你終於明白我要什麼，這是一份比花束好上千萬倍的禮物！
上班途中突然接到你的電話說給我買了東西，連忙走到學校大門，匆匆接過禮物。
一路走上樓梯仍難掩笑容，感動得差Ｄ哭出來。
你終於明白我要什麼！！
我是一個實際的人，要的不是花巧虛榮的貴重禮物，適時出現的體貼才是最教人感動的東西，才是最值得炫耀的幸福！
告訴一位同事，她說：「咁溫馨！」
ChriScorpiObi
Friday, February 16, 2007
Thursday, February 15, 2007
超音鼠肥o都o都轉轉轉(短片)
養過咁多隻豬仔，只有佢一個鍾意咁轉轉轉。有位佢就會tumtum圈咁跑左一個圈既路出黎, 冇位就原地轉轉轉。有碌又唔見佢跑, 唔知點解鍾意咁轉。
佢係我最後一胎寶寶入面唯一一隻仔仔, 眨下眼都有2歲喇~食得訓得又肥跑得又快~相信佢係最健康既寶寶呢~^^
"Why are u so thin?"
尋日個外藉老師問我呢條問題, 呢排係咁食又肥左少少, 我都唔知點答佢, 另一位代答話我餐餐只係飲水XD當然唔係啦~呢位同事就係之前話唔覺得我瘦左o個位。(見有同事話唔覺我瘦左+休息一下)
今日又有同事睇完我個blog問我點解食咁多野都咁瘦。
上次一齊睇話劇o個位nf問我係咪又瘦左, 瘦過上次見我。(23/12xmas party)
其實我重左o個8磅仲未減返晒, 仲差2-4磅。
早幾日上磅一日比一日重, 星期六磅倒117, 同男友話「咁重既…」跟住佢問我幾多磅, 我話117, 佢聽倒之後話「117仲話重??」我話「前日115架…尋日116…」跟住13號已經去到119!!!有乜理由4日重左4磅…不過呢幾日都勁唔夠訓, 所以我都唔太擔心, 應該水腫多。到左尋晚食飽飽就訓左, 訓左9個鐘,今朝反而去返117.x, 腰亦比尋日幼半吋。
最近都係徘徊o係24-25吋腰, 29.5-30吋腩腩, 同34.5-35吋hips之間
最瘦o個陣112.x, 23.75腰, 29腩腩, 都係34.5hips
依家既體重同舊年6, 7月差唔多, 變左keep...
就黎1年喇~其實最初目標針磅110已經到過, 依家大約112倒, 最輕49kg(都係指針磅), 不過買左個電子磅之後目標都遠左5磅…最盡都係差2磅幾…
早排o係bossini買左2條褲, 一條25一條26, 阿媽話哇好fit喎~~我話之前買24架…佢話哇…24太誇喇…你咁高…
依家有條牛仔褲都係24, 不過一般cutting都係25o岩身d, 26有少少鬆有d款鬆身唔好睇。
當初見標除左110磅之外, 仲有要買24腰牛仔褲, 依家都有條既, 唔知係咪真係冬天難減d, 定係耐左冇恆心, 話晒今年冬天都唔係真係好凍…可能只係自己俾自己既藉口…
可能呢排迷上整野食先係主因，做運動需要時間，我一有時間就想整野食…整左又唔可以唔食，已經俾左好多人食，有ｄ個樣唔係咁見得人ｏ個ｄ迫住要自己食，加上天生為食…近來已經消耗左差唔多２包糖同4-5排牛油…!!!
真係「流離於減肥與美食之間」!
我們的情人節
第一次預備情人節大餐～沒有浪漫牛扒沒有洋燭，可是有你。
我已經收到最好的情人節禮物，最討厭早起的你特意為我一早起床挑選禮物，知道這一點已很足夠。那一刻我沒說什麼，其實你的心意我已接收了。
女兒家的心事真的很難捉摸，我要的就是這些，不要什麼節日禮物，你明白嗎？
我一直也沒有為你特別準備禮物，你卻經常問我想要什麼。看見朋友收到情人節禮物又會問我沒有禮物會不會不開心。我每次都告訴你沒關係，我是真的覺得不需要。特意為一個日子急忙挑選的怎麼會合心意呢？
吃過晚飯後我跟你說：「今晚唔整野食喇～」我是真的覺得最近只顧弄小吃，沒陪你打機也沒陪你看戲，情人節無論如何要好好陪你；可是吃飽後還是馬上睡著了…=0= 對不起………^^"（前２晚合起來只睡了７小時…昨晚一口氣睡了９小時！！！）
昨晚在你懷中睡得很甜，這就是我最好的情人節！
PS. 李主任看見這張照片說我們長相很相似!^^ 她不是第一個這樣說的人了。
情人節獻禮~草莓黑森林
第一次整有生果餡既蛋糕 (因為佢唔鍾意食有生果既蛋糕, 一來唔鍾意面頭D果膠, 二來覺得味道怪怪, 不過我覺得有生果先靚~同埋冇生果太甜太膩…所以特登申請加生果:P)
第一次整朱古力牌 (好好玩~最有滿足感就係個牌~D字寫得咁順利冇出界XDDDD)
第一次整三層唔同大細既蛋糕底(底O個2層係6吋, 最高一層5吋, 所以個蛋糕都幾高, 同事以為好大, 但其實只係6吋XD睇D士多啤梨都知XDDD)
第一次整忌廉蛋糕，就算之前整過一次裝飾蛋糕都係朱古力慕絲~~
第二次整裝飾蛋糕(整左好耐…由頭到尾整左7個鐘!!由6點幾整到半夜點幾~!!!企到腳仔軟)
由頭到尾自己一手一腳整左個蛋糕出黎, 雖然仲有進善空間, 但係已經好開心~~^^
原食譜外層朱古力裝飾覺得好似膠袋所以冇跟佢整，第一次用佢呢個方法整全蛋糕海綿蛋糕，Ｄ麵粉撈落蛋度撈左好耐都唔勻有粉粒=0=，下次用返自己用開既方法，一係用分蛋法，一係全部材料一齊打勻。
情人節獻禮~再戰白之戀人
上次將蛋白變左全蛋，整出黎變左蛋卷味XD 今次再挑戰！其實都係用返上次既份量，不過跟茵可煮既方法，牛油+小部分糖打至奶白色(今次好快奶白, 因為好少牛油好多糖XD)然後加麵粉, 再將蛋白同小部分糖打起，三樣撈埋就入模～真係杰好多～易搽好多又唔會整污糟個模底…不過都係焗火農左2盤…得3盤見得下人…
今次整埋朱古力餡, 不過唔係好夠, 有黑朱餡O係度唸住整埋又唔記得=0=不過我覺得原裝餡太多，可以放少Ｄ，下次再整我想試下黑朱，但又唔好太黑:P
呢個都算簡單, 不過要睇實個爐~!
