又病？

話說每年入秋都會病…舊年轉新工，11月同1月病左2次…跟住一路都冇事，終於到今年十月又黎…一喉嚨痛我就知咩事…痛左1, 2日就流鼻水，鼻塞…流眼水…跟住就咳喇…一如以往最少個幾２個星期先好…本來唸住唔睇醫生，點知半夜咳到訓唔倒就後悔喇，第二日放工走去睇，最終睇完都冇食過ｄ藥，比平時好少少，唔駛２個星期就好返喇。

點知好返２個星期倒，又喉嚨痛？？？不過今次感覺唔同，伴隨住牙肉痛，所以我覺得係熱氣，燒完野食之後又冇事咯喎XD跟住又痛過…到依家已經痛左成個禮拜，不過唔係十分嚴重，星期三起身流鼻水…跟住有Ｄ鼻塞…前晚訓覺又咳…不過尋晚又好似冇喎…尋日又眼水鼻水…今次睇怕唔駛睇醫生，食返上個月Ｄ藥都得…如果真係有需要的話…

其實呢２次病都冇特別辛苦，只係以上幾樣病徵，我唸今次都可以不藥而癒既～

抽筋

其實我同佢並唔陌生…小學見人抽筋，唔知咩黎，到左中學，佢終於黎搵我…最初係腳板腳趾抽筋，跟住到小腿，腳趾抽筋好易解決，只要將２隻腳趾分返開就冇事；小腿抽筋麻煩Ｄ…可能要伸返直，可能要按摩下，有時抽完自己唔知／唔記得，第二日返學時落樓梯痛痛地，就估倒尋晚發生咩事。

依家差唔多19W，15W試過連抽２日，跟住17W連抽3日，自此臨訓都會抽抽小腿筋或者按摩下，覆診問醫生，醫生反應係不以為然，「係咁個喎…」老公話佢個表情仲好似話：「你唔係咁都要問呀嘛…」我見人地冇咁早架嘛…

以前冬天特別易抽，唔知係咪早排凍，所以又黎…呢２晚熱返，熱醒左出晒汗…開冷氣訓，又抽…=.=
尋晚特別痛，拉左一陣，按摩下，今朝仲係痛…唔知著襪訓有冇幫助呢？但係我好熱喎…

有人話我血氣唔夠，飲紅棗水有幫助，我見拉筋好似幾有效，仲未試紅棗水，點知尋晚拉晒筋，做埋醫生教既運動，按摩埋都係抽…仲勁痛o個隻，睇黎係咪要試下呢？

大少

自18w後, 胎動密左強左, 尋日仲幾次令我有「哎呀」既衝動~~
我發覺坐同訓比較易feel倒, 行同企就唔多覺, 尤其當我坐到個肚有d屈住既時候, 頂得特別犀利, 好似o係度掙扎咁。
老公話「啊~~~原來你迫住佢~~袁家大少黎家嘛, 伸你一腳咪算少囉!」
哈哈~~
知道係仔，除左滿足我自己之外，袁丁叮亦係袁家第一個男孫，老公阿哥同佢一個疏堂表弟都係生女，我地係第三個孫，老爺一定好開心～^^

聽倒老公咁叫佢~我又好開心喎~~
尋日上網睇bb野, 見倒人地幫屋企既小公主添家具, 我地呢個唔係小公主, 叫小王子又有點怪, 原來佢係大少XD

雖然你係大少，都唔可以縱壞架～^.^

FW: 強生嬰兒洗頭水含致癌物

早排睇BK好多媽媽都用johnson baby's 既洗頭水沐浴露同bb沖涼, 仲話用落同其他貴牌子差唔多, 我都唸住用返呢隻唔駛煩架喇, 點解搞d咁既野…=.=


強生嬰兒洗頭水含致癌物 售中國「最毒」 北歐已改配方


【明報專訊】全球最大健康護理用品生產商強生，其傳統嬰兒洗頭水（Johnson's Baby Shampoo）兩年前被驗出含有可致癌物質，美國消費者組織近日再檢驗產品，發現於中國、美加、澳洲和印尼等地出售的嬰兒洗頭水，仍有該兩種物質，包括二惡烷及釋放甲醛的季銨鹽15，團體呼籲消費者抵制強生的嬰兒產品。強生承認產品含化學物質，正減少或逐步停用。

香港海關表示會了解跟進事件，若有需要會從市面抽取樣本測試。發言人稱，在市面出售供市民使用的消費品，包括嬰兒洗頭水，產品安全均受《消費品安全條例》及其附屬法例規管。在港銷售的強生產品，以及香港的強生網站，均未有介紹洗頭水所含的化學物。

強生﹕化學物含量安全

強生發言人承認產品含化學物質，正減少或逐步停用，但目前可釋放甲醛的防腐劑含量屬安全範圍內，並獲美國食品與藥物管理局及其他國家監管部門批准。強生說，會調整嬰兒產品配方，盡可能降低二惡烷含量。

美國消費者組織「安全化妝品運動聯盟」昨公布強生嬰兒產品調查報告，直指其嬰兒洗頭水中仍含致癌物。組織稱，2年半前已在強生嬰兒洗頭水中，發現致癌物質二惡烷及可季銨鹽15，當時已要求停用。近日化驗再顯示，中國、美加、印尼及澳洲等地出售的嬰兒洗頭水，仍含有這些有毒物質，相反丹麥、芬蘭等北歐國家、日本和英國等地，已調整洗頭水配方。

