星期日出席左一場特別既婚禮, 第一次參加bridal shower, 第一次o係香港住酒店, 第一次參加lunch buffet既wedding party~不過呢d都唔係我想分享既野。
d相同片都未過機, 出呢篇blog係想分享一下我既感受。
o岩o岩睇完一次自己當日為佢地拍既片, 再一次眼濕濕。其實以往出席朋友既婚禮都好容易眼濕濕, o係佢地講野既時候，宣誓既時候，見倒新娘子喊我又會跟住眼濕濕，而呢一位新娘子，我地都預左佢一定會喊，而佢自己亦多次預告XD所以當日見倒佢喊一D都唔驚奇，仲喊左至少三次！第一次係一開口就喊，誓詞都冇讀，就一句「我都好愛你！」跟住攬住新郎，已經好足夠。（佢地之前已經註冊左）
佢地相識十八年，當中分過一次手，再一齊之後都已經十一年，尋日正正係佢地既十一周年紀念。
佢地既一位相識十八年好友上台分享，話睇住佢地由暗戀，交往，嗌交，到後來學識互相尊重，睇住佢地成長，到依家共偕連理。睇見佢地由心而發既愛，一句「我都好愛你」深深感動左我。
新郎為新娘準備既驚喜好特別，原來新娘一直拎住既花球，係新郎早一日去花墟買花自己扎！影相之後自己整slide show, 配上歌詞好好既音樂，眼淺既新娘有咩可能唔喊！佢話：雖然你唔係浪漫既人，但我知道你一直對我好好，好錫我咁已經足夠，估唔到你會咁花心思。好多謝你！
一番肺腑之言，喊住都講得咁清楚真係好難得！我唔喊都講唔出咁真情既表白：Ｐ一對相識十多年既戀人要相敬如賓咁講「好多謝你！」亦屬難得！
好多謝你讓我參與呢一場咁感人既婚禮，見證兩位一個咁重要既時刻！
祝你地恩愛白頭，幸福美滿~ ^^
過幾日就係我地見面一周年紀念！能夠認識你真係好幸運！
咁多人錫你咁多人令你開心係你應得架！
當日相片:山窿大日子
F
ReplyDelete