情人節獻禮~香芒三文魚蘋果卷(附食譜)
1. 煙三文魚一包、菲律賓芒果一個切片、青蘋果適量切條；
2. 三文魚鋪底、鋪上芒果片，末端放上蘋果條２條，捲起即成。
3. 士多啤梨切成心形作伴碟用。
簡單好味頭盆之選~^~^
煙三文魚就咁食都幾漏，配埋芒果就o岩o岩好喇~^0^ 本來唸住加沙律醬不過唔記得左, 發覺咁都已經夠。
情人節獻禮~芝士白汁焗西蘭花(附食譜)
1. 西蘭花洗淨切小件飛水備用。(可以灼耐D淋D, 今次太生太硬)
2. 牛油小火煮溶+麵粉水(麵粉+水+雞粉)煮勻+芝士碎(我用整PIZZA O個隻)；
3. 最後加火腿粒+洋蔥粒煮勻備用。
4. 鋪好西蘭花在焗碟內，淋上白汁，灑上芝士碎即可入爐，250焗10-15分鐘即成。
可能今次D菜灼得唔夠時間，一來唔淋，二來出水，下次試下白汁同菜撈埋煮一陣先內一齊入爐焗～
情人節獻禮~煎鵝肝(附食譜)
第一次買鵝肝!好興奮!! 我本身好鍾意食架~~佢都係~^^不過又冇我咁鍾意~:p
第一次同佢食係o係扒王之扒食已經覺得好好味~跟住o係大家樂食過一次, 一淋個汁落去就唔見左~>口< 早排又o係一間居酒屋食過~~每次都好滋味, 於是佢提議買返黎自己整~
星期二去開又一城就去左taste買~見倒358蚊100g, 又見佢包好一舊舊, 以為一舊仔要3xx咁貴, 其實舊舊差唔多大細, 磅左一舊, 原來只係103~咁就呢舊啦~~^0^鵝肝呢d野, 就算唔係貴都唔適宜食咁多, 好膩~~
搵左好多個譜都要用意大行黑醋汁, 但係特登買一支又好似平時用唔著好浪費, 雖然一支只係3x蚊~結果搵左個唔駛用黑醋既譜~就係o係笨b媽媽個blog（
唔知係咪切得太薄, 好易散。切o個陣已經覺好油, 佢直頭話好似切緊舊牛油咁, 到煎o個陣冇落油, 不過煎完出黎d油多到浸住舊鵝肝!!!嚇死人!!!
由於第一次整, 又係我好唔擅長既煎炸技術, 所以特別等埋爹地返黎發板~XD我整好蘋果同拌碟之後, 就等佢返黎煎鵝肝喇~~^0^ 所以呢味係我地2個合力泡製~特別有意思架~ ^-----^
食譜：http://hk.myblog.yahoo.com/scorpio_3210/article?mid=4255&prev=4283&next=4252
情人節獻禮~超好味pizza雙併(附食譜)
呢個超好味！！通常自己整都唔好意思讚！！不過今次真係正！！！專員食先，一食已經話好好味～好多汁！我都好滿意^^ 第一次整薄批(因為佢鍾意食
), 同埋第一次批底同面餡一齊焗!!今次整左2款餡, 分四份對角鋪好, 上圖中左下同右上既係洋蔥肉碎, 左上同右下既係夏威夷~^.^
面餡食譜：
洋蔥肉碎餡－－肉碎以生抽老抽砂糖約醃30分鐘後炒香, 炒時不用放油, 加少許水炒鬆, 隔水備用。洋蔥切碎備用。
夏威夷餡－－罐頭菠蘿切小塊, 火腿切絲/切粒備用。
做法：批底擀薄後於中間鋪上餡料，芝士碎，最後隨個人喜好o即上千島醬即可入爐。以250度焗約15分鐘/至批底邊緣見少許金黃及芝士焗至合意色水即可出爐。
熱辣辣美味pizza出爐喇~~^0^
芝士推介！！！
我o係taste買左隻light既三合一pizza芝士碑，勁正！！！十個推介！！！開頭見佢light都驚唔好味, 不過side同價錢都適中($30包)所以買左，估唔到咁正！之前已經買過幾隻芝士絲或者成舊買，聽講要用m字頭o個隻芝士先拉倒絲, 不過買完返黎都係唔得, 唔知係咪焗得唔夠時間既關係呢~原來要焗咁耐, 仲驚佢d芝士會火農。
情人節獻禮~chocolate truffle(附食譜)
3年前情人節整過，之後好似都整過一次，今次男友點名要求再整～佢好鍾意食
呢晚2個人一齊整~(其實之前都係一齊整~^^)佢幫手碌粉同放入蛋糕紙~^--^
今次用左72%黑朱，我覺得好苦…本來買左奶朱同白朱可以溝, 不過我見之前都係用黑朱所以冇特別溝, 之前用第二隻牌子既70%。
試食報告:
我: 好苦...
