好耐之前睇開一個煮食blog, 冇睇一排, 原來最近生左小公主。睇返佢既懷孕日誌, 見倒佢強烈推介旺角中心的林翠苗醫生, 醒起之前都有人問我搵定產檢未, 我真係從來冇唸過, 駛唔駛咁早呀…成日都話有冇都未知, 幾時有又未知…
不過咁o岩睇倒又咁強烈推介就save落黎同大家分享下啦~
大家有咩超好醫生麻煩都話我知丫~^^
1. 旺角中心的林翠苗醫生
推介媽媽：笨Ｂ媽媽
評語：嘩佢好 nice 好好人好細心！！！！！！我俾十粒星，強烈推介
一邊照超聲波佢會一邊慢慢解釋呢度係咩o個度係咩，好詳細又有耐性
我仲將咁多個星期來，積壓左唔少o既問題(而係其他醫生懶得解答我的)都問左佢
佢冇嫌我煩仲好細心解答左，唔止用口答，仲會主動做多左工夫照埋o個o的部位俾我睇，用證據令我疑慮盡消
資料來源：http://hk.myblog.yahoo.com/bb-mama/article?mid=54437
其他：http://forum.baby-kingdom.com/viewthread.php?tid=1381395&page=1
http://hk.myblog.yahoo.com/jw!GbDeXFCZFBJ_hZQPlPXB/article?mid=4643
2. 旺角中心20樓既劉玉鳳醫生
推介媽媽： 火輪船
評語：真係好好多 , 唔似上次個位 , 無咩講解趕收錢 , 似做生意多過似係醫生. 劉醫生好斯文 , 氣質好好 , 講解又清楚 , 值得推介。我覺得劉醫生不錯啊 , 她以前是伊利沙伯醫院高級醫生 , 後來自己開診所 , 我姊姊是伊院護士 , 她的同事都是睇劉醫生的. 我覺得劉醫生比起其他醫生細心及無咁商業化. 可能我上似見佢前寫定問題紙 , 一條條問 , 而佢講解都好詳細 , 所以我都會繼續睇佢.唯一唔好既係佢 d 護士唔係好醒目 , 走既時候約下次檢查應該主動預番日期 , 但個護士好似如夢初醒 , 要我提先幫我做
資料來源：http://hk.myblog.yahoo.com/jw!5d5q.FCLGRl1H36Zlj1NDKLKEAM-/article?mid=59
3. 靳嘉仁醫生
地址：尖沙咀彌敦道72號昌興大廈4樓 (星期一、三、五) Tel: 27231239 / 27231199
及：荃灣綠楊新邨綠楊坊平台10號B (星期二、四、六) Tel: 24987288 / 24987633
另：星期日荃灣港安醫院門診
推介媽媽：Rachel Kwan
收費：開頭要打針食藥就要千幾蚊一次，之後連埋葉酸、維他命、鈣片、鐵丸 (佢會按唔到時間俾唔同既Supplement)，照埋2D就$590，照4D就$690。靳醫生註院既荃灣港安醫院平日順產就$16000醫生費。加埋醫院 Package 同兒科檢查等等，三萬蚊出院。
評語：呢個醫生好出名，在報章電視成日都見到佢。初頭作小產，佢都會幫我打安胎針，俾安胎藥，俾我放假卧床。我知好多醫生都會叫大肚媽媽照返工，亦唔會俾藥。（小藍按：從blog中所見靳醫生開左十日假直至下次覆診並叮囑媽媽冇咩事都唔好落床)佢好細心，到每一個時期要做乜野檢查都會提我，而且佢會俾唔同渠道我自己揀，例如照OSCAR，佢都俾左三個Source 我。
佢好明白大肚媽媽既心理，所以每次都會幫我地照超聲波，除左2D，仲會照埋4D，照到靚樣先收錢。另外呢，差唔多十週已經估到BB性別，唔夠二十週已經見到BB磁帶纏頸 (我去照結構個咁有經驗既醫生都睇唔到)。又會幫我慳錢，初頭我冇諗住排政府，但係佢提我去政府可以做好多免費檢查，又話俾我聽如果BB早過三十七週去政府生好D，唔洗俾咁多兒科既費用。
到生BB時，當日入院佢已經幫我檢查，下午親自幫我落催生藥，晚上返來幫我接生，第二朝一早又來睇我，自己診所咁多生意，都可以咁貼身服務。而且手勢一流！BB出世見到真係磁帶纏頸，幫我處理好。會陰傷口完全唔痛！唔痛到根本唔覺得自己有傷口。
資料來源：http://hk.myblog.yahoo.com/rachel_chu/article?mid=7735&suc=1
4. 巫少慈醫生
HILDY介紹, 上網搵左幾個網都係去照結構, 價錢約$800
http://hk.myblog.yahoo.com/jw!Hxv.gq2THhlTfmCafpRuRH8-/article?mid=595
http://kekon07324.mysinablog.com/index.php?op=ViewArticle&articleId=1606694
http://www.baby-kingdom.com/?uid-135975-action-viewspace-itemid-20296
5. 霍詠儀醫生http://seedoctor.com.hk/dr_detail-1.asp?dr_doctor=2710
babykingdom媽媽介紹~
巫少慈 <--我聽過依個都幾好ga... 0係旺角中心...
