滿月了

打算為丁叮擺百日宴的我們, 滿月只買了一盒開心果雪糕慶祝, 提早3日到老爺家跟一眾男家親友吃滿月飯, 老爺煮了很多送菜, 可是我吃了幾塊乳豬便很飽很睏, 原來帶寶寶上街是這麼累, 晚上7時許便那麼睏, 偏偏丁叮又很精神, 上的士有奶嘴才睡~

這是滿月正日的全家福, 丁叮洗完白白吃飽飽很合作~ ^^

419 從前某個19號在一起, 這一個19號有你~ ^^

最愛佢交豬樣~即變小可愛~

掃風樣好搞笑XD

食飽飽好滿足~

426 DAY32@健康院打針針唔驚, 呀左一聲未出房門已收聲~叻叻~出黎仲乖過之前

329 大手牽小手~

20小時陣痛之旅

話說我23/3朝早已經見紅陣痛, 不過當時痛下唔痛, 而且只係好似m痛咁, 老公聽倒好緊張, 工都唔敢返, 我沖左個涼, 嗌麥記返黎, 一路睇戲一路食, 點知下晝就唔痛喇…=.=
當時既status係:依家每次一痛就會笑笑口咁話:「痛喇痛喇」好少可痛得咁開心…可唔可以痛多d密d呀XD(真係黎料時就知味道:P)
點知到5點幾仲o係度等運到…
夜晚仲o係度唸去唔去老爺度等, 有咩入院都快, 最後都係留o係屋企, 一路同丁叮講唔好穿水住, 入左院先, 又聽講d水流乾生會好痛, 所以叫丁叮唔好穿水住, 點知入左院後就想佢快d穿…最後我都係唔知幾時穿水既…=.=
終於半夜痛醒! 十分鐘倒痛一次, 好似m痛咁, 以為2, 3點唸住有排捱, 點知一睇鐘已經5點幾, 太好了!!原來老公都訓唔著, 於是天光就起身出發~

7點幾去到廣華, 當時已經7-8分鐘痛一次, 每次十幾秒倒, 入到待產房check宮頸開得5分…=口=我唸即係半度…o my god~~~~~
轉左我上產前房…聽日先再同我check…(唔係馬…)

