麵包初班I~鹹方包、芝麻包、蒜蓉包 問左好多野, 學倒好多野, 感覺良好
麵包初班II~排包, 吞拿魚包, 熊仔包 依然學倒野, 幾好玩
麵包初班III~大麥包, 粟米鹹牛肉包, 士的包 今堂個大麥包好靚仔好成功~開心~不過其他CERTRE既包包真係多我地好多…
麵包初班IV~南瓜包, 吉士包,杏仁扭紋條 開始悶, 冇咩做, 又係搓包包餡, 冇新造型教…唔係想留返中高班呀…第一個阿sir last day, 有講有笑, 不過唔係咁鍾意佢講埋d有味野…開始有全示範包…即係完全冇我地份整既包包出現…
麵包初班VII~墨西哥包+香蔥火腿包 新阿sir上任第3堂我先返第1堂, 2個包得一個有我地份整…有得o即餡
麵包初班VIII~炸雞包, 炸蛋球 勁唔開心, 原本上呢班主要係學呢2樣…失望, 炸蛋球冇我地份整, 部份同學炸過下, 十問九唔應…
麵包初班IX~合桃麥包、飛碟包、芋頭包 合桃包冇我地份整
麵包初班X~pizza+蝴蝶酥 原本係裝飾麵包同動物麵包…應該會教動物造型(龍蝦之類)同整花籃…結果整左我整過幾次既pizza同蝴蝶酥…不過pizza都學倒野, 就係落多d水開麵糰, 不過食唔出有咩分別…呢堂原來係我另一個目標…勁失望…不過見識倒巨型pizza好少少啦…
總結: 我本身都有整下包, 上堂目的係學下正宗手勢, 整下d 平時冇咩機會o係屋企整既包, 結果學倒d手勢, 搓包快左有所得著, 不過整唔倒炸包同裝飾包…完全失望！課程定左點可以隨便話改就改，可能得到部分同學同意，但係唔係依家先決定課程內容，係既話就可以少數服從多數，唔係既有一個唔同意都唔應該改！
阿SIR方面, 一個十問九唔應既導師實在唔要得, 你依家唔係師傅教學徙, 係教學生, 有義務詳細解答學生既相關疑難! 之前上月餅班同西餅班阿SIR都有問必答! 就算係課程以外既野, 例如我問月餅班阿SIR酥皮野麵包野都一一解答, 如果今期大埔既麵包初班唔係時間唔O岩上唔倒, 我就可以跟佢!
成日話自己點叻, 話自己識既野比其他導師廣, 又叫我地報佢D咩班咩班, 西餅班O個位阿sir就唔會咁hard sell…=(
其他仲有麵包數量比其他centre少, 款式少, 呢個我唔知原本應該有幾多, 可能係人地比預定多左, 未必係佢做得唔好, 不過相對地唔別人地好…
講講下…好似愈講愈興…其實都唔係一d好處都冇既…不過下次上堂一定要問清楚邊個教…西餅班鍾sir同月餅班劉sir都跟得過! 大家仲有冇好介紹?
可惜你唔會知邊班邊個教呢，我都擔心緊我個西餅班係邊個教
ReplyDelete[版主回覆11/30/2007 14:21:00]學緊o個d阿sir會話你知佢黎緊會教邊班
唔知去工聯問唔問倒呢?
你呢個course既亞sir....咁似我報西餅course嗰個咁.....既.....
ReplyDelete[版主回覆11/30/2007 14:22:00]佢教開港島區架, 你o個個叫咩名?
導師都係 serve 學生，佢咁即是趕客 網上八下邊d center 邊個教、好唔好先報會好d呢
ReplyDelete[版主回覆11/30/2007 14:22:00]但唔知工聯會唔會透露d班邊個教呢?
原來咁多人學整飽飽架。可惜我家連一個小焗爐都已放不到! 如果唔係我實學整蛋糕啫。
ReplyDelete[版主回覆11/30/2007 17:04:00]放唔倒焗爐真係玩少好多野, 不過都可以整雪餅
如果没有看過你的日記, 真的不知道原來發生了咁多事情, 連我也不知道没留意得到, 不過老實說, 我也覺得他老是不喜歡答問題, 在轉圈, 什麼也叫人報讀課程.....
ReplyDelete而且我本來也是想學做裝飾包, 因為這些在手工上也有很多的要點, 但是到後卻做了pizza, 對我來說還要自費.....一個字肉亦, 佢地又好似見咩買咩, 好似唔洗錢咁........好唔鐘意lor.......
還有.......班裡有幾名師奶我十分不喜歡.......但中級好像還要碰面.......
[版主回覆11/30/2007 14:20:00]真係估唔到! 我以為你同佢地好fd添?*0* 我唔會報中班喇…技巧方面都係大同小異, 報都唔會報返呢度…:( 你繼續跟佢呀?
