ChriScorpiObi

ChriScorpiObi

Friday, August 31, 2007

早晚運動的麻煩

呢2日都早晚各運動40分鐘

尋日係2次跑步, 今日就朝早STEPPER(驚唔夠時間出去跑)黃昏大約40分鐘緩步跑+上落山

早晚運動最麻煩係…要洗2次頭= =


霍亂女病人擅離醫院

今朝新聞

話佢有個幾歲大既女, 之後O係佢屋企搵返佢

令我唸起細個有次阿媽肚痛半夜入左院, 成個星期(可能唔止)冇返, 偷走返黎見我, 著住病人衫攬住我喊 T_T

而咁O岩, 我又係O係瑪嘉烈出世:P

新聞就冇話佢地2個一齊住院, 只係話24歲既媽媽擅自離院。醫院話為免病人再次因為掛住個女而逃離醫院, 特別安排佢個女O係醫院陪佢, 但就o係咋一間房。


CASTING?

無啦啦有個陌生人MSN我, 我問佢係邊個

i am kathy, nice to meet you


跟住我問佢點識我

i am a art movie writer and director, i saw your photo in blog, i want to invite u to casting for my new project

let me introduce myself.. i am a full time writer, 我寫過電影女人那話兒, 蝴蝶, 單身部落, 有看過嗎?

i am now preparing a new project, i want to find some girls to involve in it to shoot some interviews, are u interested?

becoz i saw your photo and words, i like it, just by feelings

跟住我問佢有冇BLOG/個人網頁佢只話no sorry

好快就話if u dun want, then forget it lah

DADDY仔幫我上佢至愛既GOOGLE search下呢3齣戲, 結果見倒呢個BLOG http://hk.myblog.yahoo.com/mabel_cheang/article?mid=217&fid=10

入面仲有呢個blog http://hk.myblog.yahoo.com/jw!_2YlTjCUAhbx0HPNXj6q0fcF/article?mid=493

其實齣戲個提材都幾o岩我心意~好在佢冇同我講XD 同埋我實在太怕interview… 就算係真我都8成唔敢去XD

以為佢係獨立電影製作人都話丫, 居然搵D咁出名既戲?


Thursday, August 30, 2007

緩步跑

今日早晚7點分別出去跑左40分鐘(計埋步行既上斜落斜), 第一次好順利, 小掩同腳都冇痛, 不過第二次右腳踝就有D痛…><

奇怪既係, 肚腩偏左右2邊有D肌肉痛! 修倒呢度咁勁?*0*


第一次用煲煲飯

即係平時煲湯o個d金屬煲呢

平時都係用開微波爐既, 不過次次煲親珍珠米都會滾瀉…煲出黎又好似好少咁, 今次試下用煲煲

其實好似煲仔飯咁煲, 不過呢個煲又驚火農, 煲左陣中間個心仲未熟(好似意大利飯咁)就上碟, 見佢個面濕就叮多幾分鐘, 之後再翻鬆佢

好似真係多d喎, 又軟熟, 今日再食乾少少仲好味~:p

晨運

呢2日仲係咪九點, 7點起身落去晨運~~ 頭先落去跑左2圈公園, 好多人o係度晨運~

今次冇腳痛冇小掩痛…不過小腿肌肉好緊, 返黎即刻拉拉筋~


夜香花豆腐湯+南乳蒸豬肉


尋日買左包夜香花,我都幾鍾意呢種菜~^0^ 依家滾湯學識落瑤柱蝦米~唔駛落雞粉喇~^0^ 好正~~~(煲湯或者滾湯我都鍾意用魚露代替鹽, 甜d架~^0^)呢煲湯我落左一磚豆腐最後+幾片醃好既梅頭瘦肉~(夜香花太早落…黃晒= =)


梅頭瘦肉半斤切片,逐片用肉鎚鎚鬆(深圳買左本教入廚基本功既書教咩豬肉都用鎚鎚一鎚先,好我又試下~)之後用生抽老抽糖略醃,之後再落麻油生粉醃。本來唸住學大蚊豉汁蒸,點知原來屋企冇豆豉=口="又冇麵豉醬…睇睇有咩醬,最終揀左佢~~整南乳蒸豬肉~

食評:好似落左鬆肉粉咁鬆@@個鎚買左好耐都係第一次用,下次試下豬扒先~之前用刀背剁豬扒反而搞到實晒…之後次次都唔敢買有骨豬扒(唔記得買開o個隻叫咩名…)


蝦子柚皮+蝦子椰菜


登登登鄧~~!

尋日食柚剩左個柚皮唔好side~ 佢仲同我切好星形XD(惠康買, 不過一個柚得半塊皮…)

上網搵食譜, 尋晚就開始浸, 換左幾次水, 今日放學已經冇苦味, 咁就煮得喇~

倒水之後飛水至軟, 預備汁料(1湯匙蠔油+半茶匙老抽+1茶匙生抽+1茶匙糖+半茶匙鹽+1茶匙麻油+1.5湯匙水)。

開工~

1匙油爆香蝦子(我買呢隻已經白鑊炒香左可以即用)不過我一爆就痴住晒…= = , 快手加雞湯250ml, 加上述汁料調味, (食譜話加d瑤柱可增加鮮味, 我咁o岩滾湯浸左3粒就落少少啦~)跟住再放埋飛左水既柚皮落去煮淋, 入味後可起鑊, 最後加1.5茶匙生粉開水埋芡, 淋上柚皮面即成。

