工聯報名．再闖書城

今年第三次北上, 每次同老豆食完飯就去行書城, 今次連踩2場, 不過都係之前o個2個, 始終冇去返最有歷史o個個。幾年前去過一次, 唔知依家變成點? 就o係萬象城隔離, 不過同事話唔好行, 所以都係去返購書中心。

本來一早去報工聯, 9:30接受報名, 唸住9點倒去排隊, 遲左少少9:25倒先去到, 張籌居然去到100號!(係正正100號咁鬼靚…= =) 叫我10:45再返黎…=口= 我仲約左同事10點北上…結果即刻打俾佢地話我要11點倒先得…嗚…都唔知返唔返屋企好, 行返去再行返黎就一個鐘…Amy仲話o岩晒當做運動=0= 玩咩…成身汗>< 好在有同事落黎陪我食早餐~食完都差唔多可以返去~大約10點幾11點先到我~不過咁晏都報倒已經極之開心~^0^amy同佢d fd都報倒~好~開~心~ 唔知charmaine報唔報倒呢~>0<

結果11點3至出發, 去到大約12點幾, 首站去左少年宮先, 呢個我新年o個時去過, 同事未黎過所以黎下, 不過同事話呢度細同埋分類唔清析, 我今次先知原來有2層, 2次都冇落下面賣電腦同兒童書藉o個層。o係呢度買左成十本食譜~~~收穫豐富, 不過佢地好快行晒~我都冇睇cd琴譜(第一次就買好多琴譜, 不過只係彈過一次…)

3點幾轉戰科學館站, 行左一圈o個度個新商場, 冇咩睇, 不過上左樓上

Shakey's Pizza食野~o係購書中心買左2隻減肥DVD、2套劇、1套戲同一本湯種麵包食譜~(睇黎我都要買溫度計)

《人間四月天》係因為劉若英而想睇, 原來仲有周迅、伊能靜同黃磊, 即買! 最驚喜係居然俾我發現左《夢裡花落知多少》原來出左碟!! 24集劇集, 雖然D人一個都唔識XD 不過我因為呢本書鍾意睇郭敬明(依家睇緊佢既《悲傷逆流成河》), 見倒碟點可以唔買! ^0^(希望好睇啦~~)

離開既時候已經8點~搭地鐵去老街站再行左大約半個鐘, 去

圓悅食飯, 到十點幾返香港~

好鍾意返深圳, 每次都好有旅行feel~\^0^/好似去左台灣咁XD

今日好開心~報倒麵包班又去左旅行~哇卡卡卡~仲買倒夢裡花落知多少~^0^V

返到黎香港已經11點幾~足足去左12個鐘!@0@