準備出發

準備出發去澳門過生日喇~~

預計行程->攞房->水舞間-> 小豬/自助山->返酒店~

聽日晏晝返黎~

再去high tea~~

夜晚仲未唸倒去邊度食><

村屋(元朗篇)

http://www.28hse.com/utf8/property26163.html 錦田雅緻上複式 $168萬

http://www.28hse.com/utf8/property25870.html 好吸引, 元朗大棠-崇正新村, $258萬, 700+1000呎, 400呎玻璃屋連蒸氣桑拿, 套房

http://www.28hse.com/utf8/property25580.html $125萬, 500呎, 水蕉老圍

http://www.28hse.com/utf8/property26699.html 水蕉老圍, $230萬, 三樓連天台1400呎

http://www.28hse.com/utf8/property23098.html 錦田城門新村, $170萬, 600呎, 附近有超市食肆, 6分鐘行到西鐵錦上路站

http://www.28hse.com/utf8/property26010.html 元朗廈村, $178萬, 5分鐘到西鐵站, 1480呎3樓連天台

http://www.28hse.com/utf8/property26169.html $148萬, 780呎, 巨型廚房, 雙露台, bar檯, 行2分鐘到西鐵站(780呎可能已連天台)

http://www.28hse.com/utf8/property26611.html大棠地下780+200+車位門口有蓋,$178萬,
1大廳+2睡房+1士多房+1廚房+1浴室, 大廳新換木地板及天花, 全屋安裝4部分體冷氣, 即熱式石油氣熱水爐, 有免費巴士(大棠巴士總站K66)往西鐵綫或輕鐵, 付近有多間餐廳,靜中帶旺

http://www.28hse.com/utf8/property25695.html $168萬, 3樓連天台550+550呎, 2-3分鐘行到元朗西鐵站, ,巴士站及跨境巴士,  合2-4人家庭或新婚自住,可養狗, 近大營商場步行購物約3分鐘超市食肆一應俱全

http://www.28hse.com/utf8/property23615.html $180萬, 1480呎, 300呎天台玻璃廚房, 但較偏遠

http://www.28hse.com/utf8/property26450.html  $165萬, 靚新裝, 700+300呎地下連花園, 睇落都幾遠

http://www.28hse.com/utf8/property25499.html $168萬,2房1廳, 3樓連天台550+550呎, 2-3分鐘到西鐵站

FW:準爸爸先修班

老婆快要生，身為老公的除了打氣和忍氣之外，還可以做什麼？

男女有別，女人在懷孕的過程中早與BB有緊密連繫，不論是腹部一天一天隆起，或BB偶然的踢腿撐手，感覺都非常實在。相反，男人往往要等到BB出世之後，才真正感受到做父親的真實感覺，很多時會表現出一副患得患失的慢半拍態度，因而激起太太把火，甚至造成很多準父母之間的不愉快。如果想順利過渡這漫長而又重要的時期，男人必須先好好上一課。

1.陪上講座
所有太太都希望丈夫可以陪伴出席所有產前講座，男人不要推說這是女人的事，BB大家也有份，況且在懷孕的過程中，你們既然一起生活，即表示也會一起面對所有所有生理和心理的改變，因此丈夫有責任去認識有關常識，例如懷孕保健、自然分娩和無痛分娩、呼吸技巧等課程，都適合準爸爸一起參加，做好心理準備，減低壓力。女兒剛剛滿一歲的Sharon，回憶丈夫當日不但次次都陪她上堂聽講座，而且還會自己上網睇書了解一些孕婦 do & don’t，更不時在身邊提醒她這樣那樣，這對於當時陀B陀得頭昏腦脹的她來說真的好有幫助。

2.分擔恐懼
愈接近分娩的日子，孕婦難免會經常想像很多分娩時的痛苦和意外等，作為丈夫一定要時常給予妻子積極的心理支持，例如多分享一些輕鬆分娩的成功例子，快將做爸爸的阿文，明知老婆細膽又多憂慮，所以他將打聽回來的生仔見聞都過濾和修飾一下，務求報喜不報憂，他說：「有時知得太清楚分娩細節都唔係好事，我叫太太唔好幻想咁仔細，希望令她不要太擔心！」如果能夠每日給予太太正面樂觀的支持，對心理一定有積極作用，這樣就可令太太更輕鬆面對。

