ChriScorpiObi

ChriScorpiObi

Tuesday, November 29, 2011

孕吐


剛剛睇bk見倒有位媽媽有左34周仲未嘔完…撞o岩結婚2週年, 同老公出街嘔…老公叫佢一陣上車唔好嘔呀, 唔係我唔認你架…咁瘀…


瘀??? 人講架????

老婆嘔淨係識得掛住自己面子, 有冇唸過嘔係幾咁辛苦? 老婆嘔一次你扣喉一次, 睇下好唔好受?

有d又會怪個老婆嘔污糟個地下, 一路清潔一嘔鬧…呢個感受我好明白…我細個都試過一次, 嘔左落洗手盆阿媽話我唔嘔落廁所, 叫我自己清理…真係覺得好慘…

Friday, November 25, 2011

戰車準備好

加入近照兩幅(23m23d)
話說之前做過aprica, combi同chicco既功課, 老公揀左chicco, 咁o岩媽媽會有媽媽話做緊特價, $2490特價$1790(冇記錯的話), 沙田匯豐卡買仲有15倍積分~於是第二晚就去入貨喇~^0^ 仲買埋個雨擋~

佢有4隻色, 紅黑, 藍白, 紫白, 灰白
藍色太深唔鍾意, 紅黑套sharp難襯bb同我既衫…我鍾意灰白或者紫白, 其實都幾鍾意紫白, 不過又覺得好似太女仔…灰白老公話悶…

老公話咩色其實都所謂, 佢鍾意紅黑易睇倒唔會俾人撞倒, 紫色亦唔會太女仔, 冇灰白咁多白色位咁易污糟, 所以揀左呢隻色~ 依家未安排送貨, 仲可以唸, 但係如果佢之後加左價, 轉色都要補錢喇~

俾錢之前我地去荷花行左轉, 睇返aprica都係覺得細, 重又差唔多, 好似冇咁舒適, 冇咁合心意~期間見倒我好鍾意既三輪車~~係好型~不過好貴(過貴)同埋好重, 個碌大到唔係預你會收車…所以好快返轉頭俾錢喇~

丁叮當然要試下坐啦~^^


都訓得幾舒服~^.^


「hello~~~」

Thursday, November 24, 2011

BB凡士林

剛剛睇BK先知有BB凡士林,有BB味,有人話成份唔同。依家一直唔敢用,睇過話唔好當潤脣膏搽嘴,口唇果支都有講過, 如塗後曬太陽, 其實會加速吸收紫外線, 個唇會變黑.有人話石油做唔係咁好,不過亦有醫生推介。


VASELINE o既好處真係難以盡錄。

BB PAT PAT 紅, 擦完就好快無事。


BB初生出''胎毒"粒粒, 擦完, 第2日就退。
BB皮膚乾, 擦完, 立刻改善。

我初初生BBo個陣都唔知, 成日聽人講, 話咩咩牌子咩咩護理用品好, 我初時都好頭痛。

直至bb出左細, 開始出''胎毒''粒粒, 初時又聽人講話擦咩擦咩有用, 結果, 我個舅父(係醫生), 叫我咩都唔洗用, 就直接擦vaseline。

本來d粒粒一直都無好轉, 我比BB一擦vaseline, 第2日退左一半, 再keep住擦, 退晒。

真係神奇都不得了。 不過順帶一提, 擦vaseline一定要薄薄地擦, 效果最好。太厚係無意義, BB又唔舒服。
可以每日早晚同佢薄薄地擦。擦之前用溫水抹干淨先。


每次換片時都用綿花抹下,然後塗,個面仔有什麼問題又塗下,約3~4個月就用完

(上水石湖墟行樂軒酒樓對面卓悅$35, 紅磡祺昌藥房,近蕪湖街 $30,近旺角警署$2X)


淘衫仔

之前SAEV左一堆link, 叫爹爹得閒揀d訂俾丁叮~爹爹揀左呢2件夾衣~~
佢話有2個牌子, 一個話d料靚d, 一個話個扣好!d, 佢揀左料靚d o個件~都唔錯呀~ $25人仔@

2兄弟著得幾有型XD


http://item.taobao.com/item.htm?id=10030649406&f=e

老公話白色呢件抵D, 有立體bow tie仔, 背面又有假吊帶



























Wednesday, November 23, 2011

終於完成honeymoon photobook



除左《七年》之外,最艱辛既一本…揀相揀左3日, 排版執相整左3, 4日, 隔左幾日今日終於有時間upload喇~~
終於趕起31/12 coupon到期之前完成!

仲差2本28x38mm($1@)既mini photobook咋~~

今次同《七年》一樣photoshop排版之後只係insert全滿本既相, upload全無障礙~yeah~希望快d收倒確認通知同相簿啦~總算了左件心事~^.^

有前途

5個幾月以黎試過3次有人讓位, 除左先前提過既一位媽媽之外, 其餘2次都係後生仔。
一次係照完結構返工o個程火車, 有位貌似大學生既後生仔~~即刻叫丁叮要學哥哥~^^ 亦係因為今次讓座o係facebook順道公佈^^

另一次係前日放工腸抽筋個肚勁痛個樣好似就黎死咁企o係門邊玻璃窗旁, 坐玻璃後面o個位金毛哥哥仔(似乎比先前o個位仲後生) 起身讓我座^^

19, 20, 21w分別都有人讓座^^

發覺一樣野, 其實以前自己讓位俾人都覺架喇, 就係讓完座之後o個位好心人通常都會好cool咁唔再同受助者有眼神接觸…點解會咁尷尬既呢…^^"

Tuesday, November 22, 2011

「我估你呢個女黎既」


剛剛有位男同事同我講:「我估你呢個女黎既」

「仔黎架~點解你估女呢?」

「肯定左係仔喇?點解呢…我睇你條腰咁鬼粗…」

=.=

hurt..............

