Tuesday, March 18, 2008

Tuffle Cake III

已經係第三次整呢款蛋糕喇, 今次係同事order俾佢男友生日既 ^^

1. Truffle Cake for Ricky

2. Truffle Cake for 小飛飛

第4次整呢款鏡面喇, 開頭淋上面就好平滑既, 不過側邊就太稀…見倒入面…跟住慢慢瓊左D又唔滑…

D白色早知唔抹…搞到一大撻…

第一次整花球, 都幾得意 ^^ D朱古力今次又粗又厚, 終於唔斷XD

參考：YvesKitchen - 製作朱古力花球

呢個盒o唔ok? 打算出order用呢款盒, 睇落好似幾home made ~ 卡卡卡~ XD

今次都幾呢HEA…首先焗海綿蛋糕入左模先醒起唔記得落可可粉…又唔想改左人地個ORDER, 所以焗多個, 點知今次又矮得滯…實D…結果2個每個切左一片靚仔D既出黎用~

跟住到朱古力忌廉, 第一次唔知係咪忌廉未夠熱, 撞落朱古力度起晒沙…倒左佢再黎過…

明明之前都整過2次…唸住幾有把握…點知都係咁…

同事話唔要咁甜, 我唸D 朱古力忌廉冇糖都唔會甜得去邊, 希望人地男友喜歡啦~ ^^

食譜：(6寸)
朱古力海綿蛋糕
可可粉10g+低粉50g篩勻, 蛋3隻+糖55g打起, 加入粉類拌勻, +菜油30g拌勻, 175'C焗25-30分鐘。

朱古力忌廉餡
110g黑朱熱溶, 29gwhipping cream細火煮滾, 加入黑朱中。236gwhipping cream打起, 拌入放涼的朱古力忌廉中。(如需外攜可加入1.6g魚膠片拌勻)

鏡面
60gwhipping cream+73g水+糖90g混和煮滾; 起泡後加入可可粉30g煮至102'C, 期間原停攪勻以免黏底。當涼至50'C時加入浸軟魚膠(未浸前重6g)攪勻至魚膠溶化。當光亮劑凍至35'C時淋在蛋糕面上。

食評：同事話好味，佢男友都覺得甜度ｏｋ，但老人家嫌太甜，可次可以加多ｄ高濃度朱古力，不過我又驚太苦唔咁落咁黑…　^^"

Monday, March 17, 2008

「我」、「兔子」、「橋」、「鎖匙」

請用「我」、「兔子」、「橋」及「鎖匙」作一句子。
(簡短一句即可)

(含反白字)

我 = 自己
橋 = 人生
兔子 = 戀人
鎖匙 = 夢想

我:「我追著兔子, 走過一條橋, 撿到鎖匙。」

他:「我追著兔子, 過橋時拾獲一條鎖匙。」

感覺真好 ^^

原以為好多人會咁作, 估唔到問左咁多人等我地2個係會追住隻兔仔~ hehe~ ^^

完全唔經大腦順序造句xd

Sunday, March 16, 2008

今日瀏覽!!?

昨日人次：495
累積人次：124471
今日瀏覽：2008 ???<<< 好似從未見過2字頭!!@_@
累積瀏覽：564549
網誌：1784
圖片：2148
回應：17888

入貨@旺角

從未試過o係二記買高粉, 雖然係平d, 不過平時超市賣16.x, 佢賣$11, 唔差o個少少, 咁鬼遠拎返黎~!

之但係

今時唔同往日! 百佳d高粉夠膽賣到$25.x!!! 1L whipping cream要$8x!! 真係重一重都要托返黎啦><

結果買左cream cheese(1kg), whipping cream(1kg), 紅桑子果茸(今次記得放急凍喇), 糖霜($5/250g), 椰絲($4.5), 蜜瓜同香芋香油各一支($6@)迷你透明包裝袋+金色鐵線($7+$6), 仲有幾個紙盒($4.x@), 2個膠盒($8.x@), 底托4個, 第一次買雲呢拿條!!><($22/2條, 唸住整下雲呢拿糖都好:P)

另外o係陳枝記買左2個mousse 圈(特別形狀)$3x@, 一疊方形蛋糕盒紙托($12/10個)