出發前食左芝麻方包, 尿糖超晒標…繼續食糖尿餐…但我發覺比正常餐好似係多左個橙同梳打餅

下晝已經4-6分鐘痛一次, 第一次用手機個胎動app居然係愛黎數陣痛…>< 當時都有出去行下, 不過一痛就要停…行兩行又返房坐下訓下…
冇幾耐有舊同學黎探我, 佢係樓下既姑娘, 黎到仲話我個樣唔似痛=.=佢生左2件, 話2個都好快, 一個鐘就搞掂…><
當時我只係想快d有人同我CHECK度數…幾經辛苦搵倒個好人姑娘同我check, 點知得一度…到左5點老公黎到不過未入得黎…我出去同佢行下, 不過都係唔行我耐, 行下停下咁, 嗌晒救命…差唔多6點我已經痛到喊…其實除左痛, 仲因為睇唔倒岸…呢種感覺好難受…咁痛都係一度…之後仲有幾耐幾痛呀…T_T
6點入得去就同老公入去, 亦都係食飯時間, 痛到完全唔想食, 有個似係高級護士既人黎到見我咁痛唸住快喇, 點知CHECK完都係1度…T口T 佢叫老公餵我食, 點都要食晒D飯佢, 我一路喊一路痛一路食下停下, 原本想問佢有冇咩止痛, 點知佢話1-3度係靠深呼吸…>口< 老公就一路叫我吸~~~~到盡, 慢慢呼~~~~~到盡咁, 3下吸呼就痛完一轉…隔3分鐘又痛過…一餐飯食左勁耐…
隔離床D人望同D家人朋友談笑風生, 我就喊晒口咁食飯…老公話可以代我痛就好, 佢唔怕痛…我原本都自命唔怕痛, 經過今次先知自己原本咁怕痛…8點後老公要出返去, 得返我自己O係房, 隔離床黎左3位媽媽, 2個遲過我入黎, 其中2個先後穿水可以落待產房…點解我仲唔穿水架…:( 姑娘話一係夠3度, 一係穿水就可以落去
十點幾O個陣出左去搵老公, 呢個時候我同自己講, 愈痛開愈快~~又繼續深呼吸鼓勵自己, 入去再CHECK…都係1度…絕望到爆…打俾老公同佢講, 你駛唔駛返屋企訓陣呀…丁叮係咪唔錫我呀…:(點解咁痛都係得一度…
半夜11點幾, 3個媽媽O係度呻吟, 佢地2個只係細細聲, 我已經頂唔順…痛O個陣唔再係細細聲哼哼聲…典晒咁…就係呢個時候發現自己原本比其他媽媽怕痛…:(D姑娘又成日問你幾耐痛一次, 痛到咁仲要數…>_<
到左點幾, "冷"左出去搵老公, 佢挨住D椅訓, 我唔知好唔好再叫姑娘同我CheCK, 好驚再CHECK都係1度…入去去完個廁所(好在房有廁所…)上返床跪左)O係度, 姑娘見倒就入黎同我CHECK, 3度!!!終於3度喇!!!姑娘話:「死啦…你3度都痛成咁…」有得落待產房我咩都唔理喇!!落到去有氣聞喇!!雖然唔知有冇用, 不過都叫有希望!!
叫左阿姐推輪椅黎, 叫我執定野, 我其實已經執好, 見隔離穿水時我已經執定, 帶2塊M巾一塊片入待產房就就OK, 其餘一大袋同你鎖起佢, 坐上輪椅之後就攬住成袋野同外套等, 不過O係輪椅黎到既時候, 姑娘話等陣, check埋對面床O個位媽媽先睇下邊個急D!!
唔係馬！！！！！！
跟住仲要話佢落去先！
下？？？？？
我自然嗌大聲Ｄ…佢就俾我落去先…叫阿姐轉頭上黎接埋對面床O個位媽媽
出到去見倒老公, 佢同我地一齊搭lift落去待產房, 入到去就問我駛唔駛去廁所, 上床駁機冇得去, 我話我剛去完先落黎, 今次訓O係朝早入院張床對面, 當時見倒位媽媽細聲呻吟, 佢應該差唔多生得落黎, 到我落黎先識佩服佢!我已經冇可能輕聲, 又唔係嗌晒O個隻, 不過一痛起黎就好似急屎咁, 6點O係產前房時姑娘已經話急屎就係, 開頭似急尿, 我一路都冇急尿既感覺, 急尿就好似一直都有…但我下晝已去左, 所以知道冇貨, 入到待產房, 姑娘話我係2, 3分鐘痛一次, 不過只係好輕微既宮縮…
我都唔理得咁多, 有氣聞就勁索, 一痛就索, 唔痛就停…由產前房一路俾人問係咪成個肚痛, 但我一直只係M痛, 肚底痛, 佢地就話未有耐, 而且呢D未係真係痛…=口= 又一次絕望…唔係呀馬…
聞住氣, 只係聽倒周圍好亂好多人, 隔離個媽媽好似4度先落黎, 唔知係咪之前我對面床O個位, 間中有姑娘行埋黎, 同埋叫我唔好典, 會碌落床…我記得當時腰都有D痛, 打側身向後拗, 呢個時候仲要你數胎動, 話數唔倒唔生得住, 但我真係完全感覺唔倒!!有個野俾你握住按掣, 我係一次都冇按過…後尾仲放低左…

CHECK完3, 4度, 突然feel倒有水湧出黎, 話俾姑娘知穿水, 點知佢睇完話冇…只係見紅…一灘血…嗚…仲唔穿…好失望呀…
突然有人埋黎問我想唔想快D生, 話有人等床位, 緊係想啦!!我一早已經想你同我催生, 不知幾後悔冇22號入院(原本醫生約我22, 我未有心理準備會O係EDD前催生, 於是約左25/3, 點知24/3就作動…)同我人手穿水快D生都好丫!我估就係呢個時候同我穿左水, 而我係完全冇印象…而3, 4度之後亦冇印象有人同我檢查開左幾多度, 我既印象只係去到3, 4度之後就話生得…中間發生咩事完全唔知…有人話笑氣冇用, 但我聞左時間就易過好多