Monday, November 21, 2011

腸抽筋?


今朝突然肚痛…又係左邊小腹…呢個位置呢種感覺…2個月前都試過……

o個時本身已經放緊病假…睇完急症隔一日個肚慢慢愈來愈痛, 又係呢個位置…當日仲要整餅, 好在老公放假, 我主要負責監工, 終於捱到夜晚8點幾出去廣華睇急症…3日內第二次睇急症…

醫生未照已經話似係腸胃炎…但我只係屙左一次, 其餘都係正常便便, 醫生話呢個位置係腸, 只係開左d必利痛俾我, 話唔食得止屙藥(其實我都唔需要止屙)。之後出返去等照超聲波, 間房急救緊, 等左勁耐…愈坐愈痛…終於照完丁叮冇事! 拎埋藥走得!

出到門口截的士, 等左一陣終於有的士, 點知有個阿婆走出黎截我架車, 生平第一次同阿婆爭的士…知我老公實唔會出聲…我原本挨埋一邊, 喇喇臨走出去話「唔該! 我地等左好耐喇!」喇喇臨上車,阿婆呆一呆, 我實在唔能夠再企, 唔好意思!

返去食左粒藥, 沖個熱水涼好好多, 上網睇返沖熱水涼同訓覺唔痛都係腸抽筋既特徵, 有豐富腸胃炎經驗既老公都話佢唔會好似我咁痛, 又唔點屙, 我o個種完全唔係平時肚屙o個種痛…所以都幾肯定自己腸抽筋…又係生平第一次…訓醒都仲係痛, 食多粒藥再訓醒就冇事喇~


今日呢種感覺突然返黎…打俾老公, 咩都唔俾食…帶左大蕉、香梨、擺左幾日既生命麥包同今朝烚既蛋返黎, 通通唔俾食…麥皮唔可以加奶…好在有同事幫忙出去買左碗魚片瘦肉粥, 食完好快就唔痛咯喎*0* 唔知係咪暖左個胃? 依家又有d餓…好在仲有梳打餅, 應該食得呱, 依家坐定定就唔痛, 行就要行得好慢, 希望快d好返…

大肚成日餓…咩都唔食得好慘…T_T

Saturday, November 19, 2011

日本書包


逛樂天網見倒呢個知名既日本書包~好靚呀~不過好貴呀!

http://global.rakuten.com/zh-tw/store/wakabayashi-bag/item/181/



淘寶1

溫暖牌

早前趁病假o係屋企做織女,織左張被仔俾丁叮,當時雖然未照倒仔定女,不過我地兩個都強烈覺得係仔,加上藍白色女仔用都冇問題,而佢個名又應該會有個藍字,所以就揀左呢隻色喇~^^

成為我送俾丁叮既第一份禮物^3^


大日子


前日係丁叮照結構既大日子,滿三個月冇公佈,因為同學叫我夠三個月都唔好特登同人講,一句「信我啦」,我信左佢…跟住發覺佢咩都叫我信佢,但係問過其他人意見之後原來都唔係咁可信… 懷孕係開心既事,好多野想同大家分享,於是決定知道性別,又或者照埋結構先正式同大家介紹丁叮~^^

18W生日當日收倒最好既禮物,知道左你係仔仔^^ 不過都仲未公開,橫掂都係,不如等多兩個星期等埋結構啦~^^

終於黎到呢個大日子,有少少緊張,知道有D BB會照倒冇腦或者腦漬水都咪話唔驚,不過絕大部分都係合格冇問題既~於是將焦點放o係confirm性別同公告天下上~

曾醫生幫我book左龔羽一,有人話價錢差唔多點解唔book權威林勇行,我都有唸過轉,不過一來醫生同我book左自己走去轉好似唔係咁好,二來上網睇過d評價都係有好有壞,有人話龔醫生好cool,林醫生就好趕,想問野時醫生已經唔見左…同埋最大問題係佢成日改時間…有位媽媽俾佢改後左3個星期,仲照乜鬼…橫掂都唔知邊個好,不如照舊啦,好唔好自己試過至知。

今次總共照左2次先照得晒,即係中途要出去行下,好在乖乖轉左少少身,總算照得晒。2次加埋照左40分鐘都有,有媽媽話林醫生只係照8分鐘…唔係話照得耐就好,不過相差五倍時間…感覺又真係仔細好多…我最關心既腦同心都順利過關,又有數手指腳指,好得意~醫生照手仔時丁叮係咁縮XD 心臟照左好耐,老公話嚇死XD我見醫生皺一皺眉…@@好在照完一輪之後講左一句「正常」(呼~)

整體黎講都冇問題,不過有少少野要觀察,可能依家仲細未發育得好,兩個月後再睇~

我地一致認為呢個醫生唔係cool,不過就唔識講野,老公話佢口窒窒,講野要寫字輔助,照o個時都係姑娘講解,有時姑娘唔出聲或者講錯先會更正,同佢講唔該都好有禮貌回應,感覺良好!^^

