中學就開始去美食博覽, 不過唔係年年去~ 早幾年相約BLOG友仔去~不過前年好似冇咩行，舊年就冇去，今年本來都想平日去冇咁多人，但發現貿易館只有星期六開放俾公眾人士，勁怕人多、迫同排隊既老公話陪我去，預早俾定心理準備佢，好似書展咁迫(初初拍拖陪我行過書展知道咩環境:P)，去到果然真係好迫…佢話仲迫過花市，行唔倒ＸＤ好在只係第一行係咁，其後都好Ｄ喇～ 而且見佢都幾開心，好多試食～食完又有試飲ＸＤ食完又飲飲完又食ＸＤ
買飛時見倒一個女人拖住3個細路, 要成$100入場費我地都覺得貴, 老公仲話去飲茶好過, 不過行完佢話其實真係可以消磨一日, 咁$100都唔貴XD 如果有心機慢慢排其實試食都食得飽~XD
打完針、飲完茶、行埋TST, 黃昏先出發去美食博覽, 估唔到3個幾鐘係行唔晒架…最後我地9點幾去到貿易館居然收晒咁滯… 不過錯有錯著, 星期六雖然人多, 不過同老公行得好開心^.^
TST搭船過灣仔~
除左試食之外我地都買左D野即場食~ 第一樣就係老公至愛既腸腸喇~ $10兜咩都有, 樣樣一開二~抵!
跟住見倒雜誌介紹過既台灣戚風蛋糕, 入面有雪凍既cream~$8@, +$5有個紅豆/綠豆/芋頭餅
一士嚷著要叫雪糕既老公咳咳冇得食…於是買左佢唔食既榴槤味乳果雪糕~出奇地好味呀~ 我仲驚榴槤同乳酪唔夾, 聞冇咩味, 食落好清甜既榴槤味~~$30@ 有環保袋送~
我地既晚餐~~正呀~$30套餐有藍青口, 翡翠螺, 帶子同野飲
老公最鍾意帶子~ 我鍾意藍青口~有牛油味~ 螺就食得哩hea :p
10:15pm 走人lu~
支力死喇~~~ 飲完茶3, 4點就開始行到依家~~
最後老公應承出年再陪我黎～^0^
我地既戰利品唔係好多
人參茶王$75/75g: 試飲過新星d茶~飲完真係個口好甘甜~所以買左包人參茶王, 送左包普洱, 唔要木盒-$5
老干媽香辣脆油辣椒$12+$2送火鍋料: 老干媽就本身屋企已經有樽好正~今次買左老公聽講最好食既香辣脆油辣椒~ 試左豆豉其實都唔錯, 聽講遲下超市都有得賣~$12@+$2有包好重手下既火鍋料
雙匯牌即食腸$20/7包: 之前o係深圳都有買過
超力撈米$30/7碗~試食o個陣排後面個女仔堅持要試XD同行幾個男仔話買一包俾佢返屋企試叫佢唔好排佢都唔制XDDDD個男仔話: 呢D咪叫因小失大囉XD
仲有一包加拿大參贈品冇入鏡
嘩~好 sweet 呀，甜蜜行美食展 ，仲要有我至愛嘅甜品加雪糕添~ 今年我冇去行啊~ 因為次次都覺得好迫好多人，所以今年冇去行呢~ 但睇落今年又唔錯噃~ ( P.S :蠍蠍~借問聲你部相機係咪有美肌 mode 呢? 皮膚好滑溜啊 ~)
ReplyDelete[版主回覆08/15/2010 16:58:00]係呀XD開左美肌功能^^" 我邊有咁滑~~~T^T 我舊年冇去呀, 今年第一次同怕迫既老公去~^^"
我實在太無耐性... 最怕呢 d 人多既地方...
ReplyDelete[版主回覆08/16/2010 00:40:00]其實老公都係最怕迫…所以我地聖誕除夕都係O係屋企多
我從未去過,佢(老公)都超怕迫, 成日叫佢陪我去,都好似要佢去C甘.所以次次一有D甘既節日OR活動而我又想去既話,我都會搵FD去-..-"
ReplyDelete你老公好好呀^^抵鍚(吾好話佢知,費時佢驕XD)
係拉,今年D野平嗎??多吾多款???
入場費要$100???
吾係$25咩???
[版主回覆08/16/2010 13:04:00]我之前都係搵fd陪架~ 今年其實唸過平日去, 之前都係平日去, 不過貿易館星期六先開放, 老公星期六放假, 所以問佢同唔同我去, 佢又話去喎~我話好迫個喎, 佢話陪老婆嘛 好在咁迫都冇發老脾XD 其實我冇同出面比較唔知平唔平呀, 唸住去行下, 試食下~ 同埋食D得意野咁, 冇唸過會買茶葉XD 不過真係幾好飲, 其實試食試飲真係有用, 擺得檔呢D錢唔慳得~! $100蚊係因為佢一拖三~一個大人3個細路, 佢買飛O個陣仲問佢細路駛唔駛錢, 原來小童飛都冇得平, 三歲以下就免費。
美食博覽太多人,實在真的唔係平好多...........
ReplyDelete[版主回覆08/18/2010 00:58:00]好多人問我平唔平XD我根本冇留意…只係去湊下熱鬧睇下有冇咩特別野, 當係一個節目^^
嘩，原來入場費咁貴 o架！仲以為 $10 入場費咋！
ReplyDelete[版主回覆08/21/2010 23:57:00]10蚊真係好多年前喇XD