靈感來自椰汁紅豆冰~ ^^
今次用返4白3黃, 都唔係高好多, 唔知係咪紅豆蓉太墜。
尋晚整定紅豆蓉, 冇浸豆, 紅豆煲左大約2個鐘, 加1.5片片糖, 甜味自己調教, 雪凍佢今日用。
20g椰絲+50g低粉(後來又醒起原來係有落發粉架, 1/4tspXD)過篩(其實d椰絲都過唔倒篩XD)攪勻。
4白加35g糖打企, 今次加左少少鹽。
3黃打勻。 35g油, 120g紅豆蓉, 攪勻, 今次加左30g水先記得要落椰漿, 又驚太多水, 於是加左25g椰漿之後煮煮佢, 收左25g水。加入蛋黃液中打勻。加入粉類打勻。
輕手拌入蛋白。
180'C焗35分鐘, 出爐倒扣至涼, 脫模。
今次感覺好墮手, 脫模有少少困難, 之後用左刀輔助, 圖中所見有D連外皮, 就係用刀甩既部分><
紅豆蓉份量係參考A_moon既~ 佢用左170g話太多, 建議用100g, 我試下多少少, 120g。^^
呢期整得太多戚風, 要暫停一下喇~
好厲害，用紅豆都發得起:)) :))
ReplyDelete[版主回覆10/04/2008 12:20:00]不過男友話食唔倒紅豆味…><
我就食倒d啦, 仲有椰絲:p
..........................我真係估你唔到喇...原來係....紅豆棷汁............. 咁味道如何先？你冇乜點提喎～
ReplyDelete[版主回覆10/04/2008 12:20:00]因為未食XD
我尋日都係整紅豆, 不過無你咁堅連豆都自己整埋. 呢個有椰香, 應該好香好滑啦.
ReplyDelete[版主回覆10/04/2008 12:20:00]懶得出去買嘛:P
紅豆蓉都DIY 好厲害 強呀
ReplyDelete[版主回覆10/04/2008 12:21:00]好簡單, 睇住唔好煲火農就得^^ 買紅豆方便過紅豆蓉嘛 ^^
好好味咁bor~~~
ReplyDelete[版主回覆10/04/2008 12:21:00]我幾鍾意^^
想也沒想過紅豆可做蛋糕，遲些我也要試試。
ReplyDelete[版主回覆10/04/2008 23:26:00]紅豆戚風都幾多人做過架~ 仲可以加抹茶粉~ ^^
椰汁紅豆冰，d味似唔似飲那些椰汁紅豆冰？
ReplyDelete[版主回覆10/05/2008 12:41:00]我食o個陣又唔會聯想起, 可能唔係好椰, 椰汁唔落得多, 主要來自椰絲既椰味~
你大頭哈好搞笑唔記得呢樣嗰樣咁 不過好在你識拾生,叻女 話時話我未整過戚風,唔知咩味呢
ReplyDelete[版主回覆10/05/2008 12:41:00]戚風係有水用菜油既海綿蛋糕~ 好彈~好好味架~ 又多變化 ^^
連續整左3款唔同口味既蛋糕, 真係好厲害, 你諗起椰汁紅豆, 另我諗起黑芝麻蛋糕呀, 哈哈
ReplyDelete[版主回覆10/05/2008 12:40:00]呢2個星期整左十款. 其中一款就係黑芝麻喇~ 不過食到有d悶喇:p 今日都想整個綠茶紅豆, 不過冇晒蛋lu~
好似幾好味
ReplyDelete嘩！你好勵害呀！你整咁多歀式 我都係初學者， 好多都學更 不過有冇食譜呢！
ReplyDelete[版主回覆10/08/2008 18:57:00]過獎喇 ^^ 你想要咩食譜?