食評:柚皮切落唔夠軟,食落又ok,不過太鹹,但個汁係ok喎,冇柚皮咁鹹。


爆香蒜頭3小粒,盛起,下椰菜,加少許水大火炒熟,蒜頭回鑊,加糖鹽少許調味,澆上少許麻油即可上碟。試味唔係好夠鹹,於是試下o係面灑上蝦子。

原來蝦子係唔鹹既…

小貼士:第一次買蝦子,$25一小袋,不過查實又唔算少,都好襟食,今次2個餸落左2-3茶匙,都只係用左少部份,姐姐仲好好人好好傾~^^ 教我放冰箱襟擺d~^0^~


Wednesday, August 29, 2007

538??@@


統計資料






  • 昨日人次:538
  • 累積人次:53443
  • 今日瀏覽:1644
  • 累積瀏覽:305560
  • 網誌:1372
  • 圖片:1283
  • 回應:10789

好乖~

今朝好乖~ 一早起身踩STEPPER~^0^ (雖然尋晚都係有偷食:P)

為左滿足我咁為食既性格, 只好勤D做運動啦:P


Tuesday, August 28, 2007

舊作~《祝你幸福》一

7年前的作品,那時已經很久沒寫東西(不能說是寫作吧),忽爾執筆就想寫點什麼,於是在沒有大綱下寫了一天,寫出了以下這篇東東。剛才跟友人說起,便重新發表,讓自己再看一次,也和大家分享一下吧~

_____________________________________________________________________________________________

今天天氣很冷,風有點急,走在大街上,看見街上一雙雙依偎在一起的小情人,想起了你…

「你好嗎?」

別了多年,卻還是會偶然想起你…偶然…只是偶然…

別以為我還在愛你啊… 

*   *   *   *   *   *   *   *   *   * 

某年某月某地,有一對青梅竹馬小情人,他們是眾人稱羡的金童玉女,他們年紀小,稱不上郎才女貌,可卻絕對是一對活寶呢!

他們是同齡的孩子,彼此都住在同一個花園裡,小男孩經常騎著特製的三輪車載著小女孩四處去,也許因為父母都忙於工作吧,而且大家都沒有兄弟姊妹,他們每天會都擠在一起;小男孩每天早上都會到小女孩的家門前接她,然後他們踏著那部比一般小孩尺寸偌大的三輪車,或者手牽著手,繞著花園走,經過管理處的時候,都總會乖巧地跟管理員叔叔問好。他們可愛的臉蛋,加上甜美的笑容,就像一對小天使,因此每個人都喜歡他們。

一天,他們上幼稚園了,上的是同一所幼稚園。在幼稚園裡,他們接觸到很多同年齡的小朋友,他們開始認識不同的新朋友,他們的圈子不再只是兩個人了。他們被編在同一班,認識的都是一樣的朋友,他們依然很快樂。

然後有天,上唱遊課的時候,小男孩看見小女孩牽著別人的手,不知怎的,他上前把那不識好歹的小朋友推倒,看著那無辜小孩的一臉疑惑,和小男孩的滿臉不忿,小女孩一點也不生氣,她雖然是第一次看見他做出這種奇怪的事,也知道這樣是不對的,可是不知怎的,小女孩心裡似乎明白,這件事好像與她有關。

直到一天,小女孩終於明白小男孩當天的感受,她看見小男孩的特大號三輪車上,竟然載著別人,是一個朿著孖辮的小女孩,她也不明白為什麼,只知道心裡很不是味兒。

幼稚園畢業後,升上小學,他們還是在一起,學校就在花園附近。小男孩長大了,爸爸給他換了一輛小腳踏車,就這樣,他興高采烈的載著小女孩上學去。

在小學裡,他們成績優異,可愛可親,是老師和同學們心目中的寵兒,他們每天都過著快樂的日子。

忽然一天,一個小男生向老師「告發」他們在拍拖,流言傳到他們耳邊,他們才想起曾經一起看過的電視劇情節,他們相視而笑,不曉得是心照不宣,還是根本沒有放在心上,一笑至之。

到了二年級,又有人問:「你們怎麼老是手牽手呢?像個小孩子似的!」他們又想了想,牽手嗎?對了,大家都不會這麼做啊…這樣像個幼稚園生,會不會不大好啊?小男孩想到,我是男孩子啊,這樣會被人家取笑的!從此以後,他放開了小女孩的手,因為他不再是小孩子了,他這麼認為。

到了四年級,班上的同學開始分成小圈子,男孩子一堆,女孩子一堆的,他們在群眾壓力下只好分開了;在學校,他們不再擠在一起,小女孩跟小男孩說:「我們不要再一起上學了。」從此,小男孩的腳踏車後坐騰空了,他有一點失落,畢竟習慣了背後一股溫暖的感覺,他甚至不明白為什麼男孩子跟女孩子非要分開玩耍不可,男孩子跟女孩子到底有甚麼分別呢?

這段日子,他們除了在學校變得疏遠之外,在校外的時間基本上仍舊經常走在一起,他們依然住在那花園裡,父母依然很忙,依然沒有兄弟姊妹,依然得到眾人寵愛。

四年級的小孩,會到對方家裡玩電子遊戲機,會結伴到公園遊玩,會趁大人不注意時偷偷溜到沙灘堆沙,他們一有機會便會走在一起。

六年級了,大家都為選讀那一間中學而傷腦筋,可是他們呢?他們是班中最優秀的,理所當然選讀區內的名校吧,他們以為即使不用商量,也會選讀相同的學校吧;直至後來,在一次偶然的機會下,他們發現了選讀的學校次序並不一致,彼此都很愕然,他們以為很了解對方,然後忽然發現,原來不是那麼回事;他們開始擔心,往後的日子不知將會如何,可以在一起的日子,不曉得還有多久…