萬記買左一個朱古力剷($5)同一個曲奇o即咀($8)大個d希望好o即d, 仲有一個膠豬仔糕模($6)

早知o係陳枝記買埋熊仔蛋糕盒, 估唔到二記冇得賣

依家多左火炭cake DIY真係少左去二記呢

回程途中先醒起…冇買到金箔呀>0<

Pumkin Chiffon

之前整左南瓜包包, 仲有南瓜o係度, 見倒angel整左chiffon, 我又試下~ 不過我唔係用日本南瓜 ^^

整左3個4寸半小戚風, 2個送禮1個自用 ^^

改自angel的食譜:
材料：南瓜茸80克，忌廉20克、蛋黃3個，糖20克、蛋白4個(改成原本既5個)，糖40克、鮮奶30克，菜油40克(改成30克)，低筋粉80克(加左1/4茶匙發粉)

做法：

1.南瓜洗淨切件、蒸熟、用叉壓成茸。加入忌廉攪均。

2.蛋白加少許鹽(改成他他粉)打起，加40克份糖打到企身。

3.蛋黃加20克糖打至淡黃色。(只係略略座熱水攪勻至糖溶)加入牛奶和油。再加入南瓜茸混合。

4.加1/3蛋白，攪幾下，加半份粉，又攪幾下，再加1/3蛋白和餘下的粉，攪幾下，倒進蛋白處，(最後加左少少雲呢拿油)小心輕手攪勻，入模。

5.放入已預熱至170度的焗爐。焗35分鐘。(分成3個4寸半小戚風, 焗左17分鐘, 唔熟, 再焗多十分鐘)

6.出爐後倒掛在樽上。(打側o係鐵架上倒扣)完全涼後才可以脫模。

紅燒腩排

用左之前整台或肉燥飯個汁黎整, 整左出黎daddy話直頭係紅燒排骨個味！

腩排洗淨切件, 煎煎個面, 加1湯匙老抽, 2湯匙生抽, 2湯匙糖, 大約一杯水, 壓力煲煲幾個字至淋~搞掂~

快靚正~^^~

新被被

今日為左一樣新廚具去左沙田IKEA, 順便食美味肉丸~

另一收穫就係佢~~^0^

呢套被套連2個勁大枕袋十分抵~你估幾錢? ^皿^

碎花好清雅~好鍾意~\^0^/

特別鳴謝B頭幫我做model~~^.<

546(新紀錄!)

昨日人次：546
累積人次：123976
今日瀏覽：114
累積瀏覽：562655
網誌：1781
圖片：2146
回應：17855

之前最高只係52x定53x, ^0^ 新紀錄耶~^^

Saturday, March 15, 2008

火焰雪山

冇紅桑子蓉, 又想清左d蛋白, 又想試下整火焰雪山, 結果用左現成既dreyes士多啤梨雪糕, 加消化餅底(太硬…下次用返蛋糕底), 放入小mousse 圈入面雪硬之後火槍甩模之後, 加馬令(蛋白糖霜--50g蛋白+30g糖打起), 用火燒一燒上色, 雪15分鐘加生果, 糖霜裝飾即成~ ^0^

《日嚐甜品》封面d馬令燒得好靚, 我唸係打得好, 有排練… ^^"

藍莓忌廉蛋白蛋糕

清蛋白大行動

整親d蛋白蛋糕都unun地, 係咪咁架…唔似得海綿咁鬆軟, 戚風咁彈, 究竟蛋白蛋糕應該係咩質感既呢?

Friday, March 14, 2008

512

昨日人次：512
累積人次：123430
今日瀏覽：974
累積瀏覽：560204
網誌：1776
圖片：2138
回應：17801

一路3XX左好耐~終於上返5字頭XD 其實之前都只係上過一次咁多:P

Thursday, March 13, 2008

珍惜眼前

睇大小姐個blog, 唸起一個故事

神要一個男人行過一個花園, 摘一朵最靚既花, 只可以摘一朵, 唔可以返轉頭

男人一路行一路行, 結果一朵都摘唔倒, 因為佢總以為前面會有更好

阿默千層蛋糕(第二回)