今次份報告會send去我主診醫生度,有一本相簿,好多張相同埋一隻DVD拎走,一陣放工睇~^^ 不過就冇4D, 至今一次4D都未睇過…下次去返曾醫生度試下叫佢開4D我地睇,唔知得唔得呢~?不過都book左下個月去baby icon同丁叮影沙龍~^.^

陪審員


幾年前收倒信話有機會被選為陪審員, 當時好擔心, 到早2個月終於收倒信, 15/11要去高院出任。雖知道去到都未必抽中, 不過都係好不安, 又唔知搞幾耐…日頭份工就倒je, 夜晚整餅就唔倒嘛… 好多同事都去過, 只有極少被抽中, 上網搵過資料, 原來懷孕係可以版豁免既一個條件, 上BK問過人之後第二日即刻fax去, 過幾日就收倒信通知申請成功~

老公都話大住個肚又要成日去廁所, 唔俾你去又唔得, 去到都應該唔會選。有人叫我照去, 因為去到都唔會選我, 但係要一早過海, 又緊張又擔心個幾2個月…都係早早申請好D。

YEAH~ 丁叮叻仔~^3^

Tuesday, November 15, 2011

揹帶 - Ergobaby



原以為已經揀好幾樣主要既心水用品,睇睇下又發現揹帶都要研究下。

其實之前已經有BK媽媽介紹呢個牌子,不過佢係淘寶買,我又唔係幾放心,始終係安全用品,買好少少好d。

相比一架bb車(chicco特價都係千幾蚊),一條揹帶未折要千幾蚊實在有點貴…但係睇左咁多媽媽介紹,又幾吸引,同大家分享下。

最貴既揹帶睇返官方網頁, 未計郵費, 最平既款都要us105(已加到115), 其實圍返連埋寄都要差唔多一千蚊,而且, bb皮膚敏感, 假既都唔知係用乜野做, 呢條可以揹到幾歲,最後都係去一田買................本來買扯布質地, 仲1000蚊唔洗, 點知個sales介紹另一個質地, 係有機棉, 無咁容易敏感, 但貴兩百蚊, daddy一聽到「敏感」兩個字, 同埋有機棉耐用d諗到唔諗就幫我決定左....................佢話橫掂都買, 要買就買好d~!


Siu B MaMa 最近我都買左手抱腰帶(Hippychick)用, 天氣太熱喇, 帶BB落街玩果陣用咩帶佢會好辛苦, 不過去街我都係用ERGO baby既咩帶, 真係好好用, 同埋BB訓覺果陣又有個套保護條頸同遮光, 所以都推介朋友買呢, X型果條用..最近我都買左手抱腰帶(Hippychick)用, 天氣太熱喇, 帶BB落街玩果陣用咩帶佢會好辛苦, 不過去街我都係用ERGO baby既咩帶, 真係好好用, 同埋BB訓覺果陣又有個套保護條頸同遮光, 所以都推介朋友買呢, X型果條用頭果個鐘都會覺得好既, 但係一耐... 腰骨都斷呀, 真係~

選擇邊款揹帶好呢? 優點: 減輕肩, 質地無babyjorn 咁厚, 可用到大點既歲數  缺點: 不適合初生嬰兒使用, 因size 較大要bb 大點先用得..如果初生嬰兒使用就要俾$$ 買infant insert ($440)+加入去用

揹帶的煩惱   試上身的感覺,同 combi 0個條差好遠...因為卸0左D 力去hip 位度,所以膊頭感覺都輕0左  同埋好鐘意佢個設計,當BB訓0左覺 or 落雨時,後面有塊布可以覆上來遮住BB,好好用 對BB 黎講,都有分別架 我用combi 時覺得 BB 係俾條帶吊起0左咁,而用 ergobaby BB 就係坐0係度,應該會舒服D

coco blog.yahoo.com/newtccoco/articles/39761

實戰前: 試咗好多條終於選擇咗 ergobaby, 真係幾貴但可以一個人一隻手攪掂所以最終都係選擇佢.  希望bb喜歡啦.
實戰後: 揹帶真係好好用, 唔tired又可以一個人攪掂 (不過bb就唔可以面向前, 因為近日見到有啲揹帶可以比bb面向前好似幾好)!

http://www.ergobabycarriers.com/babycarriers/category/carrier/


Monday, November 14, 2011

五月

五月

昨天丁叮20w大了,懷胎十月已走了一半,今天是20w1d, 未走的路已比走過的短^^

最近丁叮腳法凌厲,不用趟平,連側睡都感覺到了,不過依然是吃東西的時候最活躍,每個寶寶都這樣,還是你特別為食?^^
晚上跟爹爹看電視是你還踢另一隻丁叮~哈哈~擋著你看電視了嗎? 你也跟媽媽一樣愛看超級巨星?

