八九月的幸福(2012)

八月份依然屬於婚禮的淡季, order以生日為主

小朋友百日蛋糕


舊同事生日蛋糕


fanny的結婚蛋糕

八九月份的馬卡龍
做得最多的還是馬卡龍^^

第一次單拖帶丁叮送貨~^^

小朋友生日會cupcakes

丁叮第5個月

唔覺唔覺2個幾月冇up blog…^^"
簡單回顧返丁叮呢2個月既生活

出席爹爹既中學同學聚會, 我係最細既bb~

同頭哥玩~

最鍾意企, 唔肯坐, 係都要人扶佢企, 呢幅係四個半月影

爹爹抱抱交豬~ 有人話以為古天樂抱B XDDDD老公即刻轉左做頭像XD

試鞋~ 出世前買落幾對鞋仔, 第一次試已經2對唔O岩著…

高難度動作XD FB引係好多回嚮XD

4個月零3日終於識轉身喇~ 我睇唔倒第一次>< 爹爹話返我知…之後接連轉幾次我睇, 算你啦~

最後一次返那打素抽血CHECK 黃~ 呢個小朋友好勁! 抽血都唔喊, 我地仲以為姑娘未準備好…點知已經開門, 姑娘話: 你咪好犀利呢~~~我犀利定佢犀利呢~? 真係好犀利, 個樣咩事都冇@@

買左2CM厚既地墊, 晾完衫返黎見佢O係邊沿@@ 你點出黎架…跟住O個晚就碌左落床…==好在SIP左O係大床同BB床中間卸左度力!

呢班係最早認識既戰友!

最鍾意笑既小朋友偷笑

同媽媽一齊病…

8月4日第一次病…點知8月尾仲發燒…一個月病2次…今日(10月6日)帶左佢去打流感針, 同媽媽一齊打!

六七月的幸福(2012)

產後3個月終於重出江湖, 數月來都是馬卡龍為主, 是比較適合帶小朋友做的小食, 現在小丁叮在身旁監工, 將來要跟媽媽一起造啊~^^

六七月份的馬卡龍
心形兩個盒裝

圓形兩個盒裝印wedding logo


心形馬卡龍及cupcake


糖霜曲奇
婚禮曲奇

bb曲奇

生日蛋糕
第一款係招牌蛋糕, 多數客人訂6寸for生日, 8寸for wedding, 或者六層架頂層都係放6寸


第二次整麵包超人蛋糕, 第一次係幾年前整俾同事, 今次呢個係一位四月媽媽訂俾仔仔既百日蛋糕~

全職媽媽+餅師

全職? 究竟能否算得上全職呢?

原以為做全職媽媽做餅的時間會鬆動一點, 原來不是這麼回事…的確多了時間在家, 但卻不能一口氣完成一個動作…寶貝總要叫叫你, 6月份重出江湖時寶貝只有3個月大, 還會乖乖坐在highchair上看我做餅, 那時間還算新手媽媽, 總不明白你何以啼哭, 長大一點, 的確明白多點, 原來你哭不是餓就是睏, 有時是要人陪你玩, 尤其要抱你站著玩…雖然對你理解多了, 然而卻不見得輕鬆了, 現在六個月的確可以自己坐著玩, 可是不一會便轉身出走, 又要捉回遊戲墊中央…雖然之前上班連交通每天花上12小時, 至少回家的時間可以全心造餅, 現在可不一樣了…

剛連續兩天造餅無暇陪你, 感覺有點對不起你, 很想放假陪陪你, 只要有媽媽在你就開心, 只要抱抱你就會笑, 怎捨得每天把你閒置一旁, 然而還是要生活啊~沒想到跟大肚時一樣, 還是每星期約一單order最理想, 甚至比大肚時更難抽身, 那時候下班還可以造餅到12點, 由爸爸接力包裝, 現在12點想就枕?寶貝2時許才睡啊…一早起來做嗎?寶貝還未戒夜奶, 晚上睡不好如何早起?

