上排：三文魚刺身 by uncle, 元氣壽司 by 鼠河, 黑沙律醋 by uncle
中排：火腿拼盤 by uncle, 臨時拉夫白汁海鮮扁意粉 by 蠍, 每次都會出現既洋蔥煙肉多士 by 蠍
下排：朱古力曲奇 by 蠍, 德國鹹豬手 by 蠍, 麵包布甸 by 蠍
其實仲有蘋果批整左冇焗到, 仲有之前整落既薑餅~
大家有冇留意倒d多士仔其中有幾塊係人形同熊形架XD 不過由於太麻煩, 所以整左2, 3塊之後就用返1開9方形 XD
街買既唔好計~ 我整既幾樣野食當中, 食評最好係白汁海鮮意粉~ 專員推介~ 我都覺得幾好味又簡單, 帶子青口龍利柳煙肉切粒, 牛油爆炒材料, 加忌廉, 雞粉, 水, 試味~淋上意粉面, 搞掂~XD
德國鹹豬手係第一次整, 西芹4條, 洋蔥2個, 甘荀2條切粒, 月桂葉2片+蕃茜2片爆香, 加2杯啤酒同2杯水炆1個鐘, (豬手記得先界幾刀), 我用壓力煲炆左半個鐘, 可以再炆耐D。風乾後220'C焗40分鐘至皮脆金黃即成~專員話皮脆o個陣好食, d肉都好味~
uncle話呢個可以返去試下整~ 其實都幾方便~又唔駛醃~ 不過記得唔好貪靚放d炆野既菜o係碟邊…搞到d皮un晒= ="
麵包布甸呢~ 呢碟唔係尋晚食o個碟…尋晚o個碟d包冇切開, 原片鋪左3片~ 不過太少汁…好在食落都ok~ 呢碟呢…仲o係雪櫃= =今次終於可以用自己搓既方包整麵包有甸喇~^0^
最後到朱古力曲奇~ 唔鍾意食曲奇同朱古力既我點解會整呢~? 話說我跟呢個譜係史力奇之前整俾我地既伴手禮~異常好食鬆脆~ 想試好耐~ 呢晚呢整d小食一路玩一路食~ 於是整左~ 不過估唔到異常難o即…究竟d蛋白係咪要打起左先呢? 我一路o即要一路叮溶d牛油先o即倒…先後叮左3次…最後都係放棄…差d布o即袋都難埋= =" 食評仲要係薑餅好食d…我都覺冇史力奇整o個d咁好食…咩解究><"
搞到8, 9點先開飯, 泥仔仲帶左特別嘉賓= = 估唔到會見倒我一個學生…好在已經畢左業XD 一入到黎就好驚訝咁嗌左一聲「老師呀」大家都尷尷尬尬…真係我仲驚過你= = 仲要唔記得我姓咩一.一不過我都係佢走左先唸起佢叫咩名XDDDD 坐左一陣就走XD
食完野終於可以玩我等左好耐既猜猜畫畫喇~^0^
其實唔係特別鍾意玩, 亦玩到有D悶, 不過就好想同DADDY仔玩一次~ 都幾夾XD 「香港」真係咁難估咩~~? XDDDD 呢個GAME玩五次大約有4次會贏~ 係O個日同winnie玩輸左…仲搞到佢鬼咁大壓力XD 我都冇講D咩丫~~ 不過估唔到畫支汽水, 4個X, XX可樂你會估百事可樂XDDDDDDDDDDD 真係激死可口可樂XDDDDD
呢晚都玩得好開心~次次玩都笑到死XD 鼠河組咩都現篤屎XD 碩士學位都可以畫"食屎" 點夠你地黎呀XDDDD
下次想玩都係嗌野食啦…唔整喇…又搞到冇乜時間玩><
各位聖誕快樂呀~^0^ 呢個聖誕雖然人少少, 不過好開心 ^^
No comments:
Post a Comment