這五個月過得很快,沒有孕吐,沒有腰痛,總算有驚無險,看著你一次比一次長大了不少,聽著你每下怪獸般的心跳,有什麼比這更感動?每次想到你將要來到我的懷抱都有想哭的衝動,你感受到我的愛嗎?(這一腳是你的回應嗎?XD)

七月確定你之前我還一個人去了書展, 以往能走8小時我的, 3小時便累了;接著跟爹爹還逛了第一個嬰兒展,逛了美食博覽,只希望充實每個周末,讓時間快點過,因為第一次產檢要等四星期,安排了在八周進行,剛好是我們去台灣回來的第二天。由未發現你到第一次見面的這幾個星期都有頭暈。

八月份帶你到台灣,那星期開始作嘔,也特別愛睡,因為在行程內安排了午睡時間^^ 幸好胃口沒受影響,還吃了冰館的美味芒果冰,永康牛肉麵,看了《那些年》。你會跟爹爹媽媽一樣愛上台灣嗎?^^回來後第一次跟你見面,沒有了頭暈,開始頭痛…醫生還問我為什麼去旅行:p

九月份照oscar,也是滿三個月的日子。知道你比原定日子大了數天,雖然未知是男是女,不過健康最緊要,知道你大隻仔!十分開心!^^ 雖然滿三個月了,不過我們還是決定低調一點,讓你平平靜靜的長大,或者在知道性別的時候,又或是照結構後再公佈吧?^^ 九月尾急不及待到私家產檢希望知道性別,還預先教你「makl脾~」可是醫生說還未看見,最少要14w-16w才可看到,其實那時已13w5了啊…不過離開診所後我並沒有失望,想到你大隻仔及怪獸般的心跳已開心不已。這星期已是第三次入急症,分別放了兩星期假。九月份經歷了第一次入急症,已很熟悉程序…又試過第一次腸胃炎/腸抽筋,多了三次在急症室跟你見面的機會,到這次覆診,只要知道你健康,何時知道性別又有何重要呢?

十月是媽媽生日,月中去了第一次廣華產檢,聽了心跳,廣華的醫院改早了預產期,你成為三月寶寶,若根據這個日子,丁叮今天已是21w2了^^ 這個月見了一班小學同學,算是第一次正式公開你的存在,媽媽最好的朋友很替我們開心,明年可以跟她的俊熙哥哥一起玩了~
等了一個月終於到媽媽生日的大日子,今年為自己準備了最珍貴的禮物,除了有你陪伴,一起吃自助餐吃雪糕外,最好的禮物是終於知道你的性別。原想在產檢前許願,讓媽媽知道你是兒子,不過最終沒有這樣做,我始終覺得,健康是最重要的,即使你是女兒,媽媽還是一樣愛你^3^ 醫生在我們還未開口時已不以為然地說出:「仔黎既」*0* 爹爹說他一點不驚訝,因為他當天有強烈的預感,知道你是兒子,倒是媽媽自感覺到你在肚子裏郁動後便覺得你是女兒…明明一直覺得是兒子,所以當聽到醫生說的,還是禁不住由心裡笑出來。爹爹說:如果是女兒是不是會沒這麼高興呢?我真的不知道啊…不過當爸爸知道是兒子,壓力便來了,他說我跟老爺恨了那麼久很怕有什麼意外,很怕我不小心滑倒,很擔心…
十月份病了兩次…第一次有看醫生,只是以防萬一半夜咳得太厲害也有選擇吃藥的可能…最終一次也沒有吃,原來一樣會好,不過兩星期後(十一月初)又復發…幸好這次很輕微。

十一月,很快便又跟你見面,你要乖乖讓醫生看清楚你健健康康,活活潑潑!上次媽媽驗尿有少許尿糖,而且重了很多,因此也開始注意飲食,少吃澱粉和糖,借用了爺爺的血糖機,還好在合格範圍內,下次覆診前要好好戒口!^^"

Saturday, November 12, 2011

姪女一歲生日


最後整左呢款2層糖皮蛋糕, 原來個公仔唔係咁難整, 反而最難係鋪面, 太厚又唔好, 太薄又難鋪得平…
其次就係個牛油蛋糕唔知焗幾耐先熟, 成個蛋糕裝飾同組裝用左大約3個鐘, 個蛋糕漿都整左個幾2個鐘, 焗又焗左個幾鐘~~

最後出黎個效果我幾滿意^^ 入面冇落cream/buttercream, 抹左四層果醬~

Friday, November 11, 2011

型車 baby jogger


咁o岩睇出年bb展既網, 見倒架型車!
最近睇車既資料睇得多, 覺我部部都差唔多(咁悶…), 直至見倒呢架車先醒起, 之前o係街都見過d好型既戰車, 就係呢種三輪車~~! 唔型爆都起碼冇咁悶先丫~


呢架車無論顏色, 外至都十分吸引, 左上呢個造型同埋右下呢個造型都好殺食, 不過睇都知重…





Infant Travel Jogger















產品型號: MBF014
產品規格: Material:


  • Al tube.
  • 600D oxford fabric.
  • PP handle.
  • PVC running-board.
  • Resinous wool.
  • Size: 93 x 45 x 110cm.
  • Packing: 1pcs/ctn.
  • Meas.: 46 x 46 x 78cm.
  • G.W.: 17kg.
  • N.W.: 16kg.
尺寸: 93 x 45 x 110cm

16, 17kg…冇可能啦…o係官網搵唔倒佢…網上亦冇咩中文資料, 搵唔倒價錢, 不過都應該唔平, 就算平…咁重都唔會買…但係咁型, 都想同大家分享下~
http://www.shopstyle.com/browse/baby-travel-accessories/Baby-Jogger#/browse/baby-strollers/Baby-Jogger?pos=22_9

呢個牌子既其他型號http://www.youtube.com/results?search_query=baby+jogger&oq=baby+jogger&aq=f&aqi=g10&aql=&gs_sm=e&gs_upl=6450l8446l0l8619l11l9l0l2l2l0l178l766l3.4l7l0

唯一台灣網誌詳細介紹(不過唔係呢個型號, 而係比較多資料既city mini)


香港yahoo blog搵倒既多數係雙B車

各款baby jogger戰車比較http://www.babyjogger.com/PDFs/Comparison_chart.pdf

1歲BB女生日整咩蛋糕好?