佢: 苦呀…間中食一粒就得唔可以連pak
試食團意見：
1, 2: ok喎我食開黑
3: 開頭話想試晒2隻, 不過食完話: 真係好苦…
4. 食之前: 苦咪好囉~ 聽倒3號話好苦: 都係遲d先食, 食完之後: ok喎唔係好苦
5. 冇講苦唔苦, 不過2隻味試晒
1. 牛油35g與朱古力200g一同以微波爐加熱1-2分鐘至溶化；
2. 淡忌廉50ml以微波爐加熱約30秒後加入(1)中攪勻；
3. 加入橙酒 or rum酒1湯匙；
4. 方形盒鋪保鮮紙, (3)倒入盒內, 雪硬後脫模, 灑上可可粉、椰絲或綠茶粉即成。
http://ourrice.com/~Scorpio3210/recipe06.htm#蠍蠍軟心朱古力
我覺得黑朱襯可可粉或者綠茶粉多d(我未試過綠茶粉), 奶朱或者白朱可能會襯椰絲多d。
Tuesday, February 13, 2007
食譜~鵝肝
[鵝肝]近年法國鵝肝菜式在港十分流行，特別是香煎鵝肝，除了美味，烹調過程其實可以很簡單。要將鵝肝煎得好，先決條件是鵝肝本身不能太厚身，也不用下太多油，而由於鵝肝本身油份充足，其實可以不用下油。Kenneth建議先用中至猛火煎，然後以細火慢煎，若想鵝肝外層更加香脆，可在煎鵝肝前撲上少許粟粉，在煎時可用指尖或叉子輕按，若已呈半軟硬度，就可上碟食用。與煎牛扒一樣，切勿將鵝肝翻來覆去，必要先待一面完成封身程序，才再轉另一面繼續煎煮而達致外脆內軟，否則鵝肝容易變得太熟，失去了吃煎鵝肝的香滑口感。
http://hk.myblog.yahoo.com/jw!95Dl59eZEQMOL3x11FFCFgr93Qo-/article?mid=1549
煎鵝肝配蘋果片 Pan-fried Gooseliver with Sliced Apple
材料：
新鮮鵝肝 ... 一副 (在 Oliver's/ CitySuper/ Great 有售)
大富士蘋果 ... 一個
椒鹽 ... 少許
五色胡椒 ... 少許
生粉 ... 少許
芽菜/ 車厘茄/ 檸檬... 伴碟用
做法：
(1) 新鮮鵝肝切成適當大小，灑上椒鹽、即磨五色胡椒醃五分鐘
(2) 將富士蘋果削皮，橫切成二大片，去芯。用淡鹽水浸著 (防止變黑)
(3) 在平底鍋裏薄薄抹上橄欖油，放上蘋果片用小火慢煎一會 (約30秒)，翻另外一邊再煎一會，上碟。
(4) 在鵝肝的兩邊薄薄地拍上生粉
(5) 平底鍋不用再加油 (因為鵝肝油分很高)，放上鵝肝煎約 2~3 分鐘至表面略焦，翻另一邊再煎一會
(6) 將煎好的鵝肝放上蘋果片即成
http://hk.myblog.yahoo.com/jw!e0jZeDOfHxs_quoBjPAp4g--/article?mid=1746
食譜~pizza厚薄批底
pizza食譜
(薄批餅底)
(可做出2個8吋批盤餅底)
材料:
a)高筋麵粉 250克
b)橄欖油 5cc
c)鹽 5克
d)水 150cc
e)(yeast powder)酵母粉 5克
f)糖 5克
做法:
1)水加溫至約30度,加入e,f拌勻,靜置10分鐘
2)a篩過放在工作台上,中間開洞,依序加入c,1,b,混合揉成麵團,約20-30分鐘至麵團表面呈光滑狀
3)張麵團放置乾淨盤內發酵,面上蓋上濕布
4)待麵團漲至2倍大取出,用手將麵團氣體擠出,約5分鐘後即變回原來大少,分成2份(每個約重150克)
5)蓋上濕布進行第二次發酵
6)待其再漲至2倍大取出,撒少許麵粉,擀成圓薄片狀便成(厚度約0.3公分,邊緣厚度約0.6公分)
(厚批餅底)
(可做2個8吋批盤餅底)
材料:
a)高筋麵粉 200克
b)低筋麵粉 100克
c)酵母粉 8克
d)糖 5克
e)鹽 5克
f)水 100cc
g)橄欖油 10cc
做法:
1)a,b過篩2次,並加鹽充分混合
2)水加溫至30度(不可超過45度),加入c,d拌勻,靜置10-15分鐘
3)張1放在工作台上,中間開洞,加入2,g混合揉成至麵團表面呈光滑
4)麵團放在乾淨盤內發酵,蓋上濕布
5)待其膨漲至2倍大,用手將麵團氣體擠出,變回原狀,分為2份(每個約重210克)
6)再用濕布蓋住,進行第二次發酵,待再膨漲至2倍大
7)撒少許麵粉,用手將麵團擠壓成四周略有厚度的圓形餅狀便成(邊緣約厚1公分,內圍約厚0.6公分,也可依自己喜好決定厚度或大少)
注意:
1)餡料可選自己喜好的材料!
2)先在餅底,塗上番茄醬汁,邊緣留位約一指寬,之後在有番茄醬汁的地方,放上餡料!
3)用250度預熱焗爐,用250度焗15分鐘至外圈留白部分已呈金黃色便可取出!
(薄批餅底)
(可做出2個8吋批盤餅底)
材料:
a)高筋麵粉 250克
b)橄欖油 5cc
c)鹽 5克
d)水 150cc
e)(yeast powder)酵母粉 5克
f)糖 5克
做法:
1)水加溫至約30度,加入e,f拌勻,靜置10分鐘
2)a篩過放在工作台上,中間開洞,依序加入c,1,b,混合揉成麵團,約20-30分鐘至麵團表面呈光滑狀
3)張麵團放置乾淨盤內發酵,面上蓋上濕布
4)待麵團漲至2倍大取出,用手將麵團氣體擠出,約5分鐘後即變回原來大少,分成2份(每個約重150克)
5)蓋上濕布進行第二次發酵
6)待其再漲至2倍大取出,撒少許麵粉,擀成圓薄片狀便成(厚度約0.3公分,邊緣厚度約0.6公分)
(厚批餅底)
(可做2個8吋批盤餅底)
材料:
a)高筋麵粉 200克
b)低筋麵粉 100克
c)酵母粉 8克
d)糖 5克
e)鹽 5克
f)水 100cc
g)橄欖油 10cc
做法:
1)a,b過篩2次,並加鹽充分混合
2)水加溫至30度(不可超過45度),加入c,d拌勻,靜置10-15分鐘
3)張1放在工作台上,中間開洞,加入2,g混合揉成至麵團表面呈光滑
4)麵團放在乾淨盤內發酵,蓋上濕布
5)待其膨漲至2倍大,用手將麵團氣體擠出,變回原狀,分為2份(每個約重210克)
6)再用濕布蓋住,進行第二次發酵,待再膨漲至2倍大
7)撒少許麵粉,用手將麵團擠壓成四周略有厚度的圓形餅狀便成(邊緣約厚1公分,內圍約厚0.6公分,也可依自己喜好決定厚度或大少)
注意:
1)餡料可選自己喜好的材料!
2)先在餅底,塗上番茄醬汁,邊緣留位約一指寬,之後在有番茄醬汁的地方,放上餡料!
3)用250度預熱焗爐,用250度焗15分鐘至外圈留白部分已呈金黃色便可取出!
情人節獻禮
第一次整情人節蛋糕...其實本來都好少整裝飾蛋糕...一整整左7個鐘...企到腳仔軟.....=口="
第一次真正整加生果既既夾層蛋糕...已經索左水...希望唔好難食啦.....^^"
食完POST相~~
聽晚會繼續整專員點名要求既朱古力, 第一年整過之後都冇整過LU :P 另外可以既話想整埋心型朱古力~到正日就整情人節大餐~^0^
大家有咩情人節獻禮呢~^.<
Monday, February 12, 2007
提早大掃除
時間緊迫，要準備情人節食品，又要準備賀年糕點，尋晚講左句冇時間打掃（間屋亂過鬼），今日就放我一日假ｏ係屋企執屋喇～^3^
今日好乖~一起身整完左曲奇，點幾鐘就開始大掃除～
首先同肥豬洗白白，吹毛，（已經用左２個鐘＝０＝）跟住幫豬仔們換木糠同洗野，褶衫～打掃～掃地～洗碗～換床單～洗左２機衫又晾左２機衫～最最難搞既係抹地…由於太耐冇抹既原故…抹兩抹就要過水…勁多塵－０－！終於拆左棵聖誕樹～收埋晒ｄ聖誕裝飾！！又執過下個廚房，咁搞一搞，已經過左７－８個鐘！＊０＊
不過依家間屋乾淨晒～好～開～心～＾０＾
今晚食左爹地仔速遞既大家樂芝士火鍋＾０＾食完野佢一路打機我一路整麥方包～依家等緊發酵入爐～
黎緊新年前再掃一掃拖一拖就掂～^.<
Sunday, February 11, 2007
全麥方包(附食譜)
做法：
1. 全麥粉90g+高筋粉120g+糖10g+酵母4g+鹽4g+菜油20g+暖水130g 混合搓成有筋性的粉團;
2. 搓好的粉團放於盆內及放於温暖處作第一次發酵45 mins;
3. 取出面團平均分剖一半, 排氣作中間發酵約15 mins;
4. 然後做出所需形狀, 放於吐司模內作最後一次發酵約30 mins;
5. 放入已預熱180度焗爐中, 焗約25 mins.
