一周年行程

一年前~囍字在家門前飄揚~~~~陽光普照的一天~~~^~^

仲有2日就到喇, 仲未決定倒行程。

呢幾日都間中有雨, 照2手準備先~

plan A 海灘

初頭想去南丫島, 某年老公生日我地就係去左南丫島游水, o個日係平日, 咁o岩可以攞假, 個灘冇咩人, 好正~~ o岩先醒起, 原來我地一齊冇耐佢第一次帶我去海灘又係南丫島~o個次仲係我第一次去~~當日d相係用菲林機影~依家仲貼左張相版o係書檯~^^

早2日見阿shan話去石澳, 唸起冇同老公去過, 我自己都有廿幾年冇去:p 細個阿媽成日晨早摷醒我去…出太陽就走, 佢怕出斑…石澳都可以係一個選擇, 不過好似唔夠南丫島有意思~
差D醒唔起…石澳係我地影第一輯pre-wedding既地方^^" 可以去行返o個個石灘~~~

1. tst映月樓飲茶, 不過父親節, 唔知難唔難攞位呢?

舊年註冊後開左2圍, 預早訂位, 我就著住婚紗o係大廳飲茶XD不過今年得2位…唔知有冇得訂呢?

有唸過去鴻星食想食好耐既企鵝仔點心, 不過呢一日去返映月樓又好似有意思d, 舊年老公咩都食唔倒, 我又唔記得食過d咩, 所以都想再去~印象中好似幾好味~

2. 文化中心影相~ hehe 都係回味619既活動~

3a. 搭船過中環, 再過南丫島~
3b. 搭地鐵過筲箕灣, 再過石澳~

不過游水咁攰, 唔知之後仲去唔去倒cafe呢?

plan B art jamming

1, 2同上

3. 搭車過牛棚 (上一篇做左d功課, 老公揀左牛棚, 佢話冇人教都唔緊要喎, 自己玩下, 但我見有d人畫到好似廣告彩咁…我唔想呀…唔知畫唔畫得掂呢…零接觸呀…不過老公就好似有玩過) 今晚搵下有咩相帶去畫先~!

4. ease house cafe

繼續回味之旅~~舊年飲完茶就過cafe~我就繼續食食食~我當時話我可能係最食得既新娘XD

跟住7點又過酒樓食飯…^^"

今次cafe應該係我地既晚餐喇, 希望冇俾人包場啦~如果唔係就轉戰迎囍~都係舊年619既酒樓~可惜老公食唔倒乳豬同龍蝦伊麵喇…^^"

睇返一年前d相, 最大分別係, 2個都肥左好多…XD老公當時腸胃炎左幾日, 瘦左幾磅, 第二日同佢去街影D相真係勁瘦呀…好似我識佢o個時咁…我就減左好耐肥, bd當日已經肥返d…嫁左之後一路都唔敢減, 又懶…肥左十幾磅…T_T依家開始跑返步喇:P