3.充當外賣仔
「一日嘔到黑，無胃口仲要戒口，連平時愛吃的都不能碰，真係好慘！」Carol 自大肚以來無啖好食，尤其是最初4個月，幾乎連飲水都會作嘔，她最難忘是每當突然諗起想吃什麼，即使三更半夜或長途跋涉，老公都會飛撲去買回來，此舉令她感覺好甜蜜。所以，懷孕期間丈夫不但要照顧太太的營養需要，同時亦要 24小時 stand by 做外賣仔，類似的傻勁行為對太太來說可能就是最大的支持。

4.有讚無彈
口腫面腫、爆瘡、皮膚差、鬆身裙、平底鞋、行動笨拙……大部份孕婦在懷孕期間的外表都肯定大跌 watt，這對於潮媽來說實在是自信心往下沉的黑暗階段。作為丈夫，不但要小心自己的說話，更切忌對太太外表有任何批評，甚至不妨多說美麗的謊言氹氹對方，讚賞她是個美麗的孕婦之餘，也不忘感激她為了你們的愛情結晶承受如此多的困難。

5.私人按摩
孕婦經常腰酸背痛和抽筋，丈夫應該多了解妻子身體各部分的情況，不妨學習按摩以舒緩太太的不適，同時又可以放鬆對方緊張的心情。例如朋友之中出名錫太太的Jason，就特別學了一堂按摩班作為給太太的小禮物，每晚臨睡前都會為她按摩半小時，他說趁著按摩的時間，二人更可以好好傾談一下大家當天發生的事情，這樣令他更加了解太太在懷孕時所面對的種種。

人人有個農村名

據 說 農 村 給 孩 子 取 個 賤 名 會 更 好 養 ， 根 據 出 生 月 份 和 日 期  有 不 同 的 配 搭 ，看 看 你 是 甚 麼 吧 !

生 日 中 的 月 份 ： 1. 長 2. 栓 3. 大 4. 來 5. 狗 6. 守 7. 傻 8. 福 9 屎 10. 二 11. 胖 12. 臭

生 日 中 的 具 體 日 期 ： 1. 娟 2. 妮 3. 腿 4. 娣 5. 球 6. 坑 7. 年 8. 歲 9. 娃 10. 毛 11. 剩 12. 姑 13. 英 14. 妹 15. 肥 16. 霞 17. 狗 18. 虎 19. 花 20. 鳳 21. 定 22. 村 23. 蛋 24. 妞 25. 木 26. 翠 27. 愛 28. 財 29. 石 30. 美 麗 31. 發 」

 

我是二發~老公是守美麗XDDDD

好名喎~~

係咪守護美麗的妻子咁解呢XD

K list

整返個k list 先~

早已唔唱新歌既我~以下係我想唱既歌~~

趙學宜--談一場不後悔的戀愛

黎瑞恩--預先綵排的分手(遺忘左既歌, 曾經覺得幾好聽)

古巨基--中箭、小指

陳奕迅--傷信

梁靜茹-勇氣(最近常哼的歌)

(待續)

《鍾無艷》vs《我也很想他》

先前介紹過《電燈膽》vs《一場朋友》，還有陳慧琳的《最佳位置》，原來忘了這一首沒介紹。比起街知巷聞的《囍帖街》我較喜歡這一首。還有孫燕姿的《我也很想他》。都是故事味道極濃，可以寫成小說的歌曲。

兩首歌有一點不同，前者比較接近《最佳位置》，單純圍繞兩個人的曖昧關係；而後者則像《一場朋友》，她喜歡他，然而他喜歡「她」。

 

鍾無艷

主唱：謝安琪
作曲：Christopher Chak
填詞：林夕
編曲：陳珀
監製：梁榮駿

其實我怕你總誇獎高估我堅忍
其實更怕你只懂得欣賞我品行
無人及我用字絕重拾了你信心
無人問我可甘心演這偉大化身
其實我想間中崩潰脆弱如戀人
誰在你兩臂中低得不需要身份