之後又有話我屙左好多血, 知我好急, 跟住連人帶床推左我過產房! 隱約見倒斜對面床O個位媽媽好似係之前我隔離床穿水一早落左黎O個位媽媽, 我入黎時都留意倒佢, 原來穿水先都冇咩SO…
未入產房前有人問我老公陪唔陪產, 駛唔駛打俾佢, 我話佢O係門口, 佢話咁我唔打架喇, 之後老公話我知佢有唸過返屋企訓陣或者去麥記恰恰, 估唔到咁快, 原來我入左待產房只係2個鐘倒就入產房! 佢當時剛搵倒個比較舒服既位訓, 跟住就嗌佢, 佢入到黎都好迷, 而見倒我亦似乎聞氣聞到好迷…其實我完全聽倒姑娘講野, 老公都話姑娘既指示我好有反應, 叫我合埋口, 唔痛就休息, 痛就用力, 有時又叫我用力握手柄, 助產士開頭話都有少少位試下生先, 之後話同我開大左少少要聯針, 由老公入黎十分鐘倒就聽倒丁叮喊, 當時感覺係, 好好聽, 同埋, 佢唔係啞架XD 同時見倒老公眼濕濕, 而我自己果然一如所料係冇喊既, 痛到唔識感動…只係有終於完成任務鬆一口氣既感覺…
姑娘略略清潔就抱丁叮伏O係我身上, 玩到成口口水波…應該係吐返D胎水, 之後隔離有人要生, 老公就要出返去, 跟住同我聯針, 俾個笑氣罩我有需要就聞, 不過佢其實有打麻醉針, FEEL倒拉扯不過唔痛, O係產前房第一次種豆都唔痛, 到生O個刻都唔痛, 最痛應該係三度之後入去聞氣, 不過最難捱係入院後O個18個鐘既1度…
3度之後其實好幸運, 冇人叫我忍住唔好屙, O係產前房都係一路急一路屙, 唔怪得細個阿媽話係屙我出黎…個感覺真係好似…
聯完針之後助產士一路同你講唔好食薑醋, 補品之類住, 講左2次, 不過我唔記得有邊幾樣唔好食…只記得自己問左佢薑飯得唔得, 佢都話唔好, 3, 4個星期後清左惡露先。
聯完針之後O係產房攤左大半個鐘, 大約5點有人黎同我過床, 其實係拍張床O係隔離, 自己褪過去, 丁叮磅重度高度頭圍打針之後抱返黎你身邊, 一齊上房, 出去嗌返老公幫手拎野, 上到去又過床, 安頓好, 老公餵水, 傾幾句之後就要走, 我入房先之後老公後到, 老公黎到唔見丁叮, 我話俾人擄走左…話6個鐘後落得床先俾返我…點知6點幾就俾我餵奶…我5點幾先上房…:P
而老公就返左屋企休息休息, 我反而好精神, O係產房成個鐘都眼光光, 聽隔離房生仔同講野, 之後7點食早餐, 8點巡房, 10點前要小便(6個鐘頭內)所以生完要係咁飲水, 同埋其實都好渴, 我飲左2壺…第一次去左400ML…
生仔記講到呢度~遲D再分享醫院連餵5小時奶冇覺好訓湊仔記~

照燈

day4到依家day19已經入左醫院3次, 每次都係黃疸照燈…
開頭出世check黃冇事以為佢咁叻仔, 臨出院o個日話可能要抽血, 點知都係唔駛可以返屋企, 點知day4返健康院就check倒黃要即入拿打素, 去到326咁高要照大燈, 第二朝去探佢仲有2百尾, 點知4, 5點就收倒電話話可以回家渡假, 當時落到217, 第二日返去覆診220都可以出院, 隔日返健康院又高返, 返拿打素check又27x照雙燈, 今次照左3日, 222回家渡假, 覆診199唸住好啦~隔幾日返廣華兒科醫生見佢黃又check…今次29x…返左屋企又帶返佢入院…幾驚要換血…好在都係照3燈, 第二日雙燈, 第三日單燈, 唸住今日可以回家渡假, 點知又高返幾度228…

今日特登一早去餵奶寫簿等醫生, 等左3個鐘先見倒醫生…問返d驗血報告, 全部冇問題, 醫生話初生嬰兒黃疸一般幾日就退, 不過有少數bb會難退d, 佢o係醫院已經係食奶粉又照住燈都唔退…唔知聽日返得屋企未呢…


講返呢幾次住院經驗, 拿打素好似酒店, 環境好, 姑娘比較清閒, 好有耐性對bb, 慢慢餵奶慢慢教你, 3個鐘食一次, 丁叮每次食倒80-90ml( o係屋企食唔倒咁多), 廣華四個鐘餵一次, 醫生照佢體重計俾80ml佢食, 即係比之前食少左160一日…我第一次去探佢見佢糠喊左一個鐘先有奶派…好快就食晒一支90ml…尋日第二次去, 喊左45分鐘5, 6分鐘就食晒一支90ml…仲嘴郁郁…不過阿姐話佢3點幾o個次唔覺食得好好…有d難先餵完80ml…今日第3次探佢, 餵朝早10:45o個餐, 都好快食晒90ml, 但冇6點食得咁好, 到左3點o個餐就最難餵, 係咁扭唔肯食, 泵左支120ml人奶俾佢, 漏下噴下都食倒90ml…

拿打素探病時間媽媽係24小時, 爸爸就12-1同6-8, 廣華因為佢訓箱要入房, 所以除左每日4次日頭既餵奶時間, 父母都係得6-8可以探, 今日10:45去到簽紙見醫生, 餵完奶就出返去等到2點…又谷又餓又渴…泵埋奶落去買支水買個包就上返黎餵返正話支奶…懷疑係唔夠熱, 雖然阿姐同我座左陣, 不過食到扭黎扭去, 今次個阿姐又包得唔紮實…好難餵…之前2日o個個明顯包得好好多…

其實間間醫院都有好有唔好既staff, 呢度都有好肯教我又叫我唔好冷親既姐姐同姑娘, 但亦有d感覺唔太友善既, 而且呢度似乎比較忙, 佢地餵奶都好趕, 係咁塞阿b食…

