麵包初班X~pizza+蝴蝶酥

終於黎到最後一堂, 其實都捱左好耐…除左開頭學倒好多野之外, 之後堂堂都係返去搓包, 包餡, 等食…其餘野都係睇示範, 冇得落手落腳…好悶…:(

今堂本來係我期待已久既裝飾包, 可以整花籃, 睇倒人地d blog都知有d一人一籃, 有d睇示範, 有d轉pizza…我唸住我地都有得睇示範呱…點知都係整pizza…仲要自費…同學仔買左勁多野…又得十個人返…每人夾左成$34好貴…><

一返到去阿sir整緊蝴蝶酥, 係咁話有d阿sir唔可以一堂完成, 佢就可以, 又話自己做倒唔知點解人地做唔倒…

等人齊o個陣都幾悶…2樣野都係我做過幾次既…:(

估唔到都有驚喜!

首先係蝴蝶酥, 阿sir第一次整都雪得太硬, 話因為切野, 唔係既話一早拎左出黎, 結果要加水再搓再雪, 佢話佢整得比人軟, 所以易整d, 又搵左d食譜比較, 話人地d太實…結果係幾好食~daddy仔食到lamlam利, 不過我一食就喉嚨痛…只係試食左一件(我本身係好鍾意食蝴蝶酥的><)

跟住黎到pizza, 整左一個從未見過, 更加未食過, 亦冇可能自己o係屋企整倒咁大個既巨型pizza!! 落左13種材料~真係大開眼界~!*0*

$34既材料(上圖所見為部分材料, 共有大約13樣)

超巨型PIZZA

出爐喇~

哇………

跟住自己搓左3個細既~每個都有6寸倒~整左心型, 不過焗完都唔係好睇得出…(最慘係趕住走…返到屋企d包底濕晒 =(

大家發唔發覺我早幾堂已經開始冇post麵包班既相, 因為早幾堂實在上得唔多開心…阿sir十問九唔應, 又睇死你整得唔好, 尋日我話裝飾包好靚, 佢就話「你整實唔靚」問佢點解, 佢話「因為你整囉~」「你d包都整得唔靚, 整裝飾點會靚!」我話「人地都係學生整, 點解人地又整得靚」佢話「係咪阿sir整架」

講起都有d興, 一陣再出返d舊post吐返口烏氣。

不過今堂都ok, 我同auntie最好返到去, 阿sir整緊蝴蝶酥, 叫左我地出去睇, 問佢關於花籃既野又肯答, 唔似之前咁直頭以為佢撞聾架…不過尋日整緊pizza餡時有同學問佢野佢都係借左聾耳陳對耳…

如果係西餅班阿sir或者之前月餅班阿sir教…我可能會繼續讀上去, 不過依家完全冇報中班既意欲…不過總算學倒搓包手勢, 搓得快左好多~都叫有所得著。