＊無奈被你識穿這個念頭　得到好處的你
明示不想失去絕世好友

沒有得你的允許　我都會愛下去
互相祝福心軟之際或者准我吻下去
我痛恨成熟到　不要你望著我流淚
但漂亮笑下去　彷彿冬天飲雪水
被你一貫的讚許　卻不配愛下去
在你悲傷一刻必須解慰找到我樂趣
我甘於當副車　也是快樂著唏噓
彼此這麼了解　難怪註定似兄妹一對

其實我怕你的好感基於我修養
其實最怕你的私心虧准我體諒
無人問我寂寞像投何處去養傷
原來是我的心境高到變為偶像
誰情願照耀著別人就如月亮 
為奴婢為你備飯奉茶是殘忍真相

REPEAT＊

讓我決定我的快樂
那須得你的允許　我都會愛下去
互相祝福心軟之際或者准我吻下去
我痛恨成熟到　不要你望著我流淚
但漂亮笑下去　彷彿冬天飲雪水
被你一貫的讚許　無須裝說下去
在你悲傷一刻必須解慰找到我樂趣
我甘於當副車　卻沒法撞入堡壘
彼此這麼了解　難怪註定似兄妹一對

你的她怎允許　結伴觀賞雪的淚
永不開封的汽水　讓我抱在懷內吻下去

 

歌手：孫燕姿 作曲：彭學斌 填詞：彭學斌,April 編曲：杜自持＠Bebop Music

＊那時我們總有好多話
　什麼事都可以講
　我的愛情比你早
　卻一直放在心上

　後來你們之間的變化
　我不想再多說話
　經過了相遇和掙扎
　我還是無法將他放下

　那是多久後的事了
　有一天你突然問我
　在那個時候　是否也愛著他＊

＃我也很想他　我們都一樣
　在他的身上　曾找到翅膀
　只是那時的他
　是因為你他開始飛翔

　我也很想他　在某個地方
　我少了尷尬　你少了肩膀
　而夏天還是那麼短　思念卻很長＃

REPEAT＊＃

還記得　那年我們曾許下的願望
星星騙了我們　我們卻因此上了一課
成長必修的學分

REPEAT＃

我們都一樣

 

這也是我唱ｋ很喜歡唱的一首呢～

雞蛋加價?

雞蛋加價…?

依家d蛋比我初初買時已經貴左一倍, 又加…?

「這個冬天或太冷 通脹雪上霜」

內地寒流甫至，蛋已率先加價。蛋業商會理事長楊金炎表示，由於需求增、天氣凍，產量未能配合，內地蛋來貨價下周一起加5%，每箱360隻的大蛋加至290元至300元，細蛋每箱加至240元至250元。

但楊指，早前蛋價回落未見零售價減，料今次不影響零售價，但未來蛋價會持續高企，因內地冬天需求增，天氣冷卻令產量減，再加上美國    在聖誕節需求上升，都影響本港供應。

馬卡龍

第一次做這種數量的馬卡龍~~這裡只是2/5~

漫長的戰爭~~XD終於鬆一口氣^^

表揚一下

一整個星期為著星期六的馬卡龍忙碌，先預備包裝袋，然後便焗焗焗，忙了一星期終於在星期五晚完成。從未試過製作這種數量，失敗丟掉的有一倍以上…

呢個星期入面老公有時幫手買飯, 有時我買左送佢幫手煮, 每一晚都主動洗碗, 連我整餅既用具都主動幫手洗！我每晚整6轉佢就洗6次…最後仲要幫手入袋, 釘封口紙… ^^然後星期六同我一齊送貨~~

終於忙碌既一個星期過去喇~星期日老公返工, 我終於有時間將間屋還原:P 打掃執拾一番!