到了這種水色年代,班中的男孩女孩又開始玩作一團,不再分得那麼清楚;可是在純純的友誼之中,似乎又不再那麼單純…班中有不少流言,有許多誰喜歡誰的傳聞;當然,小男孩跟小女孩這一對是逃不了的,即使他們沒有跟誰說過甚麼,可是謠言卻滿天飛,他們再一次聽見甚麼「班對」、「拍拖」等字眼,彷彿曾幾何時在哪兒聽過…感覺似乎有那麼一點不同,怎麼說呢?他們互相對望,可是這一次,他們再沒有笑…

升中派位結果出來了,意外地,他們又再被派進同一所學校,心中充滿驚喜,因為這一次,彷彿是失而復得,不再那麼理所當然。


舊作~《祝你幸福》二

畢業旅行的時候,大家都很快樂、很盡興,就在臨別的最後一晚,小女孩被表白,而對方卻不是那青梅竹馬的小情人,她很愕然,有一點措手不及…怎麼辦?她從未考慮過男女之間的感情,「喜歡我嗎…」這到底是怎麼回事呢?

小孩子長大了,在中學裡,他們被編到不同的班別,第一次嚐到分離的滋味。他們依然一起上學回家,一起午膳。班上很快盛傳他們是一對,可是一些不知情又或是有心挑戰的人卻紛紛向他倆表白,可是卻一一被拒絕;女孩心想,為什麼我每一次都拒絕他們呢?當中也不乏條件滿不錯的,可是她卻毫不考慮…而他呢?他又是怎麼想的呢?

對啊,男孩的想法會否跟女孩一樣呢?

這時,女孩開始留意男孩的一舉一動,她注意到他跟每一個女孩子的相處,她在意他對別的女生好,她會在小息時刻意走到他的班房找他,她不願意他有半點時間跟那些女生一起;她開始生他的氣,對他諸多不滿,心裡忐忑不安,可是對於她的蠻不講理,他毫不介意,縱然他不明白,可是對於她的不可理喻都全然接納。

有天,他們在男孩家中看影碟,看見片中的一對情侶,不約而同的想到了小時候的那齣電視劇,女孩問:「我們現在的關係算甚麼?」男孩一陣沉默,他早知道她會有此一問,今天發生了,預備好的對白,都吞進肚子裡去,他不能想像她得悉真相的反應。

良久,男孩說:「我們是好朋友啊!」;女孩很失望,可還是強裝不在乎:「那就好,還怕你喜歡上我呢,你知道嘛,拒絕你的話,我怕會失去一位好朋友呢!」男孩明白女孩的心意,他也非常的在乎她,可是他知道,他們的感情就是有那麼一丁點不一樣,他不想失去她,更捨不得教她難過;只是假如不是這樣,只怕會傷得更深…

他倆終止對話,坐在電視機前,看著看著,她哭了。他把手搭在她的肩膀上,示意她可以靠著他。「我…電視…」「我明白。」「我不是…」「我明白。」女孩哭得更狠,他一直都這樣溫柔,她無法恨他。


這一天,她失戀了,這時她才了解,自己有多愛他,過去的每個片段,就像電影搜畫般一幕幕在腦海重播。長達十二年的初戀,就這樣宣布結束了。

她請了數天病假,沒有人能夠聯絡上她,不曉得是真的病倒,還是害相思病;只知道這數天後,她又如常上學,如常跟男孩一起,只是她再不讓自己嫉妒,她學會安守本份。

過了半年,她交了第一個正式的男朋友,可是男孩卻不大高興,她不解,他們不是好朋友嗎?為何他不支持她呢?難道他在吃醋嗎?男孩說:「他不是好男生!」如他所願,他們交往不到一個月便分手了;然後女孩交了第二個男朋友,是男孩班上的同學,他們也是藉由男孩而認識的,這一次他雖然沒有反對,可是在他們開始交往之後,卻顯得悶悶不樂,「也對,這就像同一時間失去了兩個好朋友嘛!」女孩這麼想。

每當女孩跟男友吵架時,男孩都會出面調解,也只有這種時候,他才會在他們之間出現;為著這個原因,女孩總愛三日一小吵,五日一大吵的,卻從來沒有考慮到男孩的感受。


十五歲,中四,他們再一次被編在同一班;這時女孩剛與她的第六個男朋友分手,男孩卻從未交上任何女朋友,女孩大惑不解,她不是未嚐試探他的口風,只是他總是推說學業為重。

她明白為何自己每次談戀愛都無疾而終,她交男朋友也只是為了試探他的反應,她做每一件事都是為了他;原來她那單純的初戀並沒有結束,即使只是單方面的。

此後,女孩再沒有交男朋友,一直以來,她的心裡都只有他。

他倆再一次一起騎腳踏車上學,他溫柔依舊,而她只有愈來愈死心塌地。

中七會考放榜,女孩沒有預期的好成績,只能入讀香港的大學;男孩如他所說的「學業為重」,考進外國數一數二的專上學府,這一次,他們真的要分開了…

「開學前的這段日子,讓我當你的女朋友吧!」

女孩作出了生平第一次表白,她知道機會渺茫,可是她不想後悔。

這時,男孩對她說:「妳是很好的女孩!是我無福消受罷了!」

女孩無奈:「你有喜歡過我嗎?」

男孩欲言又止:「我不會喜歡別的女孩比喜歡妳更多…」

女孩哭了:「那為什麼…」

男孩憐惜:「別再為我哭了,我不值得。愛上我不會有結果的。」

「不要可憐我,不喜歡我別跟我說這種話!」女孩哭得更狠。

男孩不忍,他真的重視她:「假如我喜歡女孩子,我一定會愛上妳的!」

女孩不解,瞪眼看著男孩:「……」

男孩開始給她解釋,解釋他一直沒有交女朋友的真正原因,那一年替她和男友做中間人的痛苦,第一次發現自己與眾不同,第一次面對他們之間的緋聞,明瞭她的心情時的憂慮,告訴女孩,他有多在乎她…

