最近睇左2本小說咁o岩都講到不孕, 有人因此深受打擊影響一生, 偏偏得倒既又白白糟蹋。
一直都認為生BB唔係咁易, 唔係話要就有, 咩人最易有呢? 唔想要既就最易有…就好似呢D未成年少女… 不過其實同佢地年齡都有關係, 一個二個16, 17歲都可以輕易o係屋企生產, 甚至有左都冇人發現…
身邊都有朋友結婚幾年都未有所出, 有d因為經期都唔正常甚至唔黎…有d2夫婦check過咩事都冇但就係冇…之後搵過神醫推拿, 有係有左, 不過跌左2個…有d結婚7年打算放棄既時候終於一索得男。
阿媽話, 生仔前半年要好好調理, 咩唐氏o個d, 調理左就ok, 不過我都係確信同年齡關係大d…所以都唔駛拖咁晏…
以前聽過話落過2, 3次小朋友就會冇得生, 依家發現原來唔係…其實我認為…唔識珍惜, 得到懲罰都係應該…1次都話, 2次3次真係無可原諒 (bb有先天嚴重疾病另計)。
【明報專訊】粉嶺揭發中學生企圖埋掉初生女嬰恐怖命案。一對16歲情侶疑珠胎暗結，少女昨午在西貢寓所誕下女嬰後，身穿校服的「爸爸」聞訊到場，情急下用袋載走初生女兒到粉嶺向同齡友人求助。兩名少年昨晚將女嬰帶
唉~ 世事往往就係咁~~
ReplyDelete[版主回覆10/07/2010 10:44:00]要既就冇, 唔要就塞佢要
可憐既小女孩…投錯胎…
真係好殘忍
ReplyDelete[版主回覆10/07/2010 10:43:00]DO靚仔O靚妹咩都做得出
係 li 個 社會真係咩野人都有呀!
ReplyDelete自己開心完.. 生左又唔要.. 為何唔一早解決去呢
[版主回覆10/07/2010 14:18:00]令我唸起早排外國有個女人殺左十個自己既骨肉埋屍後園…1因唔想避孕…
現在d o靚仔o靚女~真係唔知佢地諗乜......小小既生命都唔懂得去愛惜,我真係唔明白點可以做得出......太殘忍了~
ReplyDelete[版主回覆10/07/2010 14:17:00]其實都唔係咩新鮮事…我地o個個年代都有呢d新聞…
不孕書唔好睇咁多..我由3年前醫生不斷說我不孕..搞到情緒低落架...要有B就要輕鬆D就會有
ReplyDelete[版主回覆10/07/2010 14:17:00]其實只係2本小說, 一本主線有關不孕, 一本只係輕輕帶過, 呢本係《在天堂遇見的五個人》, 我見佢出名先買, 冇唸過講不孕~
咩人最易有呢? 唔想要既就最易有… ====>>絕對讚同!!!
ReplyDelete[版主回覆10/08/2010 15:12:00]哈哈