根據報告內的評分，在中國發售的強生洗頭水配方，以10分為「最有害」計，其釋出甲醛、苯甲醇指標分別高達10和6分，代表可能致癌和毒害神經。關注組已去信要求強生月中前公開承諾，在全球護理產品移除致癌化學物，信件由25個環保和醫療團體聯署，包括乳癌基金會、美國護士協會及地球之友等，代表全球350萬人。

學者：應標示化學物含量

港大化學系教授孫紅哲指出，二惡烷是洗頭水生產過程的副產品，而季銨鹽15屬防腐劑，釋放甲醛以防細菌滋生，兩種化學物質應盡可能不出現在嬰兒產品中，而有關公司亦應在產品包裝標示出化學物含量，因其劑量多少或會影響人體健康。

Aprica BB車(2012年新品)

睇左成朝BB車BLOG, 其實我主要都係睇APRICA
之前O係媽媽GROUP睇過好多人推介呢個牌子, 其中一款係上個月永安特價既波點款, 360度轉既車輪(好似話依家多數車都有), 雙向, 可以單手收車(只記得咁多…)唔記得咩型號, 不過只有波點…而男仔款仲只有大波點!!!>< 我見好多媽媽都鍾意波點…不過我就有點怕呢種圖案, 尤其深淺色對比強既組合…

(應該係呢款http://www.aprica.com.tw/seihinn2/stroller/laura_4wf_680/002.html, LAURA680)上次折實好似2千頭?)

上APRICA台灣官網見倒2012年新設計, 一款標榜50CM高, 一款標榜輕。
http://www.aprica.com.tw/event/111024/20111024.html

有媽媽話買車唔好太輕, 唔穩, 同事就話最緊要輕, 不過唔知3.6KG會唔會太輕?
呢款KQROON自稱輕得黎唔搖, 真係要試過至知…

有媽媽建議出左世之後先抱埋BB去試車, 到時可以睇下真身~又可以睇下阿B鍾唔鍾意~
http://www.aprica.com.tw/seihinn2/stroller/karoon/629_001.htm

話時話唔知香港有冇得賣呢? 到時咁新, 又會唔會好貴呢?

不過佢個樣又冇LAURA700咁靚仔, 呢款都多人買, 原價成4K幾, 7折都OK
呢個角度睇又真係幾貴婦…

http://www.aprica.com.tw/seihinn2/stroller/laura_4wf_700/002.html

仲有呢隻好似唔係咁多人講既710 http://www.aprica.com.tw/seihinn2/stroller/laura7104wf/002.html

控制飲食

睇住磅數節節上升, 都咪話唔驚…
本來一直都KEEP得幾好, 其實一向都大食既我, 唔減肥真係可以食好多野…食到老公都話我會唔會食左佢…呢幾個月都成日見餓…差唔多2個鐘就要食野…早餐8點幾食完, 10點幾勁餓…12點食飯, 4點幾又餓…依家好D, 5點幾先餓…有時放工5, 6點餓到返屋企前要食個tea…跟住9點幾同老公開飯…=0=

雖然大食到咁, 不過又冇咩重到, 所以我又繼續啦~ 最近終於黎料喇, 呢一個月重左3kg!  體重節節上升, 唔控制下唔得喇!!

阿媽就好反對節食, 話餓就要食架啦, 不過醫生都叫我食少d, o係未真正驗倒超標之前都係控制下好:p

一向唔鍾意甜食既我, 自從上次病完就好想食甜野…好在依家又回復正常, 阿媽話齋, 唔好食咁多澱粉質, 我唸會有幫助。其實我夜晚已經唔食飯架喇, 早餐食麥皮, 不過上個禮拜3個下午茶小食時間KO左一大包威化餅…=.= 真係要改變下食物既種類先得!

依家早餐繼續食麥皮, 晚餐繼續唔食飯, 不過lunch 盡可能帶飯, 可以控制少d飯, 次次食得多飯就肥, 呢幾個月踏入結婚旺季, 好多時都煮唔倒飯, 夜晚同晏晝都係食外賣, 尤其午餐個飯盒大大個, 我又食得晒…5點幾仲要餓…雖然我自己帶飯都唔會帶得少, 起碼可以多送少飯食多d菜~

好耐冇減過肥, 要設計下我既新餐單先~

早餐: 麥皮

午餐: 盡量帶飯多菜少飯

下午茶: 水果+奶

晚餐: 多菜

希望4餐搞掂唔餓啦~^^"

心想事成

尋日收倒最好既生日禮物^^ 依家唸起都仲忍唔住瞇瞇嘴笑 ^-----^

好耐之前已經想生仔, 係由宣萱一句說話引起, 佢話想生仔, 生個似老公既仔, 而且我係個醋罈, 生女我驚我會呷醋 ^^"
最近睇報紙話, 生女=爸爸再談一次戀愛, 生仔就係媽媽既另一次戀愛, 其實生女睇見佢lum爸爸我唸自己都會覺得好lum, 我咁愛既人(囡囡)得到爸爸咁錫我都會好心甜。但如果生仔, 又會唔會成為我既小情人呢~

自懷孕以黎一直好強烈覺得係仔, 同上次感覺好唔同, 同上一篇《仔女的疑惑》中提到最後一點母親的直覺好吻合, 毫無因由地就是覺得! ^^ 老公都咁覺得, 而尋日去照時, 醫生出其不已咁話「仔黎既」老公話佢當日好強烈覺得係仔, 所以聽倒冇咩反應, 佢d直覺有時係幾準, 反而我本身一向都冇咩直覺, 除左o係呢樣野上~

