恭喜晒喎! 我睇你張相都估到架喇! 哈哈! 幾時呀? 我覺得度蜜月都係一個唔錯既選擇黎架, 因為真係好靚~ 要注意幾樣野:
1. 東歐勁多扒手, 要小心。不過, 我上次一個人去都冇事, 小心d就得啦! 如果你淨去一個地方都好d, 我去咁多個就要成日換錢, 好麻煩!Budapest用Forint, Prague又用第二種外幣,
Slovakia又用另一錢, 最煩係呢度。唔好唱太多錢,
可能用唔晒, 又唱唔返, 唱返又蝕晒。我會在那邊搵有PLUS標誌的櫃員機攞錢, 每次收$50HKD手續費, 都ok. 真係要帶現金的話, 寧願帶少少歐羅, 因為有時找換店未必收港幣, 但係大找換店一般都可以用歐羅兌換forint, 其實用信用卡都好方便。不過最衰唔係度度都用到。去國會參觀要一早去排隊, 要預備定足夠forint,
因為完全唔收歐羅或者信用卡。有個小貼士, 排隊前先去問下個security,
話你用hong kong passport, 參加英文導賞團(佢地唔俾自己參觀架), 佢應該會俾你優先入去攞籌架!
因為其他人好可能係排德文或者西班牙文團, 唔好跟佢地一齊排呀!攞完籌要再等, 等,等, 不過都值得睇既~
2. Budapest d 景點同書既介紹唔同左, 開放時間好短, 要留意, 事先上網搵左開放時間先會好d, 因為我好幾次都摸門釘。去到又關左門, 無癮, 所以我連續三日都去浸溫泉,
哈哈!
3. 溫泉好多都收卡, 唔駛帶太多錢, 因為放locker都有少少危。我去左Szechenyi溫泉, 比較平。有室外泳池同戶內溫泉, 着泳衣浸。
3. 皇宮值得去, 日頭去完, 黃昏上蓋勒特丘陵睇景, 夜晚落番河兩岸影相食野, 都幾浪漫架!
4. 夜晚好多景都開左燈好靚, 要帶影夜景靚既相機就正喇!
有間local club有好多年青人一齊跳舞, 但係我唔記得位置係邊lu, 係個local 人帶我去架, 我淨係記得中間有個水池~
5. 你最好事先睇一下有關的資料好d, 因為未必個個都溝通到, 必要時用手語啦! 出門前問定酒店或者hostel職員, 佢地一般都識英文。其實淨係英文都ok架喇~因為那邊有好多遊客。
6. 留意坐交通工具既方式, 要事先買票, 你可以選擇買city card, 有 一兩 星期那種。不過除非你日日出街, 去好多地方, 如果唔係, 都未必抵。先計劃你想去邊度, 可能一日去幾個附近既地方,
咁買一張日票仲抵。你亦可以每程上車前買。在巴士站附近有票機。記住一定一定要上車前買票, 車上冇得買架。我朋友試過以為上車買票, 罰左幾千港元呀! Metro都係唔錯既選擇!
7. 0野食都好多元化, 好多選擇。推介一個市場,
好多野買, 你可以買d野番去煮飯仔都得。我之前係自己在hostel煮早餐。我住那間提供早餐的,
不過係冇private room。我覺得你地最好住酒店或者有private
room with private facilities既hostel會好d, 你可以搵下hostelworld.com, 有好多資料。如果用個網站的話,
記住登記左先, 可以慳番d
booking fee。
8. 我好似有0個個Hungarian既contact number, 佢好主動帶我周圍參觀, 不過年紀好大架喇, 同我阿爸差不多年紀, 如果你真係有需要, 都可以問下佢既。不過佢個人怪怪地, 我怕嚇親你, 哈哈!
諗到乜再問我啦! 雖然我去左三日, 但係我有朋友去左歐洲年幾, 佢都幾熟, 我可以幫你問佢
歐洲火車網絡都幾發達, 但東歐d火車都幾殘舊, 都係那句, 小心扒手。過境坐火車夠快,
坐巴士夠平, 內陸機可以去遠程。
你如果唔係去好多地方, 唔駛買火車証架
我自己上航空公司網頁訂架！你如果住酒店旅行社套票抵，但係我住hostel,所以自己買。有幾條airline都幾平，你可以check
AirChina, Qatars Airway, Korean Air 比較平，Lufthansa, KLM, French
Airway既機靚d,但係貴d,燃油附加費貴d.
亞洲既Airline燃油附加費通常平d,但係轉機時間耐d。如果撞正promotion,有機會執到$5000以下既平機票。 亞洲Airline平d
afford到酒店一定好d安全d 設施靚d既~ 如果可以揀d有埋溫泉那些仲正! hostelworld都可以check 到d平酒店,
你問下旅行社丫, 通常package平d架~ 我上次由德國入布拉格, 再去布達佩斯, 所以我用歐羅換Forint。你如果直接去, 機場實換到,
但通常都唔抵, 你可以換住少少先, 去到市中心, 一般酒店同hostel附近都有兌換店, 唔駛擔心。再唔係, 用我個方法,
用有plus標誌既提款卡, 同一個密碼, 去到搵番有plus標誌既提款機提款, 每次收hkd$50手續費, 就安全d。
而家歐羅或者歐洲貨
幣幣值低, 抵去, 可以睇下滙率再決定。我暑假應該會再去西班牙, 所以我而家開始網上換定少少歐元, 到暑假先提出黎。我係用網上銀行港元兌換歐羅,
然後去較大既分行提取現金(要事先打去分行check下有冇小額現金), 咁就唔駛收手續費, 仲可以係滙率抵既時間入定貨先。^^
No comments:
Post a Comment