今晚係第一晚冇去探仔, 唔知佢食得好唔好呢…有冇爆喊一個鐘呢…爹爹今晚都去唔倒探佢…我地都好掛住佢呢…唔知佢聽日捨得出院未呢…


仲有廣華既單燈同拿打素又好唔同, 廣華都係o係個箱入面, 同雙燈三燈一樣, 要蒙眼…丁叮好唔鍾意成日整甩…拿打素單燈只係訓床, 照背脊唔駛蒙眼, 次次去到都食飽飽訓得好lum…上面2幅就係拿打素照單燈中

當日係兒童節, 我同佢講爹爹媽媽一陣走佢就笑…我話兒童節都唔冇得返屋企佢又笑得勁開心…>< 住酒店好歎啊可~~~ 廣華就唔同喇, 次次去佢都蒙住眼, 一係就餓到喊, 好似軍訓咁…>< 今次仲住4日添…希望佢快d出院, 之後唔駛再返黎啦…好掛住你呀寶貝…

你看我像誰?

你地覺得丁叮似爹爹定媽媽呢?^^

一出世老公就話好似我,果然同超聲波睇倒既一樣, 鼻同嘴同我一模一樣~~不過未開眼始終唔知似邊個, 到左半夜時份終於見佢開眼喇~不過得一條線…等左幾日間中開大少少, 不過似乎都係眼細細呢~~老公話面型似我,尋晚睇返我bbd相原來唔似,不過老公都係面圓圓, 可能因為丁仔瘦, 所以長d, 耳仔勁貼,我地2個都冇咁貼, 放左幾張相上fb,個個都話似爸爸, 但係出院O個張又話媽媽餅印XD 老爺又係話似我, 婆婆就話2個都似, 尋晚睇返我地D BB相, 得出結論係上半似爹爹, 下半似媽媽, 即係眉眼額似爹爹, 鼻嘴下巴似媽媽,仲有手指腳趾長長都係似媽媽^^又同我樣鍾意晾腳~不過幾多樣似我都冇用, 眼仔似爹爹我已經輸晒>3<

多謝各位^^ 丁叮出世喇~~

經過23小時陣痛, 丁叮已經o係3月25日凌晨出世喇~重2.97kg,返左屋企一個星期冇覺好訓, 我已經輕返6kg,仲有2.5kg就返家鄉…
丁叮尋晚第二次入院照燈(黃疸)依家終於有少少時間上黎同大家報喜^^

day0 兩隻小丁叮合照

day1 全家福

day2 出院喇~

返屋企交豬喇~

太多野想記低, 不過趁丁叮未返, 要爭取時間訓多d喇!

等~~~寂寞到夜深~~~

咁就等左一日…就快12個鐘…下晝幾乎唔痛…老公由好緊張等到訓左…我都等到吽晒…
入黑…仲掙扎緊出唔出九龍好, 一係直接入院, 聽日edd佢應該會收我, 但係依家唔紅又唔痛…都係得個等字…
一係去老爺度, 入院快過屋企好多
一係繼續o係屋企等…過埋今晚再算, 但怕佢半夜黎料就呢hea…

有人叫我睇定d, 又有人叫我入院先穩陣d…今朝已經唸住痛多d密d或者紅d就入…點知只有疏d…

奇妙

尋晚食飽飽坐o係度睇電視唸, 當丁叮唔郁既時候, 其實有時會唔記得自己有左, 坐o係度自我感覺同未有前冇咩分別, 唔為意自己個肚已經有40寸半…有時仲會俾張檯hi親…只係訓覺時要搵一輪先搵o岩個舒服既姿勢訓, 十個月過去, 轉眼間就話要出世喇~ 可能呢2日就會黎到我地懷抱~

今朝起身有見紅少痛出現, 開頭有d規律, 之後又冇乜, 仲未識緊張, 只係好期待! 依家等痛多d先入院, 丁叮好乖, 果然係陣痛見紅先, 而且o係爹爹o係屋企時發生, 又係日頭唔駛媽媽咁呢hea~ 希望快d痛多d密d, 今晚我地一齊睇《當旺爸爸》~^~^

真的假的?

今日還是聽日呢? 唔通唔駛催生?

倒數三日

同特首選舉一齊倒數~

放左2個幾星期假, 呢幾日開始訓得唔係咁好, 夜晚會醒幾次, 多數都唔係急醒, 不過醒左可能會去個廁所, 唔知點解又咁多貨個喎…

雖然唔係好耐先訓得返, 但係就好似好多野唸, 唸唸下又訓著, 8, 9點又醒…朋友叫我有得訓好訓, 預左之後冇覺好訓, 不過我本身都係可以訓好少既人, 應該頂得順既, 以前試過星期一至四加埋都唔夠星期五訓得多…:p 依家唔係唔想訓, 不過又訓得唔係好舒服咁, 訓左晏覺又驚夜晚訓唔著