尋日好夜先吹蠟燭許願, 原本都想好冇照之前搵件餅許左先, 不過都係覺得健康最緊要, 仔女其實唔係咁大所謂, 我點都會錫, 但當知道係仔時, 嘴角又不禁含笑, 我都唔知點解會咁開心~^^ 我落lift時問老公有咩感覺, 佢話「你就最開心啦~」我話「老爺最開心~」^^

老爺成日有意無意問我地照倒未, 又話仔女都冇所謂, 但係就成日問…老公話冇所謂點會成日問丫, 我媽就真係冇所謂, 佢仲話照黎做咩。老公係二仔, 佢地2兄弟, 阿哥舊年生左個女, 老爺錫到不得了, 老公話如果阿哥生仔老爺就冇所謂, 生左個女緊係想抱男孫。最近老公疏堂表弟又生左個女, 今次生倒袁家第一個男孫, 我都好榮幸^^ 唸起BB出世後咁得人錫就好開心~^^

老公話, 唔駛驚冇人錫, 實錫到火農, 女都咁錫, 仔不得了~~ 我開心到有D激動, 真係好想BB多D人錫, 雖然我自己同老公點都會錫, 但係得倒家人愛錫又更開心^^

老公到依家都係堅持仔女都冇所謂, 仔有仔好, 女有女好, 佢話仔可以陪佢打波, 女就唔駛擔心咁多, 就算讀唔倒書又蠢, 個樣唔太差都冇咩問題, 仔就擔心多D。我話生女有人嗲佢, 佢話都係。跟住我問佢對住我會唔會已經好似湊女, 我成日覺得佢好似爸爸XD 尤其去北京哈爾濱o個個旅程呢個感覺好深, o係佢幫我扣鈕既時候好有爸爸既感覺XD佢話咁唔好喇, 對住我已經好擔心XD都係生個仔似佢好~生個女似我要擔心2個, 我話生個仔似我XDDDD佢話超勁擔心XDDDDDDDDDDD

尋日一照倒老公就話要話俾老爺知, 我就覺得, 女就話俾老爺知, 仔既話未百分百肯定都係唔好講住…佢問起先講多數係或者應該係, 因為醫生都唔係百分百肯定, 遲少少照埋結構先都未遲~^^

阿媽間中就會打返黎問bb點呀~?乖唔乖呀? 尋日生日阿媽打黎, 話左俾阿媽聽應該係仔~佢話:「 你鍾意仔呀? 」原來阿媽唔知我鍾意仔~佢自己就鍾意女~乖D, 點知生左我咁百厭, 成日話生仔都冇咁曳…=.= 其實我只係坐唔定同多野講之嘛~~細個每次老豆打電話返黎問我乖唔乖佢都話乖架~>3< 老公都話女就可能乖D易湊D, 不過我話仔又可以陪佢睇戰爭片喎~可以陪佢打機~我地依定睇戲多數係分開睇架~因為睇既片種好唔同:P 難得近期既《那些年》同《三傻》大家都o岩睇~~~

已經做定心理準備, 如果生女我會幫佢扮靚, 似我細個都幾ok架~~^^" 不過阿媽幫我剪短髮…我生女一定會幫佢打扮到好女仔~! 依家知道係仔呢~我又要唸下幫佢剪咩髮型啦~幫打設計咩style啦~藍白色都有型喎~^^

終於可以買bb野喇~~大件野遲少少先~屋都未執, 依家可以買d衫仔呀~口水肩滿足下我地先~^皿^

仔女的疑惑

睇過好多傳聞, 等你o係未照倒性別之前估下係仔定女。

1. 凸肚臍
有人話生仔凸肚臍

個案一, 一位朋友既朋友一直覺得自己生仔, 照倒係女時佢完全唔能夠接受, 話冇可能個喎!!凸肚臍個喎!! 朋友仲笑佢唔通飲得太多塑化劑? 最近生左出黎, 的確係女…XD
個案二, 呢位媽媽到生之前的確凸肚臍, 而佢係生仔
個案三, 剛剛睇見一位blog友BEA 2XW已經凸肚臍~~但係囡囡啊~我一向認為肚大肚臍就凸架啦~原來2X W都會~~

2. 肚圓肚尖
肚圓生女, 肚尖生仔

其實我唔係好識睇點樣係圓點樣係尖, 同肚大肚細一唔一樣?

個案一, 一位舊同學陀B時肥左5X, 60磅, 7個月時見佢真係肥左好多, 成個身橫晒, 佢生仔~
個案二, blog友QQ同biu媽(嘉嘉)仲有老公一位舊同學都係身型一d都冇肥, 只係肚凸, 呢位舊同學, 生完好似冇生過一樣咁fit, 佢地3位都係生仔

3. 背面睇唔出有左
相傳陀仔的話背面睇唔出有左

個案一, 呢位媽媽臨生之前一個月去沙灘著bikini既背影完全睇唔出有左, 生仔~
個案二, 一位BK媽媽話佢6, 7個月仲成日俾人撞, 因為背後睇唔出有左, 生女