今晚終於有時間買送煮飯~呢個星期可以休息一下, 約下朋友食飯, 星期六日去澳門睇水舞間同小豬, 慶祝生日^0^ YEAH~

 

除了要表揚老公，還要感謝crystal給我機會和鼓勵。謝謝妳一直的信任，看見你的留言，感動得想哭…謝謝妳。

這是十月份最後一場有份參與的婚宴，休息一星期後繼續努力! ^^

新界細價樓交投急升 嘉湖10月成交破200宗 全月料創今年新高

連嘉湖都升埋…

 

【明報專訊】施政報告未有就樓市落重藥，市區業主叫價更心雄，未入市的買家唯有轉購銀碼相對較細的新界細價樓上車，刺激入場費約200萬元的天水圍嘉湖山莊及沙田第一城本月的交投量勁增，其中嘉湖山莊單是過去周末日已錄約35宗成交，至昨天在不足1個月內成交量已累積錄約230宗，不但較上月全月約128宗高約八成，地產代理亦預料本月全月將創自今年1月後的單月成交量新高。

此外，沙田第一城本月至昨天亦錄約190宗成交，較上月全月約73宗大升1.6倍外，預料全月將創自今年7月後4個月以來該屋苑的成交量新高，反映市場已逐漸消化政府壓抑樓市所帶來的負面效應。

一城本月成交暫升1.6倍

過去周末日十大藍籌屋苑錄約103宗成交，雖然較對上一周同期的116宗跌約一成，但仍維持逾百宗水平，其中成交量最厲害為嘉湖山莊，共錄35宗成交，較對上一周同期大升兩成半。中原住宅部董事總經理陳永傑表示，現時放盤消耗快，加上業主反價封盤頻仍，令市場賣盤買少見少，現時全港大型屋苑入場費低於200萬元亦賣少見少，令嘉湖山莊相對吸引。

嘉湖平均呎價直逼3000

今年政府雖然多次出招，但嘉湖山莊平均呎價，由今年初的2390元，大幅上升至本月約2862元水平，升幅約兩成，直逼3000元大關。近日該屋苑再錄呎價3000元成交，美聯助理區域經理吳偉國表示，現時嘉湖山莊的投資客比例佔客源約四成，較施政報告前大升兩成，一名外區投資客以178萬元購入樂湖居5座高層E室，面積586方呎，呎價3038元；原業主於今年7月以160萬元買入，持貨3個月帳面獲利18萬元，升幅逾一成。

美聯﹕全年樓市總成交料逾6000億

另外，美聯物業首席分析師劉嘉輝表示，據該公司及土地註冊處資料顯示，截至本月21日止，今年整體物業註冊量共錄130,289宗，涉及金額達5355億元，不僅超越09年全年約5157億元，更打破07年約5256億元水平，創97年後13年新高，預料隨著市場濃厚的觀望逐漸消除後，今年全年將有機會超越6000億元大關（97年高峰為8680億元）。

（明報記者陳天賜報道）

《力場無限好》

多經典的鮎魚　一霎眼已走

纏綿著賓賓的山丘　轉向佢會嬲

這個剎那照舊　拒絕永久

李氏力場還是未惡夠　還是怨咒

 

多好玩的一仔　風向會轉西

無視港英的好規例　三仔掛到底

愛李愛到一個地步　便命令收制

枉當初呼呼作勢　最勁的風帝　最後化爛泥

 

力場無限好　打風已黃昏

返工最實際 去換最燦爛一生

奢想放日假 帶來更永恆傷感

力場無限好　八號被人昆

消失的快感　轉向不幸

感恩李氏不肯等人　老友盡快瞓

 

等塞車返港島　一句李老母

長存在海底的傾慕　收費要細數

每秒每晚彷似大盜　偷走的青春一天天變老

樓可追憶到　想追追不到

 

力場無限好　打風已黃昏

返工最實際 去換最燦爛一生

奢想放日假 帶來更永恆傷感

力場無限好　八號被人昆

消失的快感　轉向不幸

感恩李氏不肯等人　老友盡快瞓

 

ParknShop多的是　加價平常事

然而廿蚊買到的　永遠不相似

1023。好天氣

我知道過去一星期有幾位今明兩天結婚的jm被鮎魚所困，心情忐忑。

昨天三號風球除下之後，我也為他們鬆一口氣。

有的消瘦了，有的埋怨為何辛苦經營一年要受到如此對待。誰想到十月還打風？blog及facebook的朋友中就有4位今天結婚，看見這樣的好天氣，真替他們高興。

涼風送爽還有陽光，何其完美。^^

 

