美食博覽2007

約左Amy, Tabby, Cherub(&fd)一齊去美食博覽, 幫我地影完相冇耐Cherub人多到頭痛同fd走先。(人多車多仲勁過書展…最慘係多c9…)

行緊入會場o個陣佢地話:「由蠍發起既齊齊減肥大行動已經變左齊齊增肥大行動!XDDDDD」

我地由右邊開始行, 沿途見倒好多人拎住食, 佢2個已經忍左好耐忍到黎到先買XD我呢杯係士多啤梨+水蜜桃(一律$20蚊杯, 所以唔好買d原價$15-$17架~)估唔到原來有3檔雪糕, 早知留肚試d特別d啦~不過阿波羅仲有榴槤乳酪$25, 幾得意, 不過榴槤同乳酪夾既咩?

最少有8年冇去過…只記得上次買左支生抽…所以都預左冇咩收穫, 估唔到又買左幾多野喎~(泡菜冇影)

第一樣買既係呢個芋頭酥, 成8蚊個, 居然係淋既…完全唔酥= =

臨走影返幅例景, 每次到會展都會影XD

行完之後雖然D野都幾重, 不過都去左灣仔二記~第一次去,果然係闊落好多~又入左百幾蚊貨, 黎緊又有幾個生日蛋糕要整~全日用左成500蚊!

晚餐有美味台灣腸腸~試食過幾間, 第一間黑橋牌最唔似…$10條, 3條$24, 細細條都幾貴, 肉質幾實下, 唔似台灣腸…第二檔好似$20/4條同埋$20/8條迷你腸, 試食過都幾似台灣食o個d於是買左$40未煎既做晚餐~(呢檔唔知叫咩名, 唔知香港有冇得賣呢??)臨走仲有檔叫安可既, $5/4條雞尾腸咁上下大, 有4隻款, $10包, 幾好味, 我又要左3包, 不過返去煎左一包黎食, 一比之下似返普通香腸, 最正係第二檔, 同佢買急凍都只係俾個紙袋我裝住…仲有雪梅娘買~有冇人知佢叫咩名?

返到大埔我仲特別走左去百佳買貴蒜頭(成$3.9/3個), 食台灣腸腸點可以冇生蒜頭! daddy仔仲話食台灣腸就好掛住台灣~

後記: 完全唔知仲有一層, 仲要係特別野…蝕晒=口= 見

wing7's blog