4. 肚多毛生仔
有人話肚多毛生仔, 的確有唔少人陀仔肚多毛, 不過亦有唔少多毛既生女

個案一, 我識得3位blog友陀女都好多毛
個案二, 我同事上胎肚冇生毛, 生左個女

5. 肚上黑線
直就係仔, 曲就係女…咁都唸得倒…
呢樣我冇考證過…大家可以研究下XD

暫時有3位生仔既媽媽都話係直喎~~

6. 酸兒辣女
網上有呢個說法, 陀仔鍾意食酸, 陀女鍾意食辣, 又有人話陀仔鍾意食鹹野, 陀女鍾意食甜野

個案一, 呢位媽媽有左之後好鍾意食酸, 番茄呀, 醋呀呢D, 唔特別愛辣, 而佢又的確唔點食甜野, 不過一向都唔點食甜野, 陀仔
個案二, 呢位BK媽媽有左之後成日食甜野, 作嘔又食甜野, 陀女

7. 陀仔食肉, 陀女食菜

個案一, 唔見得特別鍾意食肉, 口味同有之前其實變化不大, 都係鍾意食菜, 不過有D菜太涼唔敢食咁多, 有左初期鍾意食餃子, 中期鍾意食豆腐, 陀仔
個案二, 鍾意食菜, 同未有前一樣, 口味冇咩轉, 陀女
個案三, 鍾意食肉, 同未有前一樣, 口味冇咩轉, 陀仔

8. 暗瘡
好多人因為呢一點估自己陀既係仔定女, 話說陀仔會勁爆瘡

個案一, 冇特別點爆, 係額頭出粒粒出左2, 3個月, 陀仔
個案二, 勁爆瘡, 陀女
個案三, 因為皮膚好估自己陀女, 結果係仔
個案四, 因為爆瘡估自己陀仔, 結果仔女

9. 行路快慢
有人話陀仔行得快, 其實我覺得攰就行得慢架啦, 陀得冇咩唔舒服咪快囉:P

個案一, 行得快, 一向都行得快, 陀仔
個案二, 最初同中期都行得快, 2者之前有一期行得好慢, 去旅行又唔行得耐好易攰, 陀仔

10. 嘔唔嘔
有人話陀仔嘔, 陀女唔嘔, 亦有人話陀仔唔嘔陀女先嘔, 我一直以為陀仔嘔, 因為陀仔既媽媽好似唔會點肥, 後來又有人同我講陀女先嘔得勁, 陀仔唔嘔

個案一, 接近3個月先開始嘔, 嘔到5個幾月, 嘔到慣晒, 生女
個案二, 完全冇嘔, 連作嘔都冇, 個肚又細, 個個都估係仔, 結果生左我~XD呢個係我媽既經歷~~
個案三, 其中2個最好既朋友, 全程冇嘔過, 一個冇咩點肥, 一個肥左好多, 2個都係生仔
個案四, 一位舊同學, 嘔到傻, 生仔
個案五, 冇嘔過, 只有作嘔, 一日2, 3次, 為期大約2個月, 陀仔


11. 母親的直覺
其實咁多點我最相信呢一點, 有時唔係個個女人有直覺, 不過當你有左既時候, 你可能會有不知名既感覺, 強烈覺得係仔或者係女, 唔係因為以上種種原因, 只係直覺, 你可能行得好慢, 冇咩肚毛, 冇咩暗瘡但係覺得係仔, 唔知點解, 就係覺得, 你可能o係排卵前開工, 但都覺得係仔。你又可能爆晒瘡, 行得好快, 好多肚毛, 但係行街會不自覺睇hello kitty野, 睇粉紅色野, 明明本身完全唔愛呢隻貓, 周身冇一樣粉紅色野, 我相信, 呢d就係母親既直覺。

生日快樂

來到婚後第二個生日~
昨天執屋時無意中發現了前年去廣州的車票, 才想起原來前年生日做了一件這麼有意義的事~到廣州買婚紗~~當晚還跟當地的舅父們吃飯~ 看看那年的照片, 大概是我最瘦的時候XD 比結婚時瘦6磅…^^"

舊年早一日去左澳門睇水舞間同小豬, 嫁左4個幾月, 已經明顯肥左好多喇~~

今年一直忙, 呢幾個禮拜都要整餅, 不過都騰出左時間好好慶祝^^ 安排左一個幾乎每年生日都會做既節目, 同埋一個特別又令人期待既節目^^

尋晚冇切蛋糕, 唸住今晚有得食, 唸唔起, 我唔切蛋糕吹蠟燭, 係冇得許願架!!?*口*
好冇晏D買件餅自己點下蠟燭許返個願呢~? 今晚12點前唔知趕唔趕得切返屋企呢~? 但係我想5點前許願喎~~~>0<

FW: 幼兒枕頭髒過廁所板

睇倒呢個標題我笑左出黎…居然係咁…!!?
各位家長記得幫小朋友勤換枕頭套呀~~


【明報專訊】一項調查發現，一些幼兒經常接觸的家居物品，如餐枱、玩具、幼兒枕頭等，含菌量高達每4平方吋最少200萬個，較「傳統黑點」如廁所板、電腦鍵盤更骯髒。有醫生稱，口水鼻涕等都是細菌滋生元兇，但市民清潔家居時往往偏重普遍認知的黑點，令細菌滋生。另傳染病科醫生認為，最理想是1至2日更換枕頭袋一次，玩具應每天抹乾淨。