肚DUM已經40寸半, 有時坐o係度見眼訓, 訓低又唔知咩姿勢先舒服, 又起返身坐…

幾日冇出街, 老公趁最後機會返工前去打波, 打完波買送返黎, 我就每日o係屋企掃下地, 洗衫晾衫褶衫, 同肥豬洗耳(日日洗2次隻左耳洗左成個禮拜都係咁污糟…右耳每日洗一次終於乾淨喇), 焗包, 睇書, 睇戲, 煮飯, 上網, 時間都好快過~ 我從來都係一個人o係屋企都唔會悶o個隻, 咁快就hea左2個幾星期~

今日拎左本改名書出黎又唸下丁叮個名, 原本都有一個心水, 不過又唔心水得晒, 但有一個字我自己好想用, 同老公既心水又好似唔係好夾, 於是又再唸…都仲係未有一個好滿意既…

仲有3日就入院催生, 我唸體重控制應該可以達標~ 今日無啦啦輕左2磅(+18.xlbs), 如果可以keep多3日就perfect喇~^^

FW: 肚餓方餵奶 嬰智商較高

【明報專訊】英國首個有關餵奶與智商的研究發現，肚餓時才被餵奶的嬰兒，長大後的智商及成績，高過定時餵奶嬰兒。本港衛生署指遺傳是智商高低的最重要因素，並指該研究未能證實餵奶方式與智商有因果關係，但仍建議家長按嬰兒需要餵奶，毋須硬性定餵奶時間。

衛署：毋須硬性定餵奶時間
英國埃塞克斯（Essex）及牛津（Oxford）大學研究人員研究逾1萬名1990年代出生的嬰兒，結果發現肚餓才被餵奶的嬰兒，不論餵人奶或奶粉，8歲時的智商會較定時餵奶者高4、5分，在5、7、11及14歲所考的全國課程測驗，他們的成績亦較佳。
研究顯示，定時餵奶的母親多是較年輕、單身及教育程度較低，但分析時已控制可引起混餚的因素。研究結論指出，定時餵奶對母親的身心健康較佳，可有較多時間睡覺，但其子女長大後的智能及學業成績則較差。
研究結果刊載於醫學期刊European Journal of Public Health，負責研究的埃塞克斯社會及經濟研究學院的研究人員Maria Iacovou表示，這是首個有關餵奶時間的研究，但警告推論餵奶與智商的因果關係時要小心，當中的原理尚待研究。
本港衛生署回覆，遺傳因素是決定智商的最重要因素，但亦須後天環境配合，而影響智商的因素非常多，上述研究未能證實餵奶與智商有因果關係。該署建議按嬰兒需要餵奶，硬性餵奶時間是不需要的。
中大兒科學系教授韓錦倫認為，家長教育及經濟背景會影響兒童智商，需去除這些因素的影響，才可作推論。他認為吃人奶的嬰兒可按需要餵奶，而吃奶粉的嬰兒則可定時餵奶，不應每當嬰兒哭時，即以為他肚餓及馬上餵奶，否則可能過量餵奶，導致過胖。

催生

話說上星期廣華覆診, 醫生話呢個星期未生就返黎約催生, 尋日再覆診, 約我22號!!? 心唸咁快??? 我廣華既EDD係24號喎~~於是問醫生:「唔係通常過左先催既咩?」醫生話:「好呀咁約遲幾日啦, 冇咩所謂, 我驚你放得耐悶咪早D生囉~」@@ 姑娘就話要睇返醫生D期, 呢個姑娘好好, 已經見左好多次, 結果約左25號入院, 26號催~~ 突然變得好快! 仲有唔夠一星期就入院!! 如果丁叮呢幾日仲未想出黎的話~

其實黎到38W幾都仲未有其他媽媽講既恥骨痛, 同之前感覺差唔多, 呼叫暢順左, 冇再透唔倒氣, 上樓梯都冇氣喘, 係早幾日無啦啦肚痛, 我又唔係好識分喎, 第一日屙左幾次, 之後幾日都有D似痛非痛, 又好似痛痛地, 但係又冇屙, 都係好正常既便便…都唔知係咩痛又唔知點解, 問過醫生就話唔係成個子宮痛, 又冇收縮就唔係陣痛, 呢2日又咩都冇lu~

有左入院期之後覺得佢可能都未想出黎住~ 原本約左佢星期一覆診時黎料, 睇完一件頭, 19號又係我地既紀念日, 不過原來呢日唔o岩丁叮心水~~ 究竟佢揀左幾時呢~? 25號入院, 應該等唔倒31lu~ 估計26, 27出世~丁叮你鍾意呢2日呀~?