很期待寶貝什麼時間懂得乖乖聽話, 在媽媽忙著的時間乖乖自己玩呢?

現在寶貝日間每節睡眠時間很多時只有半小時, 一天總共約12-13小時, 有太多精力要發洩, 只要醒來便動個不停, 是每個男孩子都這樣?還是他特別好動呢?

你看我像誰2

3個幾月既mama vs 4個月既dingding

個個都話佢對眼似我, 睇返細個D相, 我對眼唔係咁個播~~

丁叮生病了

一直以為餵母乳半歲以前唔會病(雖知唔一定), 估唔到四個月多d就病左:(

星期五晚老公話聽倒佢有d咳唔似瀆親o個種, 星期六朝早我都聽倒, 當時只係好疏落, 不過原定一齊去送貨之後行popcorn再探爺爺既行程取消左, 爹爹送貨探爺爺, 我同丁叮o係屋企, 到左下晝爹爹返黎之後好似咳多左, 決定睇醫生, 嚴重d先食藥, 點知夜晚就咳得厲害左。

跟住2日都冇好轉, 好在唔係咳得好密, 不過一咳就不得了…尋日仲試過2次咳到嘔奶, 大口大口噴出黎…今日(星期二)更連續咳左成分鐘…決定睇另一個比較出名睇兒科既醫生, 之前食輪狀同打hib都係搵佢。

先前個醫生開左咳水同收鼻水藥各1.5ml一次, 一日四次, 今次呢位醫生開左咳水, 收鼻水, 氣管藥各2.5ml, 一日三次…仲有早晚2次腸胃藥丸, 樁成粉加水餵…每次餵藥好似搏鬥咁…頭先餵到last1支見佢谷到塊面紅晒, 跟住連埋成個鐘前既奶嘔晒出黎…><換衫途中又咳, 衫都未著好就同佢拍背, 咳左2分鐘都有…除左餵藥, 仲有佢最憎既吸鼻…原本已經差唔多每日一吸, 依家直頭要成日吸…好多鼻涕又唔識呻…打乞嚏又吊住2行鼻涕, 俾爹爹叫佢「蟲哥」…

咁o岩電視做星期二檔案, 講男士侍產假, 抱住咳到甩肺既丁叮睇住2pair夫婦準備迎接新生命, 一時情緒波動忍唔住喊, 4個月前佢仲o係我個肚, 唸返初生既佢, 依家o係我懷中喪咳…最後拍拍下背訓左…仲要o係佢睡夢同吸鼻…

又話餵人奶健康d既? 點解4個月就病架…仲要屋企冇人病…之前我咳到死, 全天候戴口罩冇傳染佢, 以為初生真係冇咁易病


好在佢精神幾好, 又玩又笑, 上個月尾學識轉左, 頭先仲o係度學轉右轉到瓜瓜嘈, 唱歌仔佢又會笑, 不過一咳就睇見佢好辛苦, 好在佢咳完又冇扭, 係食藥吸鼻扭d…

仔你快d好返啦, 呢個醫生聽講睇一次就好, 唔駛翻睇, 你要o係d藥食晒之前好返呀! ><

丁叮第四個月

7月25日, 丁叮滿四個月喇~呢個月開始經常單拖帶佢去街~~心情舒暢好多~^^

單拖帶佢行沙田~試車@沙田萬寧baby~呢架車幾好, 我前揹丁叮後揹奶粉袋單手都拎得起, 真係好吸引, 不過買左既媽媽話一個人上落小巴都係麻煩, 屋企又有2部車, 加上老公反對, 都係放棄喇