親親肥豬
頭先用佢洗白白, 沖完個熱水涼之後同佢吹毛都吹左個幾鐘...
不過摸下佢佢又LAM下我都幾寫意~^^
應stweetcat要求送上一幅年半前夏天出浴照~
http://ourrice.com/~Scorpio3210/wow.htm 呢度仲有d肥豬既舊相
失敗的白之戀人
白朱古力餡：白朱古力25g+淡忌廉10g+牛油5g
今次只係試驗性質, 冇整中間白朱古力餡, 焗起好似太薄, 不過好脆好好味~冇左d白朱餡冇咁甜反而仲好味~
焗左4爐, 第一爐最靚, 厚d同埋可能d漿杰少少, 之後個模每塊之間有d漿o係度搞到有d好唔齊整既邊, 第三四爐已經洗過先用不過移左少少位又有d出界...不過唔緊要啦~第一次試驗性質, 好味就得~
14
估唔到咁o岩得咁橋, 我地2個分開報, 居然同一日同一個市場同一時間考！
本來已經好橋，估唔到點名ｏ個陣我地２個no. 前後相連, 嗌完我就到佢, 跟住分組貼label準備, 嗌左我綠色14號, 我返入黎指住佢睇, 佢話:「實死呀~」XDDDD
以為跟住到佢點知又唔係喎, 後來佢貼住佢張貼紙入黎又指住我睇, 一睇XDDDD一樣係實死XDDDDD
原來係4隻色同一個no. 既人一組, 即係我又同佢一組去另一間房準備, 佢仲坐正我後面! 換言之我地份卷係一樣既!*0* 真係有冇咁橋~~ 一齊報反而唔會咁o岩!!
食譜~Cinnamon Apple Muffins
乾料:
低筋麵粉 120g
細砂糖56.5g
玉桂粉 1/2茶匙
泡打粉 1/2湯匙
梳打粉 1/4茶匙
鹽 1/8茶匙
濕料:
牛奶 1/2杯( 113.5g )
牛油溶液 28.5g
蛋 1/2隻 (攪散)
其它: 蘋果1/2顆(切丁)
做法:(烤盤抹奶油. 烤箱預熱: 一般muffin烤盤190度or 大顆muffin烤盤預熱175度)
1. 將蘋果切丁(切太細會吃不太出來. 如果不喜歡吃到蘋果粒. 就切碎一些)
2. 先將粉類過篩.必需混合均勻. 取一個容器混合乾性材料
3. 取另一個容器混合濕性材料. 見烤箱已預熱好才將乾濕材料混合. 用叉子或湯匙. 稍攪拌.成粗顆粒狀即可. 千萬不要攪成均勻的細糊.(口感會不像muffins.且怕麵粉出筋)
4. 最後加入蘋果丁. 稍為拌一下就好.
5. 用湯匙舀到烤模. 約8~~8.5分滿. 表面稍加整型.(用湯匙在糊面上繞一個圈).
6. 『立刻』入烤箱烤18-23分鐘(一般/12粒).或25分左右(大muffins模/6粒).或聞到香味.表面為金黃色即可.(若用較小烤箱. 表面已上色. 內部尚未完成. 可先將上火關掉.蓋上鋁紙)
Saturday, February 10, 2007
菠蘿包+紅豆菠蘿包(附食譜)
高根250G, 奶粉15G, 菜油10G, 蛋1隻, 鹽1G, 速發依士4G, 糖30G, 水140G
菠蘿皮材料
(A) 麵粉50G, 奶粉2.5G, 發粉0.25G, 臭粉0.25G, 蘇打粉0.25G
B)植物牛油12.5G, 豬油10G, 蛋15G, 糖55G, 雲呢拿香油少許, 搽面蛋水小許.
將(A)材料篩過後加入(B)材料, 混合均勻, 將麵糰搓圓, 放室温醒30分鐘, 分大約15G一個, 搓圓片簿, 舖上菠蘿包面, 掃上蛋水, 放入已預熱焗爐200度12分鐘.
我將一小份菠蘿皮既分量加到60G, 雖然O個包已經好大，不過焗出黎塊皮都係大得滯好搞笑其中２個包左紅豆餡，做成紅豆菠蘿包～
脆皮雞尾包(附食譜)
高根250G, 奶粉15G, 菜油10G, 蛋1隻, 鹽1G, 速發依士4G, 糖30G, 水140G
雞尾包餡料：
牛油35G, 植物牛油35G, 糖50G, 粟粉28G, 麵粉28G, 奶粉7G, 椰絲40G.
全部材料拌勻, 搓成長粗條形大約20G/條, 放入包中.
