偷來的假期

等左幾年終於等倒喇!

記得o岩o岩拍拖冇耐就遇上八號風球, 當年我仲讀緊書, o係學校收倒消息之後即刻打俾佢, 之後大家喇喇臨返屋企(我屋企)。攤o係sofa睇碟睇電視睇雜誌, 好悠閒咁度過左一個下午。

唔知點解好記得呢一次, 好鍾意呢種感覺。好鍾意呢種日子。

雖然只係比平時早左少少放工, 不過感覺寧舍唔同, 特別爽XD 好似偷返黎既假期咁。

 

同年暑假又打風，呢次男友特別深刻，因為我地o個日book左船飛同酒店去澳門…哈哈…貴人出門招風雨…

亦係我第一次去澳門, 本來幾個人, 最後變成3個人去, 2個人返。

 

尋日同Flora開完生日會之後就收倒消息可以走人~yeah~^0^

本來唸過去唱K, 不過最後都係後左屋企

臨走之前唸住去百佳入貨, 上到去多人到丫~@@

居然俾我撞倒大學同學。

2年前o岩o岩返呢份工o個陣都撞過佢，當時佢o岩o岩生左BB, 尋日見倒佢架百佳車仔上面坐住個小朋友, 原來佢個仔已經咁大~*0* 「2歲喇~」問佢叫咩名佢媽媽答「Jason~告訴姐姐你叫Jason~」又問佢乖唔乖「你乖不乖~告訴姐姐你乖不乖~」佢一路都冇出聲, 只係笑^^ 好怕醜可愛~^^ 仲俾媽媽mit面珠仔>3<

佢地好得意, 之前佢同老公都係三語溝通, 依家同仔仔我唸都係XD 尋日就同佢講國語~

 

人太多既關係，傾左幾句就兩手空空返左歸。唸住冇野食都仲可以整青椒肉碎PIZZA(我忘記左屋企冇芝士=口=依家至醒起…不過都仲有腸仔包~)返到屋企見倒個地咁污糟, 於是開始執屋打掃拖地, 搞到一身汗, 洗完白白之後就開始HEA…hea左一晚外賣又嗌唔倒, 結果要佢煎鍋貼同6杯麵我食~^0^

 

雖然我只係早放左2個鐘多dd, 但係佢就差唔多一返到去食完晏就走得~早早入黎陪我 ^0^ 仲帶埋颱風儲備叮叮點心同鍋貼XD