祝福你們每一位幸福美滿，恩愛白頭。

奇蹟

真係好好彩…可以用奇蹟黎形容…

希望旅巴司機都冇事啦

旅巴墜橋壓扁兩的士 機場衝欄飛墜16米  被砸的士兩司機奇蹟無恙

【明報專訊】赤鱲角機場昨發生旅遊巴墜橋驚險車禍。一輛無載客旅遊巴昨午駛至富豪機場酒店對開天橋面彎位，失控衝越3條行車線撞毁右邊欄杆，飛墜16米下的橋底壓毁的士輪候區內兩部的士，兩的士司機當時都在車上小

浩瀚既工程

For You

今次唔係用雕刻膠, 而係用長條形擦膠刻, 夠厚唔駛加手柄都幾好~呢款擦膠一樣咁好刻~

布達佩斯之旅~匈牙利鵝肝

(冇錯! 返黎差唔多3個月…繼續蜜月之旅既報導…XD 唔知仲有冇人睇!? 不過呢間餐廳真係想介紹下~~)

由於言語不通既關係, 我地第一日去到唸起要食野就頭痕…間間都冇英文…我地都唔敢入去…有D快餐有圖…又冇冷氣…唔怪得咁多人寧願座露天茶座曬住食…

食左幾餐熟悉既麥記、BURGER KING、KFC同中央街市之外, 都有o係當地上blog搵下有咩好野食~ 其中重頭戲落o係回程前一晚既呢一間高級餐廳~

事隔太耐已經唔記得o係邊個地鐵站附近…不過真係如blog友所言, 一出斜對面就係, 偏偏我地兜左一大個圈…兜返去我地上地面o個個站口先發現…我地因為俾一間超市吸引左…miss左間餐廳…XD

我地o係度食左最豪既一餐~終於食左匈牙利鵝肝~呢餐大約$6-700, 唔係好多野, 不過都幾飽~

門口有個廂座

我地就係坐呢D位

匈牙利牛肉湯
老公話係羅宋湯…XD我覺得唔似啊…都幾好味~^.^
佢堅持某間餐廳既羅宋湯係咁味XD話再食倒話我知等我回味下XDDDD

WAITER知道我地SHARE食, 主動幫我地1分為2, 好貼心呢~!! 呢度係半份! 都好滯…

老公: 呢個 waiter 真係好好服務 !

好味^0^ 半份O岩O岩好~

至愛鵝肝~~~睇返相都流口水呀~~~:D~~~~~~~

甜品, 我地嗌左46號, 大約4x蚊

好特別既甜品

地址, 仲有網址, 上面有餐牌, 有英文架~~~

花邊corner

今次冇用雕刻膠, 用左普通大舊擦膠, 果然冇咁順滑。

膠上黑色係用洗甲水轉印既跡, 要用返洗甲水洗。

去年今日

以下係舊年今日既進度, 等我跟進一下~

1. 蛋糕架最終係訂左返黎, 不過我要o個款d腳斷晒…另一款我唔鍾意…店主話短期內都唔會訂住…惟有退錢…又要再物色喇。<<後來o係淘寶搵倒, 不過唔係最鍾意o個款
2. 租車應該搵柏思, 大致上冇咩劣評, 都幾多人搵, 又有d懷舊車。^^<<最後揀左美滿
3. 男友既中山裝已經買左喇 ^0^ 好野好野~~
4. 上網訂左件粉紅vintage gown, 已收貨！^0^
5. 打算帶同vg到澳門自拍婚照 ^0^<<冇去澳門影:p
6. 已經到達買girdle磅數喇^^v 可以去蔡太度買!<<<依家又唔係好想去…亦唔知買唔買girdle好<<<原來girdle係唔好用既…我只係第一次影pre-wedding著過, 推介nu bra~~~
7. pre-wedding化妝練習大致ok ^^<<<時得時唔得…
8. 減磅進展理想^^<<肥返晒lu~~~

 

舊年呢個時候仲未買bd婚紗~ 生日o個日就上左去尋寶~ 今年終於忙完自己既大日子, 唔再每一件事都圍繞結婚, 生日可以好好玩下~~^^

生日的意義

為何我們要慶祝生日?