面醬材料：
牛油20G, 糖10G, 麵粉10G拌勻, 放入唧筒, 在包面唧上兩行即可放入已預熱焗爐200度12分鐘
跟呢個譜太濕, 我加左好多粉先搓倒, 差d想放棄重新黎過…好在最後都救返
貪心之過包左勁多餡, 結果其中2個最後發酵未焗已經裂, 結果好樣衰咁搵半塊麵糰補返…焗完都係好樣衰…
另外冇爆o個2個好大已經火農火農地要加錫紙, 估唔到脆完出黎變左脆皮!!我同男友都話正!*0*補過o個2個濕d厚d就唔脆, 不過都軟熟好味~
冇爆o個2個焗之前已經比較乾, 平時放蒸籠發酵不過今次太多包放唔晒就好似開頭整包咁放入左爐發(熄火), 下面已經放左兜水不過都係好乾…下次都係咪掣…不過見佢咁乾我o係面嘖左d水, 可能因為咁最後焗出黎就脆口喇~因禍得福~!^.^
面頭o個2行醬唔知係咪太薄, 溶晒…焗完出黎唔見左…
對我黎講太多餡喇, 不過o岩晒試食專員口味~~
《二人餐》
要是我們分開了，你吃什麼東西會想起我？
跟兩位網友一同看了期待已久的《二人餐》，其實當初重新接觸話劇也是從它開始。那時候，看到雜誌上有《二》的廣告便想跟男友去看，可是他對話劇沒興趣便錯過了，及後《二》的女主角有另一齣戲上演，第一次約會blog友便是去看kearen的《29+1》,《29+1》之後也看過《二十出頭》。
今次是繼《29+1》之後再見kearen，也是繼《二十出頭》之後再見徐羨真。他們的演繹也有似曾相識的感覺，大抵那就是他們的個人風格。今次劇中有大量歌唱部份，歌唱蠻好聽，他們大都唱得很好。
沒想到這個故事原來是圍繞一對已分手的舊情人如何重燃愛火。沒有舊情人的我，對這東西沒多少好感…
也許一個人一生只有一個最愛，那人可能是過去式，教現在式都變得不重要…也許我是站在現在式的立場看，對已過去的最愛只有敵意。也許我只是信心不夠，不認為自己可以成為別人總結人生時，最後的勝利者。
跟前兩套劇相比，這是一套百分百愛情戲，沒有什麼人生大道理，也沒有留給我多少反思…不過當中倒也有一點共鳴。也許每對戀人都愛裝低B，到了末期也總會相對無言。
記得我們第一次劇烈爭吵正正是為了日式芝士蛋糕…
劇終阿徐問了一句：你記得你對上一次吃一頓開心的飯是什麼時候嗎？
我想起了去年周年紀念那一頓自助餐～
再戰香蕉muffin(附食譜)
今次跟呢個譜既份量, 做法就同尋晚大致相同不過全程用打蛋器打。
尋日個譜只係話加少許發粉, 我真係只加左少許, 唔知係咪呢個原因唔多發得起...中間好濕...同事仲話似鳳梨酥=0=, 於是今次跟呢個譜, 少左粉, 多左發粉, 少左糖, 多返隻蕉(我尋日睇錯左落少左隻...= =), 同埋冇落鹽, 依家焗緊, 唔知效果如何?
牛油溶液 80g
糖 50g
蛋 30g (半隻)<<<見佢好乾咁我落左一隻
香蕉 2隻
低粉 100g
發粉 1 tsp
合桃 適量<<我冇落, 想落朱古力又太遲醒起...=.=
1. 把香蕉用叉拌成茸, 加入牛油, 雞蛋拌勻
2. 低粉+發粉過篩, 加入1, 再加入糖拌勻
3. 拌入合桃, 倒入muffin cup
4. 用190度焗23分鐘
我唔係跟呢個步驟, 我先打牛油+糖, +蛋+蕉茸+粉。
都係咁濕既？咩解究呢？？？＠＠已經焗左半個鐘以上！聽日再焗耐Ｄ先！
Friday, February 09, 2007
食譜~拖肥香蕉忌廉撻
拖肥香蕉忌廉撻\
材 料 Ingredients
香 蕉 ︰ 1 隻 ， 切 片
酥 皮 ︰ 1 片
忌 廉 ︰ 100 毫 升
糖 ︰ 10 克
煉 奶 ︰ 100 克
谷 咕 粉 / 士 多 啤 梨 / 紅 桑 莓 ︰ 適 量
做 法 Steps
1. 將 焗 爐 以 180 ℃ 預 熱 。
2. 酥 皮 切 成 3 吋 × 3 吋 正 方 形 ， 放 入 焗 爐 焗 5 分 鐘 ， 至 金 黃 色 取 出 ， 備 用 。
3. 忌 廉 加 糖 ， 打 起 備 用 。
4. 煉 奶 在 煲 內 用 慢 火 煮 至 焦 糖 色 ， 呈 黏 杰 狀 成 為 拖 肥 。
5. 把 酥 皮 放 在 碟 中 ， 將 煮 好 的 拖 肥 塗 在 酥 皮 上 。
6. 將 香 蕉 片 鋪 在 酥 皮 上 ， 再 蓋 上 忌 廉 ， 撒 上 谷 咕 粉 或 在 中 間 放 上 紅 桑 莓 / 士 多 啤 梨 點 綴 即 成 。
Chef's Tips
1. 為 避 免 香 蕉 變 鐵 锈 色 ， 使 用 前 可 塗 上 檸 檬 汁 。
2. 酥 皮 不 用 自 家 製 作 ， 到 超 市 選 購 Puff Pastry （ 約 $40 ） 回 家 ， 再 裁 剪 適 合 的 尺 寸 即 可 。 另 也 可 以 麵 包 烘 脆 成 多 士 代 替 。
3. 烹 煮 煉 奶 時 小 心 煮 焦 ， 宜 用 慢 火 烹 調 ， 其 間 不 斷 攪 動 ， 否 則 很 易 黐 底 。
食譜~chocolate muffin
食譜:(可做3個7x5cm既muffin小杯)
材料
1.無鹽牛油 (室溫)50g
2.砂糖 60g
3.低筋麵粉 85g
4.無糖可可粉 15g
5.泡打粉 半茶匙
6.鹽 小量
7.牛奶 60ml
8.入爐用朱古力粒 小量(裝飾用)
9.蛋 1隻
做法:
1.牛油用打蛋器打發，分3次加入砂糖。每次均要打均，均勻後再打2-3分鐘
2.加入蛋，鹽打勻
3.可可粉跟低筋粉、泡打粉過篩，*(將1/3粉篩進蛋糊，加入1/3牛奶拌勻)。*重覆3次，動作快一點
4.將粉槳倒入muffin杯內，分成3杯，預熱焗爐170度，焗大約30分鐘即成
如何做好海綿蛋糕
睇左呢個blog先知, 原來麵粉和糖的比重要一樣, 呢點好重要呢~而蛋就大約係1/2減少少!
至於做法方面大致相同:
1)先將蛋白打起，逐少加入糖打至企身。
2)蛋黃輕輕打勻，倒入蛋白內拌勻(適用於食譜一)。
3)分三次加入已篩的麵粉及鹽，輕手拌勻。
4)加入香油及牛油溶液。
5)放入已預熱的焗爐內，以200度焗20分鐘左右。
6)待涼取出，然後切片備用。
益力多慕絲蛋糕
個海綿蛋糕底都係自己整既, 成功過慕絲...唔知點解最後加魚膠粉水O個陣攪唔勻, 一加就凝固...
雪左2晚之後終於似樣D
(唔知點解為食貓個網入唔倒既?)
試食團報告：今日（９／２）帶左返學校請同事食，評語係有Ｄ話幾好，有Ｄ唔鍾意益力多味，不過始終覺得個質感怪怪，太軟，同埋有一絲絲唔知咩黎．．．西米又食唔倒＝０＝主要都係魚膠粉水問題，下次整第二款慕絲蛋糕試下個改良方法！
食譜~香蕉戚風蛋糕
http://www.wretch.cc/blog/sikichung&article_id=5359044
另一個譜--
食譜:香蕉2隻,低粉70g,沙拉油或菜油30g,
泡打粉1/4茶匙,蛋白3隻,蛋黃3隻,砂糖60g
做法:分蛋法
1.將香蕉壓爛,用篩隔出汁液,取50g既香蕉汁.