早幾日覺得佢郁得細力左都有少少擔心, 問醫生醫生就話有郁就得, 大力細力好難講, 呢幾日又明顯返~ 我又放心返~^^

9個月開始肚臍凸了…呢幾日肚臍周圍仲掂倒都痛, 可能皮膚太繃緊了…

仲有5日就入院, 最好入院就黎料~~快快出黎同我地見面啦~^3^

雖然經過十個月, 但仲係覺得好神奇, 好奇妙, 就快做媽媽喇, 好不可思議, 好感動…T^T



仲有就係, 就黎可以食雞蛋仔同蛋撻喇~~~XD 叫左老公買黎醫院探我~~~丁叮飲雞蛋仔蛋撻奶奶好冇呀~^333^

我已剪短我的髮~~~

一路都有人問我會唔會剪頭髮? 幾時剪頭髮~? 我都話唔剪呀~ 扎起佢咪得囉~ 估唔到唔剪唔剪, 一剪剪到咁短~~~

話說之前一路唸住生完坐完月就電曲之前做左負離子O個D, 本身自然鬈, 已經有十個月冇負, 唔駛電髮根, 點知早排睇書話餵奶都唔好電…要電就生之前電…老公當然唔贊成啦~即係有排都冇得搞…我究竟仲要忍受上曲下直到幾時…

早幾日訓醒冇咩做, 悶悶地見D頭髮好厚下就去廁所剪剪佢啦, 一心唸住剪到膊頭, 洗濕都OK, 但係一開始乾就唔掂…乾晒簡直係完全唔掂…入面同上面曲出面同下面直…鬆到小丸子咁…喇喇臨扎住佢…第二日已經頂唔順要再剪…實在太核突…

今次一剪剪到短短…十年冇試過咁短…一向麻麻地短曲髮…不過為左剪晒D直既惟有咁…如果舊年5月唔負多次…起碼有多半年既長度…算啦有D新鮮感都好~ 不過睇左幾日都唔慣, 反而老公好似冇乜野, 話幾好睇, 同埋唔覺個頭大左…我就成日照親鏡都左搞右搞…硬係睇唔順眼, 終於頭先再揮刀, 今次剪多少少左邊等佢冇咁拱…終於敢出黎見人喇…

依家洗頭真係超快乾! 以前吹都要成個鐘…又長又厚…抹完又係咁滴水…依家完全冇呢D問題~唸起之後修身做運動都覺得爽~^^

38w

今次可能係最後一次去私家覆診喇~ 第一次完全唔駛等, 去到第一個就入得~正~! 仲照左好耐~~

醫生話應該冇咁快出世, 不過我聽日返廣華約催生喇~ 醫生話有糖尿一般會比較小心, 唔俾過期居留, 不過上次廣華就話size唔太大都唔駛提早生, 我估最遲應該係edd之後7日, 廣華計3月24日即係31日應該會催生喇~

今次比起2星期前丁叮大左3百幾克, 之前34-36w又係大左3百幾克, 細左2星期, 不過已經過6磅喇~ 我目標都係6磅半~ 如果度得準的話我收貨喇~^^

原本約左丁叮睇完一健頭之後返廣華覆診就出世~ 聽醫生咁講可能冇咁快呢:p 其實我唔係太心急, 雖然放左2星期假, 不過只要丁叮健康, 佢想幾時出世我都冇所謂~ 當然好期待快d見倒佢抱住佢, 睇下佢個豬樣, 聽下佢把聲~ 今日照佢比上次再豬左d…爹爹話愈來愈似我…好快就知佢咩咩樣喇~^^

FW: 通草奶

通草奶
------
食人奶長大的BB，身體健康，少染疾病。婦女產後，體虛兼缺乳汁，可飲用通草奶補血氣。增乳汁，做個快樂媽咪。

材料 ：
　通草　3錢 (我每次用手拿一撮, 我估我落得少過三錢)
　鮮奶　1杯
調味料 ：
　白糖　1茶匙(撥平匙面)

(1) 先將通草內的雜質揀去。
(2) 用水洗淨通草。
(3) 將鮮奶放入煲中，加入通草煮滾，再放入白糖即成。

通草奶
通草奶製作簡單方便，即可補氣血、增乳汁，又可當日常飲料飲用，一舉兩得。

通草在藥材舖有售，每兩3元。(不過農曆年前我家附近的藥材舖加價至8元一兩!!!)

足月了~^.^

廣華計的預產期上星期便足月了~ 但我一直以私家的預產期為準~今天都足37周了~^0^
由現在起丁叮便可能隨時出世~ 未知他選好日子了沒?

放了一星期假, 沒有想像中無所事事, 滿充實的~ 洗洗褶褶的, 間中跟朋友小聚, 煮煮飯,
掃掃地~ 又一天~ 每天睡上11, 12個小時~ 這兩天似乎還少了呼吸困難, 上樓梯氣喘等問題, 是丁叮又落了一點嗎?