香港兒童健康基金與清潔用品品牌高樂氏早前訪問了228名家長對家居清潔的了解程度，並家訪了其中20個家庭，檢測20個家居位置及物件的含菌量。經測試發現，約七成家居位置或物件，細菌值達4.5以上，即代表每4平方吋含約200萬個細菌。

雪櫃門菌量僅次渠口

細菌量偏高項目中，不少是兒童經常接觸的物件，如雪櫃門細菌值達4.9（即菌量遠多於200萬個），僅次於渠口，而餐枱、遙控器和玩具，細菌值4.6，幼兒枕頭細菌值4.5，細菌值「看齊」垃圾桶，甚至比含菌量少於200萬個的梳化、電腦鍵盤（4.4）和廁所板（4.3）骯髒。

兒童接觸物品含菌量高，但調查同時顯示家長忽視相關物品清潔。僅約兩成家長表示，每周會頻密清潔雪櫃門、幼兒枕頭等三次以上。相比之下，逾七成人表示，會頻密清潔餐枱、廁所板、地板，約五成人會頻密清潔垃圾桶及梳化等，顯示受訪家庭較關注普遍有明顯衛生問題的家居位置或物件。調查亦顯示，普遍家長誤以為餐枱、枕頭、玩具等含菌量低。

此刻的我

很悶…
悶到要出post呻下…

忙左一個早上, 食飯都要同學生食…不過食完飯就開始冇野做…到依家…睇下blog, 睇下fb…睇到冇野好睇…
其實帶左書返黎, 不過監考2節已經睇左好耐…
仲有大半個鐘先放工, 但係放工後又很忙…如果依家呢d冇野做既時間可以俾我返屋企先, 今晚就唔駛咁忙…
呢2個星期都冇時間煮飯, 只能草草同老公各自食d野就開工
今晚仲未唸倒食乜, 最好食d可以好快食完既, 麥當當係最好選擇, 等車同搭車就可以ko包薯條, 返屋企放完狗隊埋個包就可以開工…不過食得多都悶…又冇益…又肥…><
起碼到8/11先有時間煮返正常晚餐同老公食, 好想快d唔駛再返呢十個鐘, 雖則冇野做有人工收又幾好, 不過因為呢十個鐘(計埋搭車11.5-12個鐘)又令我接少好多job

那些年上左, 想抽時間都抽唔倒
老公頭髮長左, 想同佢剪又剪唔倒
老公嗌我星期六去影相又要等幾個星期先去倒

如果我一日有多十二個鐘, 時間會好用好多, 彈性好多

不過咁, 幾忙都好, 仲有幾日生日, 點都抽倒少少時間出黎善待自己~半日咁多啦~~~^皿^

廣華產前班

廣華產檢既媽媽可以上網報以下既產前班
http://www3.ha.org.hk/kwh/Antenatalclass/

要去完第一次產檢, 有no.先報得
每個月第一個工作天9:00am開始接受報名

母乳餵哺的技巧及常見問題處理
初生嬰兒護理
產前護理及營養
產後護理及營養
產前產後運動班 - 第一課
產前產後運動班 - 第二課
產前產後情緒轉變及夫妻適應
分娩的認識

我覺得母乳, 初生同分娩都可以聽下, 我當年聽左呢3個都覺得有用, 不過老公就話分娩聽唔聽都冇咩分別, 教既野到時都做唔到…XD

sweet ^^

SWEET SWEET ^^

老公好耐冇見過dumdum, 尋晚久別重逢, 驚嘆佢大左好多XD

依家朝早35寸, 夜晚食飽有37, 38寸喇~~

老公話星期六如果冇野做我地去影相^^ 依家真係有人地細肚既7, 8個月咁大…^^" 有D連身裙仲遮倒, 有D就好現~到時著條現D既裙去真係可以影返輯~XD

唔知就唔就倒時間呢~? ^^

老公仲錫左dumdum一啖~ sweet sweet ~~ ^.^

改名潮流

究竟點解每一個年代總有幾個特別流行既名字呢~?
細個好多嘉儀嘉欣, 我老公都有個家字…佢地成家都係家乜家物, 佢話屋企人改名毫無心思…後來聽佢阿叔講話佢地O個輩係排家字~
咁O岩我身邊最好既朋友, 小學, 中學, 大學識O個D, 都係有個嘉/家字~!

而呢期有一個女仔名特別流行, 唔知係咁O岩O係我身邊出現, 還是大家身邊都有芷晴?

呢2, 3年間FB FD LIST上已經誕生左6個芷/梓晴BB, (老公朋友既朋友、2位煮飯blog友既女兒, 2位結婚識既blog友既女兒, 1位好耐之前pt識既朋友既女兒)o岩o岩又o係blog發現一位即將誕生既紫晴, 唔係想話大家改名普通, 只係真係好好奇, 點解大家會不約而同改呢個名呢? 其實呢個名又唔係最近先出現, 電視劇中曾華倩做郭晉安家姐叫紫晴, 我學校都有學生(小學)叫呢個名, 但係最近特別多, 究竟大家改名既時候係根據D咩原則唸倒呢個組合呢~?