2.低粉過篩後加入泡打粉
3.蛋黃加入1/3糖打發至淡黃色,加入菜油及香蕉汁再攪拌至混合.
4.蛋白打至起泡後加入2/3砂糖,打發至硬.
5.將少量蛋白加入3內拌勻,再遂少篩入低粉及加入蛋白,
輕手地攪拌至完全混合為止~
放入己預熱170度之焗爐內焗35-40分鐘,用竹籤吉入內,
如取出沒有粉槳便可以馬上倒扣代涼~
香蕉muffin(附食譜)
因為想整多幾個結果搞到好扁XD早知整多D...^^"
這個份量可做18個迷你size，即6個大size。
材料:
麵粉 120克
砂糖 80克
牛油 80克
奶 60ml
鹽 少許
泡打粉 少許
全蛋 1隻
香蕉 2隻
做法:
1. 將已軟化的牛油逐少加入糖份，打至奶白色(要打至透及呈奶白色才可)。
2. 慢慢加入已篩好的麵粉、泡打粉及鹽。
3. 加入雞蛋及牛奶。
4. 最後加入香蕉茸。
5. 將鬆餅溶液放入已掃麵粉的模中，放入已預熱的焗爐裡焗20-30分鐘(視乎大小)。
我既報告：點解中間咁濕既…焗左20分鐘同30分鐘個口感都係一樣…
試食團報告：Ｗ小姐話似鳳梨酥…不過佢覺得幾好幾鍾意呢種質感…＝０＝有Ｄ鍾意呢個多Ｄ有Ｄ鍾意益力多Ｏ個個，鍾意蕉蕉既Ｒ小姐話個味幾好好香，係濕左Ｄ；Ｖ小姐話實左Ｄ發唔起，Ｙ小姐叫我再接再厲！
Tuesday, February 06, 2007
賀年食品~蠍蠍改良健康蘿蔔糕(附食譜)
材料 :
蘿蔔630g
粘米粉210g
火腿2大片
蝦米少評
乾冬菇約2隻
做法：
1. 浸蝦米冬菇；
2. 先把蘿蔔批皮刨絲備用；
3. 再將火腿、蝦米、冬菇切粒，少油落鑊炒，以豉油調味，盛起備用；
4. 加蘿蔔水＋冬菇水開粘米粉糊，調至糊狀；
5. 把一半蘿蔔絲落鑊，約煮5至10分鐘，加少少鹽再攪一攪；
6. 此時再加入粘米粉糊同攪，並加入剩餘的蘿蔔絲及(3)；
7. 以胡椒粉、五香粉及雞粉調味；
8. 倒入錫兜熱水蒸45至60分鐘即成。
減肥日誌 ~20070206
115.2, 52.3
運動：急行15分鐘
早餐：豆渣麥皮、焗脆餅一塊
午餐：壽桃牌蕃茄拉麵(270kcal)
運動：急行15+15分鐘
小食：果仁一粒、自製豆渣餅幾餅
慢行：15-20分鐘
晚餐：蘿蔔糕、灼菜
經過尋晚既挫敗, 今晚整前年整過既蘿蔔糕, 希望唔好失敗啦！
食譜~白之戀人
餅材料 :
(A) 糖 100g / 牛油 90g
(B) 蛋白 2 個
(C) 麵粉 85g
白朱古力忌廉 :
起酥油 100g
糖粉 40g
溶化白朱古力 200g
做法:
1. 將(A)攪拌至鬆發，加入(B)攪拌至光滑，加入已篩過的(C)，混合攪拌均匀。
2. 將它放入唧袋，唧出成長方形6 X 5 CM。以160度焗10分鐘至邊變金黃色，待冷備用。
3. 白朱古力忌廉做法 : 將起酥油和糖粉攪拌至鬆發，加入溶化白朱古力混合攪拌均匀。
4. 用白朱古力餡將兩片餅夾起來。
http://www.xfunz.com/viewthread.php?tid=678
白朱古力夾心曲奇餅 (白之戀人)
(大約 20 塊夾心曲奇餅 )
材料：
曲奇餅面糊
牛油 150g
蛋白 82g
糖 75g
面粉 75g
雲呢拿香油 1/8 tsp
鹽 1/8 tsp
白朱古力餡
白朱古力 150g
做法：
曲奇餅做法
1. 烤盤鋪上兩張烤焗紙，預熱焗爐 220 度。
2. 將牛油於室溫放軟 (放半個鐘左右)，以打蛋器中速將牛油打至鬆軟忌廉狀 (打3-6下)，分 2-3 次加入糖攪拌均勻 (每次打3下)。
3. 逐少蛋白及雲呢拿香油 (分 3-4 次) 加入 (2) 至拌勻 (第 1-2 次打 6 下，第 3-4 次打 3 下)。
4. 面粉及鹽過篩，分 3 次加入 (3) 中輕輕拌勻 (每次打 3 下，最後再加多 3 下)。
5. 面糊放入雪櫃中待 5 分鐘。
6. 模具鋪於烤焗紙上，將適量面糊倒入模具中，用抹刀把多餘的面糊抹掉及輕輕抹平，把模具輕輕撕起，手指沾水把不平的面糊邊緣抹直。
7. 放已成形的曲奇面糊入焗爐焗 5-7 分鐘 (前後不停轉位)，至曲奇四邊烤至金黃色。
8. 把曲奇從焗爐取出，放涼備用。
9. 把放涼的曲奇餅放在了烤焗紙的烤盤上，放進已預熱至 100 度的焗爐內 7-8 分鐘，取出放涼備用。
白朱古力餡做法
1. 將白朱古力隔熱水溶解，將適量倒於長形透明膠片上用抹刀抹平。
2. 把朱古力膠片放進冰箱內 5 分鐘。
3. 將朱古力膠片從冰箱中取出，輕輕切成正方形朱古力片 (應以曲奇餅大小為準) ，再把朱古力片放進冰箱內雪至結實。
夾心曲奇餅做法
1. 用白朱古力溶液把朱古力片黏於兩塊曲奇餅中即成。
http://forum.u21.hk/viewtopic.php?p=1425&sid=f4324b7b2bb6c8b29d1684933c962081
Monday, February 05, 2007
好挫敗...(蛋散&馬仔)
今晚俾蛋散同馬仔打敗左...灰晒...一路整一路試左少少...菜都冇心機烚...
