最近得悉有朋友結左婚幾個月一直同老公分開住, 同婚前一樣, 佢地唔係冇錢買樓, 原來個女仔已經有層樓, 不過租左俾人, 我知道之後有d錯愕…咁結黎做咩…?
佢地已經拍左超過十年拖, 一直都唔係一齊住, 又唔係趕30(已over), 咁做乜無啦啦結婚?結同唔結有咩分別?
對比一直同居既人, 原以為結婚只係一紙婚書, 但原來好多人話俾我知, 結左婚感覺係好唔同, 而我自己本身係半同居, 婚後每日都一齊住, 加上多左一種家人既感覺, 對我黎講結婚既意義好大; 原本同居既人, 佢地亦認同有呢一種家人既感覺, 但係如果唔一齊住, 只係多左張婚書, 究竟會唔會有呢種感覺???
好令人費解
問佢, 佢話租俾人有人同佢供…各自同返自己屋企住可以慳一筆, 朋友話, 打算搵間細細地既屋租黎住, 連套房都睇埋, 唔係貴就環境差…
其實2個人一齊住, 大家有份工, 分擔家庭開支, 租屋同供樓分別真係咁大? 首期已經俾左, 何必為左慳o個少少過住新婚分居生活? 朋友話儲多幾個月錢就可以裝修完搬入去, 咁點解唔裝修完先結婚？兩口子住住先, 唔駛裝修得好靚都好開心格, 住落有錢再慢慢執又有何不可?
究竟依家有幾多夫婦係婚後唔一齊住而住返自己屋企既呢？唔係因為分隔兩地情非得已，唔係感情問題，究竟有咩理由令一對新婚夫婦要分居？真係好難理解…
我地都係同居之後再結婚架, 雖然係一紙婚書,但我唔識形容,可能我係趕(30),一結咗婚,如釋重負咁..... 個人開心到不得了!!
ReplyDelete[金夫人回覆10/04/2011 00:10:11]但係分開住就真係結唔結都無分別，我同意木木，新婚真係好甜蜜，就算窮到得4幅牆都快樂！
[金夫人回覆10/04/2011 00:04:38]大家都係長情嘅人呀！
[版主回覆10/03/2011 23:37:37]我地結婚O個日7年, 依家都8年幾喇~^^
[金夫人回覆10/03/2011 22:54:01]九年
[版主回覆10/03/2011 22:44:15]你地拍左幾耐先結婚呀?
[金夫人回覆10/03/2011 21:59:55]係呀，就係家嘅感覺！一齊生活同結婚個心態都唔同，老公而家會勸d朋友結婚，唔好拖得太耐添！
[版主回覆10/03/2011 21:43:37]我主要係多左家既感覺, 好warm, 有次老公話佢發夢夢見娶左我好開心, 醒左發覺真係娶左, 好開心XDDDD 其實拍拖頭幾年佢唔認同婚姻架
可能有些朋友比較現實, 會考慮左錢先~ 我覺得新婚果段日子真係好sweet, 宜家諗返之前, 雖然搵唔多, 住唔大地方, 但係最最最快樂的一段日子~~
ReplyDelete[版主回覆10/03/2011 23:29:29]唔係話你呀 ^^ 我係講緊你所指比較現實考慮左錢先既朋友呀, 分開住又結黎做咩呢?
[❤木木子❤回覆10/03/2011 23:05:21]ohoh~ 可能我表達得唔好~ 我係結左婚同老公住呀, 果時搵唔多, 地方細, 但好開心~ 但我也有朋友是分開住的, 原因係唔想用多左錢~!!
[版主回覆10/03/2011 22:43:53]咁點解唔儲夠錢先結婚呀? 又唔一齊住, 拍左咁多年, 結同唔結有咩分別?
啊~~我都係因為買樓加速了同居生活~~之後因為覺得都是時候, 同居就一起籌備結婚吧~我覺得結左婚一定要一起住先得呢!
ReplyDelete[版主回覆10/03/2011 23:33:13]我地仲未買樓, 其實我覺得買同租都冇所謂, 但點都要一齊住
你朋友個case真係好特別, 都係第一次聽咋. 我自己都係同男朋友同居咗幾年之後先結婚, 所以生活上其實分別唔大, 但係心理上就真係會唔同咗, 婚後真會覺得呢個係大家既"家", 呢種感覺係結婚後先會有呢,,,,
ReplyDelete[版主回覆10/04/2011 08:27:26]其實早幾年都有另一對朋友打算婚後同返自己屋企人住…2公婆唔一齊住…原因係個女仔唔想離開屋企人…結婚佢地揀晒戒指影晒相之後, 個男仔同左第二個一齊…
咁都唔可以講係現實既,你朋友諗得長遠d姐。好似我咁，我地冇咩錢裝修，唯有慳得一蚊得一蚊，結果宜家住左兩年，又想換地板，但住左人先裝修真好煩架～
ReplyDelete[版主回覆10/04/2011 08:25:34]我都明白住左先裝修係幾煩, 之但係點解唔裝修好住得先結婚呢?
