激到我死－不吐不快!!

對佢地好d都唔得既!!

 

話說今日功輔班考完試未較新野又冇卷對就同佢地玩數學比賽啦, 一路都好地地好俾心機計, 到尾聲夠鐘就有2個準備走搞搞震, 不過都可接受。

一到派禮物時間就出事喇!其他人走晒出黎等我簽手冊俾佢地走, 我獎一盒4條kinder俾最高分o個2組人分(2人一組), (本來淨係俾最高分o個組, 不過見費事次次都淨係俾女仔, o個組d男仔都好落力答咁就俾埋佢地啦) 點知其中一個男仔見要同人分, 唔係自己要晒一盒就話有冇搞錯, 就話:「搞錯呀」喇!!跟住又爭住開, 搞到d朱古力變晒形...d女仔又走黎話冇禮物, 俾d男仔整到溶晒!!幾鬼興!!跟住我叫2個男仔拎返出黎俾2個女仔揀過, 點知其中一個女仔話要間尺!!咁點呀!!d朱古力搵鬼要呀?!!我緊係唔俾啦, 叫佢地自己返去雪返硬佢, 又有人唔生秀話雪唔返硬!!.\"/.連我睇見d朱古力都唔開胃!!即刻問個男仔做咩要搞到咁, 有咩好爭!佢話冇爭, 仲話「朱古力易溶緊係易爛啦!」我話「你明知佢易溶點解唔慢慢開!」佢話開唔倒, 我話「開唔倒就唔好開, 拎出黎俾我開!」跟住本來罰佢地2個冇得要架喇, 點知另一個又話「溶左都冇人要架啦我幫你要左佢!」(仲笑笑口)!!!不過佢又講得冇錯!!我都唔想對住眼冤!!真係唔對得佢地好架!!難為我仲特別lunch去買俾佢地!!糟蹋晒!!!好可憐呀d朱古力>口

 

好啦, 我終於得閒同佢地簽手冊, 佢地又鍾意爭, 又話自己要補習又話要返屋企, 我話「個個都要返屋企架啦, 我都要返屋企啦」, 之前「捱義氣」同我要左d朱古力o個個男仔話「你可以遲d先, 你係老師嘛!!」我話「你夠可以遲d先咯」

我叫佢地擺低o係我檯面返埋位, 返晒埋位我先簽, 都搞左好耐終於簽好叫佢地出黎拎, 點知衝晒出黎拎完就衝左出班房走晒!!仲撞跌我d野!!嗌都冇人返轉頭執!!!.\口/.終於「話朱古力係易溶家嘛」o個個男仔好唔願意咁返黎執完pat o係我檯面, 一邊話「點解要我執呀都唔係我整跌既!」(最憎最憎就係佢地呢種自私同計較!!真係好乞人憎!!!)跟住執返又跌左d, 要再執多次!

 

佢地走晒之後真係人都灰晒, 慢慢執埋d野就走.... :<

 

反省/對策：

1. 下次再玩呢d比賽一定要準時落堂

2. 分獎品要自己分好一份份先俾佢地唔好俾佢地自己拆

3. 簽完手冊叫佢地出黎排好隊等我再逐一俾返佢地, 然後帶埋佢地落去...(因為冇幾可全班一齊走所以醒唔起呢種做法…係我安排不善, 不過舊年o個班都唔會咁衰!!)

4. 呢2個男仔欠我一份禮物, 下次扣返!!.\/.

 

依家d學生最乞人憎就係鍾意告人, 唔抵得人地唔駛罰, 又自私!!呢個朱古力男最鍾意就係話「做咩要我做呀?都唔係我整既!」我上次叫佢幫我拍返好d檯椅佢又係咁講, 我話「你次次都唔拍, 係我同另外幾個女仔幫你地拍架咋!佢地次次都幫我手架!唔係你整幫下我手得唔得呀, 我次次都要幫你地拍返好!」跟住見佢走左之後返黎裝左2次睇下我係咪真係o係度拍返好!!真係唔得佢死!!慌死蝕底!!
--