「為什麼我不是男孩子?」女孩笑了,含著滿眶眼淚,除了為自己感到無奈,同時,她了解到自己的殘忍。

終於,男孩走了,話別時,他們互相擁抱,彼此送上無限祝福。

維持了一段時間的通信,後來女孩搬離了一起長大的花園,陰差陽錯下失去了聯絡。

偶然女孩會聽見男孩的一些傳聞,有說他畢業後留在外地工作,在開放的國度裡覓得真愛;而男孩也不知從那裡聽說她嫁得很好之類的。 

*   *   *   *   *   *   *   *   *   * 

忽發奇想,為了緬懷過去,今天來到這闊別多年的老地方──我們的花園。這兒的一草一木還是老樣子,可是當年管理處的那位叔叔卻已換成了一位年輕人了;走過從前跟你一起走過的路,彷彿還聽見從前的歡笑聲呢!

假如再遇上你,我會告訴你,我很幸福,因為我的生命中有你!

 

啊!那背影怎麼有點眼熟?

(完)

2000/11/5


食譜~蝦子柚皮

蝦子柚皮


食譜:

 

柚皮1                 Pomelo Peel

清雞湯250ml         Chicken Broth

彊二片                  Ginger

蝦子一湯匙          Shrimp Rose

500m l

 

:

蠔油       1Tablespoon

生抽        1teaspoon

老抽        0.5teaspoon

生粉        1.5 teaspoon

            0.5 teaspoon

            1Tablespoon

            1teaspoon

麻油        1teaspoon

 

製法:

1.      將柚皮去青色皮

2.      先用浸一小時,撈起後輕手搾乾水份,之後換水再浸,重覆此步驟四五回,直至瀘清苦澀味

3.      再用清水加少許鹽煮至淋身備用(出水,煮走苦澀味)

4.      用一匙油起鑊,爆香蝦子,再落清雞湯,加蠔油、麻油、胡椒粉,生粉水打芡,再放入已的淋身柚皮燴一暫。

 

貼士分享:

蝦子要用白鍋炒香才用,這樣可去「聲」味,要用小火,否則會燒焦。

抽皮最好選廣西的,黃色抽頂有特厚肉那種,炒出來的抽皮才不會淋
pakpak

抽皮先要出水
(
),略為煮軟身後才用泠水浸,之後換水再浸,重覆此步驟四五回,直至瀘清苦澀味,要吃一小角試確定沒有苦澀味才煮。
配以江搖柱會更鮮甜


-2.6

輕返2.6磅, 去返123, 輕返尋日重左o個2磅~總算去返一個近排見過既數字…不過其實只係7月齊齊減肥大行動之前見過, 再之前都已經係年幾之前><"

尋日勁食生果去左幾次xx之後, 腰腩pat瘦返半-1寸XD

今日唔好再偷食喇XDDD

 


Monday, August 27, 2007

紫菜

除左威化餅之外另一食唔停口零食

我本身唔係一個零食狂熱愛好者, 雪糕朱古力餅乾薯片糖我都唔好, 不過總有D死穴…

紫菜可以算係減肥零食之選, 不過原來一包小包紫菜就有10kcal, 食十包都唔會飽, 但就已經同食左2個橙差唔多… 我每次一食就計唔倒食幾多…=0=

但係原來佢係冇脂肪同碳水化合物, 能量可能都係黎自每4g紫菜就有2g既蛋白質, 1g蛋白質就有4kcal, 2g就有8kcal, 另外紫菜高鹽, 易引致水腫, 所以減緊肥都係唔好食咁多喇:p

我都收口喇~~

因為又俾我食晒XDDDD

今日食左好多生果喇~~早餐食左一個尋日整既紙包蛋糕, 之後返到學校做左一輪野有時間又餓就食左3個恐龍蛋, 跟住lunch食1個水蜜桃同2個橙, 下午茶再食多個桃同橙, 返到黎又食左3個恐龍蛋…跟住就係無數咁多四洲紫菜~~~~~ 不過總算以生果為主, 今日個肚成日都谷住谷住, 飲多d水幫助排便先~


十磅

今日上磅, 比一個月前重左十磅! 比尋日重左2磅!!

於是今日食生果餐, 食返幾日清清腸胃先

真係覺得自己肥左, 仲要係肥左好多!度起黎都覺

好耐冇見過呢個數字

太~可~怕~喇~~~~~


Sunday, August 26, 2007

誠徵萬寧印花

由17/8-20/9o係萬寧買野儲印花可以換購麵包機、雪糕機或者揸汁機!!

依家有3個~有冇人唔要可以俾我呀!?


紙包蛋糕III


今次係第三次整紙包蛋糕(唔計小蛋糕o個次)同樣係跟返區倩兒既食譜~

上次跟棉花蛋糕既做法加左粉先加奶, 同埋冇用打蛋器打粉, 今次就照返食譜做, 同第一次一樣。

今次好似冇上次縮得咁勁! 不過都唔敢咁熱帶佢出街

食評: 第一口食落都濕濕地, 不過食食下又乾身返~

但係究竟點解個面會爆既呢?好似muffin咁@@ 同埋都係麻麻地上色, 臨尾加左溫~

依家放左o係屋企, 返到去唔知會唔會縮呢?(結果係縮左架, 不過冇上次咁嚴重, 到今朝食o個陣已經硬左好多…>< 點解決!?)


大班冰糖血燕冰皮月餅



佢話見我咁乖~獎我既~^0^

好勁呀個名!!! 血燕呀~~~從來都未食過!!