聽日係老公姪女一歲生日會, 3家人o係老爺屋企開個party仔,老爺叫我整個蛋糕去,仲未唸定整咩好~

chiffon:好食,鬆軟,熟手,畫隻公仔就搞掂,不過大大話話都整左十幾個,有d悶…
o即花公仔蛋糕:簡單,熟手,不過同樣有點悶,同埋我完全唔知佢鍾意咩公仔…
糖皮蛋糕:有機會俾我試新野,靚~不過要花d時間設計,而且蛋糕冇chiffon咁鬆軟好食,唔知其他人鍾唔鍾意牛油蛋糕,糖皮又唔好食…

糖皮蛋糕的話整牛油底還是海綿底?
牛油底:實淨,可以整2層,可以放重d既公仔
海綿底:冇咁heavy,我自己鍾意食海綿多d,不過整兩層上面再擺公仔唔知夠唔夠力

糖皮蛋糕入面仲整唔整cream/生果好?還是夾果醬?

bb女整咩色好? 佢地改名時特登改個冇咁女仔既名,性格又男仔頭,整粉色系(BB D)還是鮮色系好(開心D)d呢?

目前似乎傾向整糖皮,牛油底可能搵個密度低d既譜,不過整開杯裝,唔知點預份量…

Thursday, November 10, 2011

產假

尋日同老公傾產假問題,我政府同私家有2個相差8日既預產期,如果想計到最遲就可以跟私家既前二後八,最早就係跟政府既前四後六,兩者相差三個幾星期,分別係二月尾同三月中。

睇返依家既進度,應該係私家o個個日子比較接近,不過我o係政府生,催生會跟政府個期,如果跟政府放前四後六,可能等五個星期先生,跟住放得五個星期;如果跟私家前二後八,放五日就到政府既預產期…老公既意見係放政府既前三,差唔多係私家既前四。

初期同老公傾,佢明明叫我放遲d,一般人都會鍾意遲d放,多d時間照顧bb,而我就打算之後辭職,我地公司需要7日通知,所以我最多請阿媽照顧7日就可以做全職媽媽喇~

其實我都想放多d假期o係後面,放返兩個月假先返工,之前又可以逗多半個月人工,生之前放好似好無謂。老公就叫我唔好怕蝕,大住個肚返工始終有d危險,不過另一方面睇就o係公司有人睇住我佢會放心d,所以佢叫我放政府計既前三,最遲放假後四星期催生,咁都有六星期湊仔。


另一方面,我有七日年假,今年計到放完產假八個月大約有4.7日,如果可以作為離職通知咁就可以返多3, 4日就湊仔,如果唔得就攞錢走人。但其實我放完假返去幾日可以俾咩我做呢…?還是我補返2.3日人工俾公司呢?

終於感覺倒

講緊既係老公~^^ 阿仔終於同佢玩喇~
話說由15W病左o個個星期既某日訓晏覺時第一次摸倒BB郁,跟住隔左成個星期先再feel倒, 到18w後強左好多, 黎到19w幾已經係時時feel倒。
前日郁得最勁, 我同老公講「你試下一陣花d時間放隻手上去, 睇下丁叮同唔同你玩~」
臨訓時老公帶肥豬去街, 佢地去幾耐, 丁叮就郁幾耐, 返黎我就叫佢快d洗手啦~唔知係佢隻手凍定點, 之前我一路都摸倒, 左郁右郁, 佢一放上黎靜晒…XD 等左陣都唔郁, 到我放返上去都唔郁…
我話「靜晒~訓得~」
「佢唔同你玩呀?」
老公好冇癮…

跟住尋日數過8點、11、12、1、3、4點都郁郁郁,話俾老公知,佢就唔返屋企食飯,話掛住我,其實係返黎等阿仔踢XD
點知放工之後就郁少左,夜晚訓返落床靜落黎摸下,原來有郁喎~老公又試下放隻手上黎,等左一陣,望一望我。
「好似係啊可」我問返佢
佢點點頭~
「我都feel倒~」
老公好開心~阿仔今晚終於啋佢喇XD
雖然之後再放上黎都冇郁,隔左陣我放返上去又郁,打側訓又郁~^^ (依家又郁緊喇~)

老公話好似有D野篤一篤,我話頂一頂,「係囉係囉,哇~咁你咪feel得好勁?」「有時會哎呀~囉~」^^


暫時仲只係feel今佢郁郁下同頂頂下,唔跳幾時先feel倒佢伸直腳hold住, 同埋摸倒手仔腳仔呢~會唔會係我肚脂肪太厚…所以摸唔倒呢…><

Wednesday, November 09, 2011

Chicco Simplicity


尋日同老公睇過我做既功課之後, 佢揀左呢部Chicco Simplicity~~
重量同combi 6.x kg o個d差唔多, 佢睇中佢車碌大d, 應該好推d, 同埋內籠好似都大d
所以今日主要搜集呢部車隻既用家評價

台灣官網http://www.chicco.com.tw/products/products_detail.asp?prod=1291
長85X寬50X高106cm,重6.8kg


MaMa A http://blog.yahoo.com/_U6Z5CM42M2Y2325ANHCZQL7AFE/articles/72828I initially consider Aprica BB 車 , but turn out found Chicco's Simplicity is more 實正, 座位大d, 重量差不多, 收車都方便…… 不過有几好真係用落先知……
My son is 1 ye old now.  It is big n confortable enough for bb but still a bit too heavy for me.