蛋散粉糰好軟好難輾薄...整到好樣衰...整蛋散既薹度就係要夠薄…失敗...不過當餅干整我唸幾好, 味道唔錯, 炸完都唔油膩
馬仔用左2個譜, 第一個譜用左中粉加臭粉同菜油比較麻煩, 炸出黎口感唔多似, 依家雪緊, 臨入雪櫃之前試味好左D, 唔知救唔救得返
試埋為食貓個譜, 簡單D, 用高粉, 今次切細條左, 個樣似D喇, D色都冇咁深, 不過用個煲仔炸炸下居然成個煲著火!@0@ 燒左陣我搵個大鑊蓋蓋住都冇用仲係入倒好多空氣, 冇熄既跡象, 搵濕毛巾蓋O係面又驚燒著, 後來見佢冇咁大火再搵個細煲蓋cum熄左d火先冇事, 入面粒馬仔黑晒@@ 好在我一粒粒炸..... 依家都係雪緊, 等佢d糖水快d凝固
年糕試食報告
繼尋晚試食專員話似模似樣之後, 今日帶左返學請同事食
不過原來佢地今日出街食...出發前幾個同事每人食左件, 反應唔錯, 話唔太甜
放學時唸住自己食埋佢
食到LAST一件問個同事要唔要, 佢食完冇咩反應, 我問佢得唔得, 佢先話「下?自己整架?」^0^
薑汁撞奶(附食譜)
做法：
1)薑(份量隨意, 視乎你愛薑的程度)磨成蓉隔渣，只要薑汁<<<薑汁我用榨汁機榨
2)將250ml牛奶煮熱(唔要大滾)加糖2~3茶匙 (想甜d可以自已添加)，用乾淨手指測試(約80'C)，只需感覺到熱就得，熄火等2分鐘
3)將裝奶既煲輕輕提高撞入薑汁，蓋上碟焗3~5分鐘即成。
唔太成功，雖然放倒匙羹不過食落都係唔夠凝固。味道唔錯，整左三小碗，薑汁既比例唔同，水溫有少少分別，奶亦有Ｄ用全脂有Ｄ用高鈣低脂，發覺用咩奶對凝固冇咩影響，不過高鈣低脂反而濃味Ｄ!?
鮮奶雞蛋布甸(附食譜)
除左煎年糕外仲整左2個甜品
1. 將糖2/3杯(我改為1/2杯)加入鮮奶3/4杯中，用小火煮至糖溶及奶即將滾；
2. 打散雞蛋1隻，將熱奶逐少沖入拌勻 ( 可用攪拌機攪勻後過濾 )；
3. 將上項材料注入耐熱器皿中，再座放在盛滿熱水的盤中；
4. 將上項材料放入焗爐用 160℃焗四十分鐘，取出，凍後即可食用。
http://www.ourrice.com/~Scorpio3210/recipe06.htm#布甸
我已經減左好多糖不過都係甜到喊... 上網搵譜好多時搵倒既都係我個網同一個譜…真係要咁多糖既咩???
可能焗過左火, 有層皮...入面就好滑, 下次要睇實個火。我較左20分鐘先見佢冇咩起色仲好水於是再加20分鐘(total=食譜既40分鐘), 下次試下再減糖同減時間。
後尾見倒個底盤D水乾晒@0@ 可能因為咁所以個面咁乾!!
Sunday, February 04, 2007
減肥日誌 ~20070204
116.2lbs, 52.8kg, BMI18.7
腰去返24-24.5喇~不過腩仲係29.5-30...PATPAT都去返34.5~差唔多復完喇~^0^
今朝起身塊面腫到咩咁…唔知同我臨訓飲左杯鹽水有冇關係呢…?
午餐：豆渣麥皮
下午茶：皮蛋瘦肉粥＠海皇
晚餐：
好多野想整
未整過既有：酥皮蛋撻、笑口棗、益力多慕絲蛋糕、椰汁年糕、馬鈴薯糕、芋頭糕、香蕉蛋糕、菠蘿包、雞尾包、牛肉餡餅、餃子皮、酥皮月餅、廣式月餅、薑汁撞奶、豆花、muffin、沙翁、叉燒餐包、紅豆包、豬仔包、豬肉乾
失敗過既有：蛋撻、蛋白蛋糕、檸檬海綿蛋糕、吉士布甸、鮮奶蛋糕布甸、馬仔、蛋散
想再整既有：梳乎里、泡芙、日式芝士蛋糕(今次想整小杯裝)、蘿蔔糕(今次想唔加臘味)
情人節獻禮：truffle chocolate, 朱古力蛋糕
食譜～豬仔包
材料:
高粉 250g; 鹽 1/2 tsp; 糖 15g; 菜油 25g; 酵母 4g; 暖水 160g
做法:
1) 先將所有材料搓勻, 搓至有筋性就ok;
2) 作第 1 次發酵 約 45 mins;
3) 取出面團分割排氣, 中間發酵 10 mins;
4) 做型, 作最後發酵 30 mins, 塗上蛋液, 曬上芝麻, 放入已預熱之焗爐 180度焗 12mins.
久違了的試場
今日去左考試, 好耐冇感受過呢種氣氛~好興奮好開心呢~XD完全冇準備~呢2個月都冇溫咁滯~預左唔得所以亦冇壓力~XD志在去感受下個氣氛同做下D卷, 有D直情考O個陣先知原來考呢D野XDDDDD
原來2份卷分別只係考45分鐘同30分鐘~不過咁就冇左成個下晝
好在有FD一齊考~吹下水時間過得好快~睇見人地努力溫書, 我地O係度搽潤脣膏XDDDD仲撞倒個幾年冇見既同學~
星期三又考喇, 呢份就驚驚地…有人睇住衰左幾樣衰…><上次又係呢個試場仲衰得好難睇!!><"
減肥日誌 ~20070203~改報BMI
今日都唸住唔磅住架喇~尋晚食左咁多野又夜訓~不過結果都係磅左
115.8, 52.6KG 黎緊我唸唔報屋企個測睹結果喇, 好似唔多準, 只係隔住我既體重成正比升降...
學校O個個呢, 上星期去到成26.X%!!!早幾日已經落返23.X%, 之前最低去到21%, 係7月既事, 112.X O個陣反而有22.X%
不過我打算改報BMI, 今日係18.6 (之前去到18.3, 話說<18.5係過輕, 雖則係咁講, 不過我目標係110磅, 即係17.7
以我既身高計標準體重介乎115-149lbs????
http://cc.kmu.edu.tw/~u9006028/Top1.htm
根據呢個標準要BMI22先長壽, 即係要我136磅!???仲重過我減肥前喎!*0*
午餐：自製提子包一個、豆渣麥皮、西洋菜
晚餐：團年飯＠聯邦（D野又幾好味喎~不過我牙痛…食得勁淑女…樣樣有食不過一件起三件止…菜都唔多食倒…豬肉唔駛講,主要食豆腐同魚, 最肥係片皮鴨同炸蝦碌~不過好好味~食片皮鴨超感動~T^T!!)
