繼舊年聖誕o係屋企整過一次8寸紐約芝士蛋糕之後，呢個模第一次用！仲要第一次帶個８寸既蛋糕出街，原來係咁重…
新同事Flora點名要芒果蛋糕，星期二就唸住早ｄ去街市買定幾個芒果返黎aou到佢起梅花點啦，點知居然搵唔倒，成個街市得２檔有大芒果賣…咁都買定一個做後備；又見blog友阿B話好難先買倒芒果，都打定輸數唸住轉呔架喇…星期三再去街市終於見倒小芒果，不過成十蚊個@@點知又俾同事搵倒佢樓下間百佳有，仲好平只要$3.9就有一個，幫我買左３個，而且仲好甜好芒果～^0^(士多啤梨又係差d買唔倒…惠康冇晒…要行到百佳先有，不過得3x蚊一盒大大盒o個d, 仲見倒有紅莓黑莓特價, 不過揀左士多啤梨, 有剩可以留返整其他野，唔知急凍左佢得唔得呢？）
買倒芒果之後就唸下要點整喇, 今次想學人整個蛋糕圍邊，本來想整斜紋，一行朱古力一行原味咁既，不過又費事麻煩，改為整雲石面，用左戚風譜，不過又硬左ｄ，好易斷（唔知係咪個爐問題，麵包又係硬，其實可能佢夠熱，不過我又走去加溫所以硬？）
見倒啫喱夾心咁靚當然要試下啦～而且係一開始就整左啫喱等佢有時間雪硬，跟住先整蛋糕邊，再黎就係芒果芝士餡。我自行加多左20g芒果茸，減返5g水(原本魚膠粉水既比例係10g:60g，但之後聽講話１：６係o係屋企食唔帶出街切所以一路都唔敢，只用1:4，但又覺得太重魚膠味同唔滑，今次用返１：６又凝固個樣又滑喎～不過唔知食落o唔ok
其實考慮左好耐整芒果mousse好定cheese好，想試下乳酪又唔知同芝士夾唔夾，又驚芝士味太搶，唸過買馬ｃ卡邦芝士，不過附近又冇得賣，結果見呢個譜咁得就跟佢同用芝士乳酪（整o個時先知落左乳酪唔駛再落whipping, 幾方便唔駛打:p）
再黎就到裝飾。本來唸住整個鏡面上之再整d芒果粒同士多啤梨粒，點知…黎到呢一步就出事喇T口T||| 人地冇蛋糕邊緊係可以就咁倒Djelly水o係面等佢凝固，我有上次朱古力淋面俾蛋糕索晒既經驗…今次再犯啫喱水俾蛋糕索晒既毛病T口T 唔得你死呀……… 唸過掃一層朱古力o係蛋糕邊再上多次jelly水，不過ｄ朱古力整極都唔滑一patpat咁…掃唔倒…放棄鏡面… (都驚太甜…d蛋糕已經俾我搞到好甜…) 切左高出既蛋糕邊之後改為鋪上芒果片。本來都唸過呢種裝飾，不過覺得麻麻地靚，點知依家都係要用…好在仲有1個後備芒果…(不過唔同品種唔同味...T.T) 切到鬼死咁厚…=口=
cup左d芒果星星(見blog友既芒果心心咁靚又學下) 加埋d士多啤梨裝飾，少少金箔銀珠同三片薄荷葉，大功告成～
為食貓食譜 芒果喱夾心鏡面蛋糕
餅底材料( 6”圓形蛋糕份量）<<<我個餡大約6.5-7寸
Chips Aloy / 消化餅 100克 <<<改為10塊消化麥餅
溶化牛油 40克 <<60g
芒果肉切條 適量 <<冇
餡料：
忌廉芝士 250克
砂糖 70克
原味乳酪 1杯(150克)
芒果茸 80克 <<<改為100g
魚膠片 10克
水 60克 <<<改為55g
芒果啫喱夾心材料:
芒果jelly粉 30克
魚膠粉 1克
熱水 90克
芒果肉 切條 半個 <<<大半個切粒
鏡面裝飾材料:
芒果茸 適量
芒果jelly粉 25克 <<<30g= =
魚膠粉 1克
熱水 50克 <<<90g= =
1. 芒果”啫哩”(jelly)夾心 :
在一個4”的圓形”批或撻”模(改為6寸蛋糕圓模內鋪保鮮紙)內放入芒果條(粒)備用，再將芒果jelly粉、魚膠粉、熱水放在碗內隔水加熱至溶化，倒入放了芒果條的模內，稍涼後放雪櫃內凝固備用。
2. 餅底 :
餅乾弄碎加牛油混合後放入模內壓成餅底放雪櫃備用。
3. 餡料 :
忌廉芝士加糖攪拌至軟滑狀，順序慢慢加入原味乳酪、芒果茸及已隔水加熱溶化的魚膠水拌勻。
4. 組合 :
a. 在餅底上鋪上芒果條(粒)，
倒入一半芒果忌廉芝士液，再將己凝固了的芒果jelly夾心放在中間， 
再將餘下的芒果忌廉芝士液倒下。 (預留1-2mm的高度做鏡面)
b. 將裝飾用的芒果茸放在餅面上畫出裝飾花紋，便將蛋糕放入雪櫃雪至凝固。（我沒有畫花，雪更後鋪上芒果士多啤梨粒）
5. 鏡面裝飾 :
芒果jelly粉、魚膠粉、熱水放在碗內隔水加熱至溶化, 待涼後便小心倒在已凝固的蛋糕上, 再放雪櫃凝固，脫模後便可裝飾。（失敗了…被蛋糕吸收了…）
如果個蛋糕邊唔得…中間個芝士蛋糕都應該ｏｋ既，大過６寸架～可以唔食條邊都得…^^" 今朝聽同事話jelly會雪硬家嘛, 最多甜dje… @口@ 係喎！會硬個喎…真係唔知會變成點喇=口=|||
(除左JELLY水事件之外仲有一單烏龍野…就係戚風蛋糕打蛋白o個陣一次過加晒d糖落去=口= 發瘟咯…都打定輸數要倒架喇, 又打得起喎*0*)
後記：我尋晚發夢食左@@仲要食左先醒起係今日生日會食既…但已經半夜點幾…點算!? 好在只係夢jeXD
本來仲話想整pizza, 好在計過條數呢個蛋糕應該要整幾耐, 所以講左唔整pizza。5點幾6點開工, 9點整埋芒果芝士餡, 雪下等下裝飾下, 整完已經點幾…2點幾先訓… 希望個蛋糕ok啦…
同事見倒都話好靚，切開更加驚喜^^
有4個問題分別有2個人問過
1. d芒果星形既點整架? 用曲奇模印
2. 士多啤梨點整架?用刀之字形界
3. 蛋糕邊d紋點整架?倒蛋糕糊落焗盆之後, 筆少少麵糊+可可粉溶液攪勻, 倒o係面再用竹簽畫出花紋之後焗熟圍邊
4. 中間djelly點整架?用一個6寸蛋糕模雪凍左jelly先之後夾o係中間
食評：大部分同事食唔出有咩問題, 主角話好香芝士味好o岩佢(好彩咋, 我都唔知佢鍾唔鍾意芝士) 又話似食緊芒果布甸~ 餅底我覺得太濕, 其實我整既消化餅底一向唔好味, 唔知咩份量先脆, 今次應該太多牛油。蛋糕邊索左jelly水之後原來係雪唔硬既, 都係一pat野咁…不過同事食唔出有問題，有ｄ就話冇蛋糕邊好ｄ^^" 我都係想試下呢個造型, 之後未必會再用。