(我都覺得對我黎講會重左少少, 唔知如果唔上落小巴, 買完送推上山又O唔OK呢?)

MaMa B http://blog.yahoo.com/katiefung/articles/17383
比起GRACO佢真係細好多 而且單手開關   佢細得黎又可以差唔多成個人訓係度,小悅都試過喇   都訓得著   而且唔會太逼, 除左容易HANDLE  仲好靚TIM呀
(到時要試下係咪真係咁易開關)

MaMa C http://blog.yahoo.com/_SK65IJIJLIYB3OJHC5NIP6QC7A/articles/134421
車身大約6.8kg, 呢部既「大size版」, 之前我地用過, 覺得都幾好推, 購物籃幾乎係最深!!但有幾個問題, 令我地無揀到。雖然部bb車負重都好高, 但我成日都會放d重既野上去, 過往經驗, 個碌好快比我整到變「八字碌」(後碌向內淆) 坐位比較短, 雖然闊度有一呎, 比起p3只係窄大約半吋, 但係街上面, 我見到好多阿b, 唔係好大個, 未識行既........坐響度, 對腳已經申晒出車, 同埋我見好多人用到「八字碌
(記住唔好放太重既野)

MaMa D http://blog.yahoo.com/_CJR4NTF3A6BDOSNRNCFPVDAJGA/articles/68162
在forum 又人提過維修一般.... 又係重車........ ! 但這架基本都合心水, 意大利車, 大d、高d.... 平d (平過之前選的combi , $1000 的差價)、仲輕1kg....... 不過就是無雙向 (其實加塊小mirror , 我都看到阿b 啦??!!)、無全蓋 (大塵的地方、人多的地方都可以唔用..)!
(原來唔係雙向, 不過雙向都用唔倒幾個月)

MaMa E http://blog.yahoo.com/_ID6GK7JK6LHALWBRGXCT2A3KIU/articles/60733/category/%E5%98%89%EF%BC%8E%E7%A8%8Bbiu喜歡chicco simplicity的原因:單手收摺開關設於扶手、可調高低扶手、加大藍子、可360度旋轉或鎖定前輪、重量: 6.4kg、適合初生至4歲、千多元。
日韓車會輕D..不過睇你屋企戶外大唔大風...同埋係咩路
其他MAMA留言 simplicity只可以用到 BB 30多磅所以好驚好快唔岩用.
MaMa E回應BB其實在2歲用stick車..到時都未重過30lbs

(我住村屋都係買部實淨d好d, 日本車可能經唔起風浪?)


MaMa F 我貪架車好推又易收車!!!呢款唔錯呀,價錢又合理!!!!




MaMa G
其實我三隻色都唔鍾意,不過睇在佢又平又大架又扎實...所以唔理咁多,因為真係比較過 aprica, chicco 真係扎實好多,唯有不停同自己講...$1500 架車,抵啦~~但其實0係街見到人地D車咁靚...都真係有D介懷...最後加左$500要2011年新色

MaMa H我都睇左好耐先決定,本來諗住買combi...細部d同輕少少..易d收埋..但係又驚bb坐得唔舒服...所以都係買左部大d的chicco...


2011年新色

唔知2012年有咩新色呢?

Tuesday, November 08, 2011

combi vs chicco BB車


雖然之前鎖定aprica戰車, 不過睇左大家既評價, 似乎有需要考慮其他牌子。
黎緊將會研究combi同chicco, P3太重不會考慮了。
早幾日行過一田, 試拎過P3同COMBI, 其實自稱.55KG既COMBI我已經覺得幾重下, P3直頭唔多拎得起…不過就未見倒chicco
最近留意多左街上既bb車, 暫時就大埔而言, 大埔份人都係推住combi, 所以今日先睇睇combi有咩款同有咩特色~

其實外型黎講 , aprica好似真係靚仔d, 2款都係細車, 2款都比較輕同窄, 不過感覺上aprica好似細d。其實老公prefer日本車, 佢話外國人好似冇咁鍾意用bb車, 而外國bb既size又大d, 日本車可能比較適合我地。我打算bb出世先帶佢去試車, 睇下佢咩車訓得舒服, 同埋就返佢既size去買~但都要做定功課~



呢個表都比較得幾清楚, 不過d字就細d…
首先, 7kg或以上既miracle turn premier我唔會揀

先睇睇左三既urban walker class 重6.6kg(含腳套), 有腳套, 體積490闊x820-870長x955-1030高, 0-3歲使用, 加大車輪輕鬆跨越不平穩路面, 單手秒收, 呢款比較好樣, 尤其有腳套下, 見過實物感覺唔錯, 有卡其同灰色

urban walker sport, 重6.5kg, 體積490闊x820-870長x955-1030高, 外腳套外, 其餘大致同class差唔多, 但我鍾意class既顏色多d, 同埋鍾意個腳套