今次多左少少蛋白, 每層加返honey&rum+少少水, 厚返d, 用左1.5倍份量
比第一回軟同濕潤, 我當成功架喇
呢個蛋糕太肥, 唔整住喇:p

台式肉燥飯

好耐冇post過晚餐相, 一來自己唔食冇咩心機煮, 二來整黎整去都係o個d野冇咩特別。

本來今晚都係唸住簡簡單單蒸個排骨/買廿蚊叉燒算架喇, 點知睇倒大蚊個blog見倒好野喎~一於試下啦~ 好似好耐冇認真為daddy仔煮過飯咁。^^

可惜Ｄ飯唔係白飯，冇咁靚…睇返相仲好似肉餅咁一.一

daddy仔的晚餐~ ^0^ 好試左d, 好美味呀 ^0^ 大蚊好介紹呀~! ^.<

呢個真係o岩晒佢, 肉, 蔥蒜, 濃味惹味, 多汁, 甜甜地, 中晒 ^0^ 你話點可以唔整呢~~~

同場加映：我的晚餐

Wednesday, March 12, 2008

整乜好呢?

大約十個字時間, 12個12歲既小朋友

一個好弱既多士爐, 一個電鍋

$30budget

整d咩好呢?

原來已經買左粉整湯丸, 好唔好照整湯丸呢?

上期就整左飛碟

口罩

好似返返03年O個段日日戴口罩既日子

對沙士印象最深最切身係, 返學唔戴口罩會俾老師單打, 搭車食蘋果會俾人仇視

由當初戴口罩係異素, 變成唔戴先係怪物…

戴口罩係為其他人, 唔戴就係自私, 而唔係為保護自己咁簡單, 唔怕都唔可以唔戴

今日開始所有老師同學都要戴

Tuesday, March 11, 2008

阿默千層蛋糕

阿默蛋糕：上網見人講到咁正~下個月去台灣一定要去試下!! 不過去之前想睇下網上搵唔搵倒食譜~

結果搵倒個聲稱有90%既食譜 *0*

尋晚已經想試, 不過太眼訓十點訓左, 今晚終於試左

我將佢由10x10既份量改成5'5x5'5, 咁唸住就除就得啦(100/30.25=3.3), 點知除開左整出黎鬼咁矮= = 下次要加返一倍多d至得!!咁先高身返d, 不過好在我每一層整得薄, 切開細細件都有返咁上下多層XD

本來減肥只係整唔會食既我都食左一小件試下味~點知一食就想繼續>< 嗚…

好味過上次上堂整既印尼千層蛋糕好多好多, 上次硬到死得個樣><

聖誕食過工友整既千層蛋糕好好味呀~好軟架~~ 今次都好好味喎~~~>0< 雖然層與層之前唔記得加honey&rum... ^^"只係加左o係面… :p

相信不久將來我會再整一次厚身既 ! .\/. ^0^

為食mui 法包

下次打算試下中種做法, 睇下可唔可以做到裂皮的效果

材料: (小型法包5個, 長條形法包2個)

高粉 250g

低粉 250g

酵母 8g

鹽 11g

溫水(30度) 300ml

檸檬汁 5滴 (我無落)

做法:

1) 混合高、低粉、酵母和鹽 (酵母和鹽分開放)

2) 倒入已加檸檬汁的溫水, 攪拌均勻

3) 揉至不黏手有彈性

4) 第一次發酵成2倍大,約1小時

5) 取出放氣, 搓圓, 靜置10分鐘

6) 造型, 第二次發酵約1小時

7) 在麵包上界紋, 噴上水, 210度焗約15-20分鐘

Monday, March 10, 2008

《日嚐甜品》

無啦啦買左:p 鍾意佢封面個蛋糕


產品名稱:	日嚐甜品
作者:	[ANITA & SANNY@JAM BAKERY]
出版社:	[一本堂]
種類:	BOOK
貨品編號:	9789621791382
原價:	HK$88.0
大眾會員價:	HK$79.2

內容:

食譜摘要如下:-

芝士蛋糕
~ 芒果芝士蛋糕
~ 愛爾蘭奶油酒芝士蛋糕

慕絲蛋糕
~ 青蘋果熱情果慕絲蛋糕
~ 紅草莓夏露蕾特

烘焗蛋糕
~ 香蕉全麥蛋糕
~ 朱古力合桃班尼士

特色甜品
~ 粟子兄弟
~ 英式鹹鬆餅

曲奇
~ 手指餅
~ 特濃朱古力曲奇

想買黎做聖誕交換禮物ok嗎? 見唸本好多人買~

九層糕

auntie早前俾左2盒九層糕粉(荷花牌快速白米糕粉)我, 今日終於整左~

相當花時間, 整左成2個鐘先整倒上圖6'x6'既份量, 不過分成16件, 每件都唔少野@@

依家仲有一碗仔蒸緊~

專員話味同質感都似, 我自己就冇試到。成250g糖... ^^"

Sunday, March 09, 2008

麵包機-楓糖南瓜方包

好食到停唔倒口呀～＞０＜

KO's kitchen食譜

第二次跟ｋｏ既麵包機食譜，真係好好味呢～不過其實我２次都係整呢款包：ｐ材料最方便，咁ｏ岩屋企有^^" 鹹鹹地好好味架~~~又有全麥、南瓜~

蜜糖我轉左楓糖, 牛油轉左葡萄籽油~

上一次：麵包機第五擊~蜂蜜南瓜多士

朱古力狗狗

繼上次整過一次黑白豬之後, 今日又試畫朱古力公仔

今次係白手畫, 畫o係錫紙面

第一次o係白朱古力上加上色素, 今次係少少黃+紅, 整2條利仔

(參考圖片)

雲石海綿蛋糕伴雪糕(附食譜)

食完和民行完大眾行去搭車途中經過甜品店daddy仔話要食甜品, 叫我整樣簡簡單單唔駛點花時間既, 第一時間唸倒海綿蛋糕, 同埋清埋尋日整林明頓剩左既小小朱古力~

今次整左一人份

用左1隻蛋+20克糖打起(原來唔加熱真係好難打…最後都係座住熱水打)跟住篩入4g粟粉+16g低粉, 再加10g菜油拌勻。

最後羅返尋晚d朱古力漿(本身係黑朱+奶+牛油仲有少少椰絲), 筆少少粉漿撈勻, 再倒返落原味粉漿度, 唔駛撈勻架喇, 之後倒入蛋糕模。(用左之前o係廚安居買既迷你mousse圍, 包錫紙加牛油紙圍邊, 依家先醒起冇鋪底@@好在唔黏:p)

180度焗17分鐘

出爐倒扣(未涼晒就急不及待食左XD)

加雪糕球

搞掂~^0^

專員話蛋糕好食過雪糕(dreyes佢至愛既雲呢拿味)~^0^ 一熱一凍幾得意~ ^^

Saturday, March 08, 2008

幾鍾意食和民

今日去左大埔中心o個間, 嗌左一個韓風沙律, 豚平燒, 串燒盛盒, 2個人total11x, 唸
住再嗌個飯/甜品, 估唔到食完3個已經好飽

3個都好味, 基本上每次黎都令人滿意 ^^

Friday, March 07, 2008

Lamington I (第一個order)

剛剛送出~ 唔知收倒o個位朋友鍾唔鍾意呢??

第一次幫人整蛋糕俾我唔識既人>< 有d緊張…:p

8件2'x2'x2'既laminton, 幾經辛苦先搵倒個盒裝:P 都OK丫~ ^^"

上次有同事話星巴克O個D層朱古力冇咁硬, 今次加多左少少奶同牛油。

有朋友估呢8件蛋糕成本總共十蚊…我都覺得呢D蛋糕仔睇落好似好平…出面又賣得平…其實朱古力同椰絲都用好多…今日整整下仲唔夠椰絲要專員出手相助…:P

栗子酥+芒果老婆餅

芒果老婆餅

原粒栗子酥

第一底個個同學都裂…老婆餅完全壓唔扁…一壓即裂…阿sir好好即刻預備多次材料俾我地, 整左上面o個2幅

其實第2次同第1次係一樣既譜, 不過我地第一次整定晒d水皮油皮包好擀薄先一次過包餡; 第2次就逐個逐個整, 包o個陣果然唔裂。

太少餡…咬落去成日粉…:( 似乎個譜本身已經太多粉太乾, 之前自己整芋頭酥都唔會咁既…

你做得到嗎?