大家都習慣於這一天與好友共聚或與共進情人浪漫晚餐, 長大了會把這一天留給家人。

有人喜歡收禮物, 我從不明白為何生日一定要收禮物, 禮物又為何一定要留待生日才送。生日只要一張卡, 一句祝福, 讓我知道你記得就夠了。

 

生日的意義是什麼?

小時候常聽說十八歲生日很重要, 因為人生只得一次, 可是十七歲跟十九歲何嘗不是只有一次?生日年年有, 究竟何解要慶祝呢?

 

有一個故事, 關於一位前美國總統。他是一個很浪漫的人, 每年太太生日他都會送花給岳母大人, 感謝她把她帶來這個世界, 讓他娶到一個好太太。

 

原來生日這一天, 是紀念我們來到世上啊。

為某人慶祝生日，是因為你慶幸這個世界有他在，有這一天真好啊～這一天他來到這個世界，所以要慶祝一番。^^ 我們要存著感恩的心來過這一天。

 

感謝媽媽在XX年前的那一天把我帶來，讓我過了快樂的這些年，讓我有機會遇上身邊的這些人，讓我有機會感受幸福，讓我有機會認識愛。

來到這個年紀，有人決定不要孩子，可能是他本人不喜歡，也可能是他認為世界太醜惡，不想把生命帶來。可在我眼中，世界多麼美，我要像當年我媽一樣把他帶來，讓幸福延續下去。

 

PS 只是有感而發，不要亂猜 ^^"

婚後4個月

看著其他JM倒數, 自己轉眼已來到婚後四個月了。

這星期為另一個婚禮忙碌，由星期六開始已忙得不可開交，剪剪剪印印印焗焗焗。

老公最近很乖，一向最怕洗碗，最近卻很勤力。他說洗碗盤的高度讓他腰骨痛，可最近每次餐後或是我忙著烘焙的時候都自動請纓！^^

 

 

這幾晚都不太順利，壓力很大，老公連連安慰，努力跟我尋找失敗的原因。

他說：不用怕～有我們嘛～（指他跟企鵝仔仔們）

對啊～就像失業的那段日子，沒有什麼好怕。要有信心！我可以的！

 

 

麥當當番薯批

食左麥當當個新包~上次個魚包好食d

唔多食倒煙肉同燒汁…個汁又冇魚包咁好食, 個包ok既, 雞都幾乾…

一個人食…勁飽…飽左幾粒鐘…
邊個話麥當當貴…飽到咁…三十幾蚊ok啦…

 

其實我想講下個番薯批~~出左九日, 我已經食左3次喇XD

 

KLM

第一次接觸呢3個字母, 係之前為honeymoon訂機票既時候, 不過最終冇揀到呢間。
返黎之後見倒有jm上網整左個free既行李牌, 於是我又整~跟住老公又整, 仲整左2個~~我收倒第一個之後, 又整多一個…XD依家終於收齊4個喇~不過promotion亦都完左。

又入貨

事隔2星期又入貨~ 今次主打杏仁粉, 包裝袋, 左下角o個個銀色焗盤, 抹茶粉同糖霜, 蛋糕仔紙杯

順手入左蛋糕膠托, fondant印模, 蛋糕盒(真係平大埔一半!!)

右邊3件來自吉吉島十蚊店, 木條試下界唔界得開整印仔~ ABC係拎返公司用既, 界板見佢細細塊擺塊o係屋企都好~

 

o係王子既指導下去左東亞睇好野~ 今次應該買架喇~~ 不過要等老公得閒同我去托…:p

企鵝仔

我第一隻認識既企鵝仔~~^^
好多人都知我鍾意企鵝仔~ 最鍾意係海洋公園企鵝仔~ 卡通公仔黎講就鍾意呢隻~^^

 

homemade by Scorpio

想刻好耐~~

印左個圖落膠先發現by字下面崩左…唔理, 照刻:p

 