左四既spazio 6.4kg, 510闊x830長x1010-1050高, 最闊最高不過可!!冇urban walker咁長, 紫色都唔錯, 不過好似太女仔

左五既well comfort , 4.3kg, 輕得有點驚, 體積460闊, 640-810長, 860-1030高, 最細既一部, 單手秒收

右三既granpaseo 重5.6kg,體積350闊x700-860長x840-1050高, 單手收納, 不過唔係咁鍾意佢既外型




combi黎講暫時最鍾意urban walker class 或者spazio


跟住落黎睇睇唔少yblog mama選用既chicco





呢隻色已經係比較吸引, 日本車果然靚仔d, 其實3個牌子黎講, 似乎係aprica外型最靚仔, 不過舒適度好似唔夠另 

http://www.chicco.com.tw/products/products_detail.asp?prod=2418

SIMPLICITY STROLLER
Size when open: 50x77x85/106 cms
Weight: 6.8 kgs
Ideal from 0 to 36 months
Price: HK$2498.00


Enjoy Fun Stroller
Size when open: 50x77x85/106 cms
Weight: 6.8 kgs
Ideal from 0 to 36 months
Price: HK$5998.00

size一樣, 重樣一樣, 但係點解貴咁多既?



6.8kg同combi差唔多, 如果2個牌子重型相約, 穩定程度會唔會差唔多呢?體積上combi仲好似大一d, 會唔會用料上唔同影響佢地既穩定程度呢?不過combi自稱加大車輪輕鬆跨越不平穩路面, 唔知同chicco比邊個車輪大d呢?

網上一般評價: 避震一流
不過blog友講既CHICCO ct0.2官網好似唔見既?

妊娠糖尿

話說每次產檢,不論私家還是政府都會檢尿(OSCAR例外),睇下有冇尿蛋白/尿糖之類。
對上一次私家產檢安排o係我生日進行,唔知係咪因為早午餐都食得太豐富…已經餐後5小時先驗,都有少少尿糖…*口*之後夜晚照去食buffet~
不過第二日開始就戒口喇~盡量唔食甜同埋食少d飯,我本身夜晚都已經唔食飯架喇,依家lunch都盡量帶飯,可以控制下d飯量。原本下午茶食1/3包大威化餅,換成水果一個或者梳打餅,lunch同早餐之間盡量唔食野…(原本8點幾食完早餐,12點食晏,10點幾就見餓…依家都盡量忍住…)
前日去老爺度食飯借左部血糖機玩,食飯途中量6.4,飯後2小時5.7, 尋日朝早空腹4.9
o係BK問過人話空腹標準係4-6,飯後2小時4-7,咁我都好標準丫~~

尋日下午茶同事請食番薯糖水同煎釀三寶,咁O岩冇帶梳打餅,o岩晒~不過o係呢d野出現之前我食左個大蘋果…好飽…

雖然數字理想,不過都唔好太過份,妊娠期身體控制胰島素能力比較差,都係少甜為妙~好在我唔好飯~夜晚唔食完全冇問題,其實我夜晚唔係好大食,但日頭就成日見餓,依家書量食多d菜同蛋白質,希望可以控制下體重。

對比返標準數字同埋其他媽媽既體重增長,我又唔算重左好多,不過三個月開始的確重快左…上兩次覆診,一個月重左3kg…又驗倒有尿糖…都咪話唔驚…
19w total重左3.5kg
標準係1-3個月重1-2kg, 甚至唔重都冇問題, 4-6個月重4-5kg, 平均每個月重2kg, 即每星期重0.5kg, 7-9個月又係重4-6kg, 平均每星期0.5kg
19w重5.5kg以下都係標準, 不過24w內最好唔好重多過7kg
黎緊去到24w大約仲有4w幾, 唔好重多過3kg就ok, 目標係2kg內。
婚後已經重左5kg…真係希望妊娠期唔好重咁多…^^"
不過最緊要健康, 見餓我都係會食野, 不過揀擇d, 食d有益d既野~





孕婦定期檢查 妊娠糖尿無所遁形
 


文章日期:2009年1月18日


【明報專訊】十個孕婦中,便有一個患上妊娠糖尿,情非常普遍,這個病對胎兒的影響可以相當嚴重,若血糖控制得不好,隨時會小產,甚至誕下畸胎。各位準媽媽切勿以為糖尿病是慢性疾病就掉以輕心。

影響——畸胎難產母嬰手尾長


「妊娠糖尿對胎兒的影響極大,若控制得不好,有可能導致畸胎、小產、胎兒過大、羊水過多、早產等,生產過程中造成胎兒窘迫、兒肩難產、胎兒受感染和出現黃疸的機會也增加。嬰孩長大後,亦有較高機會患上糖尿病及心血管疾病。」香港中文大學婦產科學系教授勞子僖醫生說。對孕婦來說,患上妊娠糖尿會增加血壓高和出血的風險,亦容易造成陰道感染。

徵狀及檢驗——病徵不明顯 宜定期檢驗

妊娠糖尿後果如此嚴重,病徵卻可以很輕微,如尿頻、口渴等,或會與懷孕期間其他不適分不開。不過,準媽媽若出現以下危險因素,則要考慮妊娠糖尿的可能:重複性的尿道炎或陰道炎、血壓高、患有地中海貧血症、懷孕早期血色素過高、血鐵蛋白過高等。

雖然病徵不明顯,但只要孕婦定期做產前檢查,便不難發現問題。勞子僖提醒,如高齡孕婦、有糖尿病家族史、以前曾患上妊娠糖尿者,應提早於懷孕頭三個月內檢驗血糖水平,以策安全。