希望以上言論唔會得罪改左或者打算改呢個名既媽媽…^^" 我真係好奇想知…點解會咁巧合…

媽媽blog2

mom-to-be

 2011年10月
Vicki "s 與小肥豬

2011年11月
兩個女孩   QQ之幸褔印記  

2011年12月
Emily  yan_b Mr. and Mrs. Chui


2012年1月
haby ~gLoRiA~   莎呢龍蟲 @ 艾迪2012年2月
Gen Little Rabbit Mrs. LCL mattababie  Bec   孖仔樑森媽媽
2012年3月
余生余太 年年有魚    candy & charles    栗子媽媽   tiramisu   WinCy se dérider jaxis pia  洋蔥jenny tflovingmem

寧琦聯婚   Dorothy Hellocc

2012年4月
BIKI AG 小陳太 

2012年5月

懵朱朱   楊MAMA2012年6月

Kuromi

2012年7月


mummy

yen   bdalau    ccm MRS.W megroad(三胞胎)  何MaMa    陳太-豬仔Miao(龍鳳胎)   Van 小玉兔

熊貓車‧小魔怪 阿莎部落   笨 B 媽媽 Rachel Kwan    Miss Jubie feonko FC620    yanyan

Little Jessie Valais ღV & Mღ I'm Mrs Cheung 程鄭．嘉嘉 Tracy & Teddy 徐鳴 zaka winCy

小茵媽媽 hildyfirstcapture Cookiehollywood ♡YoKo♡ Mrs. Lee Esta mrs liu 小啤子 小歌

{mrs cocoa bean}   Mrs. So to be >> Mrs. So 孫家大小姐>石家大少奶 熊仔餅 Mrs PP 六姨

洪何婆婆  ~蘇兒~ Nicole

FW: 老公出面同人生仔

轉自BK: http://www.baby-kingdom.com/forum.php?mod=viewthread&tid=4286916&extra=page%3D1

BK夫婦版最常出現既係老公有外遇, 呢一篇我特別想同大家分享, 事主身世好可憐, 但好堅強, 點解一個咁廢既男人可以有2個女人為佢生小朋友…呢個第三者知唔知自己身份? 仲好開心咁同同事分享小朋友出左世…而事主個女又O係FB度同人講好開心做左姐姐, 老豆話有個姨姨生左個細佬俾佢…依家D十歲小朋友仲咁白痴既咩??? 我六歲都唔會想有姨姨同我生細佬啦!




我同老公結婚十幾年,有一個十歲既女,個女一直都比左姑奶照顧,我老公經常失業,養家的重責就係我身上,我學歷不高只能從事勞動的工作,一天工作十多個小時,才能維持家計,今年4月中開始,我老公開始精神弱待我,我每晚零晨1至2點先收工,返去訓左教,零晨3~4點我老公就會叫我起身,要我掃地拖地,頭幾日我都依佢,但係實在太累了,我唔理佢,佢就拉我起身拖我出廳罵我,要我即刻清潔個窗,我唔做,佢就不斷罵,話人地d老婆收工都要做家務,你睇下間屋幾唔乾淨....每日都係咁,有一晚佢罵我,我真係唔知娶你返做咩,你又冇姿色,又冇學識,又唔溫柔,我真係前世唔收,娶到你,我忍唔到了....我拾左幾件衫就去左朋友度住.
過左幾日,我無意係個facebook睇到個女話,ya!我做左姐姐啦,我打電話比個女,問邊個生左bb?,起初我仲以為係大伯生左bb,但個話係一個唔識既姨姨,爸爸話姨姨幫我地生左個細佬...這時我呆了...呆了....我即刻去facebook搵,搵到我老公同一個叫Yuki Lau既女人一齊抱住個bb,個女人仲係我屋企拍照留念,個女人仲話我地個仔叫劉軒霖,我而家生完返屋企啦,各位開心廣場Piazz HUT既同事不用擔心喔^^......佢地明知我有個女同老公既FACEBOOK....咁樣係咪話比我聽架?係咪特登話我知呢?


我係一個孤兒,幾歲果時..父母就死了,我係兒童之家大,18歲出來做野,19歲就識當時大我20年既老公,無耐有左個女,佢話會照顧我一世,我從來未有過一個家,從來都冇人關心我,突然一個男人話給我一個家,我就同佢結婚,我冇親戚,有都係佢既親戚,朋友也不能幫我太多,我也不想累朋友.
我知我命運不好,但我從來唔認命,認為有雙手我就可以生存,但.......這次太突然....我受唔到...我而家唔敢開facebook,我怕個女人再post其他野上去...我好辛苦....
而家有社工跟我....姑娘昨日問我有冇諗過死......我點頭....因為我真係乜都冇呀

奶泵+胸墊

先睇睇奶泵, 主要見倒有以下牌子
tommee tippee, avent, medela

avent同medela似乎比較多人用

睇一睇網上評價

A. avent

Avent 手動奶泵 (不含ＢＰＡ) 1. 最新型號，PES 物料製造，不含雙酚Ａ (BPA)
2. 專利五葉花瓣軟墊設計，緊貼乳房，能按摩乳暈及乳頭附近位置，舒緩乳房脹痛
3. 促進母乳流量，舒適自然，快捷寧靜
4. 吸力輕柔而有力，速度及力度完全控制自如
5. 每套附有４安士ＰＥＳ奶樽一個

1. Van 10/28/2010 08:52 am
我聽人講medela swing同avent 先好~ 其他都會泵痛媽媽或者泵唔到的!

2. http://blog.yahoo.com/_TST37M5FFWA6GQTMMQH2UCSRFY/articles/65342 Lau
Avent Manual Breast Pump 手動乳泵, 吸力特強, 合無電力供應時用, 我朋友都在公司用它