借用堯堯圖片一張

睇見堯堯呢幅o都咀相, 好想再o係度問下大家, 做唔做倒呢個表情呢? 咀仔要貼住鼻鼻個喎!

我同個fd都得, 以為人人都做倒, 男友唔得仲以為佢係special case!點知問左好多朋友同事都係唔得多!! 今次見倒堯堯都做倒, 原來堯堯媽都以為人人都得, 好想o係度做下調查~麻煩各位照下鏡睇下做唔做倒XD

唔該晒XDDDD

得:蠍

, 堯堯, , momo, bluebluegirl, 河童, 蕃薯, Yinky, 魚子醬, SK4

唔得:賣魚清, 同事yan, 同事winnie, daddy仔

Wednesday, March 05, 2008

Lamington 林明頓

6寸方形海綿蛋糕, 加上朱古力漿同椰絲~組成美味林明頓 ^^

專員試食報告係不斷話好味, ^^ 難得冇餡既蛋糕佢都盛讚 ^0^

我都試左一啖~ 唔錯 ^^

第一次：

假期第五天~林明頓(附食譜)

Monday, March 03, 2008

三月份餐單

早餐小食午餐運動小食運動晚餐

3-7日: 麥皮生果豆腐急步/散步生果 stepper 雜菜湯

10-14日: 麥包生果肉+粉急步/散步生果 jogging 灼菜

17-21日: 火腿蛋生果乳酪+橙急步/散步生果 yoga 麥皮+菜

24-28日: 法包生果瓜菜+粉急步/散步生果 dancing 菜+魚

223二月之星@沙角村

本月唯一出席倒既生日之星--小飛飛~

今次黎到靚仔推介加上同事成日黎, 網上評價唔錯既沙角村新廣發打邊爐

呢度係好似食韓燒咁自助形式, 都好多野食, 生蠔好好味, 鴨腎都唔錯~肥牛好肥好肥, 出名濃既湯底眼見就好稀下…其他食物水準一般, 瀨尿蝦勁新鮮彈下彈下, 唔該晒CATFOOD幫我地碌殼~~(不過點解人人有2隻我得一隻既(篤手指篤手指))XD

由於星期六晚太多人既關係, 阿姐唔得閒招呼我地, 亦唔得閒減返人頭, 到埋單時阿叔話唔可以食完先話減人…好在最後阿姐返黎都同我地減返。

最新奇係阿姐撈起我地煲入面食剩既墨丸食, 笑笑口話個幾一粒唔好SIDE, 個幾一粒架(daddy話佢地自己都食證明d野食唔會污糟得去邊XD); 同埋第一次俾人charge食剩食物貴--$10 @@ 小飛飛話你早講, 我未食完架…

大豐收呢~~

第一次見面既小刁整左蛋白餅同朱古力, 二月之星小飛飛整左曲奇同朱古力, 仲有catfood既一大盒香橙朱古力~同埋大量韓國手信!! 仲有小魚既芝麻小蛋糕同麵包條~仲有米卡路有事都特登拎黎既杏仁餅同深得我深芒果乾!! 最後特別鳴謝高太同貓糧太過左十五都仲派利是~哇哈哈哈哈~~~~

小飛飛一見倒心形就話佢會誤會… 我原本係整圓形架…T^T 本來6點要出門口, 點知5:20成個蛋糕跌左落地~~>口<~~~ 第一次遇倒D咁既事咋!!!! 好在仲有chocolate cream 剩…加上焗緊個蛋糕底唸住用埋dcream整多個細既俾daddy食, 朱古力淋面亦有剩, 仲溶緊朱古力唸住圍邊, 所以喇喇臨整多個心形既出黎, 就係圖中呢個喇!! 喇喇臨雪, 不過都搞到6:40先出倒門口…原本唔黎打邊爐既daddy仔都要出馬幫我送貨喇…嗚嗚~~~ 唔該晒呀~~T333T

最後講返沙角村打邊爐, 難怪同事個個星期都會黎, 2個人打邊爐想多野食呢度真係唔錯既選擇, $60位+$40湯底, 每人$80咁多野食算係咁~ 4個仲FIT, 每人$70~