成因——亞洲人特別易中招

為何有些孕婦會出現暫時性的血糖過高?勞子僖解釋,這是因為孕婦未能適應懷孕時的身體變化所致,荷爾蒙的變化造成對胰島素的需求增加,但胰臟無法隨身體的需要分泌出足夠的胰島素,血糖便會上升。

他稱,亞洲人特別容易患上妊娠糖尿,原因未明,但可能跟生活和飲食習慣的改變,以及遺傳因素有關。「亞洲人的腹部脂肪比白人密集,而且四肢的肌肉較少,肌肉是控制血糖的一個因素,人長得矮小、肌肉量少,便較易有糖尿病,因此,腳的長度,腳與身的比例與糖尿病的風險是相關的。」

治療——少食多餐 適當運動


孕婦要小心用藥,治療妊娠糖尿,先會嘗試利用飲食和運動來控制病情。勞子僖稱:「戒口不等於不可吃某些食物,而是要少食多餐,控制分量,並改變煮法。煮菜時勾芡、吃飯撈汁、吃煎炸食物,便會吸叫過多的卡路里。也不要重複吃某種碳水化合物,如同時吃飯和薯仔。」

他建議,孕婦可以游泳、散步和做健身來控制病情。至於瑜伽,他說除非向來已有練習,否則孕婦不宜。

假如靠飲食和運動仍未能控制血糖的話,便要注射胰島素。「有些孕婦出於無知,怕注射胰島素時會刺傷胎兒而不肯打針,但這是最有效的控制方法,也不會影響胎兒。」

復元之後——小心變真正糖尿病


大部分患有妊娠糖尿的孕婦,在生產過後血糖會回復正常水平,但亦有小部分人的糖尿病會持續下去,需要長期治理。勞子僖提醒:「血糖水平處於及格邊緣的孕婦尤其要注意,如掉以輕心不去治理的話,到了第二次懷孕時,很可能會發展成真正的糖尿病。」他續說:「妊娠糖尿可說是糖尿病的前奏曲。三至五成有妊娠糖尿的孕婦,會在生產後的十來二十年演變成二型糖尿病,發病時間及發病率則視乎懷孕時的年齡,以及家族史等其他高危因素而定。」
http://happypama.mingpao.com/cfm/parenting3.cfm?File=20090118/newa/ola1.txt



 

Monday, November 07, 2011

人間溫暖

黎到19W終於第一次有人讓位,係一位媽媽,個仔都好似有十歲,同埋老公一齊,望一望我叫我坐,跟住佢老公就讓返佢坐,所以佢全程我我隔離,感覺有D尷尬,不過又好開心,笑左幾個站,終於遇倒好人^^

其實尋日搭左3程車,一程既士、一程火車、一程地鐵,地鐵o個程遇倒好人~不過一出閘就俾d阿嬋迫埋黎,護住個肚冇用,我會推開佢地!好似好衰,不過保護    BB最重要!去程o個程巴士,好少冇位坐,企左半程倒隔離個男人起身落車,點知個位俾我隔離個女仔坐左=.= 其實巴士先最需要坐, 不過巴士想人讓都難…

有人讓係bonus, 冇人讓就預左~只要唔好撞埋黎迫埋黎已經好感恩!

其實平時我多數企靠門位, 都唔望有人讓, 尋日咁o岩同老公企o係2排位中間, 可能咁多d機會有人讓座? 坐唔坐都唔緊要, 不過人多時有位坐就安全好多, 起碼唔駛俾人迫俾人撞…

Sunday, November 06, 2011

第一次大肚照

話說10月尾o個個星期老公發現我肚dum大左好多,提議星期六去影相。原本冇唸住咁早影,不過老公咁有慶致我都想影,遲下大d又再影~不過o個個禮拜忙整餅,今個禮拜終於有時間喇~雖然星期六長週,不過放工都可以去影返幾張~

尋日放工2點返到大埔去左大埔中心食完野,行左陣買左份生日禮物俾姪女黎緊一歲生日,順便買少少禮物俾丁叮^^ 跟住4點幾就去三門仔影相~

去到都差唔多日落,幾年冇黎過,上次黎都係為左影相~o個時好似係平日,人少d,不過尋日都唔多人,十個八個倒,都搵倒位影相~

丁叮第一次睇海,第一次睇日落,雖然尋日熱d,不過間中有d風都幾舒服^^



18w6黎講,個肚真係幾大…老公成日講,我自己睇相先知真係咁大!不過呢條裙係特別見肚既~咁樣影相先有效果嘛^^"
我最鍾意右上o個張,老公就鍾意正中呢張多d,B字肚~^^

Saturday, November 05, 2011

10月的幸福(2011)

8/10 唯一一位來自微博既客人, 十年都唔開一次微博, 接倒呢次訂單真係一種緣份~
新娘子好靚女, 交收後好快send短訊話我知d曲奇好靚佢好鍾意^^




15/10 原本打算8月入伙party用, 最後放左o係bd candy corner ^^


22/10 同8/10一樣都係曲奇+macaron, 第一次做深紅色, 配檸檬餡


23/10 baby shower既小食~ 第一次有客人選擇上下兩片唔同色~揀左baby既粉黃同粉藍~檸檬味~


28/10 shahshah既深淺粉紅macaron唔記得影相…>< 第一次唔記得影相呀!!!

29/10 ada自家設計既wedding logo公仔chiffon+1029macupakes~成為呢個月既閉幕之作~^^



happinesskingdom@gmail.com