好好味呀~~好~開~心~^0^

即晚KO左~^皿^


Saturday, August 25, 2007

大埔墟鳳爪

大埔墟富善街街市附近一檔賣酸齋既鋪頭有好多口味既鳳爪賣, 雜誌有介紹過架~

原來佢係同一兜雞腳, 分唔同醬汁~

分有骨用無骨~有骨$22, 冇骨$28~

今次買左泰式冇骨~ 好味喎~~ D汁好味~鳳爪又爽口~ ^0^ 推介~~


菜心炒牛肉+蒸帶子

爹地仔主理~^0^

俾人挑起條執屋筋…今日執左成日屋1繼尋晚洗左廚房之後今日洗埋廁所(抹牆抹洗手盤底抹馬桶洗蚊網)~抹左窗(搬左黎呢度之後都未抹過…= = 不過今次只係o係出面抹…驚整濕入面…真係好多塵… = = 第一次執個琴上面d野, 棟好晒d琴譜~搵倒舊年去台灣簽證既飛仔…同埋03年去泰國飛機上面o個包果仁=口=)執左電視櫃, 第一次抹鐵閘…抹門口出面個櫃…倒左4-5袋垃圾…執埋房(呢度執得比較密)跟住掃地拖地, 再褶埋積落既幾機衫…咁就6個鐘…仲有雜物房都未執…=0=

daddy仔見我咁乖就買送返黎煮飯我食~^0^

好淋既牛肉+炒得o岩o岩好既菜心~^0^

蒜茸蒸帶子($20/10隻~~好抵~!)


成功左?

尋日開完會飲茶見倒個個幾月冇見既同事, 7月頭同佢講過齊齊減肥大行動呢樣野, 佢一見倒我就話「你又成功左咯喎~」

「下? 我肥左喎…」

「係~咩?我覺得你好似又瘦左」

「我黑左JE~」

男友話:「你真係成功左呀~肥左人地都覺得瘦左,減肥都係想人地覺得瘦JE~」

XDDDD 係~喎~XD


薯仔薄餅


睇見yycake同大少奶整左薯仔扮pizza幾吸引又好似幾簡單, 今晚都試左~不過唔知要幾多粉同焗幾耐…可能太多粉同太厚…唔脆既…><"

好香薯仔味~我用左美國焗薯~又加左少少蛋白、黑椒同香草o係個薯餅度~

面層餡料有青椒、蕃茄、洋蔥同巴馬芝士~

食評:專員話幾好味呀,冇肉架?好健康

XD 係呀~本來唸住落鹹牛肉,不過唸住有雞翼唔落都OK,整個田園薄餅~

是日晚餐仲有炒菜同香草雞翼(雞翼係百佳醃好晒既~)

放工睇完牙勁眼訓…放棄左出二記…行完吉之島十蚊店 (買唔倒肥豬沐浴露, 反而買左條狗帶、狗按摩刷、棉花棒、2個kitty鐵盒睇下有冇機會整曲奇送禮用、鞋抽、仲有一樣唸極都唸唔倒= =)就搭車返歸…本來唸住訓晏覺唔煮飯, 不過回程又ok喎, 冇訓到, 返到黎煮好飯食埋之後仲洗左個廚房…做左2個鐘頭鐘點女傭…洗左d陣年污跡!


Thursday, August 23, 2007

提拉米蘇 for 河童


第一次整切版提拉米蘇~之前只係整過2次筆版~

今次其實係用返之前個譜, 加左6g魚膠粉+48g水XD 並唔係跟切版提拉米蘇食譜整:P 唔知點解唔想落cream, 好似會太奶d味唔似之前咁好

今次仲擅自加左d咖啡酒同rum酒o係d cheese度~食落又好似好味d喎~:p 唔知呢~

上次食o個時覺得d 芝士唔夠味, 不過今次再試真d本身舊芝士就係咁淡, 改cream cheese又太搶~

本來要雪一晚, 我只係得2個鐘時間…雪左上冰格^^" o岩o岩甩左模先醒起未落可可粉…太早落又驚太濕, 太遲落又驚整倒側邊唔靚…

唸過帶埋d粉同篩去到先加架…不過實在太樣衰= =" 都係臨出門口之前加啦:p

今次冇咩裝飾, 簡簡單單加塊葉~ 依家棵薄荷已經生左好多好多葉喇~~我日日都有同佢淋水架~~不過之前生得好高o個d依然係企唔穩…

希望一陣出到去唔好lum檔啦…= ="

 

(除左薄荷葉之外, 最後都係加左少少裝飾^.^)

(原來甩左模先落可可粉個邊係唔會唔靚架XD)

食評:原來真係唔可以減魚膠粉:p 去到食埋野大約離開左雪櫃2個鐘個底已經開始溶, 食落仲有d水…同o係屋企食好唔同>< 不過味道都幾好~我又唔想落cream同咁多魚膠粉, 下次都係唔好帶佢出街喇~


922BBQblog聚

唔知幾位生日之星9月22有冇問題?冇既話就作為九月之星blog聚, 有就再約~

日期:2007/9/22(SAT) (25/9中秋)
時間:下午
地點:大埔蠍家

報名:
1. 蠍+1
3. 閃閃
4. AMY+銳
6. Cherub
7. 丁屎+1
9. 靚表姨(下午)
10. °☆°~ 史力奇 ~°☆° (晚上)
11. catfood.com+ Irene
13. 小魚
14. rankura +1

各位BLOG友請注意~今次由於係O係我屋企舉行既關係, 只歡迎見過面或傾左好耐既BLOG友參加

我亦已將呢篇轉左做只限朋友睇倒, 如有不便唔好意思 ^^"


伴手禮~果醬墨西哥包(老麵)