心情還沒有開始緊張,
只是充滿期待!^^

每天望著大肚子會心微笑, 早兩天還說想你早一點出世, 媽媽不用戒口不用腰痛, 老公說: 「得返2, 3星期陀咋~」^^ 真的很快啊~ 不用多久你便從我的肚子走到我的懷抱。

昨晚第一次給你踢醒! 皺皺眉ss聲, 爹爹很緊張的慰問, 朦朧間我還捉爸爸的手摸摸你踢我的小腳~ 爹爹叫你要乖乖早點睡不要弄醒媽媽, 然後給你唱主題曲丁叮歌~我又沉沉睡去… ^^

恭 喜！妳的懷孕現在可算得上是足周了！這表示妳的寶寶已經發育到可以離開子宮生活了。此時寶寶的重量可能比六磅多一些些，身高大約 19 到 20 吋左右。如果妳有先兆子癇（preeclampsia），本周妳的醫生可能會建議催產。大部分的寶寶在出生時已經有頭髮了，長度大約在 1/2” 到 1 1/2”之間。但如果寶寶頭髮的顏色和妳不一樣也別太驚訝。當然，也有些寶寶看起來幾乎像個禿頭或是只有稀疏的幾根毛。 本周妳的身體 夜裡睡個好覺 為什麼我的醫生想要每個星期和我會面？ 剖腹產 請人安裝寶寶的汽車座椅 妳會給所有孕婦的一個生產準備訣竅是什麼？ 如何幫寶寶換尿片? 該怎麼樣新生寶寶洗澡呢? 如何預防紅屁股？

想要舒適到可以在夜裡睡得好可能比任何時候都要難。研究顯示懷孕後期的睡眠品質比以前任何時候都來得糟。（不過一旦寶寶出生後，妳或許會深情地回顧這段時期。） 妳現在可能有更多的假子宮收縮現象，它們可能持續更長，讓妳更不舒服。有時 – 當收縮的頻率增加時 – 妳可能以為妳要生了。妳或許也會注意到陰部的黏液分泌物增加了。如果妳看到「見紅」（黏液栓子混雜微量血液），或許分娩就在眼前了！（如果妳有其他污漬或 流血的現象，請立刻打電話給妳的醫生。）

夜裡無法感到舒適嗎？試試這些方法： 把枕頭塞到兩腿之間和背後。 試著以半坐的姿勢睡覺，用幾個枕頭墊在頭後面或睡在調整式躺椅上。 如果夜裡得去好幾趟洗手間剝奪了妳的睡眠時間，下午或傍晚減少液體攝取量。 穿著胸罩或孕婦帶給胸部、肚子及背部額外的支撐。

第二階段清胎毒

踏入九個月, 終於實行第二階段清胎毒~

36w當日早上就煲左白蓮鬚+葡萄乾, 聽講後者飲左阿B唔會黃~各買左一兩, 分4次煲, 可能加左葡萄乾既關係, 唔駛落糖都甜甜地, 完全唔難飲~



尋晚煲埋綠豆沙~ 一大煲落左1/3片片糖, 都幾淡:P

九月

轉眼黎到九個月(仲過左幾日),好快就足月喇~

產假放左幾日, 臨放假前幾日開始食飽就眼訓, 都訓左2日晏覺, 不過呢幾日又好似冇特別眼訓, 可能訓晏左, 夜晚有時玩draw something玩到12點幾1點~

尋晚12點訓到今朝11點, 估唔到下晏又眼訓…訓左3個幾鐘晏覺…臨訓前搵野食, 食完包包就狂烚菜菜子~~ 食飽就訓…訓飽起身又夠鐘煮飯…真正食飽就訓, 訓飽就食既日子…^^"

踏入9個月個人好似易攰左, 不過少出街, 反而冇帶托腹帶

早幾日肚臍下面隱約見倒幾條唔想見倒既野…同埋中線終於出現了~ 32w影相時明明都只係毛毛~ 好在冇痕, 只要唔好惡化, 其實都冇咩所謂~

依家訓覺腰有點唔舒服, 要搵一輪姿勢先訓倒, 好在都好快訓著, 半夜間中要起1, 2次身去廁所, 好在去完就訓得返~

呼吸困難好似改善左, 其餘不適依然未有出現, 便祕, 水腫, 抽筋, 已經冇搵我, 唔知同我食得多菜飲得多水有冇關, 之前日食2斤菜, 依家我懷疑唔只:p 水就盡量keep住每日3次600-700ml

放左幾日假, 得閒就落街行下, 前日拖住車仔行落街市買送, 買完搭返車上黎, 咁就2個鐘~

上次私家覆診丁叮變左細BB, 不過醫生話唔係鬥大, 依家咁o岩咯喎, 大先唔好, 廣華醫生度完就話唔太大唔太細, 順產應該好易生~ 可能因為咁, 尋晚發夢好快就生左, 生完又冇咩惡露, 第二日仲問老公係咪真係生左…XD

開頭見倒佢咁細粒都有d唔開心, 唸緊駛唔駛谷下佢~ 不過老公話我醫生都話冇問題唔好俾壓力丁叮~ 唔知呢排訓多左係咪真係有幫助呢? 不過我唔開心左大半日之後都冇放o係心lu~ 總之夠5磅唔駛留院就ok啦~ 基因除左影響bb身高體重之外(我地2個都唔係細粒), 亦影響佢發育既年齡(老公中三先開始高, 之前一路都排頭3位), 我相信丁叮都唔會太細粒既~我屋企都冇咩邊個細粒, 男仔都係高大d好~~