賀年食品~年糕(附食譜)
今日去左考試, 夜晚食團年飯, 返到黎都夜喇, 只有少少時間做D簡單野, 於是整左年糕~第一次整咋~之前試過整蘿蔔糕同馬蹄糕~馬蹄糕易整d, 遲下試埋馬鈴薯糕同椰汁年糕先~(我好鍾意食馬鈴薯糕架~唔知係咪潮州野黎~)
1. 片糖150g+水247.5g煮溶後待凍, +椰漿半湯匙攪勻；
2. 糯米粉150g+澄麵37.5g過篩2次；
3. (1)+(2)攪勻，入模蒸約１小時即成。
備註：如要煙韌口感可於(3)慢慢將(1)加入(2)至粉料呈糊狀時便將一些粉糊提起（無可能將整份粉糊提起），然後撻回在煲內，如是者做到你認為夠為止。
我發覺得太遲…加晒水先發覺已經好稀根本撻唔倒...依家蒸緊唔知效果如何呢?
尋晚整好之後好軟, 雪左一晚硬d喇, 今晚(4/2)切片之後加蛋汁煎, 好軟好味~^^
試食專員：似模似樣喎～
Saturday, February 03, 2007
四度挑戰中種法~提子包
2星期冇整過包包, 今晚第四次挑戰中種法!!!
今次用左電子磅發覺搓O個陣手感好唔同XD好明顯之前D份量有問題XDDDD
今次搓O個陣明顯感覺倒軟好多
食起黎果然係好香軟~
半夜三間食左大半個>0< 仲加左牛油!!!超級正呀~~!!! 好在上次rankura買左盒light既黎咋XDDDDD
個面見佢唔見上色搽左好多蛋液, 撕開O個陣龜裂... ^^"
聽講整好既麵糰可以放雪櫃第朝起身先焗, 問過有人話得人話唔得, 結果尋晚留左一半麵糰試下
結果雪完一晚之後塌晒T0T
不過我尋晚臨雪之前試圖搬佢過另一個模洩左氣
唔知係咪咁所以唔得
本來都想試下照焗
見倒勢色唔對都係留返做老麵算喇
不過我尋晚臨雪之前試圖搬佢過另一個模洩左氣
唔知係咪咁所以唔得
本來都想試下照焗
見倒勢色唔對都係留返做老麵算喇
砵仔糕(附食譜)
食譜：(2小碗份)
1. 粘米粉57g+馬蹄粉10g+生粉10g+64g水拌勻；
2. 57g糖(白糖/黃糖)+191g水煮滾即沖入(1)徹底拌勻(呢個時候我發現有粉粒於是搵篩濾去)
3. 倒入已掃油小碗蒸8-10分鐘或至熟透即成。
http://www.leisure-cat.com/frm_1198.htm
Friday, February 02, 2007
減肥日誌 ~ 20070202
115.4, 17.4%; 52.6, 17.6% （逐漸回復正常喇～^0^）
早餐：豆渣麥皮＋瑞士卷頭一件（請左同事食一人一件～個個都話好食呢～^0^）
午餐：紫菜燕麥拉麵（壽桃牌）
運動：急行40分鐘
小食：橙、手指餅２條
晚餐：西洋菜冬菇麵、乳豬幾件
宵夜：新鮮出爐香軟提子包+light植物牛油(實在係太~~~~~~~~美味太~~~~~~感動喇~T^T)
減肥日誌 ~20070201
早2日冇post到減肥日誌, 不過其實都食得好清, 早餐麥皮, 午餐麥皮或者粉麵+紫菜, 晚餐菜米/麵或者菜+豆腐。
磅數前日117.x, 尋日119, 今日116.8, 53kg~^0^
BMI去返18.8, 仲差3磅就正常返~^^
BMI最低去到18.14, 目標110磅(BMI17.7)
仲有一個月零20日就一年喇~加油!
紅豆瑞士卷(附食譜)
捲倒喇捲倒喇~!!!
不過d餡包得唔多, 捲完出黎得一間一篤XD
禁落好軟聞落好香, 不過我冇試食, 唸住聽日帶返學校請同事食自己先試味
最開心係完全冇裂呀~~~>0<
感謝蔡師奶的食譜啊～～加上新買電子磅終於成日捲倒喇～～～\>0</
食譜---
材料：
蛋黃 80g 低筋麵粉 100g
蛋白 167g 泡打粉 1g
砂糖 90g 液體菜油 67g
塔塔粉 1.5g 水 50g
鹽 少許
做法：
1) 預熱焗爐至170度
2) 菜油加入水座暖後，然後加入低筋麵粉，泡打粉，攪拌至沒有粉粒狀，慢慢加入蛋黃，再攪拌至光滑麵糊，備用
3) 蛋白打至起泡，加入塔塔粉，鹽再打，然後砂糖分三次加入直至硬性發泡
4) 先取1/3蛋白霜加入蛋黃麵糊外，用切拌方式攪勻，再將其餘的蛋白霜倒入，輕手切拌至完全混合
5) 麵糊倒入已舖好牛油紙的烤盤中，抹平，焗約20分鐘
6) 出爐後倒扣放涼後，再換上另一張牛油紙上，抹上奶油/ 打發甜忌廉，卷成卷狀，靜置30分鐘，取走牛油紙後，便可切件享用
來源：http://hk.myblog.yahoo.com/choi_cookery/article?mid=1144 （蔡師奶）
原來我用錯左液體菜油*0*依家先發現~~~同埋我冇他他粉用左少少檸檬汁代替
請左同事食
一人一件
個個都話好味
我自己食左頭尾其中一件
係幾好味喎*0*
</< p>
家常手切麵(附食譜)
今晚第一次整手切麵
原來會發大成倍XDDD
唸住整粗麵, 變左河粉咁大條XDDDD
口感似年糕~O岩晒我XD
仲唸住學整年糕, 我唸呢個做法OK喇係形狀唔同
食譜：
1. 150g麵粉+47.5g冷水+1.5g鹽搓勻；
2. 醒麵30分鐘；
3. 搓滑後擀薄，撒上手粉，疊成４層後切條；
4. 再撒粉即可煮食。
Thursday, February 01, 2007
豆渣餅
手頭上已經有好多豆渣, 又冇咩食譜用咁多豆渣, 除左發現煮麥皮時加D落去煮幾好味之外, 自己左溝右溝整左D豆渣餅
豆渣為主, 加麵粉、一隻蛋、少少發粉、少少鹽、豆漿同少少檻欖油拌勻壓實跟住焗
180焗好耐先乾, 我唸細塊又薄既大約20分鐘, 大塊焗左好多個十分鐘中間都係林
幾O岩我口味, 好豆~有咬口, 無糖, 少油, 唔錯~
帶返學校做小食先
Subscribe to:
Posts (Atom)