3. http://hk.myblog.yahoo.com/jw!ZQRR7HqfGRs6QgZxwytMR7BpzDw-/article?mid=5 milkmama
用過avent手泵同medela電泵, 認為手泵比電泵好用出奶又多

4. http://blog.yahoo.com/_ID6GK7JK6LHALWBRGXCT2A3KIU/articles/60919 嘉。程biu
Avent手動奶泵--以手動來說,它是the best! 力度自己控制又泵得很清，不過每次泵30-40mins...手軟(買電泵也不錯)
5.  http://blog.yahoo.com/_PGOW7KI5RJUOQWVEHVVVWVGLZY/articles/52763 靜山小王子
這是我最喜歡使用的奶泵，因為在網上看到很多媽媽稱讚，而我又急需一個安靜的手泵在公司使用，所以便買了。它的好處是安靜（雖然有時安裝不良也會發出一點吱吱聲），吸盤另外套上一片特別設計的矽膠，用起來十分舒適之餘又可幫助按摩乳房，刺激母乳分泌；由於它是手動的，在速度控制方面更加自主（其他手泵就有固定的速度）。整個手泵十分輕巧，即使奶樽內沒有奶，放在枱面也不會翻倒（Mini Electric就會）；配件不算太多，清洗容易（但在公司清洗時就要小心最小的一粒配件──我試過不小心把它沖走！）。如果真的要批評的話，就是它沒有包括旅行用的奶樽蓋片（即是在公司泵好奶後便沒法把奶樽封存）；幸好我用的B-free奶樽有旅行用的奶樽蓋片，大小又剛適合Avent的奶樽！不過如果B-free的奶樽也可直接扭在Avent手泵上使用就更好了。


B. medela swing1. http://blog.yahoo.com/_TST37M5FFWA6GQTMMQH2UCSRFY/articles/65342 Lau
Medela Swing 思韻型電動奶泵, 用電量較大, 用4粒2a 電池, 用濕電效果較佳, 較貴, 對出奶慢的媽媽有幫助, 有按摩功能, 較舒適, 不方便携帶

2. http://blog.yahoo.com/_ID6GK7JK6LHALWBRGXCT2A3KIU/articles/60919 嘉。程biumedela swing--從朋友借來, 力度一般、不痛又安靜，卻泵不清, 每次泵完都要再用avent來泵最後的

3. http://blog.yahoo.com/_PGOW7KI5RJUOQWVEHVVVWVGLZY/articles/52763 靜山小王子
Medela Swing單電泵--這個款式比Mini Electric更好用，因為它不但輕巧方便，更大的好處是它用起來十分靜，適合上班泵奶的媽媽（在洗手間使用也不會發出聲音）。不過，它的摩打不是連著吸盤，雖可用掛頸繩掛在頸上，但我覺得Mini Electric的摩打連著泵會方便些。另外它的吸盤加了矽膠，泵起來比Mini Electric舒適一些。



C. Medela Mini Electric1. http://blog.yahoo.com/_TST37M5FFWA6GQTMMQH2UCSRFY/articles/65342 Lau
Medela Mini Electric 迷你型單泵, 方便, 只用2粒2a 電池, 較便宜, 但聲音好嘈, 合出奶快的媽媽

2. http://blog.yahoo.com/_ID6GK7JK6LHALWBRGXCT2A3KIU/articles/60919 嘉。程biumedela mini--二手買來, 泵得很清但有點痛...且超嘈! 所以只會在biu淺睡時才用

3. http://blog.yahoo.com/_PGOW7KI5RJUOQWVEHVVVWVGLZY/articles/52763 靜山小王子
Medela Mini Electric單電泵--這款電泵的最大好處是夠輕巧方便，只需安裝摩打和奶樽便可使用，用後只需洗一個吸盤，沒有其他小配件（不要少看這個因素，初生BB真的很多東西要洗，這些小方便真的慳到很多時間！）。不過初次使用時我覺得它的力度很難控制（雖然它有一個多段式力度的功能，但分別不大），所以泵起來有點痛（又可能是因為初期自己還沒有上奶）；用了一段時間之後才開始暢順，上奶之後才不再痛。它唯一的缺點是用起來比較嘈吵（幸好靜山也沒有被吵醒過）和放在枱上時要小心（頭重腳輕，先除下摩打會好些）。

D. tommee tippee1. Hildy 白bb 10/30/2010 06:38 pm
我唔知依隻(tommee tippee)電動得唔得, 但我買左佢隻手動, 就完全唔得lor....

2. http://blog.yahoo.com/mrs-janicelau/articles/68050 Janice
晌Bibidada訂0左, 今朝送貨, 頭先試0下先, 咦, 又幾易用喎, 同埋唔會整到乳頭, 簡直係我0既救星, 兩邊乳頭都損損地, 如果有得休息0下就會快d好~ 頭先泵0左一陣都泵到一安, 之前用手擠就要搞好耐~ 陣間等劉小b試埋個樽先, 個樽話係模仿媽媽0既乳房0架喎~
Tommee Tippee手泵, 包一個盒, 乳墊, 一個小0既母乳自然樽, 都係$180咋~

3. http://blog.yahoo.com/_TST37M5FFWA6GQTMMQH2UCSRFY/articles/65342 Lau
Tommee Tippee 單頭電泵, 好便宜, 效果一般, 較易壞

暫時首選avent手泵, 佢既電泵好似冇乜評價, 電既都係medela swing比較多人用, 有冇mama分享下?
 