每個人的 preference 都不同吧.... (雖然我也不能理解...)
ReplyDelete[版主回覆10/04/2011 08:26:23]真係一樣米養百樣人…其實佢唔係我識既第一對打算婚後唔一齊住既朋友
我結婚之前未試過同老公住, 除左去旅行之外, 都冇試過唔番屋企訓~
ReplyDelete所以對我黎講, 結婚最開心就係可以同老公一齊住, 一齊生活!
真係好開心ga!!!
[澄澄＊黃太回覆10/04/2011 12:20:42]又真係完全冇諗過wo!
可能自己個人比較傳統卦
[版主回覆10/04/2011 11:34:59]咁樣分別會明顯好多~^^ 你地行左咁多年點解冇唸住試下同居或者去對方屋企過夜既?
我都覺得如果你結左婚, 唔係因為特殊原因而分開住, 咁真係唔好結住, 因為已經冇左果種意義...結左婚, 已經係一家人....為何還要分開呢?
ReplyDelete可能你為朋友真係睇左錢先, 不過買左層樓租出去, 然後自己再租, 同佢自己住返買果層樓, 條數咪又響返到, 真係有點兒難理解!!
[Rachel回覆10/04/2011 16:01:32]梗係唔啱啦, 套房喎, 即係唔係自己一間屋喎, 自己有屋都要住果啲, 其實都唔知為乜~
[版主回覆10/04/2011 12:11:24]3K幾既套房…點會睇得O岩…所以依然係分開住…
[Rachel回覆10/04/2011 11:43:15]但都係丫, 有時有d野唔係用錢咁計嘛.....冇左果種感覺響樹....
[版主回覆10/04/2011 11:36:07]佢租出去7K幾, 想搵D3K幾既套房…
似乎你個朋友將錢睇得好重wor...兩個人一齊既新婚生活, 又點可以只用錢黎衡量?! 真係無錢咪唔好結住lor, 反正又唔係趕30趕生仔, 又拍左咁多年....真費解...
ReplyDelete[版主回覆10/04/2011 16:51:54]我都唔知佢係睇錢睇得重還是真係冇錢, 同意你講…冇錢咪唔好結住囉…佢話唔打算生, 更加唔明結同唔結有咩分別…
或許他們有他們的苦衷呢, 旁人可能不容易理解
ReplyDelete[版主回覆10/04/2011 19:24:16]也許…
講真我覺得咁樣分分吓就真係會分囉
ReplyDelete反正唔係一齊住, 大家生活習慣又唔知, 又會俾屋企人指指點點, 過時過節去男家定去女家定各自返屋企食, 呢d咁奇怪嘅婚姻恕我唔明白了
[版主回覆10/05/2011 19:46:31]我唸佢地依家既生活同婚前冇咩分別, 又未必會分, 因為都十幾年
確實好費解囉....結婚後理應一齊住，而且互相照顧同依靠既感覺比以前更強烈嘛.....又要分開住真係比較難明白.....BUT每對Couple有自己相處方式....可能咁樣最suit佢地呢...
ReplyDelete[版主回覆10/05/2011 19:46:02]佢地話打算12月一齊住喎…一係搵套房租, 一係收返層樓返黎裝修
唔~~~~~~~~~~會唔會...女仔為面子呀?? 依家d風氣又唔好, 女仔過左30都未嫁, 又俾人叫中女咁樣, 咪啦啦聲, 結左先lor!!
ReplyDelete[版主回覆10/06/2011 14:26:35]咁唔係應該29歲嗰年就結?
真係好難理解........我成日都好想見到陳生,
ReplyDelete而且一起生活的憧憬,
唔通佢地真係覺得$$$$ >婚姻生活??
UM..我都唔明..結婚都係想共同生活..想佢日日係身邊嘛！..
ReplyDelete不過呢…..反而我結左婚後，有時都唔記得結左婚，試過自己出完街都會諗..今晚究竟返自己屋企好定去佢到過夜哩！HAHAHA~
[版主回覆10/07/2011 11:03:55]你結左幾耐呀?^^
[版主回覆10/07/2011 11:03:28]你結左幾耐呀?^^
奇怪~~~ 結婚就係要一齊生活, 互相照應, 分開住不如唔好結婚!? 不過我見過有case生完bb都繼續分開住！
ReplyDelete[版主回覆10/07/2011 11:02:58]我都見過有d BLOG係咁呀…
頭先同同事講, 佢地話可能佢地覺得係時候簽紙喎…
我3月結左喇..^^
ReplyDelete[版主回覆10/07/2011 14:43:25]咁都唔係好耐je, 一時記錯都唔奇^^ 我就婚前婚後都係住呢度, 所以冇大分別