蠍+小藍+丁叮媽: 大蛋糕 2007

$草莓朱古力蛋糕~~2007年情人節蛋糕 \ 呢個係我整返野食之後第一個裝飾蛋糕, 用既係真力, 又冇調溫, 我唸o係室溫放多陣應該會溶…XD 同埋呢…D朱古力好苦XDDDD \ 第一次整朱古力牌~ 第一次整有水果夾心既蛋糕~$	$豆腐芝士蛋糕 for Yoko \ 呢個係我第二個豆腐芝士蛋糕, 整左yoko鍾意既黑白豬公仔~ 第一次用朱古力畫公仔~差d買唔倒白朱古力~!!$	$芒果慕絲蛋糕 for David last day \ 第一次整手指餅圍邊, 用左戚風底, 加芒果mousse~ \ 評價好好 ^^ 我自己就覺得芒果唔夠芒果味, 得個甜字$	$藍莓芝士蛋糕 for Alex last day \ 原本係整俾alex既…不過結果我地幾個ta ko左… \ 第一次整焗既藍莓芝士餅, 講都唔信~我係未整過雪既藍莓芝士餅架~~ 可能太多人整太普通…遲遲唔想整… \ 今次焗到爆晒先加d士多啤梨圍邊… \ 我鍾意焗既芝士蛋糕多過雪~ 實在d香濃d~~$
$母親節榴槤慕絲蛋糕 \ 應該係跟為食貓網整既~ 好味~ \ 幾年前又係母親節整過一次, 雪唔硬 T_T \ 第一次整朱古力片圍邊~其實係個邊甩得唔靚XD 整左D朱古力花裝飾~ \ 朱古力O即O係碟邊裝飾又幾靚:P$	$呢個係一個練習蛋糕~ \ 主要想練習下上CREAM \ 當時仲未買轉盤, 不過買左之後又冇咩用過:P \ 買左玫瑰擠咀~又試下整個白雪雪忌廉蛋糕~O岩晒DADDY仔口味~ \ 不過中間原味蛋糕冇切開~ 下次切開幾層再夾CREAM佢會仲開心喎~ XD$
	$第一次見AMY~ 就係整左個蛋糕俾佢~ 仲成日俾佢怨咩都冇一..一真係打得少… \ 第一次亦係07年唯一一次整撻俾人生日~ 芝士餡~2個人差少少就KO左一個7寸既芝士撻…好可怕=口= 明明預左佢帶走家嘛…居然以為我唸住食晒=口=\|\|$	$父親節蛋糕1號~ \ 第一次整蛋糕俾老豆~ 第一次整布朗尼…O即唔倒上面DMOUSSE 波波… 好在12月再整俾勤勤O個陣終於成功~ ^0^$	$父親節蛋糕2號~ \ 整俾男友DADDY既~ 當時硬係驚D MOUSSE 唔硬, 落得比較多魚膠粉…第一次整荔枝MOUSSE~ 同1號黎個黑白對比~ O係鼎泰豐切蛋糕~$
$整俾男友呢個…點解特別樣衰… \ 好簡單既雲石戚風, 加上黑朱淋面, 白朱寫字…我手字真係呢…= =" \ 個戚風好彈~ 我仲拍左片XD 好似當時美心新出既彈彈糕咁XD \ 因為唔可以落生果, 所以都唔知點裝飾好… >< 有生果既蛋糕真係繽紛精彩好多~!$	$香橙戚風FOR ANNA同KAREN \ 因為要帶出去食又唔想俾切餅費, 所以整個唔駛雪既戚風~ \ 橙皮用糖煮左都唔夠甜, 苦苦地, 不過蛋糕好軟評價唔錯$	$熱情果白朱古力芝士蛋糕FOR CHRISTY \ 早排BLOG界好興既蛋糕, 不過我整左焗版, 自己改下改下整出黎, 面層有熱情果汁做既JELLY~ 不過太重手, 好酸XD 配埋咁甜既白朱都唔掂~XD 好鍾意酸既就會鍾意:P$
$B仔第一個生日蛋糕~ 4歲喇~:P 媽咪先整俾你^^" \ 呢個係我同DADDY仔都好鍾意既拿破侖, 冇生果架~ 係傳統西餅O個款, 依家奇華同一D麵包店仔都有得賣~一件件長方形切件既~ 好味呀~ ^^唔係我自己話架~$	$FLORA既芒果芝士蛋糕 \ 第一次整芒果芝士蛋糕 \ 第一次整蛋糕圍邊--太厚= = \ JELLY淋面俾蛋糕邊索晒…= =難吃… 不過得HERRY一個食得出… \ 第一次整JELLY夾層~ 好靚~ ^0^ \ 芒果鋪面切得好厚…好難切呀…已經用左大大個芒果, 都切得唔靚…味道冇整CHEESE餡既呂宋芒咁香芒果味~得個甜字~ \ 第一次整士多啤梨花花~居然有人問我係咪有工具整XD \ 整體黎講OK啦$	$MAUPH既士多啤梨芝士朱古力蛋糕~ \ 好鍾意呢種朱古力花瓣圍邊~ 簡單又靚~ 呢個係本年度我覺得整得最靚既蛋糕~士多啤梨永遠係蛋糕裝飾既同幫手 ^0^ 可惜好多人唔鍾意食…$	$八月之星蛋糕, 內有乾坤架~因為有人唔食綠茶, 有人又好想食喎, 所以整左2種蛋糕底, 分左左右2邊, 一邊綠茶海綿蛋糕(跟VANLILY食譜), 一邊原味海綿~不過唔記點解整完有一邊浮起左= = 淋上青蘋果MOUSSE~不過冇青蘋果味既…之後上工聯學都係冇青蘋果味喎…只係食倒粒粒果茸… \ 面頭用左生果同朱古力裝飾, 愛黎分綠茶同原味, 不過唔記得邊邊打邊邊…XD$