前晚刻o個個花邊太複雜, 今晚刻返2個線條簡單d既放鬆下 ^^

MAMA I LOVE U~

媽媽今年既生日蛋糕~~

一路整佢就間中走過黎裝我XD俾我趕左去訓~~聽日切蛋糕先睇 ^0^

早幾日發左個惡夢, 得倒D啟發

有時未必一定要失去先識珍惜, 雖然家人既愛太習以為常, 但係o係夢中失去, 原來可以咁真實。我睇倒自己喊晒咁話「佢知道我愛佢個可…」

我地都未能好坦率咁同所愛既人(尤其父母)講我愛你…

2009- 病左…>< 叫男友買蛋糕

2008-Vitoria Pound Cake for MaMa

2007-栗子白朱古力薄脆蛋糕for mama

花邊框框

想左幾日終於有時間刻返個花邊印章~ ^^

刻左3個鐘都有…

十月的幸福

忙碌的十月初, 參與了三場婚宴 ^^

10月1日的馬卡龍

10月10日的蛋糕

組合完成後, 感謝新娘子提供照片 ^^

10月10日的cupcake

戰戰競競的完成了, 希望大家都喜歡 ^^

今天收到其中一位新娘子的短訊, 讓我會心微笑。謝謝妳! ^^

 

感謝大家對我的信任, 素未謀面, 甚至未試過味就將重任交給我, 壓力真的很大!

 

十月尾還有一項重要的任務!

我會加油!

十全十美婚禮

睇住佢地相識, 拍拖, 08年發現佢地影左婚紗相, 知道佢地準備101010結婚~ 我第一次試婚紗係新娘子帶我去, 估唔到第一次就買左一件外影婚紗~ ^^

一對新人係我當年玩PINKY公仔識既, 當時我地有一個PINKY谷, 佢地2位都係當中既成員, 不經不覺過左5年, 睇見佢地走到呢一步, 睇見新郎哥既甜美笑容~ 真係好替佢地高興~~

2位都係DIY高手, 尤其新「娘」哥~(MC成晚係咁叫XD)~佢本身已經係PINKY造型師~ 仲特登為婚禮做左一對PINKY新人~ 之前一直收收埋埋~尋晚先曝光!

跟住落黎我地同佢地一齊分享下當晚既喜悅啦~^^
(相信唔少JM都識得佢地~佢地就係SK4~~)

當日因為要送蛋糕去, 我5點半就到, 由於有1個9寸同3個6寸蛋糕盒既CUPCAKE要拎, 蛋糕架由老公事先幫我拎返工, 再就返時間拎過黎~ 幫我砌埋放埋蛋糕先返工~ 我一路遞D蛋糕俾佢隻手有少少震…

放o係簽到處附近既candy corner

旁邊仲有印有新人名字既m&m

candy corner仲放左印有佢地wedding logo既包裝袋俾你夾糖~好貼心~~

大門位置放有(我估係yuyu整既)結婚紙牌~

簽到處有呢個地係佢地加工過既鳥籠~仲有diy餐牌~

好鍾意呢個角落~好靚既燭台, 好靚既顏色, 好靚既pre-wedding!

之前o係佢地blog已經睇過既DIY-K&K, 可惜位置唔夠顯眼, 唔知會唔會有人錯過左呢!

好鍾意呢一幅相~好甜好開心~仲有件EG好靚~~~

放到夜晚敬茶都仲好靚既B仔花球~

終於有空檔同我合照喇~

PRE-WEDDING都有帶去既101010紙牌~

又係DIY既號碼牌, 簡單而高貴~

當然唔少得情深的一吻~~ 其實我仲影左好多, 有D放左上FB, 但其實FB都未放晒:P
一對新人要相問我攞啦~^.<

祝你地三年抱兩, 遲D我地一齊傾兒女經?XD

PS: 當晚第一次見倒AMAZING GRACE~~ 估唔到係咁*0*
原來佢坐我地檯, 不過我地11個大人1個BB加埋張檯細已經好迫, 最後佢話唔食唔駛坐~! 臨走時我朋友整親腳行度一拐一拐, 佢好細心留意倒叫佢小心行~!