早2日同老公討論菲律賓脅持人質事件, 佢話佢有朋友話如果個槍手放佢唔放佢老公, 咁佢都唔會走。
老公問我，俾妳妳走唔走
我明白點解佢朋友唔走, 但係我又覺得, 個槍手講咩都唔好逆佢意, 根本唔到你揀, 佢唔係問你意見…佢係叫你走…你點知佢會唔會覺得自己一番好意你唔領情發難…之後睇報紙都話應該盡量配合。
老公話：係喇！妳應該走！妳o係度盞我仲要照顧妳…
我又問返佢：咁如果個槍手放你唔放我，咁你走唔走？
老公話：我唔走！或者同佢交換留我o係度放妳走。
我話：有得咁既咩…
其實今次事件當中，生還既家屬絕不比離去既人好過…
好似梁太話齋，如果唔係要照顧小朋友，佢都想攬住老公一齊走…依家知道２個女都走埋…如果唔係仲有個仔…我真係驚佢會做傻事…
如果冇小朋友，攬住老公一齊走我相信係好多人既選擇，但係有冇唸過，你唔係淨係得呢個另一半，如果你真係有得走唔走，最後２個都冇左…剩返雙親o係香港邊個照顧…?再俾我揀我都係會走，我仲要返黎照顧媽媽同老爺…
梁生英勇，梁太亦好堅強…以後漫漫長路，家破人亡…仲要照顧唔知康復進度如何既兒子，條路有幾難走唔難想像…
另於主blog有一篇相關感想名為苦海孤雛
其實你老公都好啱, 不過如果我無小朋友, 我會唔走... 怕再無機會見... :(
ReplyDelete[版主回覆08/27/2010 14:17:00]但係我地都唔可以咁自私, 我地仲要照顧自己同對方既屋企人, 就算冇小朋友, 難度就可以唔理老人家…
白頭人送黑頭人已經難過, 仲要佢地冇人照顧? 仲要佢地奔波為你地搞身後事?
我地唔可以為左唔想自己難過, 就選擇一條易行既路…
咁都係... 所以... 都係要生死相隔... :(
ReplyDelete[版主回覆08/27/2010 14:22:00]唸下都想喊…難為親身經歷既人… :(
我都驚如果 jason 有咩事, 梁太會做傻事....
ReplyDelete[版主回覆08/27/2010 14:42:00]依家傷倒個腦…第一晚睇當地醫生講到咁嚴重…唔知依家點呢…希望佢將來可以照顧倒梁太啦…
希望粱太仔仔早日康復, 見到真係好心UP,
ReplyDelete如果要我選擇, 我都唔知點解
[版主回覆08/27/2010 14:44:00]其實就算我地唔出國, 每日o係香港都唔知下一秒會發生咩事, 只好盡力珍惜眼前一切
我同CFU既想法差唔多~~ 都係難以捨下其他家人不顧~~~~~ 老公應該會明白的﹗
ReplyDelete[版主回覆08/27/2010 16:28:00]咁如果你係留o係車上o個個, 你會唔會想佢留低?
呢個係一個好值得深思既問題...........
ReplyDelete如果係係放我唔放陳生, 我諗我第一個反應都會係唔走, 寧願留低同陳生一齊, 同埋換呢個機會比另一個人走
之但係.... 諗深一層.... 係HK有需要我照顧既親人...... 如果我同陳生一齊有事, "不能同生但能同死"既我地當然灑脫, 不過我實在唔忍心剩低在生既親人受苦.....
要離開旅遊車, 可能有人會認為係"偷生", 但我反而認為需要更大勇氣囉...... 選擇從此陰陽相隔, 真係需要好大好大勇氣..........