$提拉米蘇FOR 河童CAREY \ 佢話想食芝士蛋糕, 鼠鼠又唔要生果, 聖誕先整完NY CHEESE, 所以今次整左TIRAMISU~照用開既傳統冇魚膠粉版既食譜, 今次要有帶出街就加左少少魚膠粉, 不過都係溶溶地… \ 用紙畫左隻河童跟住CUT出黎鋪面, 跟住臨出門口先灑可可粉~得唔得意呢~ XD$	$朱古力脆脆栗子蛋糕 for Mama \ 第一次整栗子蛋糕~ 買左個栗子擠咀唔識用…= =$	$朱古力脆脆栗子蛋糕 for rankura \ 一次過整左2個栗子蛋糕~ O岩O岩好用晒一罐栗子~不過呢個蛋糕D CREAM打得唔夠企身, 而隔左2日先到RANKURA口…$	$呢個…都唔講得上係裝飾蛋糕XD因為都冇咩裝飾… \ 呢個係HERRY指定既簡單蛋糕, 木糠布甸真係簡單到喊…好難失手… \ 打起CREAM+煉奶同雲呢拿油, 再一層一層夾D馬利餅就係~ 今次整方形~ 加塊薄荷葉點綴下~ \ 本來想好似個TIRAMISU咁剪佢個名O係角落先再灑餅碎, 不過一個懶字, 同應佢「簡單」既要求, 冇整到XD 點知之後見倒阿YAN同RICKY O個2個有金箔佢先識後悔XDDDDDDD$
$Toffee Mousse Chocolate Cake for Yan 20071028 \ 冇白蘭地用左RUM酒代替, 份量比平時多好多好多, 出黎成陣酒精味, 蓋過晒焦糖味><裝飾又唔知點咁…白SIDESIDE…><$	$Truffle Cake for Ricky 20071025 \ 第二次整朱古力淋面, 失敗左…上次冇用溫度計反而OK… 不過個朱古力忌廉大受歡迎~幾位同事問我要食譜 ^0^ TONY WONG D譜係掂呀~$		$唸過幾款蛋糕, 放工買左盒士多啤梨, 返到屋企先決定整呢款~ 都算想整好耐~睇唔睇得出係咩XDDDD \ 簡簡單單, 焗左海綿蛋糕底（今次整得唔錯:p用左3隻全蛋+1隻蛋白), 水平一開三；用脆脆+黑朱古力(1:1)整左陣朱古力脆脆層, 夾o係2層海綿蛋糕中間；打起甜忌廉, 唔好掃太厚, total打左大約70g, 用剩少少~ 掃o係第二層蛋糕面, 鋪生果~加埋頂層蛋糕片, 搽cream, 鋪生果~完成！$
$樹頭蛋糕 Chocolate Yule Log \ 第一個樹頭蛋糕, 用左整薑餅既蛋白糖霜裝飾, 加上糖霜, 簡簡單單 \ 其實入面係原味卷蛋, 因為只係試驗性質, 其實原先只係想試做卷蛋, 之前時得時唔得, 今次見得左就順便試埋造型啦~^^$	$今晚食飽飯先決定整呢款蛋糕~ \ \ 其實父親節都整過一次, 不過上次mousse雪得太硬o即唔倒波波…同埋今次brownie轉左朱古力味~mousse加左榛子醬 ^0^ \ \ 名牌用冇落薑粉既薑餅整~:pd字係蛋白糖霜~背後2款白朱花瓣~前面加左4塊新買既威化綠葉~ \ \ mousse 好滑~又o即倒波波~^0^ 好開心呀~~$	$學校老師聖誕聯歡, 第一次整蛋糕俾一大班同事食 \ 呢個OK啦~卷蛋整得都OK, 士多啤梨夾心, 不過用淡忌廉唔係甜忌廉~簡簡單單朱古力脆皮面~$	$個個睇樣都以為係栗子蛋糕…咁多人唔食栗子…我一般都唔會整栗子蛋糕…一罐買左又有排用… \ 其實呢個本身係2層草莓同白朱古力慕絲蛋糕, 跟住又想改做單層白朱, 點知D朱古力溶唔倒倒晒~ 跟住見有士多啤梨就試下整士多啤梨MOUSSE , 好似太多魚膠粉整到太杰唔滑, 點知又好似雪唔硬…都唔知究竟夠唔夠夠膠粉= = 不過有幾個同事讚…居然主力係讚呢個…騎哩呢…$
$第一次整呢款蛋糕~ 屋企有支bailey ~ 早幾日又買左舊芝士~o岩晒~ ^0^ \ \ Bailey Cheesecake for12月之星~ \ \ 跟diy個譜~ 要加多一倍材料先夠…於是整左2次= = 本來個面唔係咁既, 想o係邊o即波波, 不過整多倍都唔夠…= = 依家又剩左d, 整左幾杯細既俾專員食~ ^0^ \ \ 裝飾方面, 主要係試左上次o係火炭買既朱古力轉印紙~ ^0^ 易用又靚靚~~~ 26蚊都可以用好幾次~ 我今次只係剪左一條出黎~$	$Bailey Cheesecake for12月之星~ \ \ 個面…唉…= = 都係側面靚d…$	$本年度最後一個生日蛋糕~ \ 第一次整蛋白餅, 其實都唔算第一次, 之前都整過小粒裝, 不過第一次用黎做裝飾蛋糕~口感好特別好得意~ 幾O岩我 ^^自作主張加左層蛋糕底, 加一層淡忌廉同士多啤梨, 中和返蛋白餅既甜味~ 不過呢個餅如果可以白D就靚好多喇…$