玩具反斗城試坐~
佢訓緊俾我捉佢出黎試…又幾ok喎~不過好明顯唔坐得耐…打算買吹氣o個張~大張d又可以收埋又平d

6月尾返廣華覆診, 話說未出世時照結構有d小問題, 出世再照, 今次覆診見埋醫生, 冇事唔駛再返黎喇~ 不過那打素跟進既黃仲未搞掂

丁叮出世後第一次病, 話說之前大肚時病過2次都冇食藥, 係一次腸抽筋入急症食左2粒必利痛, 今次勁咳, 睇左2次醫生, 結果連訓覺都要戴住口罩…好在冇傳染俾丁叮~

第一次同爹爹慶祝生日~

百日宴~好彩冇擺滿月, 百日真係好好多, 雖然佢都有扭, 但返到屋企又冇野, 反而係我預備佢既蛋糕同馬卡龍比較辛苦, o個2日佢勁痴身…好大壓力, 亦好擔心接order分唔倒身, 同老公傾完, 發覺唔可以俾佢控制晒d時間, 於是有日由佢喊唔抱佢自己o係廳整餅, 時間真係好用好多, 再後來擺返佢o係我身邊既highchair望住我整餅, 佢又好乖唔扭, 乖乖望住我^^

呢個樣真係超乖~~成日有人話佢個樣好乖^^ 其實都係既~

一家三口去海濱公園, 雖然住得咁近, 不過對上一次黎已經係09年影婚紗相…當時婚都未結, 再黎已經帶埋小丁~

呢個月開始學識食手, 不過佢又唔算十分鍾意食, 都係代替唔倒奶嘴, 而佢又學識拎走個奶嘴, 一拎走又嗌救命……有時塞得返入去, 多數塞唔返…

每晚同爹爹既親子時間~最鍾意坐爹爹肚dum再用腳撩佢塊面~XD附送大量口水~~~

初生時唔鍾意洗白白, 次次都爆喊, 我試過自己戴耳塞先同佢沖…依家已經好ENJOY喇~ 第一次洗泡泡浴~ 後來發現之所以爆喊可能係每次訓醒就捉佢沖涼, 驚食飽先沖會嘔, 當時又未有定時餵, 佢訓醒就食, 通常都餓醒…餓住沖就喊到拆天…^^"

學揸野後鍾意捧住個奶樽, 不過要飲到尾先得, 未識用力, 如果要俾佢自己揸住飲, 睇怕要換返CHUCHU嘴, 唔係一面都係…

除左一個人帶住佢出去行, 有時亦會約埋其他媽媽同BB, 呢班係最早識既~丁叮最細~^^

呢日大埔媽媽聚會, 有十幾個B, 第一次食其他BB既手手~~~XD

同爺爺去飲茶~呢張我好鍾意^^


出世以黎第二次打風, 十號風球下, 好多bb都冇覺好訓, 佢就訓得不知幾好~

又過左一個月喇~依家踏入第五個月喇~時間過得真係快~ FTM既生活令我不知時間, 原來已經放照暑假~ 過多4星期又放完假喇~呢個月出街開始, 我總算開始enjoy ftm既生活~^^ 丁叮大部分時間都好合作, 乖乖望住我做野, 今日就乖乖望住我執佢個衣櫃, 呢個月開始同我地訓, 因為唔想起身執奶嘴, 同埋可以捉住佢對手唔好捽眼…近排開始夜晚訓覺要我抱一陣, 好在好快訓著, 不過夜奶依然係時食時唔食…尋晚我3點幾搞掂晒d野先訓, 佢4點幾就喊食…跟住7, 8點又食, 一支奶分2次食, 加一次難得喊換片…差唔多每個鐘起一次身…好在唔駛返工…唔係命都冇…不過下晝都冇補眠, 同佢換過衣櫃d衫, 洗下衫晾下衫, 褶左2機衫, 泵奶, 就冇左一日

4個月返健康院打針, 體重6.33kg, 比出世時2.97重左一倍有多, 達標~雖然比其他同一日出世既小朋友輕, 不過我地已經覺得佢啖啖肉喇~
依家著緊6個月既衫, 3個月既過頭笠極難著…佢最唔鍾意老笠…