[版主回覆08/27/2010 16:28:00]有時生存比死需要更大勇氣
咁如果你係留o係車上o個個, 你會唔會想佢留低? <- hmm~ 唔想呀~ 邊個可以生存到都要盡力生存~~~ 大家有高堂要照顧~
ReplyDelete[版主回覆08/27/2010 16:43:00]其實主觀願望我當然想佢陪我, 冇左佢我一定會好驚, 有佢o係身邊, 就咩都唔怕。之前結婚一路都唔緊張, 第一次衝出亞洲又唔緊張可能都係因為有佢o係身邊, 但係見工就好緊張, 因為一個人面對…不過我唔希望佢同我一齊死, 如果大家都冇事就話, 如果要死既話, 我希望佢可以好好生存, 就算冇死到, o係架車度經歷煎熬都唔好, 有得走, 緊係走啦
係驚架~ 不過一個人驚好過兩個人驚~ 生死有命~ 唔係佢或我可以控制到~~
ReplyDelete生存係需要更大的勇氣，亦可能比死更難受 .... 而且，梁太揾到一個願意為佢擋子彈的人，.... 開心啲咁諗佢同梁生都不枉此生。
ReplyDelete[版主回覆08/27/2010 22:53:00]不過梁太唔係話佢撲出去阻止槍手殺人咩? 在場5位男團友都有撲出去, 梁太似乎冇講佢係為佢擋子彈? 反而佢個女, 真係好好家教…同哥哥亦感情好好, 可以想像佢地一家幾咁和睦……
um... 我成日都同白x才講, 我寧願自私0的... 我想揀做走先0個個ar ha ~~ 如果我係梁太, 仲有幾個仔女, 我都會撐住, 仲有一個仔都會撐.. 借依到講句, 希望梁太個仔會康復喇...
ReplyDelete[版主回覆08/28/2010 00:29:00]咁你老公點講
我真係希望個仔會平平安安, 好怕梁太會有事!!!
ReplyDelete大家要珍惜自己有既野!!
[版主回覆08/28/2010 00:29:00]返到香港, 希望佢其他屋企人可以俾倒支持佢
依一刻諗......好難抉擇......要係當時情況做抉擇...我估更難...真係要珍借現有呵.希望還生存既早日康服. 死難者早日安息..
ReplyDelete[版主回覆08/28/2010 00:54:00]人往往只有經歷過大事, 試過失去先學懂珍惜 我地幸福既一群偏偏識講又未必做到…
我都曾經有諗過呢個問題~~
ReplyDelete俾我, 應該唔捨得走, 走左可能真係再見唔返~
呢次件事我KEEP住到而家都好唔開心~
越知得多, 感覺越難過~
[版主回覆08/28/2010 01:27:00]其實我只係睇倒有關報導既時候先會眼濕濕, 每次睇倒新聞、報紙, 就算O係街都會忍唔住眼有淚光, 但係整體情緒唔係好大影響 我比較理智, 阿媽話齋, 不幸既事日日都有, 當然佢地係好慘, 但係慘既又何只佢地…只係今次大家睇住先咁大影響 呢D事, O係當地時有發生, 我地生活O係福地既香港人睇會覺得好大件事, 但係好似當地總統既微笑表現, 我一D都唔意外…因為佢地習以為常… 為遇害者傷感既同時, 我地應該好好珍惜一切, 既然身在福中, 我地要好好過日子
其實我覺得，向個一個 moment，真係唔到你揀...
ReplyDelete[版主回覆08/28/2010 12:40:00]就係囉...
我由個天幫我揀 ~ 從來自己既生命都唔係我自己可以操控
ReplyDelete[版主回覆08/28/2010 13:11:00]點為之個天俾你揀呀, 佢俾你走, 你走/唔走喎~~
我都有同佢講過, 我係答"唔走" ~
ReplyDelete不過你老公都講得啱, 但係我諗喺嗰個moment, 我應該唔會咁理智囉...
希望jason冇事啦...
[版主回覆08/28/2010 17:43:00]我唔會唸倒反抗個槍手…
我未結婚又無細路, 不過一齊佐 15 年. 我會聽個搶手講走, 當時唔會諗到另一伴會死. 放得我好大機會會放埋佢. 我會同佢講, 我一定會搵人救佢. 如果我要留低, 佢可以走. 當時實會好驚想佢培. 但係我會要佢走, 同放底一句 "一定要好好照顧我屋企人"
ReplyDelete[版主回覆08/29/2010 13:33:00]但其實, 佢又冇責任照顧你屋企人…