13 comments:

audrey9:18 PM
(Empty)
[版主回覆12/31/2007 16:40:00]你又會唔會黎個回顧呢?
GRACE9:27 PM
嘩．．．３５個蛋糕，　各有不同，　一個字　〔勁〕
[版主回覆12/31/2007 16:40:00]都有d差唔多:p
盡可能每次都有d新嘗試 ^^
SkyBlue10:08 PM
嘩....你好叻呀! 好羨慕呀.

[版主回覆12/31/2007 16:40:00]我仲係學習中 ^^
新年快樂 ^^
Maggie11:06 PM
wa....want to EAT !!!
[版主回覆12/31/2007 16:40:00]hehe~
Michael11:44 PM
如果我有個咁樣既女朋友就好啦
[版主回覆12/31/2007 12:26:00]呢度好多餅友都係單車架A0A
yvonne yycake11:46 AM
重溫一下,你真係做了好多款蛋糕喎!!!
[版主回覆12/31/2007 16:39:00]不知不覺平均一個月都有3個@0@
Cindy12:03 PM
米卡路﹕anut 都識焗蛋糕，重 single 駕喎﹗
[版主回覆12/31/2007 12:26:00]你唔記得左阿茵喇?
珍珍1:53 PM
d蛋糕整得好靚呀
新年快樂!
[版主回覆12/31/2007 16:39:00]多謝晒
新年快樂 ^^
嘉露11:21 PM
嘩...原來你呢年已經整咗咁多蛋糕喇...勁勁...
今日除夕, 去咗邊度玩呢...新年快樂...
[版主回覆01/03/2008 00:16:00]去左旺角呀,不過等唔倒倒數就返左歸, 返屋企倒數
cheukcheuk1:54 AM
嘩
整左咁多呢

Almond1:01 PM
Nice to meet you in 2007, Happy New Year!!!
嘉露12:14 PM
我就好攪笑...喺奶奶屋企食完飯就同老公返屋企, 等到11:35老公又話返去奶奶度倒數, 佢話人多啲熱鬧啲喎...所以我地又返咗去奶奶度...
[版主回覆01/03/2008 13:10:00]咁搞笑
你地好近架?
我都覺多人D熱鬧D
最好就O係屋企開PARTY
嘉露5:14 PM
係呀...好近架...同一屋苑唔同座..
[版主回覆01/03/2008 17:38:00]咁幾好丫~ 我最想三家人住同一棟村屋, 夜晚一齊食飯

蠍+小藍+丁叮媽

ChriScorpiObi

Sunday, December 30, 2007

大蛋糕 2007

13 comments: