忙碌的婚後生活

點解會忙左呢? 明明婚前都係要自己洗衫洗碗煮飯打掃執屋，依家仲多左老公間中幫忙洗碗拖地洗衫褶衫。

可能係因為轉左工。以前放四點半，返到屋企都係五點，依家放五、六點，買埋送返到屋企已經七點。坐一陣，煮好飯老公已經返到。就係差左呢兩個鐘，冇時間跑步…

以前放工游埋水返黎先七點，依家零運動已經七點…

九點幾食飯，食完已經十點幾，上陣網，沖涼訓得已經十二點幾一點…又俾藉口自己唔做運動…

 

星期日o係屋企執屋打掃，夜晚去老爺度食飯。有時星期日去左街，星期一晚先打掃，仲要食完飯先開工，執完已經十一、二點，又訓得。

如果o個個星期有order，放工就可能唔買送，叫老公買外賣，或者買ｄ簡單野，襯焗緊蛋糕／馬卡龍攤緊焗緊既時候快快手煮好送。通常七點開工，整到一兩點，第二朝六點幾又起身返工。有時有ｄ大order要整幾日，咁就每一日都由六點幾忙到半夜兩點。

 

呢排得閒ｄ，夜晚可以做下自己野，唸住點都要做下運動，點知未放工已經天黑…又唔想出去跑。唯一唸倒最佳時間就係返工前去跑，今朝較左鬧鐘五點十起身，結果都係訓返…

今晚打算去買定三日送，放工有好抵買既菜，夠食幾日，跟住買定幾份肉o係雪櫃，咁就唔駛晚晚行過去買送，買送o個度又成日等唔倒車…搞到我去多左超市買…唔抵…

買定送之後，有時間先去跑，冇時間我唸都應該踩下stepper，雖然功效同跑步差好遠又傷膝，但點都要做返下運動。

 

婚前講過減完都要keep住一星期三次帶氧，為keep fit好，為健康都應該。結果結婚幾個月加埋唔知有冇十次。

 

成日都話，時間係抽出黎既je，咩叫冇時間！