商戶評分-婚紗(mee-wedding)

我地冇租到婚紗, 反而買左2件, 所以我其實冇咩試婚紗經驗, 以下先介紹第一件。

我地一早決定唔擺酒, 唔換晚裝, 其實我唔明點解結婚要著晚裝…^^"
老公唔鍾意去飲D新娘成日轉妝換衫唔見人, 我地都prefer多d時間同賓客見面影相傾偈, 只著褂同婚紗。

上網睇過d款, 睇下自己鍾意d咩婚紗
開頭鍾意絹呀, 色丁呢d心儀婚紗款式，之後發現雪紡、輕紗又唔錯飄逸婚紗；然後發現成件lace都好靚lace wg、高腰大肚婚紗、輕盈下擺都係心水款色 :p

mee-wedding

舊年8月第一次跟朋友去mee-wedding, 知道開倉, 朋友買左件婚紗, 於是叫佢帶我上去睇。My wg & eg ^^
呢次係我第一次試婚紗, 其實冇叮一聲既感覺, 第一次見倒自己著婚紗都冇咩震撼:p
試左2件wg1件eg, 最後買左1wg1eg…實在太抵…

不過老公見倒呢件婚紗好似唔係咁鍾意, 佢話「你鍾意呢d款既咩? 你之前睇o個d唔係咁格」
其實我對呢件婚紗冇the one既感覺, 只係覺得好方便, 又輕又唔阻地方, 都幾特別, 最重要係平, 買左先…:p 不過呢件勁細…又短又窄…我到影相o個時(11月)都未拉得埋拉鏈>< eg就ok, 最後要加100去放返鬆…>_< 仲要第二日再去拎…
mee既工作人員第一次俾我既感覺都ok, 幫忙試初o個位唔錯, 另外有位化妝師都ok, 我地搞左好耐, 阻住佢收工都冇野, 不過到改衫o個陣呢, 我遲左幾個字上去, 因為o係樓下搵唔倒, 佢打黎催我: 「你未黎過既咩?」 黎過都可以搵唔倒呀…我感覺就麻麻…最後因為有另一個booking叫我第二日再黎。
其實佢唔係話好寸既, 之後得閒d都有問我影相既野, 不過感覺就唔係話好好服務o個種, 可以話有d藝術家脾氣啦=.=, 服務我俾

因為朋友o係度租衫, 原本開倉買衫之後要一個月內改, 佢都俾我延期到影相o個個月, 即3個月後, 呢樣幾好, 有

至於件婚紗呢, 上面有好多條絹帶, 第一次外影已經成日踩倒, 最後直頭甩左…
不過整體上, 影左3次相都算完成任務, 如果唔係佢咁輕我都帶唔倒去布達佩斯, 總算幾襯草地同我清簡既髮型。