ReplyDelete[版主回覆02/02/2011 09:42:00]E?我見個個都係去照結構
哈哈...咁長咁亂既comment打哂出來~ 真係麻煩哂你~!! :p
ReplyDeletebtw, 如果要睇靳醫生必須預約，當日早上八點半要打電話去爭掛號，由於醫生成日都會出左去接生或者講書，所以未必可以準確講到睇症時間，所以最好掛號完後問姑娘醫生幾點返，每個鐘大概睇5個症，自己計返籌號預時間。
另外靳醫生又有去仁安、法國、浸會等等掛單既。
[版主回覆02/02/2011 10:46:00]我睇過都係覺得詳細d好~所以貼晒出黎^^" 多謝你既詳細解說呀~
我都有睇 "笨Ｂ媽媽"個blog ga^0^
ReplyDelete小藍,你真係超堅呀,準備充足又益到大家,錫晒你呀!!!
ReplyDelete[版主回覆02/02/2011 13:16:00]大家分享下, 希望到時唔會爆晒啦XD
你有冇唸住幾時生呀?
我想一結咗婚就生呀,不過都唔係話有就有......希望快啲啦~~趁老爺奶奶仲可以幫我湊
ReplyDelete[版主回覆02/02/2011 13:21:00]哇~~你就好啦~我等左好耐喇~><
咁你又有多啲時間享受二人世界o者~~
ReplyDelete[版主回覆02/02/2011 13:54:00]都係~婚後真係sweet d~~~ 不過我真係恨到發燒呀><
靳嘉仁醫生///// 超難 book 呀
ReplyDelete[版主回覆02/03/2011 01:44:00]你BOOK左喇!!?
好有用wor^^ 我都做過research, 有2個幾好~~ 不過好似有個唔接新症喇~~~
ReplyDelete[版主回覆02/08/2011 15:07:00]你又唔放出黎睇下, 咁耐冇更新
我都推介 旺角中心的林翠苗醫生!! 佢真係好好人, 好細心! 同去做產檢的時間好準, 等10MIN就OK, 佢仲會幫你SAVE $$, 如果你有政府CHECKUP, 佢會同你SHIFT 時間去GOVT 之後的3星期! 又會叫你去政府CHECK 唐氏, 唔使係佢地度CHECK.
ReplyDelete而靳嘉仁醫生就一般, 我最初係睇佢, 不過覺得佢有少少亂收錢, 俾D MULTI VITAMIN & HORMONES就收千幾, 同而家其實好少開HORMONES俾MAMA食, 因為臨床顯示係冇咩用, 不過有冇SIDE EFFECT唔多知, 同最煩係, EVEN你BOOK左佢係個日睇, 你都要晨早8AM 打去BOOK 當天時間 (PS,我次次都要打個幾鍾!!) 仲要去到唔一定睇到, 可能係冇位, OR如果你排得後,而醫生又要去接生, 係不斷DELAY 個時間, 我上次就係由3PM 改到5PM 到6PM, 去到仲要等多個鍾.... 真係少D耐性都唔得
[版主回覆02/11/2011 10:13:00]太紅都真係有問題…
仲有呀, 林翠苗醫生次次都會開3D俾我地睇, 一定會見到靚樣影幾張俾我地! 都係收$700咋, 如果要埋DVD就要加$100
ReplyDelete[版主回覆02/11/2011 10:13:00]係咪度度都係差唔多呢個價錢?
都唔係, 我有同事係信和照, 佢話$2XX ONLY,
ReplyDelete有另一個就找中環D名醫, 一次要$1800, 仲要口衰衰,
有個朋友係葵芳, 都有3D, 不過冇林醫生咁好耐性,就$4XX左右
我真係覺得幾海鮮價, 其實要睇你要唔要個位醫生同你接生, 我自己覺得開刀就會揀D經驗多D, 如果打算順產, 我就PREFER 政府生
[版主回覆02/11/2011 12:01:00]我想就想順產
原來我同你同年, 好開心啊!! 我7月生日. 我大你少少啦!! 所以我都好心急想生BB.
ReplyDelete我去年9月註冊, 但今年10月先擺酒(原本唔打算擺酒, 但99堅持要擺, 所以而家先補擺).
99想我擺完酒先生BB, 但我怕遲啊!!
[版主回覆02/11/2011 12:32:00]上次婚檢姑娘就話27-31最好, 如果你10月有左2個月都應該唔覺既~
我同你都要加油啊!!
ReplyDelete我真係好多謝你的煮食網, 可以比到好多煮菜的idea我.
[版主回覆02/11/2011 12:49:00]我自己反而冇咩idea喇…^^"
其實我都好同意zaka講靳醫生好難Book，個Booking system 真係有D 麻煩，touchwood 次次我都有得睇，但我也不下數十次聽到姑娘打電話俾較後Booking 既媽媽話要改期，太多生意就係咁。
ReplyDelete至於hormone呢，佢唔係個個都開既，通常係唔stable先開，而且佢好肯定咁同我講3個月之後唔可以再食hormone。等於bedrest，其實好多醫生都話有就有，冇就冇，訓幾多都冇用，所以唔會開病假，但係我個case又真係訓低冇事。
[版主回覆02/24/2011 12:26:00]可能你唔訓都冇事~?
咁又唔係呀，我訓既三個星期入面真係冇再流啡
ReplyDelete開始返工，冇再食hormone，冇bedrest，又流返
結果再食hormone，再bedrest，至三個月，又冇事
所以我好記得靳醫生同我講三個月之後唔可以再食hormone。
其實我嬸嬸當年都係咁，佢睇盧乃本醫生，即係靳醫生既師傅，佢係中後期先流啡，結果訓左半年床，順利生左個B。
[版主回覆02/24/2011 14:08:00]早排聽個同學講佢識人到9個月先小產><
我都 book 左林醫生, 生之前照一次留念 ! ..
ReplyDelete[版主回覆07/05/2011 07:15:00]我唔會再搵佢
hi~i add u.can u add me?^^
ReplyDelete[版主回覆12/10/2011 22:02:26]你係準媽媽?