今朝一早起身搓麵糰整左幾個包包俾K聚既blog友~好地地整動物迷你包咪好囉, 又走去睇食譜學人整果醬墨西哥包…又懶得o即(好似好少漿, o即又好有難度咁…)又唔記得篤少少凹位裝果醬搞到走晒位= =搞咩………

最後揀左幾個靚仔少少既送俾人~呢d係剩返落黎樣衰衰既…

睇見本食譜好上色, 我又唔上喇…不過出面d墨西哥皮又好似都係唔多上色喎…

出爐冇耐就入袋…搞到好多水氣…

唉…下次都係唔好搞咁多新意思…整返d熟手野好d= ="


菓一道@沙田

呢度D野又幾好食~我嗌左個香草檸檬烤雞伴芒果三色糙米飯~

淨係個賣相已經殺晒~不過D飯既味道就冇對面既BLING BLING O個碟炒三色飯咁好喇~佢D汁勁正, 不過其實我D茄汁都好正~不過就要自己撈飯~我D雞又多又好味~仲有蒜頭同大大碌青瓜, 不過蒜頭唔夠熟, 熟D仲好味~ 芒果亦好甜~^^b 同yan1984share左+18轉套餐(有合桃包
南瓜紅腰豆濃湯(好味~)

餐飲要左柑桔青檸, 甜品要左黑芝麻雪糕(唔多好黑芝麻雪糕既我都覺得好香好好味~)仲有海藻果凍2選1, 唔知好冇味呢~? 我個飯$58, (410kcal, 未計套餐)+$9半個餐再加一=$74~都唔平, 不過物有所值, 綜合各位意見都話幾好味~


Parkview @ 沙田

一行四人去左新開既Parkview, 原來係食organic food既~? 唔睇返張卡片都唔知:P


見佢個HIGH TEA賣相勁吸引, 引左我地4隻為食貓入去~但最好味既居然係咖哩魚蛋@@" 冇錯! 一個好高貴既2層架上面有咖哩魚蛋… 好好味呀~仲有煙三文魚三文治都好味~菠羅都好甜~TIRAMISU有DD酸, CREAM CAKE正常水準其實都唔錯既, PEACH TART都好正常, 不過曲奇就淋既, 但都幾香, 仲有春卷都係淋既, 味道都OK。連2杯餐飲, 要左橙汁(好甜, 不過都飲得晒…)$79+10%

再要多個白汁海鮮天使麵, 好似$3X+10%(包餐飲), 呢個好味喎~好味過之前O個SET, 食完只係令我想買O個個架返屋企自己整, 應該唔會再食第二次喇…係佢D粉麵就反而有興趣, 又唔貴~^^~ 臨走7點倒見倒隔離SHAKEY已經水洩不通(即係之前深圳食過O個間), 呢度仲係冷清清, 不過環境就比較清靜。(茶餐到5:30)


Wednesday, August 22, 2007

822BLOG聚(K聚短片加入)

隔左一日, 又黎blog聚XD 今次呢班係減肥之友~減到咁上下今日一齊出黎增肥~XD

首先晏晝K 聚, 有BLING, 銳同YAMAHA, 同埋夜晚黎唔倒既甜睡寶寶, 同唔係減肥之友既懶貓~

今朝一早9點就起左身搓麵糰整左幾個包仔俾唱k既blog友仔~整左舊甜麵糰本來整迷你動物包就好好地, 點知又跟食譜整左墨西多面+果醬, 用錫紙撻底裝個麵糰整, 整左出黎唔知似咩…影左相都費事post= =嚇死人…揀左最好相o個幾件出去俾佢地…

阿銳最堅~lunch hour黎唱!! 咁我地緊係俾佢唱先啦~~時間無多~~ 又話要唱周杰倫~點知唱得一首~你夠唔夠喉架~~? bling都係第一次見XD 唱K都唔多出聲,  好似只係高歌左2曲?懶貓同甜睡寶寶都好好歌喉~~~寶寶唱梁靜茹好似!!*0*


傾下教書傾下結婚生仔~傾下減肥傾下食野, 都唔記得傾左d乜XD

不過只係俾我地唱到4點…之後要等成3個幾鐘先到夜場~我地行左陣都唔係好對路, 又冇戲O岩睇, 於是去左..............................................

 

食T XDDDDDDDD

甜睡寶寶離開左我地之後, 我地一行四人去左新開既Parkview, 原來係食organic food既~? 唔睇返張卡片都唔知:P


見佢個HIGH TEA賣相勁吸引, 引左我地4隻為食貓入去~但最好味既居然係咖哩魚蛋@@" 冇錯! 一個好高貴既2層架上面有咖哩魚蛋… 好好味呀~仲有煙三文魚三文治都好味~菠羅都好甜~TIRAMISU有DD酸, CREAM CAKE正常水準其實都唔錯既, PEACH TART都好正常, 不過曲奇就淋既, 但都幾香, 仲有春卷都係淋既, 味道都OK。連2杯餐飲, 要左橙汁(好甜, 不過都飲得晒…)$79+10%

再要多個白汁海鮮天使麵, 好似$3X+10%(包餐飲), 呢個好味喎~好味過之前O個SET, 食完只係令我想買O個個架返屋企自己整, 應該唔會再食第二次喇…係佢D粉麵就反而有興趣, 又唔貴~^^~ 臨走7點倒見倒隔離SHAKEY已經水洩不通(即係之前深圳食過O個間), 呢度仲係冷清清, 不過環境就比較清靜。(茶餐到5:30)