超吸引呀
ReplyDelete[版主回覆11/30/2007 14:19:00]:\
erica…唔知係咪唔小心del左你個留言…唔好意思…
ReplyDelete多料? 你指邊度呀? 我就上得好失望…
你上完中班唔上高班?
個亞sir係咪個子不高, 個頭有小許平頭裝, 講野唔係咁正(有d尾音)?
ReplyDelete[版主回覆11/30/2007 21:14:00]唔係
屯門有個叫miss poon都好好架~~
ReplyDelete有問必答~~咩都答到我架~~我覺得佢勁好
同埋佢係一個好有耐心教導學生既miss黎架wkkakakakakkak
[版主回覆11/30/2007 22:27:00]佢仲有教邊區呀?
ReplyDelete蠍 2007-11-30 14:21
學緊o個d阿sir會話你知佢黎緊會教邊班
唔知去工聯問唔問倒呢?
答案係可以打去工聯會果度問係唔係果個老師教架~~
因為我都試過打去問wkakkakakakaka
[版主回覆11/30/2007 22:27:00]咁可唔可以問某堂係邊個教架?或者可唔可以問某個阿sir教邊班?
得香港仔同將軍澳有高班, 我住元朗呀
ReplyDelete[版主回覆11/30/2007 22:26:00]本來大埔有一班特別班好有興趣架, 不過又唔想星期日咁早起身上堂:p
miss poon應該只係教屯門咋以我所知hahahaahaha
ReplyDelete只係教屯門佢都已經忙都傻左.....
另外打電話問工聯會果度我係試過打電話去問果d人，果堂係唔係果個老師教啦~~至於邊個阿sir教咩班呢個問題佢會唔會答你我就未試過la~~我覺得最緊要係接你電話果個人幫唔幫你查架咋~如果佢好人一定會幫你查架~~
我上過西餅班雷 sir 都 ok
ReplyDelete聽同班同學仔說唔會的。但blog 上應該也不難打聽呀~
ReplyDelete如果是師奶, 嫁左個d而又係上班族既就還好~有2個肥的及一個口音不正的.....我十分不為喜愛....
ReplyDelete是呀, 因為時間關係, 我都只係去返呢個centre度學, 都係跟佢.....
如果早點知你個blog就好啦, 估唔到發生過咁多事, 咁我都唔鬼報黎學....
我都只係想學日式麵包班先繼續學落去......
[版主回覆12/01/2007 10:27:00]我西餅班個阿sir好好架, 佢都有教新一期日式初班
不過佢都話來來去去都係咁, 係d料唔同左, 所以我唸自己睇食譜整都差唔多…
你可以俾40蚊轉去第二度上, 不過你本身唔覺得有問題就ok啦~
最肥o個個真係唔知想點…又貪心… :(
咁呢次又學得馬馬喎!! 有d 野想學又冇得學
ReplyDelete[版主回覆12/01/2007 11:12:00]最想學o個d冇得學= =
有時唔係個個教得好,而且他又要應付咁多人,真係難免,如果你唔太喜歡呢個亞sir,咁可以唔好想跟他學嘢囉....
ReplyDelete咁你今次學到d咩呀!!!
[版主回覆12/02/2007 15:55:00]我緊係唔會再跟佢啦><
學倒點搓包快D滑D囉…
我地上土瓜灣劉sir 好好人,有張問卷你可以寫出來, 我地個個都讚阿 sir,有時吾問佢都講, 中班會教中種同湯種, 高班話會教天然烤母喎
ReplyDelete[版主回覆12/02/2007 15:52:00]係喎…點解我地西餅同麵包班都冇問卷既? 之前PILATES同YOGA都有格…
中種湯種冇咩特別, 天然酵母男友又驚唔衛生…所以未玩過:P
我都覺得土瓜灣個劉sir 好好! 佢自己好enjoy, 又好慈祥!
ReplyDelete[版主回覆12/03/2007 12:31:00]全名係咩? 唔知係咪我月餅班o個個呢?
唔記得loh! 淨係記得個名有個唔common既字!
ReplyDelete[版主回覆12/03/2007 12:46:00]咁可能真係我o個個阿sir, 不過佢只係話俾我地聽NV o個d係佢教
啱啱重溫吓...10問9唔應
ReplyDelete[版主回覆05/02/2008 11:54:00]十問九唔應呢個好似係之後o個個文師傅!
因為下一季未必報到, 所以我而家心大心細好唔好頂硬上, 因為怕到有課程時, 我又怕個時間夾唔到
ReplyDelete我其實都係就時間, 導師因為唔知係邊個, 都係望天打掛
點解你唔學啊?@~咁你有沒有去其他地方學~
仲諗住或者有機會可踫到你tim@@~
ReplyDelete[版主回覆03/26/2010 17:58:00]我好懶出去上堂架~ 自己O係屋企鍾意幾時整都得
出去又要等又要約可能仲係幾個月之後既班XD到時又未必想整LU