胸墊評價

1. http://blog.yahoo.com/_TST37M5FFWA6GQTMMQH2UCSRFY/articles/65342 Lau

Medela 好用, 但價錢較貴
Tommee Tippee 唔好用, 較薄, 易漏奶, 貼紙不太強力
Pigeon 最便宜, 有時1日沐浴2次, 要更換2次, 較化算,貼紙力強 (我在護協買)

2. http://hk.myblog.yahoo.com/jw!97VTROqLFQIq8mEmPwJUwg--/article?mid=7 vane
Medela奶罩--個人認為奶罩比乳墊好, 因為夠環保又唔浪費奶 有時滴滴吓都有2安家

3. blog.yahoo.com/newtccoco/articles/39761breast pad 一定要買nuk, 佢最好用同質地最好

紅酒燴牛肋條(走紅酒)+粟米+恐龍蛋

冇咩update, 又冇咩做, post下今日既lunch box
買左個小小玻璃飯盒, 呢個角度睇好似好大, 實質佢可以放落上面隻碟中間, 放倒4條牛肋條同半碗仔飯, 好在牛肋條夠滯同埋有多條粟米, 唔係實唔夠飽…:p

恐龍蛋係老爺買既, 每星期返去食一餐, 老爺總會買一袋二袋生果俾我拎返黎, 成個禮拜都食唔晒…^^"


原食譜係紅酒燴牛尾, 之前都post過唔再post喇, 今次轉左牛肋條冇骨又冇咁多油, 味道差唔多, 冇落紅酒, 味道硬係好似爭d。
食完條粟米已經食唔落生果, 留返晏少少下午茶食~

9月的幸福(2011)

暑假過後又踏入結婚旺季, 舊年9月份正式開始生產同交收, 咁快過左一年。呢一個月係一年黎最好生意既月份, 大約將訂單限於一星期一單, 亦慢慢傳授俾袁生, 除左變身洗碗俠同送貨俠, o係製作上, 袁生亦幫左我好多^^

呢個月可算是馬卡龍月~8月底入貨入左大批杏仁粉同糖霜~

4/9 本月第一單訂單, 主題係B-duck, 星期六同老公一齊送貨, 途中落雨…好在都安全到達

11/9 daisy對一對新人有特殊意義, 特別指定要呢款造型既cupcake, +彩色macaorn~ 本身meg已經o係8月同我訂過姊妹裙曲奇, 知道佢滿意今次既作品好開心^^
今次老公好大功勞~^3^

今次最開心呀聽倒妳話, 我令妳一d原本對macaron有偏見既姊妹愛上馬卡龍^^ 真係好大鼓舞!!

16/9 粉紅色朱古力馬卡龍, 其實粉紅色唔一定要襯玫瑰或者士多啤梨, 其他口味都ok架~

18/9 紫+綠+啡, 三色馬卡龍100個

23/9 本月亦都係有史以黎最大單既macaron訂單, 每盒2個, 260盒, 並520個macaron~ 有green lemon同pink rose2種口味~ 透明包裝盒+wedding logo+絲帶~
做完呢單之後, 我決定俾自己放假到月尾…^^"

包裝中~~老公放工返黎食完飯努力幫手綁絲帶, 呢個時候已經12點幾, 我要訓喇^^"
923呢位新娘子早o係我開業之初就話要幫襯, 之後一路加單, 去到呢個最大挑戰既數量~婚後好快send返賓客影既相俾我留念, 仲話之後會send返攝影師既相俾我, 真係好多謝你^.^

多謝客人一直以黎對我既信任, 不經不覺經營左一年, 依家依然有今年年已既查詢, 其實2011年大致已經截單, 好多謝各位既支持, 希望盡快可以轉成全職, 多d時間設計新款色, 亦有多d時間投入呢份興趣同事業^^

衷心感謝各位^^

happinesskingdom@gmail.com

FW:產後調理

不需過急進補,要十二朝後或惡露完後才開始進補,包括薑飯都不宜進食.行氣活血的食材暫不能使用.剛生完體質較虛弱腸胃需要休息,故餸菜以清淡,平補調理為主
頭五天以开胃,容易消化的食材為主 ,隨後加入各種營養食材
如:
十二朝前的食療:
代茶:抄米果皮褒或薑水
湯:
清保涼褒豬展 / 粟米紅蘿蔔無花果褒豬展 / 番茄薯仔排骨湯 / 惟山沙參褒瘦肉...
餸菜:
梅菜蒸肉餅 / 揪菜心 / 蜜豆鮮百合揪肉片 / 酸梅蒸排骨/ 薯仔汶排骨/南瓜鮮百合揪肉片...

十二朝後開始進補:
代茶:抄米果皮/圓肉紅棗/藍棗/黑棗/北奇褒水
湯:
北奇/黨參/圓肉冬燉雞 , 冬蟲草/杞子燉水鴨 /椰子雞湯 / 鮮奶燉雞 / 黑豆紅棗山斑魚湯/ 黃豆豬手上奶湯/蓮拗章魚花生褒豬骨湯 / 燉絲雞汁...
餸菜:
抄薑饭/煮雞酒/金針雲耳紅棗薑片蒸雞/薯仔汶雞/田雞侷飯/三色木耳揪肉片/ 四季豆揪排骨/西蘭花揪肉片/蒸鮮魚/洋蔥揪牛肉/瑤侏肉笠蒸水蛋