終於等到7點幾, 懶貓帶我地去菓一道, AMY同丁屎+1已經到左~~食左AMY既紅豆蛋糕仔(好香紅豆味既雞蛋仔~都係我唔好…冇講明邊個譜我冇試過XD你下次都係問左我先用呢度D譜啦XDDDD), 又收倒史力奇既綠茶&朱古力曲奇(*口*唔記得影相呀!!!食晒喇!!! 好食到唔停得口呀!!!)~繼而拎左我既蝴蝶酥出黎分~~

呢度D野又幾好食~我嗌左個香草檸檬烤雞伴芒果三色糙米飯~

淨係個賣相已經殺晒~不過D飯既味道就冇對面既BLING BLING O個碟炒三色飯咁好喇~佢D汁勁正, 不過其實我D茄汁都好正~不過就要自己撈飯~我D雞又多又好味~仲有蒜頭同大大碌青瓜, 不過蒜頭唔夠熟, 熟D仲好味~ 芒果亦好甜~^^b 同yan1984share左+18轉套餐(有合桃包, 南瓜紅腰豆濃湯(好味~)
, 餐飲要左柑桔青檸, 甜品要左黑芝麻雪糕(唔多好黑芝麻雪糕既我都覺得好香好好味~)仲有海藻果凍2選1, 唔知好冇味呢~? 我個飯$58, (410kcal, 未計套餐)+$9半個餐再加一=$74~都唔平, 不過物有所值, 綜合各位意見都話幾好味~

今日照舊好好傾, 11個出席, (次次飯聚都十人以上XD)張檯又唔算大, 唔會頭尾唔知發生緊咩事~:P

第一次見既有阿銳, 唔係好出聲有少少怕醜咁, 上到火車好D喇XD史力奇都好好傾, 冇咩代溝仲以為同年, 點知又係細過我~ U0U 大家都係大埔柚~^.^ 仲有正式黎講都係第一次見既+1, 好Nice咁幫我地影相~~


(差D唔記得就走:P)

丁屎條裙依然係咁短, 丫唔係, 今次係褲… 我同YANO係檯底望左好耐都見唔倒條褲@@ 我開頭只係見倒小腿…跟住YAN借位俾我終於望倒…大脾…都係望唔倒條褲XD直到佢起身先望倒XD

AMY成為左今晚既主角~AMY公主~(差d唔記得多謝你2盒九層糕粉~^0^)

銳同志, 加油啊~

今晚…究竟有幾多時間講減肥呢XDDDDDDDD


十二星座IQ高低(排名)

十二星座IQ高低(排名)

天蠍座IQ指數 智商:140


天蠍座說起來的是確聰明得有點過頭了,所以很多人說他們是奸詐的,其實天蠍只不過不太愛顯露,經常在人背後做事,所以給人一種非常神秘的感覺!如果天蠍正確發揮他們那超常智慧的話,工作,學習,愛情,家庭都會取得巨大成功的!

摩羯座IQ指數 智商:135
大智若愚的魔羯座,是唯一能與天蠍在智慧上相比肩的星座。摩羯有很多先天性優勢:聰明勤奮,上進內斂,目光長遠,老謀深算。在運籌帷幄和控制全局方面出類拔粹,旁人難以望其項背,這些資源令他們事業上的成績頗為顯著。但摩羯生性多疑,常因此而吃被人利用的虧 。

雙子座IQ指數 智商:130
  雙子天生聰明,反應敏捷,文武雙全。對各樣新奇事物都有興趣去瞭解,使自己的思維不斷擴大。他們足智多謀,擅長溝通,容易令人明白自己的意念,以及影響別人的思路。況且凡事都懂一點的表現,令人崇拜。這些優點可能是因為雙子有兩個腦袋吧。

人馬座IQ指數 智商:125
  人馬座彷彿注定是上天的寵兒,他們的智慧多數發揮在學東西方面,尤其是語言,很快上手。問題分析這環較弱,往往都有好主意、好辦法。而且懂得把握機會,將自己多方面的才華盡量顯露於別人眼前,受人讚賞。

金牛座IQ指數 智商:110  
 金牛能冷靜分析每件事的好與壞。他們很懂得保護自己,與第一次見面的人會保持距離,先觀察一下對方有什麼任何企圖,確定了對方是安全無害後,才會放心與人溝通。想捉弄金牛都挺難的,除非你是捉弄人的專家。

處女座IQ指數 智商:105
  處女有冷靜分析的頭腦,是處理棘手問題的高手。做每件事之前都要經過嚴謹仔細的考慮,才敢下手,以免犯錯。可能由於過分細心,所以動作通常都好慢。即使頭腦轉得夠快,但動作永遠都配合不到,有些浪費天賦的智慧。

水瓶座IQ指數 智商:102
  水瓶好頑固,又獨斷獨行,可能以為自己的智慧足夠聰明地去應付一切,所以任何事都不能抱著客觀的態度去分析。聰不聰明這件事不是你自己決定,而是別人的認為。別人會由你做事的結果,來斷定你是否真的聰明。

獅子座IQ指數 智商:100
  獅子自視過高,過分自滿,難以接受別人的批評。他們在體諒別人、講道理方面比較差,有組織計劃的頭腦,卻沒有化解細節與問題的技巧。分配及命令別人的能力就很強,但分析及變通能力則較弱。

天秤座IQ指數 智商:95
  天秤有一個優柔寡斷的缺點,即使他有多的高智慧也好,永遠都是手不對心。遇到問題就更加不用講,絕對是沒建設性的決定。有無智慧就真的要問他們自己才知道了,皆因他們懶散的態度就讓人覺得他們是笨笨的。

巨蟹座IQ指數 智商:90
 巨蟹一般都不瞭解自己的個性,可能被天生的慈愛及敏感遮住了眼睛。事實上,他們的想像力非常豐富,應該是個聰明人。只不過整天用錯地方,將自己的智慧運用得不適當,被自己的本能反應搞到受傷害。

