成日唸住做多年俾多一年時間練好D整餅, 好好裝備自己, 但係呢段時間, 我學左D咩? 進步左幾多?
唔想搵教席, 唔想面對咁多壓力~ 好想可以O係自己有興趣既方向發展
網上賣餅? 教人整餅? 開材料鋪? 樣樣未有本事…有人搵我整餅都未有信心接…
我需要既係更多練習既機會, 更多白老鼠?
但係有時整得多都幾累, 又想玩下其他野, 太多嗜好, 太多野想涉獵, 太大野心~
懶貓同FLORA話齋, 我想殺左全世界既人XD
我一直都係一個周身刀冇張利既人…
係咪應該揀定一樣~專心D苦練呢? 但係…我又怕…悶… ^^"
日期照原定2008年1月13日(星期日)
本年度第一次BLOG聚決定北上
活動暫定: 飲茶, 廚安居, 書城, 小肥羊
http://www.facebook.com/event.php?eid=8371056564
我ADD左你FACEBOOK的請CHECK下有冇收倒EVENT
1月: Triggy(10)、Kocy (16)、blingbling(25)、martinmak睿:[音:銳] (26)、小楓(若幻) (27)、莎莉豪(29)、Pri、henry5179 (24)
集合時間：2007年1月13日(星期日)上午十時三十分, 上水火車站往羅湖方向月台第二卡
報名:
1. 蠍
2. 丁屎+1
4. 
5. 茵可煮
6. auntie amy
7. rankura
8. Ricky
9. 豬家"小飛飛"
10.
11.
表e考慮中
歡迎報名
各位係咪等左好耐呢~? 終於有相睇喇~
各位如果有影到我麻煩send俾相俾我丫~可以add我msn/facebook~ facebook 係chriscorpio wong, 請註明你係邊一位~ msn 私人留言俾我add你~ 唔該晒~
言歸正傳~ 尋日完成左大家期待已久既12月之星聚會, auntie話齋~ 一早約定搞到佢等得鬼死咁耐XD 黎緊下個月既聚會又黎緊喇~ 大家有興趣快D報名喇~ (有咩活動提議不妨提出~ 因為每個月唸去邊都有一定難度:P)
尋日本來報名既都有成3X人, 結果出席既有24人~ 有d黎唔倒食飯最後都有黎影下相~ ^0^
我相信尋日出席既blog友好多都係第一次黎, 今次係歷來最熱鬧既一次~ 本來BOOK左7點, 餐廳後尾打黎叫我地早半個鐘, 我問左AMY係全部人早半個鐘定有D人6:30上到去就得, 因為約得30人, 點可能話改就改, 個個唔駛做咩…佢話應該有D人早D就得, 咁我又唔明有咩用意, 駛唔駛我地早D走? AMY又話佢冇講, 點知去到坐坐下, 坐到7點問我地D人幾時到, 話8點幾有另一個BOOKING…我地都愕晒然, 你又唔早講, 淨係叫我地早D…又唔講明要幾點走…佢話因為星期五所以好多BOOKING…知道有限時仲要咁早我地唔黎丫…
不過都有值得一讚既地方~就係一入去到幫我地排晒L形檯, 唔駛4個4個咁, 仲話O個度D空位係我地既, 鍾意點排D檯都得。又主動幫我雪起D蛋糕~ 不過一路落單就覺得佢好趕, 我唸佢都好難做, 慢慢8點倒就有人企晒O係我地側邊俾壓力我地…我地食完就切蛋糕影相, 跟住喇喇聲收錢埋單, 大家唸緊個蛋糕O係度食埋定拎去文化中心食好既時候, 之前問佢要既碟同叉就黎到, 咁原本收緊埋既蛋糕就拎返出黎, CATFOOD話喇喇聲食埋啦佢都俾埋碟, O係我地分好餅開始食既時候就有個肥仔講左句「阻X住晒!」本來都想喇喇聲食, 甚至空一排檯出黎俾你地架喇, 不過聽倒呢句我就大大聲講左句「慢!慢!食!」跟住我當然係慢慢食啦~ 你敬我一尺, 我駛乜對你咁好~ 點知說時遲那時快, 有個神高神大既鬼佬走黎兇丁屎+1, 大魚同小飛飛同佢地對罵, 佢地淨係知自己等得耐, 又話我地食既唔係餐廳既野, 人地俾得我地帶蛋糕黎就預左O係度食架啦~你唔等得唔好等囉~你要怪就怪間餐廳冇講明食幾耐, 我地已經唔係慢慢歎, 不過對你好你睇唔倒, 咁就慳返~ 最難頂係個鬼佬兇小魚, 仲哄到鬼死咁埋! 第一次見識咁冇文化既老外~ 真係樹大有枯枝~~ 佢個FD都拉住佢架喇~ 間餐廳都係唔抵幫, 走黎同大魚SAY SORRY跟住話唔關佢地事, 係D客既問題…! 個個都覺得自己冇錯…
好喇佢地好快有位坐, 跟住叫我地慢慢食小心哽親…我話 我地就食完喇…你就真係要小心…
最型係阿茵仲一路食住CAKE一路撤退XD 仲可以幫我拎袋XDDDD RICKY好有風度咁幫佢拎O急落樓~
返到屋企同男友講, 佢話好啋佢唔O係度, 唔係佢實引個鬼佬出手…我都係咁話…好啋…佢本來都話黎, 不過八點幾收工O個陣我地都要走, 所以返左歸~
我地離開左之後本來想搵間CAFE繼續下場, 不過唔知附近邊度有CAFE可以容納倒咁多人…最終去年文化中心, 我都想去影下燈飾, 可惜天色麻煩冇咩好影…
我地一去到就去左長樓梯影大合照~今次我冇JA機喇~ 因為我上入鏡XD 多謝丁屎+1同大魚做左攝影師~ 大家傾下講下笑下, 開開心心又有晚~ 十點幾D人走晒, 最後我地4個大埔人就搭火車返歸~ UNCLE好可憐咁俾我地3個玩到大埔墟XDDDDD
之前我問AUNTIE: 「你同UNCLE係咪嗌左交呀~? 點解上次PARTY UNCLE黎你又唔黎~今次你黎UNCLE又唔黎既~~?」後尾UNCLE黎到, 俾丁屎佢地拉埋影合照搞到獻出左佢地既第一次~~~第一次趴O係TST XDDDDD
今次RICKY好受歡迎~ 好多女仔同佢影合照XDDDDD 大家有冇留意佢坐O係邊個同邊個中間呀~~A.A 哇哈哈哈~~~~~
其他相見facebook
開心~好笑~又難忘既blog聚~
其實我地次次都咁好玩架XD 有冇興趣呀XDDDD
跟住落黎到伴手禮環節~~^0^
我都有禮物喎~ *0* 我收倒之後第一時間同阿茵講~:「我生日呀~哇哈哈哈~~XDDDD」
左一係小飛飛送既桂花~ 中上係貓姐幫我買既糖桂花 ^0^ 唔該晒~ 我可以整桂花糕喇~~~中下係大蚊既自製月曆~ 今次係第二次見面~ 大蚊次次都有野送俾我>0< 今次呢份真係好感動呀~ 之前已經知佢自製月曆, 真係估唔到睇倒會咁感動, 一頁頁揭, 一邊會心微笑 ^^ 好似睇住佢用心整既野食, 睇住佢成長同進步~ 好感動 T^T 右一係IRENE送既得意量匙~ 好QQ呀~ 多謝你既聖誕禮物 ^0^ 差D漏左貓姐既珍貴RECIPE !!! 我一定會整架~ 你等我呀~ .\/.!