拎左2個奶泵出黎烚, 依家同奶樽一樣入左密實袋, 跟住再入膠箱, 再入雪櫃~~ 同埋試用左2個泵, 唔知係咪呢個原因, 尋晚夢見完生仔之後, 去完廁所再訓, 夢見泵奶~ 仲要泵倒好多XD已經第二次夢見泵倒好多奶喇XDDDD

早2日出太陽, 喇喇臨洗左2SET 床圍~ 依家已經入返袋~ 衫仔都洗得7788, 剩返大個Do個d未洗~

再過3日就足月喇~(廣華計其實已經足月)希望丁仔聽聽話話見紅先唔好等我地咁呢hea知道嘛~ 有一位324媽媽既囡囡已經出世喇~不過佢捱左廿幾個鐘, 丁仔你要乖乖地唔好要媽媽痛咁耐呀~ 其實依家仲未識緊張~ 預感大約38-39周倒出世, 仲有2星期~~ 發夢夢見過幾個日子, 自己又有幾個心水日子, 唔知中唔中呢XD



繼續39'@36W, 體重增加18-19lbs

夢見．307

又夢見丁叮出左世~~XD仲要極易生~ 生完第二日唔肯定自己係咪生左, 仲問返老公~~ 老公話37W3出世喎~6磅~~跟住轉頭又夢見泵奶好成功XD

最後一日

今日係最後一日返工, 聽日就開始放產假喇~ 早2星期甚至一個月已經有d唔捨得, 但係黎到最後一個星期反而期待居多~

記得上次離開舊公司係出發去honeymoon同一日, 周圍同同事影相, 影下個環境咁, 不過之後一次都冇返過去, 可能因為上次唔係自願走既, 返去都冇意思, 只有同幾個較熟既舊同學聯絡, 主要都係o係fb, 見面次數唔多。

到左今次, 係我自己決定要離開, 呢度都好多好好人既同事, 同我交流懷孕同育兒既心得, 2位副校都好好, 尤其有一位剛剛生完小朋友, 好照顧我, 成日叫我唔好舉手, 慢慢行, 頭先仲同我分享見紅穿水等經驗, 亦送左份禮物俾丁叮, 仲叫我生左記得sms佢同大家報喜, 真係好感謝佢。

原本有一位同事同我差唔多日子預產, 奈何因為一件小事嬲左我2個月, 我最近先知咩事, 同佢道左歉, 叫做講和, 不過已經冇兩句…

呢2個星期慢慢執野返屋企, 再過唔夠3個鐘就要離開喇, 打算12朝過後叫老公送d薑醋黎, 有時間既話希望可以整d cupcake返黎向大家道謝。

o係呢度年半既時間, 多謝大家照顧。



離開左呢度, 除左準備展開我既湊仔生涯, 亦係另一項事業既新開始~ 當年婚後失業, 未搵呢份工之前開左happinesskingdom網上店, 黎緊因著湊仔呢個契機，終於有機會實行全職整餅(+湊B) 希望能夠有時間設計更多種類既產品，開托暑假同小朋友既市場，呢幾日都有若干查詢，希望一切順利。^^

唔知丁叮選擇幾多號出世，o係佢正式黎到我地屋企之前，好好享受餘下既閒暇，享受下最後既二人世界，享受下老公返工後一個人既平靜。相信唔駛一個月，丁叮就會降臨，四月忙碌既坐月生涯過後，迎接五月既新挑戰～

情緒失控

早排出過一篇名為「風涼話」既網誌，其實自己知道係好少事，不過就好受刺激，好炆，仲喊；剛過去既星期一又有類似既事件發生，同樣係好少事鬧到好大，我仲除左件羽絨掉左o係酒樓（當晚著住羽絨等車都覺凍，之後可能太激氣，唔著褸行返同一條路完全唔凍），一支箭標左返屋企，估唔到事隔幾日，又再為同一件事嘈，情緒又好波動，又喊…老公抱抱，原來已經唔喊，摸摸丁叮，眼淚又流落黎…o個刻只係想喊，已經唔關之前同阿媽嘈既內容。或者內容已經唔係重點，只怕坐月成個月對住阿媽，唔知又有ｄ咩刺激倒我，又會失控…引發產後抑鬱，情況可大可小…

原本想請陪月，阿媽話佢廿四小時唔好過陪月o個八個鐘？仲有唔夠一個月就生，相信到時已經冇事，不過唔知會唔會有咩新衝擊；尋晚唸，如果阿媽唔同我坐月，或者比到時o係度激我還好，最多冇人幫我補身，好過情緒再受刺激…我相信初為人母，心情愉快比坐月補身重要。

返埋今日就放假喇，但係成個星期心情都唔好，係天氣問題？阿媽問題？

好彩有老公o係身邊，同埋嘈吵既對象唔係佢…喊既時候有人抱抱安慰

老公話今晚出去食飯慶祝last day，開開心心迎接悠長假期～^^