白羊座IQ指數 智商:80
  白羊座性子過急,做事雖然果斷,但往往都會把事情看得太簡單,而且情緒反應強烈,喜歡時就大笑,不喜歡時就大哭,給人一種頭腦簡單的感覺。「三思而後行」這句話,白羊永遠都用得著。他們通常都是動武多過動腦,只會使蠻力。

雙魚座IQ指數 智商:75
  雙魚真是再聰明也有限呀,因為他們多數會為人著想,對自己有利的事就多數不去做,一遇到問題或者挑戰,都會找藉口逃避。不知道是因為想不到辦法去解決,還是根本就知道自己沒什麼智慧,所以懶得再去浪費腦汁了?

http://www.lalulalu.com/thread-415818-1-1.htm


伴手禮~蝴蝶酥

切左少少出黎試下D酥皮掂唔掂先~都OK喎~

早幾晚整定放O係冰格, 真係可以得閒整定多D, 好方便~

正式黎料既第一爐焗焗下先醒起唔記得落糖=口= 舊酥皮係冇糖架……… 惟有O係面加糖再焗多陣…

底O個D細塊D就係唔記得加糖O個爐…好在唔係一次過焗晒…仲有一熔爐褶心形o個陣落左糖~又包得冇咁緊~鬆d冇咁硬:p

整得唔多, 冇得一人一袋^^" 即場食架咋…


Tuesday, August 21, 2007

食譜~薯仔扮PIZZA

一個薯仔刨絲加少少鹽、少少麵粉撈勻,盡量鋪平於鑊煎香

再加上蕃茄意粉醬及芝士鋪上面再焗溶芝士

唔好落太多油煎,煎只不過係想成型,因為之後會焗都會脆

就做成呢個 扮 "pizza"


九月之星blog聚(提議)

八月之星o岩o岩先慶祝完又要唸唸九月既活動喇~^0^

之前定左930北上尋寶團一來撞左catfood正日生日, 二來唔係個個鍾意北上, 三來唔係個個有興趣行廚安居~我同amy唸住又一開二~XD

大家對於日子同活動方面有咩提議?

丁屎:遊船河

史力奇:近中秋BBQ/PARTY

AMY:新日與夜咖啡室

銳:遊山玩水


lunch@IKEA


IKEA真係一個好適合切餅既地方~冇人理你~不過星期日lunch hour原來勁多人~開頭唸住去試新野, 點知多人到爆, 估唔到黎到呢度都仲要等位@@平時次次黎都冇人

今次照舊要左個肉丸, 可惜有牛mecca唔食得… 每一次食都覺得咁美味~:D~~~ 尤其是呢度D汁, 之前食過豬扒同雞都冇今次既意粉同寬條麵咁好味~因為D肉唔入味…而粉就勁多汁(mecca叫左佢多汁^.^)

mecca盛讚既12蚊兒童餐, 好茄, 應該係用茄膏煮汁

估唔到又幾好味既闊條麵

實物賣相同餐牌差幾幾皮既三文魚, 薄ee一d都唔紅, 不過又幾好味~尤其是個芥末醬~:D~~~~~

每次黎都一定要嗌, 十個推介又十分之抵食既招牌肉丸($19/10粒>< D焗薯都係咁好味~~~)
每次黎都發覺餐牌d野食唔同左, 唯獨是呢個肉丸同沙律不變~

試過呢度d cake好麻煩…

主角mauph與蛋糕~~其實我地此行目的係同mauph食呢個蛋糕補祝生日, 所以大家都留左肚~~
切餅o個陣仲有個小妹妹行過話: 「呢度有餅食架~」XDDDD

mauph~生日快樂~^.^

一去到佢地就送左2袋Mrs Field's cookies同brownies俾我 >3< 仲特登打黎問我之前話好食既係邊隻, 同埋有冇試過佢d布朗尼~真係冇唸過係買俾我呢~~>333<


食譜~酥皮奶皇月餅

酥皮奶皇月餅

牛油50g、糖粉30g、蛋12g、低筋粉72g、奶粉12g、吉士粉8g、雲呢嗱油1g、咸蛋黃4個、奶皇餡240g

將牛油,糖粉拌勻加入蛋攪勻,加入所有粉類和香油,

將蛋黃包入奶皇餡每份20g,麵糰20g

上火220℃下火130℃焗15分鐘

或190℃焗16分鐘


822 兩次blog聚(最後召集)

日期:22/8(星期三)
時間:1:15pm
集合地點:沙田火車站閘口Mrs Field's

報名:
1. 蠍


2. 懶貓
3.
blingbling 

4.
martinmak睿:[音:銳]

5. yamaha
6. 甜睡寶寶

地點: 沙田菓一道

http://www.openrice.com/big5/sr2.htm?shopid=11556
地址 : 沙田新城市廣場3期地下A184-187 號舖
電話 : 2688 2083
日期: 22/8(星期三)
時間: 7:15pm
集合地點:菓一道門口

1. 蠍


2. 丁屎+1

4. yan1984

5. Amy

6. 阿心
7. blingbling
8. 銳
9. yamaha

10. 茜茜
11. 史力奇
(7:30)
12. rankura(8點幾)

BOOK左13位, rankura唔知黎唔黎倒到時再加~ 菓一道O個位姐姐仔聽倒我book13位打左個突@.@ XD

 參加版友: (26人)
yan1984AmyCherub魔女丁屎sukirankura魚子醬嘉露物語blingbling
甜睡寶寶kinki阿心、同事A、martinmak銳史力奇茜茜FanFanKylielydiangelhk
Tabby車梨靚表姨雪雪Kocy後來

齊齊減肥大行動~報名處八月版聚報名