內有乾坤青蘋果熱情果慕絲蛋糕 for 八月之星

又話整綠茶蛋糕既?@@點解一d都唔似既?

蛋糕底

為左照顧鍾意食綠茶同唔食綠茶既朋友~今次整左2個海綿蛋糕底~^0^ 一個原味, 一個綠茶味~打直一開二~你見倒圖中既蛋糕, 有生果O個邊係原味, 冇生果O個邊係綠茶味~

用左餅神

vanlily個全蛋法海綿蛋糕譜整左個綠茶味, 不過整出黎得3.5cm高(佢有4.5cm)同埋個面比較濕…問題出o係邊呢?雪左一晚先用唸住收乾d, 個面又真係收得好乾喎…=0=

跟住今朝用返同想份量(唔加綠茶粉)用分蛋法整左個原味, 醒唔起蛋白要凍打…我同全蛋法一樣將d蛋放左落熱水度浸= =唔知係咪呢個原因, d蛋白打唔起, 倒左再打先得!(不過同樣係3.5cm高…)呢個娼左側邊@@2個都用左牛油紙圍邊。

慕絲餡

參考左小鈺既配搭, 用鮮揸青蘋果茸(+少少熱情果汁)+cream250ml(打起)+蛋黃x2(+40g糖打起)+(魚膠粉約13g+蘋果汁70g)。

先打cream, 雪起；打蛋黃；＋蘋果茸、＋cream、最後筆少少溝埋D魚膠粉水攪勻, 再加返入主mousse 餡fold勻，攪掂～

組合

６寸模，模底中間放２片剪細左既蛋糕片（一半綠茶一半原味），倒入mousse 餡至半滿，再加兩片蛋糕片，倒入剩餘mousse餡(就o係呢個時候出事喇…2片蛋糕浮起左=口=!!!!!)可能dmousse太水, 幾驚雪唔硬…好在都硬…不過個面就唔平…見倒2片蛋糕= =咁點呢…惟有加層jelly整平佢啦………好在屋企有急凍熱情果茸(其實係汁), 整左陣jelly o係面跟住再加生果, 痴埋前日整落既朱古力劍峰(好似係咁叫, 用之前o個個唔同架~~呢d長d瘦d架XD)點解D生果o係一邊呢?一來唔想同上次一模一樣~二來又想做個記認得自己認得邊邊係綠茶, 邊邊係原味, 三來係…o個邊dmousse面肉酸d…所以就o係上面加生果遮醜XD(生果浸過果醬, 因為有人唔食果膠, 我唸果醬易為人接受d, 效果又差唔多, 屋企又有~我用既係檸檬味~) 另一邊太單調, 加左D朱古力紋^^ 我覺得用黎o即o係蛋糕面既朱古力用真力反而滑d^.^

食評

其實一個６寸蛋糕１１個人分…每人分得ｄｄ…我都唔係好記得咩味…　只記得試食ｏ個陣ｄmousse好奶, 可能太多cream, 我第二次整mousse(一般都會加cheese做cheese cake)唔係好知既份量, 又驚冇左舊cheese體積會細好多…所以加得都幾多, 青蘋果味勁淡, 俾佢蓋過晒…完全冇人食得出XD係得kinki o係我開估後話又好似有少少XDDDD 蛋糕底都OK, YYCake話幾軟熟(定鬆軟?唔記得左:p)應該好過尋日o個個。

生日快樂呀~甜睡寶寶、YYCake、阿ying同kinki~(排名跟生日次序)