過那打素等到6點先過威院, 第一次坐白車, 原來同電視既一樣…而那打素既急症室亦同on call36小時既差唔多, 廣華就好唔同。3個救護員護送我過去…問我駛唔駛訓…我根本都冇不適…過到威院, 又等人接我上房, 黎到問我駛唔駛輪椅…上到房見完姑娘就等醫生檢查, 但負責照o個位醫生做緊手術, 於是又等到4, 5個鐘先到我…照完已經11點幾, 醫生叫我留埋小便可以走, 點知等左2個鐘先有貨…

一黎到就話禁飲食…本身已經渴…好在o係白車上飲左幾啖水…到11點叫我去左2次廁所先照, 點知照完就話留小便…邊有貨呀…飲左好多杯水都要等到凌晨一點先有得留…終於走得…第一次半夜o係醫院走黎走去…仲要係又大又陌生既威院…真係好大…幾座…地下又冇線…好在新淨…冇人都唔太恐怖…

講返個檢查, 黎到俾第一個醫院用鴨嘴鉗睇已經話睇唔倒有野…到照之前醫生再睇都話唔見…超聲波照都話好乾淨…搞咩等左成日…好在老公冇返工幫手睇住丁叮…而冇事空等都比有事好…虛驚一場…最後都開左7日抗生素過我(可照餵人奶), 抽左分泌同留小便化驗, 呢幾日都收唔倒電話, 應該冇事

估唔到我都幾好耐性, 由11點搞到半夜1點幾, 又估唔到打的返屋企咁快, 幾個字就到, 仲拎左2支媽媽奶俾丁叮做手信~

第一次o係公廁擠奶, 第一次直接擠落大口仔…谷到爆…總共擠左3次, 先o係婦科病房問姑娘借倒個泵同樽~泵奶同睇育兒書(好在帶左)令我時間冇咁難過…冇唸住出黎咁耐所以都冇帶多舊電…去到威院就關機留返d電打電話…呢度有d姑娘同姐姐都幾好, 主動幫忙, 不過有d都幾惡…

唔知點解要住細房(雙人房), 開頭叫我去20號床, 大房(其實冇房, 似廣華兒科)打通晒, 一排16人, d簾又唔方便拉…可能我要檢查下身所以入細房, 另一位病人當晚出院所以得返我一個, 唔係泵奶就會嘈住人, 個泵勁嘈…但比swing舒服~佢地幫我冰左一支, 我再泵多半支帶走, 個樽唔駛還~原來醫院既pigeon嘴同我地街買既唔一樣個喎~入而有2條坑

返到屋企丁叮仲未沖涼~婆婆想同佢沖點知佢喊, 唔知係咪想等媽媽返黎同佢沖呢?爹爹單拖對住佢15個鐘都ok喎~除左成日唔記得換片, 以為佢唔知喊乜之外~總算順順利利平平安安~^^

做左媽媽心態真係唔同d, 醫生話如果惡露唔清可能要刮宮, 舊年小產又係話排唔清的話要刮宮, o個時就比今次緊張好多, 今次其實一d都唔擔心, 可能生過仔, 對入手術室都冇咁恐懼, 經歷過陣痛同生產, 真係好多野都唔怕。放鴨嘴鉗時鉤起我生仔既回憶…健康院個靚女醫生放一d都唔痛, 威院一男一女醫生放都痛…><不過相比陣痛又頓時覺得小意思…

第一次自己辦理出入院手續, 第一次探病時間冇人探我, 姑娘叫我不如留o係度訓一晚, 咁夜又冇人接驚我辛苦, 不過屋企2個大小寶貝等緊我, 而我o係醫院亦唔方訓得著~

呢日o係健康院亦順便做埋抹片, 今日收倒電話嚇得我, 原來話我地址寫得唔清楚…由於上一次做已經係09年既事, 所以出年又要做過, 之後就3年一次

度高

五周大返廣華覆診, 身高59cm, 比出世高左10cm~ 早幾日將資料入app(baby care)先發現原來佢咁高~~
體重同頭圍都係偏細, 體重排第3(100最重1最輕, 3-97都係正常範圍), 頭圍25, 身高<90! 出世時3個數字都係大約25
呢個小朋友成日唔食野, 食少少就訓, 唔訓都唔肯食喊晒咁…增重好麻麻, 估唔到咁高~佢隻腳板都好大~之前買o個對cons襪仔可能唔o岩著喇!要喇喇臨著先得喇！

前後對比

2次都係o係醫院影~
day1 vs day43
day43仲要返醫院check黃…><

day3 vs day46
day46呢張今日影, 影完見倒電影有幅差唔多角度既相, 對比一下先~

早2日抱住佢見倒個豬樣唸起幅超聲波~下面o個幅係出世前3星期尾二一次產檢影既~ 上面呢幅係6星期大影既~ 一樣咁豬XD

媽媽與我

好少同丁叮合照, 得閒冇野做2母子自拍下先~

開心BB

呢個BB成日偷笑, 話佢又笑~食飽飽又笑~~ 不過仲未試過開眼對住我笑呢~~爹爹同婆婆都見過喇~><

好滿足呀~~

爹爹話呢幅笑得好奸~佢好鍾意XD 做左電話wallpaper XD

入左院一同佢講兒童節冇得返屋企又笑…俾佢激死XD

長腳趾族人

丁叮除左眉, 眼, 額唔似我之外, 好多野都同我好似~其中包括手指同腳趾~~~

爹爹成日話我腳o個d係手指…

出世之前成日估佢會唔會係長腳趾族人呢~? 又會唔會係晾腳B呢~? 依家已經中左一樣喇~晾腳都好大機會中呢~XD
o係街成日見倒dB晾腳o係bb車, 而我又係鍾意晾腳既, 坐電腦檯都要晾一隻腳o係床…爹爹話唔明點解咁既姿勢會舒服XD
依家丁叮都有鍾意晾腳既趨勢呢~~

全家福

3月26日 day1

4月24日滿月

5月24日雙滿月

6月1日 day68

抬頭仔@day33

滿月了

打算為丁叮擺百日宴的我們, 滿月只買了一盒開心果雪糕慶祝, 提早3日到老爺家跟一眾男家親友吃滿月飯, 老爺煮了很多送菜, 可是我吃了幾塊乳豬便很飽很睏, 原來帶寶寶上街是這麼累, 晚上7時許便那麼睏, 偏偏丁叮又很精神, 上的士有奶嘴才睡~

這是滿月正日的全家福, 丁叮洗完白白吃飽飽很合作~ ^^

419 從前某個19號在一起, 這一個19號有你~ ^^

最愛佢交豬樣~即變小可愛~

掃風樣好搞笑XD

食飽飽好滿足~

426 DAY32@健康院打針針唔驚, 呀左一聲未出房門已收聲~叻叻~出黎仲乖過之前

329 大手牽小手~